Leigumorðingi í hefndarhug

Leikarinn Keanu Reeves fer með titilhlutverkið í spennumyndinni John Wick. Í myndinni leikur Reeves leigumorðingja sem missir allt sem honum er kærast.

Wick missir konuna sína og eftir það er bílnum hans stolið af glæpagengi með þeim afleiðingum að þeir drepa hundinn hans í leiðinni. Wick ákveður í kjölfarið að leita hefnda og eltir gengið uppi, en þá upphefst ný flétta, þar sem faðir aðalþorparans er glæpaforingi í New York.

Í dag var opinberuð ný mynd af Reeves í hlutverkinu sem má sjá hér að neðan.

GZ4Xv2t

Leikstjórar myndarinnar eru David Leitch og Chad Stahelski, en í myndinni rekur hver fléttan aðra. Handrit skrifaði Derek Kolstad, en ekki er vitað hvenær tökur hefjast. Með önnur hlutverk í myndinni fara m.a. Willem Dafoe og Adrienne Palicki.

John Wick verður frumsýnd vestanhafs þann 24. október.