Nýtt kynningarmyndband um Star Wars: Battlefront

Nýr tölvuleikur byggður á Star Wars-myndunum er í gerð, en hann ber heitið Star Wars: Battlefront. Í dag frumsýndi tölvuleikjaframleiðandinn EA kynningarmyndband um leikinn.

Star-Wars-Battlefront

Í myndbandinu er farið í gegnum gerð tölvuleikjarins. Meðal annars er sýnt frá því þegar hönnuðir leikjarins fara á tökustaði upprunalegu myndanna og þegar þau heimsækja Lucas Cultural Arts Musem.

Star Wars: Battlefront kemur út á næsta ári en leikurinn er hannaður af fyrirtækinu DICE, sem hefur áður gert leiki á borð við Battlefield. Leikurinn verður fáanlegur á PlayStation 4, Xbox One og Microsoft Windows.

Hér að neðan má sjá kynningarmyndbandið fyrir leikinn.