Heimildarmyndin Heild verður frumsýnd þann 4. apríl næstkomandi. Myndin notast ekki við neinn söguþráð er hún sýnir frá Íslandi í sinni fegurstu mynd.
Í myndinni fá áhorfendur að kynnast Íslandi frá nýjum sjónarhóli í gegnum augu hátæknikvikmyndatökuvéla; jafnt stöðum og landslagi sem flestir þekkja vel sem földum gimsteinum sem skipta þúsundum og fáir hafa séð. Það er einungis á færi mestu ævintýragarpa, ofurhuga eða innfæddra að finna þessi huldusvæði. Auk þess krefst það einstakrar þolinmæði og ímyndunarafls að fanga þá á filmu á hárréttu augnabliki.
Heild er framleidd af íslenska framleiðslufyrirtækinu TrailerPark Studios. Leikstjóri myndarinnar er Pétur Kristján Guðmundsson og tónlistin í myndinni er eftir Professor Kliq, Ólaf Arnalds, Friðjón Jónsson, Trabant og Mono.
Hér að neðan má sjá bráðfallega stiklu úr Heild.
