Við höfum sagt reglulega fréttir af ráðningu, eða orðrómi um ráðningu, leikara í Warcraft, mynd Legendary kvikmyndafyrirtækisins sem gera á eftir tölvuleiknum vinsæla World of Warcraft. Við höldum nú uppteknum hætti, en Ben Foster, Toby Kebbell og True Blood leikarinn Robert Kazinsky hafa nú bæst í leikarahóp myndarinnar.
The Hollywood Reporter vefmiðillinn segir frá því að Mamma Mia leikarinn Dominic Cooper sé einnig á lokametrunum í samningaviðræðum við framleiðendur myndarinnar.
Travis Fimmel og Paula Patton eru nú þegar staðfest sem leikarar í myndinni. Leikstjóri er Duncan Jones, en tökur hefjast í janúar nk. í Vancouver í Kanada.
Næst má sjá Ben Foster ásamt Mark Wahlberg í hinni sannsögulegu stríðsmynd Lone Survivor. Cooper leikur í Captain America myndunum, og lauk nýverið við að leika í Dracula Untold, ásamt Luke Evans, eða Captain America öðru nafni.
