Leikkonan Alicia Silverstone hefur hvatt aðdáendur sína til að fjárfesta í umhverfisvænu kynlífsleikfangi sem kallast Laufblaðið, eða The Leaf.
Silverstone, sem sló í gegn í Clueless, er þekktur aktívisti og grænmetisæta. Á vefsíðunni Opensky.com lýsir hún yfir ánægju sinni með leikfangið og bætir við að ekki sé verra að það sé búið til úr umhverfisvænu sílikoni og það sé selt í endurvinnanlegum umbúðum.
„Ég er ánægð með að það lítur bæði náttúrulega og kvenlega út. Það hræðir mann ekki. Það er gott að geta verið umhverfisvænn en á sama tíma í góðu stuði,“ sagði hún, samkvæmt frétt Contactmusic.com.