Lögfræðingur leikkonunnar Amanda Bynes hefur lýst hana saklausa af tveimur árekstrum, þar sem hún á ekki einungis að hafa keyrt á, heldur stungið af frá slysstað í kjölfarið.
Lögfræðingurinn, Richard Hutton, lagði fram þessa málsvörn leikkonunnar fyrir rétti í Los Angeles í síðustu viku. Mál leikkonunnar fer aftur fyrir rétt 19. október nk.
Árekstrarnir sem leikkonan, sem er 26 ára gömul, er ákærð fyrir áttu sér stað 10. apríl og 4. ágúst, en fleiri upplýsingar voru ekki gefnar. Fyrra slysið átti sér stað nokkrum dögum eftir að Bynes var tekin föst grunuð um að hafa keyrt undir áhrifum áfengis. Bynes hefur einnig lýst sig saklausa af þeim ásökunum.
Amanda Bynes er þekkt úr myndunum Easy A og She´s The Man, þar sem hún lék stúlku sem brá sér í gervi stráks.