22. júlí 2012 1:34 | Þorsteinn Valdimarsson
Steven Spielberg vill Chris Hemsworth
Varla eru það fréttir, hver vill ekki Chris Hemsworth?

En allavega, til þess að taka smá frí frá fréttum um DC ofurhetjur má greina frá því að eftirlætis þrumuguð okkar allra úr Marvel heiminum mun líklega halda áfram að bjarga heiminum á eftirminnilegan hátt í kvikmyndahúsum nær og fjær. Ekki bara í Thor: The Dark World (ég kunni nú bara ágætlega við titillinn Thor 2, en hverju ræð ég), því líkt og fyrirsögnin gefur til kynna hefur Steven Spielberg nú augastað á fyrrum áströlsku sápustjörnunni í aðalhlutverk aðlögunar sinnar á vísindaskáldsögunni Robopocalypse, sem áætlað er að komi í bíó í apríl 2014.

Og um hvað fjallar stykkið? Jú, rétt til getið, vélmenni reyna að taka yfir heiminn, og mannkynið heyjar styrjöld sér til varnar. Spielberg lýsti hugmynd myndarinnar svona fyrr í vetur:

"Þetta er alþjóðlegt stríð á milli manna og véla. Þetta er framtíð sem er að nálgast hraðar en nokkurn óraði fyrir. 'Robopocalypse' gerist eftir 15 til 20 ár, þannig þetta verður önnur framtíð sem varðar okkur. Hún er um afleiðingar þess að skapa tækni sem gerir líf okkar auðveldari, og hvað gerist þegar sú tækni verður gáfaðari en við. Þetta er ekki nýjasta þemað og það hefur verið notað í gegnum nánast allar vísindaskáldsögur, en þetta er þema sem samsvarar okkur meira með hverju líðandi ári."

Það er hughreystandi að heyra það að gamli refurinn áttar sig á því sjálfur að vélmennastríð er ekki beinlínis ferskasta hugmyndin á hlaðborði vísindaskáldskaparhugmynda, þannig að vonandi hefur hann einhverja ferska nálgun í huga sem við höfum ekki séð margoft áður. Að fá Hemsworth inn í aðalhlutverkið er allavega góð byrjun í minni bók.

Það næsta sem ég komst því að finna mynd af Hemsworth með vélmenni

 
Höfundur: Þorsteinn Valdimarsson
Hafnfirðingur, heimspekinemi, breytönd, kvikmyndanörd og nörd svona almennt séð.
NÝLEGAR FRÉTTIR
30.04.2016
Ný Lara Croft fundin
Ný Lara Croft fundin
Óskarsverðlaunaleikkonan Alicia Vikander hefur verið ráðin til að leika aðalhlutverkið í tölvuleikjamyndinni Tomb Raider. Leikstjóri verður Roar Uthaug, leikstjóri The Wave, sem verður frumsýnd hér á landi 6. maí nk. Myndin mun segja sögu Croft á yngri árum, í sínu fyrsta ævintýri. Flestir ættu að muna eftir Angelinu Jolie í fyrri tveimur Tom Raider myndunum,...
meira
29.04.2016
Ferrell hættur við Reagan
Ferrell hættur við Reagan
Við sögðum frá því í gær að gamanleikarinn Will Ferrell myndi leika Ronald Reagan fyrrum Bandaríkjaforseta í nýrri gamanmynd sem er í bígerð.  Nú berast hinsvegar fréttir af því að Ferrell hafi hætt við þátttöku í myndinni, mögulega vegna óánægju fjölskyldu Reagans. Myndin á að gerast við byrjun annars kjörtímabils forsetans, þar sem hann fer að...
meira
29.04.2016
Cruz gistir á hótelherbergjum
Cruz gistir á hótelherbergjum
Penelope Cruz mun framleiða og leika aðalhlutverkið í myndinni Layover, sem er byggð á samnefndri skáldsögu Lisa Zneider frá árinu 1999.  Hún fjallar um syrgjandi sölukonu sem kúplar sig út úr sínu hefðbundna lífi og fer að gista á hinum ýmsu hótelherbergjum. Toni Kalem skrifaði handritið og hún mun einnig leikstýra. Cruz sást síðast í hinni misheppnuðu Zoolander...
meira
29.04.2016
The First Omen í undirbúningi
The First Omen í undirbúningi
Kvikmyndaverið Fox er að undirbúa myndina The First Omen sem gerist á undan atburðunum sem áttu sér stað í hrollvekjunni The Omen frá árinu 1976.  Antonio Campos er í viðræðum um að leikstýra myndinni en hann á að baki Christine sem var frumsýnd á Sundance-hátíðinni. Sú mynd fjallar um Christine Chubbuck, 29 ára fréttakonu sem framdi sjálfsvíg í beinni útsendingu...
meira
28.04.2016
Bresk viðbót í Wolverine 3
Bresk viðbót í Wolverine 3
Tveir nýir leikarar hafa verið ráðnir í þriðju Wolverine myndina; Bretarnir Richard E. Grant og Stephen Merchant, sem þekktur er m.a. fyrir samstarf sitt við grínistann Ricky Gervais. Grant verður þorpari, einskonar brjálaður vísindamaður, en fyrir í myndinni í hlutverki aðal illmennis er Boyd Holbrook.  Persónu Holbrook er lýst sem áköfum, kröfuhörðum og lífshættulega...
meira
28.04.2016
Will Ferrell verður Ronald Reagan
Will Ferrell verður Ronald Reagan
Will Ferrell, sem þekktur er fyrir túlkun sína á George W. Bush Bandaríkjaforseta, í ýmsum grínsketsum, hefur verið ráðinn til að leika annan Bandaríkjaforseta í nýrri mynd. Heimildir Variety kvikmyndaritsins herma að Ferrell muni leika Ronald Regan í myndinni Reagan, en handrit myndarinnar skrifaði Mike Rosolio. Myndin hefst við byrjun annars kjörtímabils...
meira
27.04.2016
Leigumorðingi fær lífvörð - ný Reynolds mynd í tökur
Leigumorðingi fær lífvörð - ný Reynolds mynd í tökur
Ryan Reynolds, sem sló eftirminnilega í gegn sem ofurhetjan Deadpool, hefur nú snúið sér að næsta verkefni, en þar er um að ræða kvikmyndina The Hitman's Bodyguard, eða Lífvörður leigumorðingjans, í lauslegri þýðingu. Tökur myndarinnar hófust í dag, en með önnur helstu hlutverk fara Samuel L. Jackson, Gary Oldman, Elodie Yung og Salma Hayek. Leikstjóri er...
meira
27.04.2016
Farsímar breyta fólki í ófreskjur
Farsímar breyta fólki í ófreskjur
Allir eiga farsíma í dag. Fyrir mörgum er tilhugsunin um að vera ekki með símann á sér, hræðileg. En hvað ef eitthvað skelfilegt lúrði í farsímamerkinu, sem gæti haft ófyrirséðar afleiðingar? Um þetta fjallar skáldsaga hrollvekjumeistarans Stephen King frá árinu 2006, Cell, og nú er á leiðinni kvikmynd upp úr bókinni með þeim John Cusack og Samuel L. Jackson...
meira
26.04.2016
Blind á morðstað
Blind á morðstað
Screen Germs framleiðslufyrirtækið er með í undirbúningi endurgerð hrollvekjunnar See No Evil frá árinu 1971, en Mia Farrow fór þar með aðalhlutverk. Mike Scannell skrifar handritið og þeir Bryan Bertino og Adrienne Biddle frá Unbroken Pictures framleiðslufyrirtækinu, munu framleiða myndina. Í hinni upprunalegu See No Evil lék Farrow unga blinda konu sem snýr aftur...
meira
26.04.2016
Athafnakonur fá lærling
Athafnakonur fá lærling
Bandaríska leikkonan Emma Stone mun leika aðalhlutverkið í gamanmyndinni Women in Business, eða Athafnakonur, í lauslegri þýðingu. Kate McKinnon og Jillian Bell leika einnig í myndinni, og Jake Szymanski, sem leikstýrði Mike and Dave Need Wedding Dates, mun sjá um leikstjórn. Myndin fjallar um tvær metnaðargjarnarn konur sem sendar eru í viðskiptaferð til Kanada,...
meira