Enn til miðar á Batman-forsýninguna!

Miðasalan á vonandi bestu Kvikmyndir.is forsýningu frá upphafi fór af stað með látum en núna stefnir allt í stútfullan sal. En í ljósi þess að svo margir hafa sent okkur tölvupóst og spurt hvort allt sé búið er kannski sniðugt að segja frá því að enn er nóg til af miðum.

Sýningin verður semsagt á föstudaginn þann 20. júlí kl. 00:15. Miðar fást hér eða í næstu miðasölu Sambíóanna. Því miður er ekki hægt að taka frá.

Sumarið 2010 hélt Kvikmyndir.is glæsilega upp á seinustu kvikmynd Christophers Nolan, þar sem við vorum með klikkaða Inception-forsýningu með ofsalega smart jakkafataþema. Svipað verður gert hér en mun betra. Ekta miðnæturstemmari með kraftsýningu og verða vegleg verðlaun veitt fyrir þá sem mæta í svölustu búningunum. Meira verður fjallað um þessa vinninga á næstu dögum.

Fylgist með og nælið ykkur í miða áður en of seint verður.