Columbia Pictures hafa gefið út nýja klippu fyrir næstu stórmynd Quentin Tarantino, Django Unchained, sem kemur í bíó á Íslandi í janúar á næsta ári. Þeir hafa verið duglegir að gefa út stiklur, stillur og klippur fyrir myndina undanfarnar vikur en klippan hér að neðan safnar þessu saman á frábæran hátt.
Klippan er mínúta að lengd og sýnir áður óséð atriði, en við fáum meðal annars að sjá gráhærðan Samuel L. Jackson í fyrsta sinn í hlutverki sínu í myndinni.
Með aðalhlutverkin í Django Unchained fara Jamie Foxx, Christoph Waltz, Leonardo DiCaprio og Kerry Washington. Fokk hvað þetta verður geggjað.