28. júní 2012 9:00 | Tómas Valgeirsson
Kvikmyndir.is forsýnir The Dark Knight Rises!


Júlímánuðurinn í ár verður sérstakur Batman-mánuður hér inná Kvikmyndir.is og við hendum þemanu í gang með frábærri tilkynningu, rétt eins og við munum klára það með stæl, látum og alvörubíói. Herlegheitin verða af öllum stærðum og gerðum og er allt þetta gert til að búa bíógesti undir lokamyndina í einhverjum virtasta þríleik sem hefur litið dagsins ljós frá því að Miðgarður var seinast opinn.

Í umræddum Batman-mánuði verður samt ekki alfarið fjallað um Christopher Nolan eða hans túlkun á Blökunni, heldur verða alls konar Blaka-tengdir pistlar í boði ásamt topplistum, með/á móti innslögum og kannski fáeinum umfjöllunum um gamla efnið sem mörgum er í dag alveg sama um (aumingja Burton og Schumacher).

Ef þú, lesandi góður, lumar kannski á þér skemmtilegum Batman-tengdum skoðunum sem þú vilt koma sérstaklega á framfæri, sendu mér þá tölvupóst á tommi@kvikmyndir.is, segðu hvað þig langar til að gera og það er aldrei að vita nema við birtum eitthvað eftir þig. Því fleira, því hýrra.

Svo verða fáeinir leikir í gangi út mánuðinn í tengslum við myndina. Því miður munum við ekki gefa boðsmiða á forsýninguna okkar en það er aldrei að vita nema við bjóðum upp á eitthvað annað sem er alls ekki síðra.



En ræðum nú aðeins þessa stórskemmtilegu forsýningu! Og áður en þið farið að hamra á kommentsvæðinu með sömu spurningunni ("Af hverju er þetta ekki í Egilshöll??") þá vil ég taka það skýrt fram að það fékkst ekki að sýna myndina á öðrum tíma heldur en var valinn á endanum. Föstudaginn, þann 20. júlí, verður haldin opin miðnæturforsýning (á s.s. aðfaranótt Laugardags, svo það sé örugglega á hreinu) í Egilshöllinni og strax í kjölfarið fleiri opnar forsýningar út alla helgina í öðrum bíóhúsum. Endilega tryggið ykkur miða á þær í tíma (því þetta mun allt seljast bráðum upp!) eða hafið þetta a.m.k. á bakvið eyrað.

Kvikmyndir.is forsýningin mun aftur á móti vera með öðruvísi sniði og ef það trekkir upp áhuga þinn, þá er hægt að lofa þér því að við munum ganga alla leið með þessa sýningu.

Mundu daginn. Föstudagurinn 20. júlí kl. 00:15 í Sambíóunum, Álfabakka. Þá ætlum við að rúlla The Dark Knight Rises í gegn, hlélausri og með fullum krafti (Power, takk fyrir!). Einnig verður okkar yndislega búningaþema í gangi þetta kvöld, þar sem við nördarnir viljum helst kveðja þennan þríleik með viðeigandi húllumhæi. Þeir sem vilja eru hvattir til þess að taka þátt í okkar stórskemmtilega "Mættu sem þinn uppáhalds Batman-karakter" þema og verða vægast sagt vegleg verðlaun í boði fyrir þá sem koma í flottustu búningunum. Við munum kynna þessa gripi á næstunni. Trúið mér, ykkur mun langa í þá!

Tryggðu þér miða á þessa legendary forsýningu hér. Miðaverðið er 1550 kr. Við munum tilkynna það á Facebook-síðunni okkar þegar það selst upp.

Kíkið svo aftur á stikluna, bara til þess að drekkja inn þá hugsun að þessa mynd verður hægt að sjá eftir 22 daga.


(PS. Ef þið viljið kyrja með þessu geðsjúka "lagi" sem heyrist í gegnum alla traileranna, þá er textinn "Deh-say deh-say, bah-sah-rah bah-sah-rah" - gangi ykkur vel með það!)
Höfundur: Tómas Valgeirsson
NÝLEGAR FRÉTTIR
30.06.2016
Ralph rústar internetinu
Ralph rústar internetinu
Í dag tilkynnti Disney um það opinberlega að gert verði framhald á teiknimyndinni skemmtilegu Wreck-It Ralph.  Leikstjóri framhaldsins verður Zootopia leikstjórinn Rich Moore ásamt Phil Johnston, og John C. Reilly mun snúa aftur í titilhlutverkið. Þeir þremenningarnir tilkynntu þetta í beinni á Facebook. Reilly sagði á Facebook-fundinum að í framhaldsmyndinni...
meira
30.06.2016
Vinnie Jones í Kingsman: The Golden Circle
Vinnie Jones í Kingsman: The Golden Circle
Harðjaxlinn Vinnie Jones hefur bæst við leikaraliðið í framhaldsmyndinni Kingsman: The Golden Circle. Jones mun því starfa með leikstjóranum Matthew Vaughn á nýjan leik en Vaughn framleiddi Snatch og Lock, Stock and Two Smoking Barrels. Julianne Moore verður einnig á meðal leikara í myndinni. ITSJulianne moore we were on set filming the kingsman great being with...
meira
29.06.2016
Reis upp eftir bílslys
Reis upp eftir bílslys
Fyrsta stiklan úr hnefaleikamyndinni Bleed for This kom út í dag, en í myndinni er sögð sönn saga hnefaleikameistarans Vinny Pazienza, sem sneri aftur í hringinn eftir að hafa lent í hörðum árekstri sem varð honum nærri að aldurtila. Miðað við það sem sjá má í stiklunni, er von á hörku hnefaleikamynd í haust! Leikstjóri er Ben Younger, og með aðalhlutverkið...
meira
29.06.2016
Skelfing í skógi - Nýtt plakat og kitla!
Skelfing í skógi - Nýtt plakat og kitla!
Undir huggulega rauluðu lagi The Police, Every Breath You Take, er eitthvað skuggalegt að fara að gerast í kitlunni af hrollvekjunni The Woods, en þar leggja skólakrakkar af stað í útilegu, en svo virðist sem einhver ófögnuður hafi elt þau inn í skóginn! Myndin er eftir leikstjórann Adam Wingard og Simon Barrett, sem skrifar handritið. Myndin verður forsýnd...
meira
29.06.2016
Dennis Quaid í Íslandstrylli
Dennis Quaid í Íslandstrylli
Stórleikarinn Dennis Quaid er það fyrsta sem maður sér þegar maður byrjar að horfa á fyrstu kitluna úr annarri þáttaröð Fortitude, sem tekin er upp hér á Íslandi og í Bretlandi, og er með íslenska leikara innanborðs. Empire kvikmyndavefurinn segir að fyrri serían hafi verið hálfgerð vonbrigði, eins og það er orðað, en í seríu tvö sé von til þess...
meira
28.06.2016
Magnaðir á plakati
Magnaðir á plakati
Endurgerð vestrans The Magnificent Seven er á leiðinni í bíó, en myndin verður frumsýnd hér á Íslandi 23. september nk. Fyrsta alvöru plakatið fyrir myndina var birt í dag, en þar sjást hinir "mögnuðu sjö" arka ákveðnir í átt að myndavélinni, en með helstu hlutverk fara Chris Pratt, Denzel Washington, Ethan Hawke og Vincent D’Onofrio. Leikstjóri myndarinnar...
meira
28.06.2016
Minecraft-mynd fær frumsýningardag
Minecraft-mynd fær frumsýningardag
Kvikmynd byggð á tölvuleiknum vinsæla Minecraft verður frumsýnd vestanhafs 24. maí 2019. Þetta kemur fram á bloggsíðu tölvuleikjaframleiðandans Mojang þar sem einnig birtist ljósmynd af handritinu. Myndin verður sýnd bæði í þrívídd og IMAX. Ekkert hefur komið fram um söguþráðinn. Samkvæmt Deadline tryggði Warner Bros. sér kvikmyndaréttinn að...
meira
28.06.2016
Nýtt í bíó - The BFG
Nýtt í bíó - The BFG
Sambíóin frumsýna nýjustu mynd Steven Spielberg og Ólafs Darra Ólafssonar,  The BFG föstudaginn 1. júlí nk. í Sambíóunum Álfabakka, Egilshöll, Kringlunni, Akureyri og Keflavík, Selfossbíói, Ísafjarðarbíói og Bíóhöllinni Akranesi The BFG (The Big Friendly Giant) er gerð eftir einni ástsælustu bókmenntaperlu Breta sem Roald Dahl skrifaði og gaf út 1982...
meira
27.06.2016
Dóra stóðst innrás geimveranna
Dóra stóðst innrás geimveranna
Teiknimyndin Leitin að Dóru var vinsælasta myndin á Íslandi nú um helgina, aðra helgina í röð, en stórmyndin Independence Day: Resurgence, náði ekki að velta henni úr sessi, og situr í öðru sæti, ný á lista. Gamanmyndin Central Intelligence vermir svo þriðja sæti listans, og fer niður um eitt sæti. Nákvæmlega sömu sögu er að segja frá Bandaríkjunum, en...
meira
27.06.2016
Nýtt í bíó - Goodnight Mommy
Nýtt í bíó - Goodnight Mommy
Austurríski spennutryllirinn og ráðgátan Goodnight Mommy verður frumsýnd á miðvikudaginn næsta, þann 29. júní, í Háskólabíói og Borgarbíói Akureyri. Í einmanalegu húsi úti í sveit mitt á milli skógarins og akranna bíða tvíburarnir Lukas og Elias eftir móður sinni. Þegar hún kemur heim, plástruð og bundin eftir aðgerð verður ekkert eins og fyrr. Drengirnir...
meira