28. júní 2012 9:00 | Tómas Valgeirsson
Kvikmyndir.is forsýnir The Dark Knight Rises!


Júlímánuðurinn í ár verður sérstakur Batman-mánuður hér inná Kvikmyndir.is og við hendum þemanu í gang með frábærri tilkynningu, rétt eins og við munum klára það með stæl, látum og alvörubíói. Herlegheitin verða af öllum stærðum og gerðum og er allt þetta gert til að búa bíógesti undir lokamyndina í einhverjum virtasta þríleik sem hefur litið dagsins ljós frá því að Miðgarður var seinast opinn.

Í umræddum Batman-mánuði verður samt ekki alfarið fjallað um Christopher Nolan eða hans túlkun á Blökunni, heldur verða alls konar Blaka-tengdir pistlar í boði ásamt topplistum, með/á móti innslögum og kannski fáeinum umfjöllunum um gamla efnið sem mörgum er í dag alveg sama um (aumingja Burton og Schumacher).

Ef þú, lesandi góður, lumar kannski á þér skemmtilegum Batman-tengdum skoðunum sem þú vilt koma sérstaklega á framfæri, sendu mér þá tölvupóst á tommi@kvikmyndir.is, segðu hvað þig langar til að gera og það er aldrei að vita nema við birtum eitthvað eftir þig. Því fleira, því hýrra.

Svo verða fáeinir leikir í gangi út mánuðinn í tengslum við myndina. Því miður munum við ekki gefa boðsmiða á forsýninguna okkar en það er aldrei að vita nema við bjóðum upp á eitthvað annað sem er alls ekki síðra.



En ræðum nú aðeins þessa stórskemmtilegu forsýningu! Og áður en þið farið að hamra á kommentsvæðinu með sömu spurningunni ("Af hverju er þetta ekki í Egilshöll??") þá vil ég taka það skýrt fram að það fékkst ekki að sýna myndina á öðrum tíma heldur en var valinn á endanum. Föstudaginn, þann 20. júlí, verður haldin opin miðnæturforsýning (á s.s. aðfaranótt Laugardags, svo það sé örugglega á hreinu) í Egilshöllinni og strax í kjölfarið fleiri opnar forsýningar út alla helgina í öðrum bíóhúsum. Endilega tryggið ykkur miða á þær í tíma (því þetta mun allt seljast bráðum upp!) eða hafið þetta a.m.k. á bakvið eyrað.

Kvikmyndir.is forsýningin mun aftur á móti vera með öðruvísi sniði og ef það trekkir upp áhuga þinn, þá er hægt að lofa þér því að við munum ganga alla leið með þessa sýningu.

Mundu daginn. Föstudagurinn 20. júlí kl. 00:15 í Sambíóunum, Álfabakka. Þá ætlum við að rúlla The Dark Knight Rises í gegn, hlélausri og með fullum krafti (Power, takk fyrir!). Einnig verður okkar yndislega búningaþema í gangi þetta kvöld, þar sem við nördarnir viljum helst kveðja þennan þríleik með viðeigandi húllumhæi. Þeir sem vilja eru hvattir til þess að taka þátt í okkar stórskemmtilega "Mættu sem þinn uppáhalds Batman-karakter" þema og verða vægast sagt vegleg verðlaun í boði fyrir þá sem koma í flottustu búningunum. Við munum kynna þessa gripi á næstunni. Trúið mér, ykkur mun langa í þá!

Tryggðu þér miða á þessa legendary forsýningu hér. Miðaverðið er 1550 kr. Við munum tilkynna það á Facebook-síðunni okkar þegar það selst upp.

Kíkið svo aftur á stikluna, bara til þess að drekkja inn þá hugsun að þessa mynd verður hægt að sjá eftir 22 daga.


(PS. Ef þið viljið kyrja með þessu geðsjúka "lagi" sem heyrist í gegnum alla traileranna, þá er textinn "Deh-say deh-say, bah-sah-rah bah-sah-rah" - gangi ykkur vel með það!)
Höfundur: Tómas Valgeirsson
NÝLEGAR FRÉTTIR
27.06.2016
Dóra stóðst innrás geimveranna
Dóra stóðst innrás geimveranna
Teiknimyndin Leitin að Dóru var vinsælasta myndin á Íslandi nú um helgina, aðra helgina í röð, en stórmyndin Independence Day: Resurgence, náði ekki að velta henni úr sessi, og situr í öðru sæti, ný á lista. Gamanmyndin Central Intelligence vermir svo þriðja sæti listans, og fer niður um eitt sæti. Nákvæmlega sömu sögu er að segja frá Bandaríkjunum, en...
meira
27.06.2016
Nýtt í bíó - Goodnight Mommy
Nýtt í bíó - Goodnight Mommy
Austurríski spennutryllirinn og ráðgátan Goodnight Mommy verður frumsýnd á miðvikudaginn næsta, þann 29. júní, í Háskólabíói og Borgarbíói Akureyri. Í einmanalegu húsi úti í sveit mitt á milli skógarins og akranna bíða tvíburarnir Lukas og Elias eftir móður sinni. Þegar hún kemur heim, plástruð og bundin eftir aðgerð verður ekkert eins og fyrr. Drengirnir...
meira
27.06.2016
Fimm uppáhaldsmyndir Colin Farrell
Fimm uppáhaldsmyndir Colin Farrell
Írski leikarinn Colin Farrell hefur tekið saman lista yfir fimm uppáhaldsmyndirnar sínar fyrir kvikmyndavefinn Rottentomatoes.com. Farrell er þekktur fyrir myndir á borð við Minority Report og In Bruges en sú nýjasta nefnist The Lobster. Hérna er listinn yfir uppáhaldsmyndirnar hans en rökstuðninginn fyrir valinu má lesa á Rottentomatoes.com: Paris, Texas (1984) Withnail...
meira
26.06.2016
Gamlingi hýddur - Niðursetningurinn í 4. þætti Vídeóhillunnar
Gamlingi hýddur - Niðursetningurinn í 4. þætti Vídeóhillunnar
Fjórði þáttur af Vídeóhillunni, þætti Eysteins Guðna Guðnasonar um íslenskar bíómyndir í fullri lengd, þar sem hann tekur fyrir allar íslenskar myndir sem gerðar hafa verið frá upphafi, eina í hverjum þætti, er kominn út. Í þætti dagsins fjallar Eysteinn um Niðursetninginn frá 1951, sem er síðasta mynd Lofts Guðmundssonar, en myndin fjallar um unga konu...
meira
26.06.2016
Hollywoodstjarna á Íslandi
Hollywoodstjarna á Íslandi
Á morgun, mánudaginn 27. júní, mun Hollywood leikarinn Rainn Wilson koma til Íslands, en tilefni komu hans er trúarlegs eðlis ef svo má segja. Hann mun flytja erindi á morgun í þjóðarmiðstöð Bahá'í að Kletthálsi 1, Reykjavík. Wilson er þekktastur fyrir leik sinn í bandarísku útgáfu sjónvarpsþáttanna The Office, en jafnframt hefur hann leikið í sjónvarpsþáttunum...
meira
25.06.2016
Cage skilinn í þriðja sinn
Cage skilinn í þriðja sinn
Kvikmyndaleikarinn og National Treasure stjarnan Nicolas Cage, 52 ára, og eiginkona hans Alice Kim, eru skilin. Reyndar hafa þau verið skilin í þónokkurn tíma, eða síðan í janúar sl. samkvæmt  því sem talsmaður Cage segir US tímaritinu. Hjónin voru gift í nærrri 12 ár, og eiga saman 10 ára gamlan son, Kal-el. Þau Cage og Kim, sem er 32 ára, kynntust þegar Kim...
meira
25.06.2016
Vissi ekki um sérstaka stiklutónlist
Vissi ekki um sérstaka stiklutónlist
Veigar Margeirsson, tónlistarmaður og tónskáld, hafði ekki hugmynd um það að samin væri sérstök tónlist fyrir kvikmyndastiklur áður en hann sjálfur gerði sína fyrstu tónlist fyrir stiklu. Í dag gerir hann og fyrirtæki hans stiklutónlist fyrir um 100 bíómyndir á ári. Veigar, sem flutti heim nýverið eftir að hafa búið í Bandaríkjunum í 20 ár, byrjaði...
meira
24.06.2016
Átta bestu bíóforsetarnir
Átta bestu bíóforsetarnir
Í tilefni af frumsýningu Independence Day: Resurgence hefur Wired.com tekið saman lista yfir bestu bíóforseta Bandaríkjanna. Á listanum eru ekki raunverulegir forsetar, eins og þegar Daniel Day-Lewis lék Abraham Lincoln í samnefndri mynd. Forsetar úr sjónvarpsþáttum á borð við The West Wing eru heldur ekki gjaldgengir. Hérna eru átta bestu bíóforsetarnir...
meira
24.06.2016
16 nýjar myndir úr Star Wars: Rogue One
16 nýjar myndir úr Star Wars: Rogue One
Tímaritið Entertainment Weekly hefur birt sextán nýjar ljósmyndir úr Star Wars: Rogue One sem er væntanleg í bíó í desember næstkomandi. Þar sjást meðal annars svartir stormsveitarmenn sinna skyldustörfum sínum. Gamli „góði" Svarthöfði mun snúa aftur í myndinni og mun James Earl Jones að sjálfsögðu tala fyrir hann. Engar myndir af honum hafa þó enn...
meira
24.06.2016
Djöfullinn í andaglasi - Fyrsta stikla úr Ouija: Origin of Evil!
Djöfullinn í andaglasi - Fyrsta stikla úr Ouija: Origin of Evil!
Fyrsta stikla fyrir hrollvekjuna Ouija: Origin of Evil, er komin út, en með helstu hlutverk fara Henry Thomas, Elizabeth Reaser, Doug Jones, Parker Mack, Sam Anderson, Kate Siegel, Annalise Basso og Lulu Wilson. Myndin er framhald myndarinnar Ouija sem sló óvænt í gegn árið 2014. Myndin gerist árið 1965 í Los Angeles. Ekkja og tvær dætur hennar bæta nýju trixi við...
meira