Liam Neeson er einn af mjög fáum mönnum sem getur setið á stól með alvarlegan svip og látið það lúkka ofboðslega töff, en þannig er maðurinn akkúrat uppstilltur á þessu fyrsta Taken 2 plakati, sem er svona mitt á milli þess í hlutföllum að vera borði og ekta plakat. Þið ráðið því bara.
Einfalt og þægilegt. Þetta segir manni samt það að ofurnaglinn Bryan Mills er hér um bil rétt handan við hornið, eða nánar tiltekið mun hann lemja sig í gegnum óþokka í október á þessu ári. Í þeim sama mánuði mun James Bond snúa aftur í Skyfall. Hvor myndin ætli verði svalari?