7. júní 2012 14:24 | Tómas Valgeirsson
Baldvin Z og lífið í fiskabúrinu
Unglingamyndin Órói hitti heldur betur í mark hjá notendum Kvikmyndir.is, en eins og margir ættu að muna héldum við á síðasta ári verðlaunahátíð í samstarfi við Myndir mánaðarins þar sem áhorfendur kusu sínar uppáhaldsmyndir frá árinu áður. Órói hreppti öll íslensku verðlaunin, þar á meðal fyrir bestu myndina og bestu leikstjórnina.

Leikstjóri Óróa, Baldvin Z (sem hefur einnig verið að gera það gott sem framleiðandi Hæ Gosa og einn af handritshöfundum Skaupsins í fyrra) er loksins kominn í gang með nýja bíómynd sem er enn á forvinnslustigi, en hefur hlotið íslenska heitið Vonarstræti.

Vonarstræti fjallar um þrjá einstaklinga sem allir standa frammi fyrir stórum ákvörðunum í lífi sínu: Móri (leikinn af Þorsteini Bachmann) er fyllibytta og rithöfundur sem hefur nýlokið við að skrifa sjálfævisögu sína. Hann berst við fortíðardrauga í leit að fyrirgefningu við hinu ófyrirgefanlega.
Eik (Hera Hilmars) er ung móðir og leikskólakennari sem er flækt inn í vændi til að geta séð fyrir sér og dóttir sinni.
Sölvi (Þorvaldur Davíð) er frægur fyrrum knattspyrnumaður sem virðist vera á réttri leið í viðskiptaheiminum áður en allt fer til helvítis.
Hún gerist í Reykjavík árið 2006

Titill myndarinnar á ensku er Life in a Fishbowl og kvikmyndagerðarmaðurinn tjáði sig örstutt við Kvikmyndir.is um þetta forvitnilega verkefni.

"Hugmyndin kviknaði á meðan ég var að gera Óróa, mig langaði að fara alla leið í að gera svona "fléttu mynd."  Ég er sjálfur mikill aðdáandi Alejandro González Inarritu," segir Baldvin spurður að því hvernig myndin varð upphaflega til.
"Í Óróa eru sagðar 3 sögur en saga Gabríels leiðir sögurnar. Í þessari mynd þá eru þetta þrjár aðskildar sögur, ekkert nýtt af nálinni þar, en sögurnar eru mjög sterkar og uppbyggingin skemmtileg."

Leikstjórinn segist hafa setið fastur með þessa hugmynd í tvö ár þangað til hann hitti Birgi Örn Steinarsson (Bigga Maus) og sagði honum frá henni. "Ein sagan var á góðum stað en ég gat ekki klárað hinar tvær. Hann réðist á þær og gerði synopsis og mér leist svo vel á það að við réðumst á þetta í samvinnu og úr varð þetta handrit," segir Baldvin.

Undirritaður spurði Baldvin um hvernig tóni megi búast við og hvort það fylgi einhver pressa því að fylgja eftir bíómynd sem áhorfendur tóku svona vel í. "Tónninn verður ekki ósvipaður og í Óróa, svona lágstemmdur realismi. Ég hef oft dottið í að hugsa um það, hvernig ég fylgi henni eftir... en þetta er ekki spurning um það," segir hann.

"Ég klippti algerlega á naflastrenginn við hana og byrjaði bara algerlega upp á nýtt. Í þessi tvö ár sem ég var að burðast með þessa hugmynd fékk ég mörg handrit send, ég var að leita að hinu fullkomna handriti. Ég varð að gera eitthvað sem myndi toppa Óróa, en þegar ég klippti á þá gat ég sest niður og skrifað mitt eigið aftur. Það er hinsvegar gott að geta tekið úr reynslubankanum, úr Óróa í þessa og ég vona að það styrki mig sem kvikmyndagerðarmann. Ég finn ekki fyrir pressu, bara spennu og hún verður mikil áskorun. Við erum að fjalla um mjög viðkvæma hluti á mjög opinskáan hátt."

Baldvin segir einnig að titlarnir séu mjög útpældir, og tekur fram að gatan Vonarstræti í miðbænum komi mikið við sögu í myndinni. "Life in a fishbowl er svo bókin sem Móri er að skrifa í myndinni, eða lífið í fiskabúrinu, sem er reyndar smá reffi í Bigga, sem er bara skemmtilegt," segir hann.

Vonarstræti/Life in a Fishbowl fer í tökur í janúar á næsta ári.

 
Höfundur: Tómas Valgeirsson
NÝLEGAR FRÉTTIR
27.08.2016
Rússnesk Avengers - Ný stikla!
Rússnesk Avengers - Ný stikla!
Eftir gríðarlega velgengni Avengers myndanna bandarísku hafa öll helstu kvikmyndaver í heimi reynt að feta í fótspor Marvel og búa til sambærilegar ofurhetjumyndir, sem gætu fengið áhorfendur til að flykkjast í stórum stíl í bíó. Rússar hafa nú klárað sína útgáfu af Avengers, Guardians. Í Guardians, eða Zaschitniki eins og myndin heitir á rússnesku, sjáum...
meira
26.08.2016
Eiðurinn keppir um Gullnu skelina
Eiðurinn keppir um Gullnu skelina
Nýjasta kvikmynd Baltasar Kormáks, Eiðurinn, hefur verið valin til þátttöku í aðalkeppni San Sebastian hátíðarinnar. San Sebastian hátíðin er ein af fáum svokölluðum „A“ kvikmyndahátíðum og því um mikinn heiður að ræða. Hátíðin fer fram í Donostia-San Sebastián á Spáni frá 16. – 24. september. Í tilkynningu frá Kvikmyndamiðstöð Íslands...
meira
27.08.2016
Waltz skoðar vélmennalækni
Waltz skoðar vélmennalækni
Óskarsverðlaunaleikarinn Cristoph Waltz ( Inglorious Basterds, The Legend of Tarzan ) á í viðræðum um að leika stórt hlutverk í Alita: Battle Angel, í leikstjórn Robert Rodriguez ( Sin City: A Dame to Kill For ). Framleiðandi er James Cameron. Um er að ræða kvikmyndagerð á geysivinsælli japanskri Manga teiknimyndasögu.  Maze Runner leikkonan Rosa Salazar mun leika...
meira
26.08.2016
Conjuring hjón með Neeson í The Commuter
Conjuring hjón með Neeson í The Commuter
The Conjuring hjónin Patrick Wilson og Vera Farmiga hafa gengið til liðs við Liam Neeson í myndinni The Commuter, en í myndinni vinna þeir saman enn á ný þeir Neeson, og leikstjórinn Jaume Collet-Serrais ( Unknown, Non-Stop, Run All Night ). Myndin fjallar um tryggingasölumann, sem Neeson leikur, sem á leið sinni til vinnu, er neyddur til þess af dularfullri ókunnugri...
meira
25.08.2016
Týndist 5 ára - Fyrsta stikla úr Lion
Týndist 5 ára - Fyrsta stikla úr Lion
Fyrsta stiklan úr hinni sannsögulegu bíómynd Lion, með þeim Dev Patel, Rooney Mara og Nicole Kidman, kom út í dag, en í myndinni er sögð saga manns sem fer til Indlands á ný, eftir að hann var ættleiddur og verið búsettur í Ástralíu í 25 ár. Leikstjóri er Top of the Lake leikstjórinn Garth Davis, en myndin verður frumsýnd á kvikmyndahátíðinni í Toronto í...
meira
25.08.2016
Borðar augu barna - Fyrsta plakat úr Child Eater!
Borðar augu barna - Fyrsta plakat úr Child Eater!
Fyrsta plakat úr íslensk - amerísku hrollvekjunni Child Eater eftir Erling Óttar Thoroddsen er komið út, en myndin verður frumsýnd í Bíó paradís þann 28. október næstkomandi - rétt fyrir Hrekkjavöku. Í tilkynningu frá Bíó paradís segir að von sé á fyrstu stiklu úr myndinni innan skamms. Erlingur Óttar Thoroddsen skrifaði og leikstýrði CHILD EATER,...
meira
24.08.2016
Dauði eftir sjö daga - Fyrsta stikla úr Rings!
Dauði eftir sjö daga - Fyrsta stikla úr Rings!
Um áratugur er síðan The Ring serían var á hvíta tjaldinu síðast, en nú, nánar tiltekið á Hrekkjavökunni í október nk., er komið að nýjum kafla í sögunni með myndinni Rings.   Endurgerðin á upprunalegu japönsku myndinni, sem Gore Verbinski gerði árið 2002, sló í gegn, en framhald þeirrar myndar gerði svo leikstjóri upprunalegu myndarinnar, Hideo Nakata....
meira
24.08.2016
Cox borðaði sjálfdauða rollu
Cox borðaði sjálfdauða rollu
Vina leikkonan Courtney Cox borðar sjálfdauða, drukknaða írska rollu í nýjum þætti af raunveruleikaseríu Bear Grylls, Running Wild, en í þáttunum gengur allt út á að bjarga sér úti í villtri náttúrunni. "Það er engin ástæða," sagði hin 52 ára gamla Cox, þar sem hún dregur dýrið út að sjó. "Við erum ekki að hjálpa neinum með því að færa til þessa...
meira
23.08.2016
Silverstone til Lobster leikstjóra
Silverstone til Lobster leikstjóra
Tökur eru hafnar í Cincinnati á nýjustu mynd The Lobster leikstjórans Yorgos Lanthimos, The Killing Of  A Sacred Deer. Um er að ræða sálfræðidrama, en í myndinni koma þeir saman á ný leikstjórinn og The Lobster stjarnan Colin Farrell. Nicole Kidman er einnig í stóru hlutverki. Deadline segir frá því í dag að Clueless stjarnan kanadíska Alicia Silverstone hafi...
meira
24.08.2016
Hjartasteinn meðal nýrra radda í Toronto
Hjartasteinn meðal nýrra radda í Toronto
Íslenska kvikmyndin Hjartasteinn, fyrsta kvikmynd leikstjórans og handritshöfundarins Guðmundar Arnars Guðmundssonar í fullri lengd, hefur verið valin í Discovery hluta hinnar virtu alþjóðlegu kvikmyndahátíðar í Toronto í Kanada. Discovery hluti hátíðarinnar er tileinkaður spennandi nýjum röddum í kvikmyndagerð og þar mun Hjartasteinn keppa um FIPRESCI gagnrýnendaverðlaunin....
meira