31. maí 2012 17:59 | Hilmar Finsen
Nostalgíuspark með skemmtilegum breytingum


Max Payne serían er ein af uppáhalds seríunum mínum. Hún hefur mikið hjarta, slatta af hasar og hefur án efa eina af skemmtilegustu skotstýringum allra tíma. Hún kynnti fyrir okkur bullet-time, en þar hægðist allt í kringum mann og það gaf manni tíma til að anda og auðvelda sér verkefnin. Leikirnir voru einfaldlega frábærir og það var lokað hæfilega mikið fyrir söguna. Því var það, að þegar maður frétti að von væri á glænýjum leik í seríunni hafði maður smá áhyggjur, sérstaklega þar sem að Rockstar fengu Remedy ekki með sér til að gera nýja leikinn. Rockstar hafa núna breytt Noir fílinginum sem var einfaldlega merki seríanna.

Núna eru þó nokkur ár liðin síðan að við sáum Max seinast. Hann hefur elst talsvert, hann er byrjaður að drekkja sorgum sínum, sem kemur engum á óvart miðað við sögu fyrri leikja. Sagan gerist átta árum eftir seinasta leik, núna er hann hættur í lögreglunni og orðinn lífvörður í San Paulo. Sagan er ekki jafn dimm og í fyrri leikjum en hún heldur þér samt föstum við skjáinn. Hún er virkilega hröð og mætti best lýsa sögunni sem einhverju sem kemur úr rosalega góðri Jason Statham-mynd - þar sem plottið kemur sér beint að efninu og nýtt sem stökkpallur fyrir brjálæðislega gott ofbeldi.

Aldrei gera Max reiðann!

Stýringin er nákvæmlega eins og í fyrri leikjum, bara búið að fínpússa hana. Bullet time er raunverulegra en áður og svo er búið að bæta inn svona hálf gerðu “last stand” þar sem að þú getur skotið aðilann sem á að hafa drepið þig, til að gefa þér aukatækifæri til að halda áfram. Gæðin í Max Payne eru einfaldlega frábær, útlitið á leiknum er virkilega flott þú sérð allar kúlurnar þeytast úr byssunnum og hylkin eru skilin eftir á gólfinu.

Svo verður maður að hrósa Rockstar fyrir að hafa náð að framkvæma hlut sem að maður sér einum of sjaldan í leikjum, en það er að skiptingin á milli spilunar og myndskeiða er fullkomin. Þú finnur aldrei fyrir þessum skiptingum. Leikurinn verðlaunar þér skemmtilega, með því að finna vísbendingar sem hjálpa þér að skilja söguna talsvert betur ef þú bara eyðir aðeins meiri tíma í að skoða borðin. Þú getur líka fundið búta til að gera byssurnar þínar úr gulli. Þetta eru allt hlutir sem bæta endurspilun leiksins. Það er einnig búið að bæta netspilun í leikinn sem hljómar virkilega heimskulega en eins og með allt þá gera Rockstar ekkert með hálfum huga og þeim tókst að lenda virkilega góðri netspilun. Hún er með lítið af nýjum hlutum enda kaupir þú ekki þennan leik útaf netspilun. Hún mun hins vegar lengja endingu leiksins þar sem að spilunin getur orðið virkilega skemmtileg, sérstaklega þegar að það verður mikill hiti í leiknum.

er ég sá eini sem get séð fyrir mér Willis eða Stattham þarna ?

Allt í allt er þetta frábær endurkoma hjá einum harðasta tölvuleikjakarakter allra tíma! Max er kominn aftur harðari en nokkur tímann áður sagan er hraðari. Breytingarnar sem hafa verið gerðar eru frábærar maður er fljótur að venjast þeim. Leikurinn er jafnvel erfiður sem er einum of sjaldgæft á nútíma markaði.

Þetta vekur hinsvegar spurninguna er Rockstar með betri leikjafyrirtækjum á markaðinum? Ef leikur er gerður frá Rockstar þá lítur út fyrir að það sé öruggt að segja að hann verði frábær.


(8/10)

 
Höfundur: Hilmar Finsen
Professional leikjanörd, körfuboltamaður, þjálfari, börger-meistari, partýboy.
NÝLEGAR FRÉTTIR
29.09.2016
Þrettánda RIFF hátíðin sett í kvöld
Þrettánda RIFF hátíðin sett í kvöld
Alþjóðleg kvikmyndahátíð í Reykjavík, RIFF, verður sett í þrettánda sinn í Háskólabíói í kvöld, fimmtudaginn 29. september kl. 19.30. Ragnheiður Elín Árnadóttir, iðnaðar- og viðskiptaráðherra setur hátíðina og sér Þorsteinn Guðmundsson leikari og grínisti um hina svokölluðu hátíðargusu að þessu sinni. Hátíðin stendur til 9. október. Í kjölfar...
meira
29.09.2016
Pyntuð á rannsóknarstofu
Pyntuð á rannsóknarstofu
Miðað við fyrstu stiklu úr nýjustu mynd Prometheus leikkonunnar Noomi Rapace, Rupture, þá bíður hennar sannkölluð helvítisvist á rannsóknarstofu, þar sem hún og fleiri eru pyntuð á hrottalegan og hugvitssamlegan hátt af kvölurum sem leiknir eru af  Peter Stormare og Michael Chiklis. Flótti er næstur á dagskrá! Um er að ræða hrollvekju um unga móður sem gefin...
meira
28.09.2016
Strange staðfestur í Avengers
Strange staðfestur í Avengers
Doctor Strange leikarinn Benedict Cumberbatch staðfesti í samtali við Empire kvikmyndaritið í gær að persóna hans, Strange, verði hluti af næstu Avengers mynd; Avengers: Infinity War. Þó að margir hafi væntanlega búist fastlega við því að sjá þessa "nýjustu" ofurhetju úr ranni Marvel í Avengers myndinni næstu, þá er a.m.k. nú komin fram staðfesting, og óþarfi...
meira
28.09.2016
Lögreglukona hugsi yfir hvarfi
Lögreglukona hugsi yfir hvarfi
Leikkonan Margrét Vilhjálmsdóttir horfir hugsi fram veginn, og látnar litlar stúlkur liggja í snjónum, á fyrsta plakati íslensku spennumyndarinnar Grimmd eftir Anton Sigurðsson ( Grafir og Bein ), en myndin verður frumsýnd í kvikmyndahúsum 21. október. Vísir.is segir frá því að framleiðendur myndarinnar og leikstjóri hafi unnið náið með lögreglunni á höfuðborgarsvæðinu...
meira
28.09.2016
Nýtt í bíó - Heimili fröken Peregrine fyrir sérkennileg börn
Nýtt í bíó - Heimili fröken Peregrine fyrir sérkennileg börn
Sena frumsýnir ævintýramyndina Heimili fröken Peregrine fyrir sérkennileg börn á föstudaginn næsta, þann 30. september í Smárabíói, Háskólabíói, Laugarásbíói og Borgarbíói, Akureyri. Sjáðu stiklu úr myndinni hér fyrir neðan: Hinn ungi Jake uppgötvar að heimurinn er leyndardómsfyllri en hann hafði grunað. Afi hans hvetur hann til að fylgja vísbendingum...
meira
28.09.2016
Bannað að mynda sýrlenskan gest
Bannað að mynda sýrlenskan gest
Sýrlenski aðgerðasinninn og kvikmyndargerðarkonan Obaidah Zytoon er væntanleg sem gestur á Alþjóðlega kvikmyndahátíð í Reykjavík, RIFF, í ár. Zytoon mun ásamt kvikmyndaleikstjóranum Darren Aronovsky, Kristínu Ólafsdóttur og Hrund Gunnsteinsdóttir sem gerðu myndina InnSæi - the Sea within og fleiri gestum taka þátt í friðarmálþingi sem RIFF stendur að í samvinnu...
meira
27.09.2016
Stan Lee klár með fjögur ný gestahlutverk
Stan Lee klár með fjögur ný gestahlutverk
Marvel teiknimyndahöfundurinn Stan Lee, sem þekktur er fyrir gestahlutverk sín ( cameo ) í Marvel ofurhetjumyndum, hlutverk eins og barþjónn í Ant-Man,  Xandarian glaumgosi í Guardians of the Galaxy, plötusnúður á nektardansstað í Deadpool, FedEx póstmaður í Captain America: Civil War, og svo mætti lengi telja, er þegar búinn að taka upp gestahlutverk fyrir fjórar...
meira
26.09.2016
Bridget og barnið vinsælust
Bridget og barnið vinsælust
Þriðja myndin um Bridget Jones, Bridget Jones´s Baby, var langvinsælasta bíómyndin á Íslandi nú um helgina, enda er myndin bráðfyndin. Bridget er nú einhleyp og sefur hjá tveimur mönnum með stuttu millibili, gamla kærastanum Mark Darcy og bandarískum netmilljarðamæringi. Hún verður ófrísk í kjölfarið, og nú veit hún ekki hvor þeirra er faðirinn. Önnur...
meira
26.09.2016
Dóttir Magnum orðin spæjari
Dóttir Magnum orðin spæjari
Aðdáendur hins fjallmyndarlega einkaspæjara Magnum P.I., sem Tom Selleck lék í geysivinsælum samnefndum sjónvarpsþáttum á níunda áratug síðustu aldar, geta nú tekið gleði sína á ný, þar sem von er á framhaldi af þáttunum. Nú er það hinsvegar ekki Magnum sjálfur sem er aðalpersónan, heldur dóttir hans, Lily  "Tommy" Magnum, sem snýr heim til Hawaii og tekur...
meira
25.09.2016
Einn vinsælasti vestri allra tíma
Einn vinsælasti vestri allra tíma
Hin stjörnum prýdda The Magnificent Seven, eftir Antonine Fuqua, þaut á topp bandaríska bíóaðsóknarlistans nú um helgina og þénaði áætlaðar 35 milljónir Bandaríkjadala fyrir helgina alla. Þetta þýðir að myndin er einn tekjuhæsti vestrinn á frumsýningarhelgi í Bandaríkjunum frá upphafi, þegar ekki er tekið tillit til verðbólgu. Spár gáfu von um...
meira