24. febrúar 2012 14:31 | Tómas Valgeirsson
Taktu þátt í Drive-leiknum okkar!
Drive er án nokkurs vafa ein af umtöluðustu myndum ársins 2011 og liggja ýmsar ástæður þar að baki. Fyrst og fremst er það rafmagnaða, dáleiðandi tónlistin sem talin er einkenna afslappaða artí tón myndarinnar. Síðan hefur aðalleikari myndarinnar, Ryan Gosling, fengið stórt klapp á bakið fyrir trúverðuga frammistöðu sem sýnir að hann er miklu meira en bara sætt andlit. En umfram allt er meirihluti áhorfenda einfaldlega bara sammála um það að Drive er með því ferskasta og athyglisverðasta sem hefur komið í bíó síðustu mánuði.

Myndin lenti á fleiri en 25 topplistum yfir tíu bestu myndir síðasta árs að mati heimsþekktra gagnrýnenda og sex af þessum listum skelltu myndinni í efsta sætið. Leikstjóri myndarinnar er naglharður, danskur fagmaður að nafni Nicolas Winding Refn, sem er einnig þekktur fyrir marglofaða en miskunnarlausa Pusher-þríleikinn.

Drive segir annars í stuttu máli frá ónefndum áhættuleikara í Hollywood sem vinnur sér inn smávegis aukapening sem flóttaökumaður. Umræddur maður er algjör meistari undir stýri og er talinn vera einn sá besti í bransanum. Eftir að eitt ránið sem hann var ráðinn til að hjálpa með fer heiftarlega úr böndunum uppgötvar hann að búið er að setja verðlunafé til höfuðs honum. Fer þá allt gjörsamlega úr böndunum og eina leiðin til að redda sér úr málunum er að berjast á móti með hörku og vernda þá sem eru honum næstir. Ökufanturinn er vissulega leikinn af sjálfum Gosling en með önnur hlutverk fara þau Carey Mulligan, Ron Perlman, Christina Hendricks, Bryan Crantson og Albert Brooks sem er tilnefndur til Óskars í ár sem besti leikari í aukahlutverki.

Kvikmyndir.is er í gjafmildu skapi núna næstu daga og þess vegna ætlum við að leyfa fáeinum notendum að slást um DVD eintak af Drive, sem kemur út í dag. Leikurinn verður í gangi út helgina og verður reglulega dreginn út vinningshafi á hverjum degi þangað til.



Það verða engar spurningar að þessu sinni, en ef þig langar í eintak þá viltu klárlega komast í pottinn okkar. Leikurinn verður með svolítið skemmtilegu sniði núna, og til að eiga séns á því að komast í þennan umrædda pott er þrennt sem þú getur valið úr til að gera:

- Sendu tölvupóst (tommi@kvikmyndir.is) sem segir hvaða Óskarstilnefningar þér finnst Drive hafa átt skilið að fá núna í ár.

- Sendu ljósmynd af þér í þinni flottustu Ryan Gosling-pósu? (þarna erum við að tala um töffaraskap í hámarki - á bakvið stýrið með dauðan svip, í flottum jakka)

- Sendu okkur póst sem segir hvaða tvær Ryan Gosling-myndir eru í mestum metum hjá þér og hvers vegna (ATH. Drive þarf ekki endilega að fylgja með þarna).



Gangi ykkur vel og keyrið varlega (en töffaralega)

(PS. ég lofa ykkur a það styttist í það að við hjá síðunni förum loksins að gefa Blu-Ray - um leið og landinn tekur almennilega þátt í slíkum getraunum)

Verður maður svo ekki að leyfa brot af soundtrack-inu að fylgja með??
Ég held það nú.





 
Höfundur: Tómas Valgeirsson
blog comments powered by Disqus
NÝLEGAR FRÉTTIR
25.05.2016
Túlípanabólan blásin út - Stikla
Túlípanabólan blásin út - Stikla
Fyrsta stikla fyrir fyrstu mynd Alicia Vikander eftir að hún vann Óskarsverðlaunin fyrir The Danish Girl, Tulip Fever, eða Túlípanafár í lauslegri þýðingu, er komin út. Vikander er vinsæl leikkona um þessar mundir og von er á henni einnig í myndunum The Light Between the Oceans og Jason Bourne, en Tulip Fever var í raun tekin upp fyrir tveimur árum síðan. Þá...
meira
24.05.2016
Batman fær 3 illmenni
Batman fær 3 illmenni
Margir Batman aðdáendur hafa velt fyrir sér hvert hlutverk Leðurblökumannsins verður í DC þorparamyndinni Suicide Squad eftir David Ayer sem væntanleg er í bíó í ágúst nk., og hvaða þorpara hann muni eiga í samskiptum við í myndinni, en eins og fram hefur komið þá er Suicide Squad teymi illmenna sem er fengið í ýmis sérverkefni á vegum stjórnvalda. Vefsíðan...
meira
24.05.2016
Carpenter snýr aftur í Halloween
Carpenter snýr aftur í Halloween
John Carpenter, hinn marverðlaunaði og goðsagnakenndi kvikmyndagerðarmaður, og höfundur upprunalegu Halloween hrollvekjunnar, hefur ákveðið að snúa aftur í Halloween heiminn, og framleiða nýja Halloween mynd. Halloween serían hófst með fyrstu myndinni árið 1978 og síðan þá hafa verið gerðar níu myndir til viðbótar, sem rakað hafa inn um 400 milljónum...
meira
24.05.2016
Anderson: Bond, Jane Bond
Anderson: Bond, Jane Bond
Gillian Anderson hefur gefið í skyn að hún myndi vilja taka að sér hlutverk njósnara hennar hátignar, James Bond. X-Files-leikkonan hefur sett færslu á Twitter þar sem hún tjáir sig um plakat sem einhver bjó til af henni í hlutverki 007. Við plakatið skrifaði hún: „Þetta er Bond, Jane Bond." It's Bond. Jane Bond. Thanks for all the votes! (And sorry, don't...
meira
23.05.2016
The Shining sló ekki í gegn
The Shining sló ekki í gegn
Í dag, 23. maí, á hrollvekjan sígilda, The Shining, eftir Stanley Kubrick, 36 ára afmæli, en myndin er ein af þeim kvikmyndum sem slógu ekki í gegn þegar þær voru frumsýndar, en hafa síðan orðið sígildar kvikmyndaperlur. Á meðal aðdáenda myndarinnar er Lee Unkrich, leikstjóri Toy Story 3, og hinnar væntanlegu Coco, en hann segir að myndin sé ástæða þess að...
meira
23.05.2016
X-menn beint á toppinn
X-menn beint á toppinn
X-Men Apocalypse fór ný beint á topp íslenska bíóaðsóknarlistans nú um helgina, og sló þar með teiknimyndinni um reiða fiðurféð, Angry Birds, við. Í þriðja sæti listans er hin léttklikkaða og skemmtilega gamanmynd, Keanu, en hún var frumsýnd í síðustu viku. Ein ný mynd til viðbótar er á listanum þessa vikuna, en Brev til Kongen, sem sýnd er í Bíó...
meira
23.05.2016
Nolan hefur tökur á Dunkirk - Sjáðu myndirnar!
Nolan hefur tökur á Dunkirk - Sjáðu myndirnar!
Tökur á nýjustu mynd Christopher Nolan, stríðsmyndinni Dunkirk, eru hafnar í Dunkirk í Frakklandi. Myndin, sem er væntanleg í bíó á næsta ári með Tom Hardy í aðalhlutverki,  fjallar um brotthvarf breskra, belgískra og franskra hersveit frá ströndum Dunkirk árið 1940 eftir að þýski herinn umkringdi þær. Winston Churchill, fyrrverandi forsætisráðherra...
meira
22.05.2016
Löggutryllir með álfum með Noomi í sigtinu
Löggutryllir með álfum með Noomi í sigtinu
Karlar sem hata konur og Prometheus leikkonan Noomi Rapace á nú í viðræðum um að leika á móti Will Smith í nýjustu mynd David Ayer ( Suicide Squad, Fury ), Bright. Handrit skrifar Max Landis, og aðrir leikarar eru m.a. Joel Edgerton. Myndin er framleidd af Netflix streymis-myndveitunni, sem nú framleiðir sífellt meira af eigin efni. Bright er löggutryllir, með ævintýrablæ,...
meira
22.05.2016
Finnsk boxmynd vann í Cannes - leikstjórinn steinhissa
Finnsk boxmynd vann í Cannes - leikstjórinn steinhissa
Finnska ævisögulega hnefaleikamyndin The Happiest Day in the Life of Olli Mäki vann til aðalverðlauna Un Certain Regard keppni Cannes kvikmyndahátíðarinnar í gær, en 18 myndir tóku þátt í keppninni í ár. Í fyrra vann mynd Gríms Hákonarsonar, Hrútar, til þessara sömu verðlauna, en það var í fyrsta skipti sem íslensk mynd í fullri lengd hafði unnið til verðlauna...
meira
21.05.2016
Harrelson kynnist því besta og versta í mannlegu eðli
Harrelson kynnist því besta og versta í mannlegu eðli
Woody Harrelson hefur bæst í leikhóp myndarinnar Suburbicon, sem er nýjasta leikstjórnarverkefni George Clooney. Fyrir í myndinni eru leikararnir Matt Damon, Julianne Moore, Josh Brolin og Oscar Isaac. Handrit er eftir enga aðra en þá bræður Joel og Ethan Coen, en Clooney hefur átt langt og gott samstarf við þá Coen bræður, og leikið í fjórum mynda þeirra, nú síðast...
meira