Nexus-forsýning á kvikmyndinni DRIVE verður haldin annað kvöld í Kringlubíói kl. 22:20 í sal 1. Miðaverð er 1500 kr. í númeruð sæti. Ekkert hlé verður á myndinni en hún verður textuð (sem vanalega gerist ekki á Nexus-forsýningum). Aldurstakmark er 16 ára!

Miðarnir eru engöngu seldir í Nexus og líkur sölu á þeim fyrir sýningu kl. 21:00.

Drive er kvikmynd úr smiðju leikstjórans Nicolas Winding Refn sem meðal annars leikstýrði Bronson og Pusher. Myndin segir frá áhættuleikaranum Driver sem er gæddur snilldarhæfileikum í akstri bíla. Umboðsmaður hans, Shannon, er duglegur við að koma honum á framfæri við kvikmyndaframleiðendur en græðgi hans hefur einnig gert það að verkum að Driver tekur að sér kvöld- og næturstörf fyrir þjófa sem þurfa á flóttabifreið að halda. Dag einn kynnir Shannon Driver fyrir hinum auðuga bófa Bernie Rose sem sér þegar hvaða hæfileikum Driver er gæddur og samþykkir að ráða hann í vinnu. Það, ásamt því að á sama tíma hittir Driver unga konu sem heillar hann upp úr skónum, setur í gang ófyrirsjáanlega atburðarás sem á heldur betur eftir að reyna á Driver við að halda velli og vernda þá sem standa honum næstir.

Handritið er byggt á skáldsögu eftir James Sallis. Aðalhlutverk í myndinni leika Ryan Gosling og Carey Mulligan.

Myndin hefur fengið frábæra dóma og þarf ekki annað en að vísa á Rotten Tomatoes síðu hennar. Gagnrýnendur halda ekki vatni yfir henni!

Kíkið endilega á trailerinn, sem ritstjóri telur vera einn sá flottasti á öllu árinu: