Sambíómenn voru svo elskulegir að gefa mér lítinn haug af sérstökum Harry Potter þrívíddargleraugum, og mér datt í hug að gefa gestum forsýningarinnar á meðan birgðir endast. En þar sem ég er ekki með nærri því nógu mikið magn til að gefa heilum bíósal (hvað þá tveimur!) þá þykir mér sniðugast að vera bara með stuttan leik í kringum þetta.
Mjög einfalt. Það eina sem ég vil að þú gerir er að segja mér hver er þín uppáhalds persóna í HP-sögunum og hvers vegna. Þið hafið alla helgina til þess, og á mánudaginn segi ég hverjir unnu gleraugu. Pósturinn sendist á tommi@kvikmyndir.is.
Þú þarft hins vegar að vera kominn með miða á forsýninguna, annars færðu ekki gleraugu (ég veit, við erum tussuleiðinlegir við þá sem fara ekki á hana). Þeir sem vinna fá þau afhend við dyrnar rétt fyrir sýningu.
Heyrumst.
Kv.
T.V.