Jaðarsport á bíótjaldi í næstu viku

Fyrir áhugamenn um jaðaríþróttir þá ætti næsta vika að verða áhugaverð, því Íslenski alpaklúbburinn, í samstarfi við Bíó Paradís, býður þá upp á Alþjóðlegu fjalla- og útivistarkvikmyndahátíðina BANFF Mountain Film Festival dagana 17-18. maí.
Í fréttatilkynningu segir að sýndar verði bestu stuttmyndir ársins af afrekum og ævintýrum einstaklinga sem stunda jaðaríþróttir á borð við fjallamennsku, snjóbretti, fjallahjól, klifur, skíði, kajak, base jump og fleira. „Myndefnið er mikið sjónarspil og er frábær skemmtun og hvatning fyrir alla sem una útivist en ekki síður fyrir þá sem vilja fylgjast með úr fjarska og kjósa örugg og þægileg sæti…,“ segir í tilkynningunni.

Áhugasamir geta farið hér inn til að fá forsmekkinn af því sem brugðið verður upp á bíótjöldin í næstu viku.