??? ÞESSI MYND ER EKKERT ANNAÐ EN ÓVIRÐING VIÐ MEISTARA WES CRAVEN OG SKÖPUNARVERK HANS FREDDY KRUGER þeir mega gera allt við Jason, hann er leiðinlegur, EN EKKI EINU SINNI DIRFAST AÐ GERA EINHVAÐ SVONA VIÐ FREDDY AFTUR!!!

Jæja enn ein umfjöllun, sá sem hefur lesið þetta allt er sorglegur .... (eins og ég). Nú... etta er cool mynd og hefur allt sem þarf: blóð, splass, 2 fyrrum ástfangnar aðalpersónur sem ná aftur saman, hokkígríma, jólapeysa, hnífar og sveðjur, og jafnvel einn kornakur ;) Ættuð að sjá þessa. En hvað hafa allir hérna sonna mikið á móti Jason??? Hann er mj. cool, og Freddy er ekkert svo fyndinn... oft já og hann er scary og allt, en Jason líka! Þrjár stjörnur.

Æjj afhverju að blanda einhverjum öðrum crasy morðingja inní Nightmare mynd. Fór á hana í bíó og fannst hún allveg geðveik þá en þegar ég sá hana í afmæli fattaði ég að þetta væri bara eitthvað blóð og sull útum allt..... en veit einhver hvort að það komi einhver önnur svona VS. mynd ? :s

Á níunda áratugnum komu fram tveir af frægustu hryllingspersónum í sögu kvikmyndanna. Hann Freddy Krueger úr Nightmare On Elm Street sem slátraði krökkum í draumum og hann Jason Voorhees sem var að dunda sér við að höggva krakkana í spað í Crystal Lake. Núna er búið að skella þeim saman í eina stóra mynd. Freddy (Robert Englund) er búinn að missa allan kraftinn sinn til að ráðast inn í draumana hjá krökkunum á Elm Street þannig að hann vekur geðklofann Jason (Ken Kirzinger) upp úr gröfinni sinni og sendir hann til að hræða krakkana. En Jason heldur áfram að höggva þá í spað og leyfir honum Fredda gamla ekki að njóta sín þannig að Freddy og Jason reyna að drepa hvorn annan og á meðan þurfa krakkarnir að verjast þeim báðum. Leikstjórinn er Ronny Yu (Bride Of Chucky,The 51st State) sem gerir þessa mynd en hann fullkomnar B-splatterið með miklu blóðbaði. Leikararnir sem leika krakkana standa sig ekki mjög vel og það mætti velja aðra leikara. Freddy Vs.Jason er frábær hrollvekja sem allir hryllingsnördar ættu að sjá en ekki fyrir þá sem þola ekki að sjá mikið splatter.

Hvernig væri nú að sleppa silikoni og hæfileikalausum leikurum og gera svona hryllingsmyndir af aðeins meiri ástríðu og fá fólk sem getur komið (áhugaverðum) hlutverkum frá sér? Ég bara spyr. Því þessi mynd hefði getað orðið mun betri með betri leik fórnarlambanna, en sumir hafa hæfileika og kannski var leikstjórnin bara ekki nógu öflug. Annars þótti mér þetta bara hin mesta skemmtun þrátt fyrir afskaplega óeðlilegt splatter-blóðið. Hugmyndin er náttúrulega sniðug, svo ekki sé minnst á að maður fær að upplifa orsök þess að Freddy er eins og hann er og Jason er eins og hann er. Nóg er af blóðslettum og öskrum og það í bland við góða frammistöðu Jason-leikarans (það má náttúrulega deila um hvort hann þarf að leika) og Freddy-leikarans (hann leikur snilldarlega) gefa manni heilmikið sem aðdáenda hrollvekja af betri gerðinni. Það er hægt að segja að söguþráðurinn sé frekar ófyrirsjáanlegur og það er kostur. Maður myndar hins vegar lítil tengsl við fórnarlömbin sem fyrr. Manni varð strax ljóst að Freddy og Jason eru jafn sterkir og það er bara fyrir heppni sem annar gæti sigrað hinn. Veikleiki Freddy er eldurinn og veikleiki Jasons vatnið. Mesti styrkur Freddy er auðvitað að myrða í gegnum drauma sína, en mesti styrkur Jasons er að hann óttast ekkert og er ódrepandi af því hann er ekki lengur með öllu mannlegur. Svo Freddy á meiri líkur á að sigra Jason í draumi, en Jason á meiri líkur á að sigra Freddy í vöku. En ég get ekki annað sagt en að Freddy vs. Jason er bara fín hrollvekja og hefði vart getað verið betri. Góða skemmtun.

Það sem mér fannst gott við þessa mynd er að stundum á tímum er hún alveg drepfyndinn. Það er gaman að sjá Freddy og Jason saman í bíómynd. Ég hafði nú aldrei séð neina mynd af Friday the 13th seríunni nema þá fyrstu og reyndar Jason X, sem að er glötuð. En ég get alveg sagt að þessi mynd er betri en allar Nightmare on Elm Street myndirnar til samans, fyrir utan þá fyrstu. Það er notuð sama formúlan í þessari mynd og í hinum myndunum, það er að segja nóg af blóði og ógeði sem að einkennir þessar myndir(það er að segja Friday the 13th og Nightmare on Elm Street seríurnar), þó að það sé aðeins sýnt á bakvið í þessari mynd hvers vegna Freddy og Jason enduðu á því að vera morðingjar. Ronny Yu er alveg tilvalinn til að leikstýra svona mynd því að hann hefur reynslu í því að gera svona myndir. Dæmi: Bride of Chucky. Af hverju ég gef þessari mynd 2 stjörnur er vegna þess að þessi mynd er betri en allar framhaldsmyndirnar af Nightmare on Elm Street og Friday The 13th. Ef ég ætti að bera hana saman við 1. Nightmare myndina þá er hún bara brandari. En þeir sem hafa gaman af svona vitleysu og vilja mikið af blóði, mæli ég með henni en aðrir eiga að halda sig frá henni.

Ég hef alltaf verið hrifin af hryllingsmyndum en ég hef aldrei

verið hræddur né spenntur en ég hef alltaf viljað sjá hverja hryllingsmyndirnar á fætur annari t.d. Halloween,Ffriday the 13th, nightmare on elm street og children of the corn en ég hef aldrei séð neina hryllingsmynd sem ég hef verið virkilega sattur við en það er allt annað að segja um freddy vs Jason þetta er góð og skemmtileg mynd sem ég mæli með,en reyndar var ég ekkert spenntur og mér brá ekkert heldur en þetta er samt geggjað skemmtileg mynd sem ég væri til í að sjá aftur.

Þetta er mjög góð mynd. T.d þá eru tækni brellurnar miklu betri en í gömlu nightmare og fridayy the 13th myndunum. Málið er að Freddy fæðist á ótta krakkana á elm street en þegar þeir læra að hætta að óttast hann verður hann veikleika og getur ekki snúið aftur. Þess vegna fær hann Jason til að fara til elm street þannig að allir muna. Þegar krakkarnir fá martraðir aftur er Freddy í stöðu til að snúa aftur. En þegar Freddy er kominn aftur og tilbúinn að sjá um krakkana sjálfur vill hann að Jason hætti að drepa. En Jason vill alls ekki hætta.


Mögnuð mynd sem enginn ætti að láta fram hjá sér fara.

MUHUHAHA það skiptir engum togum hér er á ferðinni ein allra hræðilegasta hrollvekja sem ég man ef......þvílíkur húmor.

Hverjum datt þetta til hugar er það sem mér kemur efst í huga eftir að hafa náð áttum eftir þessa magnþrungnu .....mynd.

Afhverju .....mynd? Af því að ég veit ekki hvort maður á að tala niður til hennar eða upp. Ég hallast þó meira að upplitinu eftir að hafa mellt þetta allt saman, myndina skortir ekki húmorinn það er alveg á hreinu, hana skortir ekki hasarinn, það skortir ekki blóðið það einfaldlega flæðir út um allt og hana skortir hvorki Jason né Freddy Kruger.

Niðurstaða: Hvað villt þú meira í hrollvekju heldur en þessa ofangreindu þvælu, ekkert, það einfaldlega skortir ekkert.

Níundi áratugurinn var blómaskeið hryllingsmynda. Meðal þeirra persóna sem spruttu fram á sjónarsviðið á þessum árum voru Freddy Krueger og Jason Vorhees. Báðar þessar persónur áttu það sameiginlegt að vera ógeðfelldar og drápu miskunnarlaust. Freddy var aðalkarakterinn í Nightmare on Elmstreet myndunum (7 mynidr komnar) og Jason var aðalkarakterinn í Friday th´13 myndunum (10 myndir komnar). Freddy og Jason eru samt sem áður mjög ólíkir. Freddy herjar á fólk í draumi en Jason heldur sig á afskekktum stöðum. Freddy er meinfyndin en Jason segir aldrei neitt. Fortíð þeirra beggja er skuggaleg svo ekki sé nú meira sagt. Það kom að því að þessum persónum er skellt saman í eina mynd og útkoman er mjög góð. Sögurþáðurinn er í stuttu máli sá að Freddy vill endurheimta sinn fyrri styrk en til þess þarf hann ótta. Þeir sem hafa lifað Freddy af halda honum niðri með pillum sem kemur í veg fyrir að mann dreymi. Þetta líkar Freddy ekki og vekur því Jason upp og sendir hann til að hrista aðeins upp í liðinu. Svo þegar allir eru farnir að verða hræddir aftur ætlar hann sér að koma og ná í ,,börnin sín. En Jason drepur bara og drepur og eignar sér allan heiðurinn og það líkar Freddy ekki og uppgjör þeirra er óumflýjanlegt. Freddy vs Jason er fyrirtaksskemmtun fyrir þá sem þekkja til þessara persóna. Mér hefur alltaf fundist Freddy Krueger vera skemmtilegri karakter. Hann stelur senunni þegar hann birtist. Gallinn við þessa mynd er leikurinn hjá þeim ,,mennsku. Hann er afleitur. Ég vona að þessi mynd marki upphafið af fleiri Freddy myndum. Góða skemmtun.

Þetta er einhver besta hryllindsmynd sem komið hefur í bíó í langan tíma.

Handritið er það besta sem ég hef séð í hryllingsmynd og er Freddy algjörlega að fara á kostum í þessari mynd.

myndin skiptist í tvo barta sem tregur ana niður um einastjörnu en fyrrihlutinn er svoldið langdreyinn en seinni alltof stuttur.

Það sem stendur uppúr með þessa mynd er setning sem Freddy segir um miðja mynd við Jason ,,Du you never dea. En´hún er alveg frábær vegna þess að þeir hafa aldrey dáið.

Ég er mikill aðdáandi Friday the 13th og smá að Nightmare on elm street myndanna og því var ég spenntur að heyra það að það væri að koma ný mynd með þeim kauðum saman. Þegar ég loksins sá þessa mynd var ég ekki vonsvikinn þrátt fyrir ekki svo góðan leik hjá fórnarlömbunum en annars vegar þá var myndinn hin mesta skemmtun fyrir mig og mæli hiklaust með henni fyrir hrollvekju aðdáendur sem kunna að meta svona myndir. En ég get ekki gefið henni fullt hús út af lélegum leik fórnalambana. Annars vona ég að fá að sjá meira af þessum gaurum saman eður ei.

Ógeðslega leiðileg mynd, ekkert scary, ekkert fyndinn, ílla leikinn og maður bregður ekki neitt í þessari ljótu og leiðilegu mynd.. Þetta er bara leiðileg b mynd.. Reyndar er eitt gott í þessari mynd og er það að maður sér flott brjóst í henni, en það er það eina góða í myndinni. Svo ekki fara á þessa mynd......Ég skil ekki afhverju ég labbaði ekki út í hléi..

Í þessari mynd leiða saman hesta sína tvö þekktustu hrollvekjuómenni síðustu áratuga, Freddy Krueger úr Nightmare on Elm Street myndunum og Jason úr Friday the 13th seríunni. Það hefði verið auðvelt að klúðra þessu algerlega, en það verður að segjast eins og er að hér er haldið nokkuð þétt á spilunum. Nokkrum Elm Street myndum hefur verið klúðrað með of miklum húmor en sem betur fer gildir það ekki hér. Freddy kemur auðvitað með marga one-linera en er samt fyrst og fremst ógnvekjandi. Vinsældir Jasons skil ég engan veginn, þetta hlýtur að vera með meira óspennandi karakterum sem varpað hefur verið á hvíta tjaldið og hvernig var hægt að halda uppi heilli mynd (hvað þá seríu) með honum sem illmenninu er nokkuð ótrúlegt. Hann virkar samt vel sem erindsdrengur Freddy's. Helstu gallar myndarinnar eru að of mikill fókus er settur á mennsku persónurnar, sem eru óspennandi steríótýpur leiknar af verulega slöppum leikurum. Það er varla hægt að segja að handritið sé slappt því það sem snýr að Freddy og Jason er vel útfært, en allt sem ungmennin gera er ótrúlega klisjukennt. Enga að síður hefur Freddy vs Jason allt sem góð hrollvekja þarf að hafa: ógnvekjandi illmenni (a.m.k. annað þeirra), nóg af blóðsúthellingum og dálitla nekt. Góð afþreying fyrir þá sem þekkja til Elm Street eða Friday the 13th myndanna, en aðrir munu líklega verða dálítið út á þekju.

Freddy vs. Jason! Þegar ég heyrði þetta fyrst var ég frekar spenntur fyrir þessarri mynd. Þannig að í gær skellti ég mér á hana og þetta er útkoman. Þrátt fyrir hrææææðilegan leik allra aðalleikaranna var myndin samt ágætis skemmtun. Enda hörkutöff að sjá tvær aðal ófreskjurnar úr hryllingsmyndum okkar tíma. Það vantaði eiginelga bara Michael Meyers þarna og þá hefði þetta verið hið fullkomna tríó. En ég er þó ágætlega sáttur með þessa mynd en ég vona að Kelly Rowland fái aldrei að leika í annarri mynd.

Ég er hvorki aðdáandi martraðar á álmstræti né föstudagsins þrettánda en félagi minn nokkur vildi ólmur sjá þessa mynd þannig að við brugðum okkur á frumsýninguna í Regnboganum. Honum fannst myndin ágæt en mér fannst hún hálf sjúskuð og bara gleymanleg. Það virtist vera alveg brilliant hugmynd að skella íshokkígaurnum og manninum með járnklærnar saman í eina mynd en svo kom þetta bara svona illa út. Maður hefði eiginlega bara búist við svo mikið betri mynd. En ástæðan fyrir því að ég gef þessari mynd svona háa einkunn(eða háa einkunn ég segi það nær meðallagi)er sú að mér fannst rætast úr henni þegar það fór að líða á hana. Niðurstaðan er því sú að Freddy vs. Jason er ekki sem verst en alls ekki nógu góð þannig að hún fær eina og hálfa stjörnu.