Steel Magnolias er mynd frá árinu 1989 sem skartar fullt af frægustu leikkonum Hollywood m.a. Juliu Roberts fyrir Pretty Woman. Hún er sorgleg, fyndin og lætur manni einfaldlega líða vel á meðan maður horfir á hana.

Hún fjallar um sex konur: Shelby (Julia Roberts),stelpu um tvítugt sem er sykursjúk á alvarlegu stigi en er að gifta sig, mömmu hennar M'Lynn (Sally Field), konuna í hverfinu sem allir elska að hata Ouiser (Shirley McLane), konuna sem á snyrti-og hárgreiðslustofu bæjarins Truvy (Dolly Parton), trúuðu aðstoðarkonu hennar Annelle (Daryl Hannah) og loks konuna sem að veit allt slúðrið Clairee (Olympia Dukakis).
Þessar sex konur eru allar ólíkar en eiga það sameiginlegt að vera vinkonur og fylgja hver annarri í gegnum erfiða tíma.
Þetta gera þær í myndinni á skemmtilegan hátt.

Myndin er mjög þægileg áhorfar og skilur eitthvað gott eftir sig, hún er frábær stelpumynd fyrir allar ömmur, mömmur, dætur, frænkur og vinkonur.