Ég held að flestir gátu verið sammála því að Ocean's 11 hafi verið afbragðs afþreying. Þetta var ein af þessum viðbjóðslega skemmtilegu glæpamyndum sem að hélt uppi spennu, húmor og góðu flæði. Þremur árum síðar kom út Ocean's 12, sem að meirihluti var alls ekki að fíla (skilst mér). Ástæðurnar eru svosem skiljanlegar; Hún var allt öðruvísi, bæði í frásögn og stíl. Þar að auki spilaðist hún út eins og einn massívur einkabrandari á milli leikstjórans og leikaranna. Persónulega fannst mér sú mynd vera fín, en það vantaði allan fíling í hana sem að gerði forverann að þeirri feel-good mynd sem hún var.

Ekki bjóst ég við því að ég mundi vera að rýna í Ocean's 13 þremur árum eftirá! Það er aðeins hægt að ímynda sér þann kvíða sem að helltist yfir mig áður en ég sá myndina. Ég vonaðist innilega til þess að myndin yrði ekki léleg, hvað þá að hún færi að eyðileggja álit mitt á fyrstu myndinni.

Svo kom bara þessi sprengja! Myndin var ekki aðeins góð afþreying, heldur frábær afþreying! Ég fílaði myndina í klessu og neyðist þar með að segja að þetta sé besta Ocean's-myndin. Það er ekki bara vegna þess að Julia Roberts kemur myndinni ekkert við... Ókei, jú, kannski pínu... En myndin er hugsanlega best skrifuð af öllum þremur, svo að auki dýrkaði ég stílinn á henni, og bara nánast hver einasta mínúta hélt mér áhugasömum.

Við erum ekki að tala um Óskarsbíó hérna, heldur bara gamaldags kvöldskemmtun, og sem slík skilaði myndin öllu sem ég gat búist við, og sem þriðja eintakið af Ocean's-myndunum fékk ég margfalt meira en ég gerði ráð fyrir.

Söguþráðurinn er skemmtilegur, en ath. hvergi skal taka hann né atburðarásina eitthvað alvarlega. Leikararnir hafa ekki verið svona hressir síðan í fyrstu myndinni (skiljanlega, þar sem að þeir fengu ekki allir að gera eins mikið í mynd nr. 2). Al Pacino er jafnframt skemmtilegur viðauki í hópinn. Hef ekkert út á hans nærveru að setja.

Annars er það eitthvað við stílinn í þessari mynd sem að náði sterkri athygli minni. Myndin lítur nefnilega gullfallega út. Þó svo að þessi mynd gerist í Vegas, rétt eins og fyrsta myndin, að þá er litapallettan allt önnur og í raun hefur borgin aldrei litið betur út á filmu. Steven Soderbergh er gjarnan mistækur, en fyrir hvert feilspor virðist hann vera fljótur að ná sér upp aftur.

Ocean's 13 fær hiklaust mín meðmæli, en undir þeim kringumstæðum að áhorfandinn sleppi sér einungis í gamaninu og reyni ekki að láta raunsæishugsun eða nokkuð annað þvælast fyrir.

8/10

Þetta brill þetta plott þessi leikara hópur :D



ég hef sé þær margar myndinar í gegnum tíðina en þessi hópur saman komin í einni mynd , ég mæli eindregið með að vinir fari saman að sjá þessa snild því að það er nóg að tala um eftir hana





Allir bestu leikaranir á sama staðnum að gera það gott

Ég hef nú hugsað að Ocean væri orðin pínu slakur eftir að Spidey og Piratey 3 sukkuðu. En þessi þriðja mynd er stórkostleg og allavega betri en númer 2 og jafnvel eins góð og númer 1! George Clooney er stórkostlegur og Brad Pitt og auðvitað er Al Pacino geðveikur í hlutverki Willy Bank. Allir standa sig vel. Myndin er góð og handritið líka. Myndin er rosalega góð og er söguþráðurinn smá flókin en Steven Soderberg er snillingur í að gera flóknar myndir skiljanlegar. Allt pakkið er frábært og er því þessi mynd á TOP 10 listanum mínum í ár.

Kv. Heimir