Ég sá þessa mynd um daginn og verð að segja að hún á alla góða dóma skilið. Hún er löng en þrátt fyrir það finnur maður ekkert fyrir því. Söguþráðurinn er frumlegur og er Morgan Freeman æðislegur ,,narrator". Þetta er ein af bestu myndum sem ég hef séð og mæli ég með henni við alla fyrir næsta bíókvöld. Það er ekkert að þessari mynd! 

The Shawshank redemption er alveg ágæt en ég get ekki sagst vera eins hrifinn af henni og flestir aðrir virðast vera. Í mínum augum er hún fín afþreying en ekkert meira en það. Hún gengur svona upp og niður allan sýningartímann, sumir kaflar eru snilld á meðan aðrir eru virkilega þunnir. Miðað við mynd sem gerist á einum tuttugu árum þá er hún mjög vel klippt, því verður ekki neitað og sagan nær að gefa ásættanlega útkomu. Tim Robbins og Morgan Freeman leika tvo fanga sem afplána dóm í fangelsi og myndin lýsir að mestu leyti samskipti þeirra. Robbins er mjög góður í hlutverki sínu og lífgar upp á myndina en hlutverk Freeman's er heldur formúlukennt og persónan verður jafnvel þreytandi til lengdar. En svona í heildina get ég ekki gefið The Shawshank redemption meira en tvær og hálfa stjörnu sökum þess að mér finnst hún góð en ekki það góð. Sjáðu hana samt þó að það væri ekki nema bara út af endaplottinu sem kemur skemmtilega á óvart.

The Shawshank Redemption er ein af þessum klassísku myndum sem allir hafa séð, og allir meira en minna hylla þessa mynd meira yfir flestar aðrar að því miklu magni, að margir gætu farið að hata þessa mynd. Það fólk má brenna, það fólk hefur gefið Satan sálu sína því The Shawshank Redemption, er líklega SÚ allra besta kvikmynd allra tíma. Hún er fullkomin, hver einasti rammi er fullkomnun í réttum skilningi, þessi saga er besta útfærsla á kvikmynd sem hefur nokkurn tíman verið gerð. Ég tel mín orð ekki vera sleikjuháttur að neinu tagi, ég virkilega trúi þessu, og ég skal reyna að útskýra það.



Myndin er byggð á stuttsögu eftir Stephen King sem kallast ´Rita Hayworth & The Shawshank Redemption´ sem eins og myndin, fjallar um Andy Dufresne sem er dæmdur í tvöfalt lífstíðarfangelsi fyrir morðin á konu sinni og elskenda hennar. Að fá tvöfalt lístíðarfangelsi þýðir að þú hefur engan möguleika á skilorði, þ.e.a.s þú ert fastur í fangelsi alla þína ævi. Red hefur verið í Shwawshank fangelsinu í tuttugu ár þegar Andy kemur og þeir tveir verða smám saman vinir, sagan heldur svo áfram sögð gegnum sjónarhorni Red's, frá 1947-1967 árin sem myndin gerist og þetta tveggja klukktutíma monologue sem Morgan Freeman ber fram er það lang áhrifaríkasta sem hægt er að heyra, ekki aðeins er Morgan Freeman með ofursvala rödd, heldur ofurrólegan tón. Fangelsistjóri Shawshank's er Samuel Norton, strangtrúaður, miskunarlaus og spilltur maður sem notar bankahæfileika Andy's sem tæki til þess að þvo ólöglega fjármagnið hans, sagan öll byggist í kringum Red að útskýra sögu sína og Andy's þessi 20 ár í Shawshank.



Handritið hans Frank Darabont er eins og leikstjórnin hans, ótrúleg að öllu leiti, ég mun aldrei skilja hugarástandið hans þegar hann gerði þessa mynd. Alveg gallalaust handrit, við lok myndarinnar var ég gersamlega örmagna, sagan krefst svo mikla orku úr manni að ég fann fyrir miklum létti við lokin. Samkvæmt DVD ´audio commentary´ með Darabont þá tengir hann oft tónlist saman við senur, t.d þegar Andy spilar ´The Marriage of Figaro´ eftir Mozart, hann skrifaði víst senuna meðan hann hlustaði á lagið sjálft, Frank telur tónlist vera lykil að tilfinningu sem er líklega satt að mínu mati.



Morgan Freeman er sá sem heldur þessari mynd á flot, það ætti að lista hann sem aðalleikara myndarinnar, rödd hans er þungamiðja myndarinnar. Ég get varla ímyndað mér betri valkost en Freeman, hann átti myndina. Tim Robbins er skilaboð sögunnar, hann er Vonin sem sagan einbeitir sér á, hann er þögla hetjan og ´Jesús´ ímyndin. Þó svo að Robbins hafi ekki verið eins mikilfenglegur og Freeman þá var hann fullkominn í sínu hlutverki. Bob Gunton er ´AntiKristurinn´, hann er andstæða Andy Dufresne, gæti talist það trúaður maður að hann hefur farið heilan hring og hreinlega misst vitið. Hlutverkið hans krafðist engra gífurlegra krafta en hann bar hlutverkið eins vel og hægt var. Leikurinn, þá sérstaklega hjá Freeman og Robbins er ´fullkominn´ fyrir myndina, svo má ekki gleyma James Whitmore sem Brooks, persóna sem hefur mikla þýðingu fyrir söguna. Whitmore var alls ekkert verri en Freeman/Robbins.



Eini hluti gerð myndarinnar sem telst ekki fullkominn (því miður) eru sumar tæknilegar hliðar, t.d kvikmyndatakan (eftir Roger Deakins), sem er góð, getur varla talist eins góð og mögulegt er í dag. En fullkomnun er stór krafa, það er nú ekki hægt að draga niður meistaraverk fyrir svona hluti, það þarf líka að hafa það í huga að myndin kostaði 25 milljónir dollara. Það er mikill peningur, en ekkert sérstaklega mikið fyrir mynd eins og Shawshank Redemption. Svo verð ég að minnast á tónlistina eftir Thomas Newman, rosalegt verk, fimm árum seinna gerði Newman tónlistina fyrir American Beauty sem hefur mörg einkenni frá Shawshank.



The Shawshank Redemption er einstaklingsreynsla, sjálfur öðlaðist ég þá reynslu gegnum vídeospólu árið 1995 aðeins átta ára gamall, samt einhvern veginn varð ég gripinn af myndinni þótt ég skyldi ekki myndina eins vel og í dag. Þannig var það fyrir suma, Shawshank Redemption floppaði illa í bíó og fékk aðeins meðal gagnrýni en þegar myndin komst á leigur, þá skyndilega varð hún að gersemi undirheimanna. Hún barst frá fólki til fólks gegnum spóluna, núna er það DVD, ég á sjálfur ´10th Anniversary - Three Disc Edition´ af myndinni. Eftir að myndin fór að verða svona vinsæl fóru víst gagnrýnendur að líta á myndina aftur, dómarnir breyttust víst til hins betra, nú er The Shawshank Redemption talin vera einhver albesta kvikmynd sögunnar. Það þarf varla að reyna að staðsetja Shawshank Redemption á einhverjum topplista, hún er nr.2 á imdb, hjá mér er hún rétt hjá fyrsta sæti, það er ávallt nokkrar myndir sem sífellt berjast um þetta fyrsta sæti og Shawshank er ein þeirra. Einstaklingsreynslan mín á Shawshank var magnþrungin, ég held að það sé besta orðið til þess að lýsa reynslunni, The Shawshank Redemption er magnþrungin og áhrifaríkasta mynd sem hægt er að sjá.

Ég sá Shawshank Redemption fyrir stuttu og ég he´lt að hún yrði mjög góð, og hún varð það. Mér finst að hún ætti að fá Óskarsverðlaun fyrir bestu myndina árið 1994, það var Forrest Gump sem fékk Óskarsverðlaunin fyrir bestu myndina þá en hún var líka mjög góð. Þessi snilldar mynd var leikstýrð af Frank Darabont(The Green Mile) og byggð á stuttri sögu eftir Ritu Hayworth. Hún fjallar í stuttu máli um mann að nafni Andy Dufrense sem er fær tvöfaldann lífstíðardóm fyrir morð á tveim manneskjum, en hann var saklaus allan tímann. Hann verður fluttur í Shawshank fangelsið og hittir þar fanga að nafni Red sem er svona reddari í fangelsinu. Hún fjallar að mesta lagi um hann Andy Dufresne að reyna að venjast lífinu í Shawshank fangelsinu. Það má seigja að að endirinn eða síðustu þrjátíu mínúturnar sé eitt af bestu endum í sögu kvikmyndana, jæja þetta var smá söguþráður um þessa mynd. Aðalhlutverk í þessari mynd eru : Tim Robbins(Mystic River), Morgan Freemann(Seven), Bob Gunton(Ace Ventura 2 When Nature Calls) og William Sadler(Die Hard 2). Þessi mynd er um lífið hans Andy í fangelsinu meiri hlutann og ég gef þessari snilldar mynd fjórar stjörnur.

Fátt hægt að segja meira um þessa mynd heldur en SNILLD!

Þetta er ein allra besta mynd sem nokkurntíman hefur verið gefin út.

Það er varla að maður komist úr sófanum til að pissa því maður getur bara ekki ýtt á pausu takkan því myndin er það mögnuð að maður vill ekki að hún stoppi.

Mynd sem hægt er að horfa á aftur og aftur og aftur og aftur og aftur og aftur og oftar en það.

Shawshank Redemtion var betri en ég hélt, og hún er örugglega á mínum topp 50 lista yfir bestu myndir allra tíma. Árið 1947 drap Andy Dufresne (Tim Robbins) konu sína því að hún var að halda framhjá sér. Hann er svo sendur í Shawshank fangelsið og dómurinn er tvær lífstíðir. Honum líður ekki mjög vel þangað til að hann hittir Red (Morgan Freeman) sem er reddarinn í fangelsinu og svo er skyggnst inn í líf á bak við rimlana og Andy fattar að þolinmæði vinnur þrautir allar. Stephen King skrifar náttúrulega alltaf góður sögur en þessi er ólíkt hrollvekjunum hans en Shawshank Redemption er byggð á sögu hans Rita Hayworth And The Shawshank Redemption.

Showshank Redemption (SR) var nýlega sýnd á dönsku rásinni TV2 og ég var hreinlega búinn að gleyma því hversu góð myndin var. Þessi mynd er í minum huga í hópi top fimm að þeim myndum sem ég hef séð yfir ævina og tilheyra mínni kynslóð. (er nú 32 ára) Myndin er ekki bara frábærlega vel leikinn heldur er handritið ótrúlega vel unnið og þaulhugsað. Komment: Það sem er að íslenskri kvikmyndagerð er handritsvinnan með örfáum undantekningum er ílla unnin. SP er ein af þessum myndum sem lifa og skilja eftir sig spor í manns eigin sál og fær mann til að skilja betur að kvikmyndaformið er listgrein fyrst og fremst. Etv. mætti kritisera að myndin sé of löng og missi flugið við lokinn en það er ekki mitt álit. Boðskapur myndarinnar er klár, frelsið mannsskepnunar verður ekki bælt niður hjá sumum einstaklingum.

En eins og áður var skrifað er það handritsvinnan sem er lykillinn að myndinni.

HS

Shawshank Redemption er meistaraverk í orðsins fyllstu merkingu.Það er allt gott um þessa mynd að segja og óþarfi að lengja gagnrýnina eitthvað.Átti að vinna Óskarinn í staðinn fyrir Gumpinn,svo einfalt er það.Ef þú átt eftir að sjá hana láttu hana þá hafa forgang.

Shawshank Redemption er sannarleg eitt mesta meistaraverk sem hefur nokkurn tímann verið gerð. Persónurnar í þessari mynd eru svo vel mótaðar að þær yfirvelma myndina. Handritið er dínamít. Og leikstjórnin og leikurinn er stórkostlegur. Myndin fjallar um Andy Dufresne vel heppnaðann bankastjóra sem sendur er í fangelsi 1947 fyrir að myrða konu sína og viðhaldi hennar. En þótt hann haldi fram sakleysi sínu er hann dæmdur í tvö lífstíðarfangelsi. Í fangelsinu hittir hann Red, vingjarnlegan fanga. Red er maðurinn sem getur útvegað þér allt sem þú þarft. Hann er smyglarinn og bjargarinn. Þannig fer fram söguþráðurinn í Shawshank Redemption. Maður sér það auðveldlega að þessi mynd var gerð með miklum áhuga, kannski er myndin svona vel heppnuð er af því að húnn er byggð eftir stuttsögu Stephen King kallast Rita Hayworth. Þú skilur það ef þú sérð hana. En annars er þessi mynd sú besta gerð eftir Stephen King og í mínum augum á top tíu lista besta mynda allra tíma á borð við Lord of the Rings, Pulp Fiction og Memento. Þetta er þín skylda að sjá þessa mynd. Ef þú sérð hana ekki, tel ég það synd. Eins og margir segja ´A must see´!!!!

Vá, þessi myd er bara snilld ég get ekki lýst henni betur.

Ég vill ekki segja neitt um söguþráðinn nema það að tim robbins leikur mann sem fer í fangelsi.

Þetta er meistarastykki sem allir verða að sjá.

Ein af mínum uppáhaldsmyndum einsog hjá flestum sem hafa séð hana, Robbins fer með afbragsleik og fær heiðursæti í sal kvikmyndastjarna fyrir

The Shawshank Redemption fjallar um Andy (Tim Robbins) sem er dæmdur í fangelsi fyrir morð á konu sinni og ástmanni hennar. Hann er sendur í Shawshank fangelsið þar sem hann kynnist Red (Morgan Freeman) sem er maðurin sem reddar ýmisu fyrir fangana. Myndin gerist á rúmlega 20 árum og fjallar hún um vist þeirra vina Andys og Reds í fangelsinu og baráttu þeira fyrir rétlæti fangana. Fáar myndir hafa haft eins mikil áhrif á mig eins og The Shawshank Redemption og hún vakti mig, eins og trúlega marga aðra, til umhugsunar um hvernig fangar þurftu að lifa í fangelsum á þeim árum sem myndin gerist á. Ég er að pæla í því hvað óskarsverðlaunaakademían var að hugsa þegar hún veiti The Shawshank Redemption ekki óskarsverðlaunin fyrir besta myndin þó Forrest Gump væri góð. Í þessari mynd er vart veikan blett fyna. Leikstjórnin er frábær, leikurinn sömuleiðis og þá sérstaklega hjá þeim félögum Tim og Morgan, kvikmyndatakan stórkostleg og síðast og ekki síst tónlistin sem er framúrskarandi. Að eins The Lord of the rings myndinar eru betri en þessi og munnar þar nær engu. The Shawshank Redemption er mynd sem er skylda að sjá og ef þú ert ekki búinn að sjá hanna farðu þá út á næstu vídíóleigu og leigðu hana og njótu svo hennar í botn.

Hér er á ferð ein besta mynd sögunar og gerist í shawshank fangelsinu, tim robbins og morgan freeman vinna sannkallaðan leiksigur. Freemann leikur mann sem hefur setið inní eins lengi og hann man, vel yfir 20 ár og þegar tim robbins kemur inn veðjar hann á að hann muni hafa mestu lætin um að hann eigi ekki skilið að vera þarna og sé saklaus, robbins reynist hinn rólegasti og tekur sinn tíma. Hann skipuleggur flótta og án þess að nokkur viti af og losar sand hér og þar og enginn fattar neitt en þetta krefst mikillar þolinmæði, og tekur yfir 20 ár, en útkoman á þessari mynd er sannkölluð snilld og meistaraverk sem allir ættu að sjá.

Shawshank Redemption er sannkallað stórverk kvikmyndasögunnar. Hún er hrein og bein snilld. Tilfinningar, spenna og magnaður söguþráður blandast saman í eitt í þessarri snilldarkvikmynd. Þema myndarinnar er frelsi. Snillingarnir Tim Robbins og Morgan Freeman leika aðalhlutverkin í þessarri mynd þar sem ungur bankastjóri, Andy (Tim Robbins), er dæmdur í fangelsi. Í fangelsi kynnist hann hörðu lífi. Hann kynnist einnig Red (Morgan Freeman) og myndast hjá þeim sterk vinátta. Það sem einkennir þennann unga bankastjóra er sakleysi, gáfur og viðhorf hans til lífsins. Þessi einkenni hans passa alls ekki inn í fangelsis umhverfið. Andy lifir á því að gera fangelsisstarfsmönnum greiða sem þeir síðan gjalda aftur með ýmsu móti. Þessi mynd er sannkölluð skyldueign og gef ég henni fjórar stjörnur.

Þær eru fáar myndirnar sem hafa haft jafnmikil áhrif á mig eins og Shawshank redemption og sorglegt að hún skildi ekki fá óskarinn fyrir bestu myndina á sínum tíma, þótt Forest Gump hafi verið mjög góð. Myndin er leikstýrð af Frank Darabont (Green Mile), en er byggð á samnefndri sögu Stephen Kings. Myndin segir frá Andy Dufresne, manni sem sendur er alsaklaus í lífstíðarfangelsi fyrir morð á kærustunni sinni og hjámanni hennar. Eins og gefur að skilja reynist fangelsisvistin ekki auðveld, en hann kynnist fljótlega Red (Morgan Freeman) sem er einhvers konar reddari innan fangelsins og mjög virtur af hinum föngunum. Þeir verða góðir vinir og segir myndin svo frá langri baráttu þeirra og einstakri vináttu innan veggja fangelsins. Þótt myndin gerist að mestu í fangelsinu þá er þetta engin hasarmynd, heldur svona spennu drama á mannlegu nótunum og segir mjög ítarlega og á raunsæann hátt frá lífi og tilfinningum fanganna. Hún verður samt aldrei væmin og er ekki alls ekk langdreginn. Samtölin í myndinni eru oft á tíðum frábær, og persónurnar vel skrifaðar. Tim Robbins og Morgan Freeman eru magnaðir í hlutverkum sínum og aukahlutverkin eru einnig einstaklega vel skipuð þótt ekki séu þar margir frægir. Einstök mynd sem allir ættu að sjá. Mér fannst hún meira að segja betri en bókin, og er ég þó mikill aðdáandi Stephen Kings

Þessi mynd er alveg frábær. Morgan Freeman er hérna að sýna sitt allra besta og ekki skemmir leikur Tim Robbins fyrir myndinni. The Shawshank Redemption er snilld frá upphafi til enda og þeir sem hafa slysast til að missa af þessari mynd eiga að fara út á leigu núna og ná í hana!!!!!!

Fullkomið meistara verk . Með betri myndum sem ég hef séð ( Þó ekki eins góð og Lord of the rings ). Hér segir frá Andy Dufrense ( Robbins) sem er bankamaður og er hann handtekinn fyrir morð á eiginkonu sinni og elskhuga hennar . Hann er sendur í Shawshank fangelsið og kynnist þar útvegaranum Red( Sem er snilldarlega leikinn af Morgan Freeman ). Síðan segi ég ekki meir nema að þessi mynd er með betri myndum allra tíma .

Þetta er ein rosalegasta mynd sem ég hef nokkurn tímann séð. Leikurinn er magnaður, sagan er þvílík enda er höfundurinn Stephen nokkur King. Þessi kvikmynd hefur allt sem góð mynd á að hafa, snilldarleik frá öllu liðinu, myndin nær að fara mjög vel eftir sögunni, andrúmsloftið og hreinlega allt. Hreinlega synd að myndin hafi verið undir Forrest Gump. De Bonte tókst vel til í að gera sína fyrstu mynd, sú næsta var svo Green Mile sem svipuð en ekki alveg eins góð og þessi. Algjör snilld.

Lang besta mynd ársins 1994 og þá er miðað við Forest Gump og Pulp Fiction. Það eru fáar myndir sem komast í standard með þessari. Ein af fimm bestu myndum sögunar. Flestar myndir sem gerðar eru eftir sögum Stephen King verða oft leiðinlegar, en ekki þessi. Leikararnir vita náttúrulega alveg hvað þeir eru að gera og standa sig frábærlega. Morgan Freeman klikkar ekki frekar en fyrri daginn og það sama er hægt að segja um Tim Robbins. Plottið er þannig að það er alveg hægt að segja aðeins King hefði dottið þetta í hug. Snilld!

Einfaldlega besta mynd sem ég hef séð! Ég á hana á spólu...... Er búinn að horfa á hana hrikalega oft.... Og þegar spólan er orðin svo slitin að ég get ekki horft á hana lengur.....þá ætla ég að kaupa hana á DVD og horfa á hana þangað til að ég dey!!!!

Stórkostleg mynd. Sagan er skirfuð af snillinginum Stephen King. Tim Robbins og Morgan Freeman fara á kostum. Það fara bara allir sem unnu við þessa mynd á kostum. Þetta er um mann (Tim Robbins) sem fer í fangelsi fyrir að hafa drepið konuna sína. En hann var saklaus og í fangelsinu kynnist hann hóp af fólki sem hefur mjög mikil áhrif á hann. Þessi mynd á skilið öll verlaun sem hún fékk. Hreinasta snilld og því ætla ég að gefa myndinni 3 og hálfa stjörnu.

Algjör snilld. Þessi mynd fær 4 stjörnur vegna þess einfaldega að ég get ekki fundið neitt að henni. Allt í henni er gjörsamlega brill, leikur, sviðsetning, búningar, kvikmyndun, hljóð og allt annað er listmannlega sett fram. Ein sú besta mynd sem ég hef séð.

Þessi mynd er alveg stórkostleg. Andy Dufrense kemur inn í Shawshank fangelsi fyrir morð. Þar kynnist hann reddaranum sem Morgan Freeman leikur og reddar hann ýmsu fyrir hann. Ég ætla nú ekki að fara að skrifa um söguþráðinn á myndinni því þá yrði þessi umfjöllun svo löng. En Andy er mjög góður fangi og hjálpar fangelsisstjóranum. Seint í myndinni kemur í ljós að hann hafði platað alla upp´úr skónum. Þegar hann er allt í einu horfinn um morguninn.

Þetta er snilld. Þeir Tim Robbins og Morgan Freeman leika þetta snilldarlega. Ég hef séð þessa mynd svona tíu sinnum og mér fannst hún alltaf jafn góð. Ég get eiginlega ekki sagt meira en það að þessi mynd er meistaraverk, og fær pottþétt fullt hús hjá mér.

Besta mynd sem ég hef séð. Hrein snilld sem ég á aldrei eftir að gleyma. Sjáið hana aftur og aftur og aftur..................

Þessi mynd er hrein snilld handritið, leikurinn og söguþráðurinn eru frábær. Ég mæli eindreigið með þessari mynd.

Fáar myndir hafa hlotið jafn einróma og góða dóma gagnrýnenda og áhorfenda eins og The Shawshank Redemption, enda var myndin útnefnd til sjö Óskarsverðlaun árið 1995, m.a. sem besta mynd ársins. Hér er sem sagt á ferðinni sérlega góð mynd sem byggð er á smásögu eftir Stephen King og gerist að mestu leyti innan veggja Shawshank-fylkisfangelsisins í Maine í Bandaríkjunum. Með aðalhlutverkin fara Tim Robbins sem leikur endurskoðandann og bankastarfsmanninn Andy Dufresne sem dæmdur er í lífstíðarfangelsi fyrir morð og Morgan Freeman, sem fer með hlutverk meðfanga hans, "reddarans" Red, en hann situr einnig inni til lífstíðar. Á milli þessara tveggja ólíku manna myndast vináttubönd sem eiga eftir að treystast á þeim tuttugu árum sem myndin spannar. Grunnur vináttu þeirra er að þeir bera báðir sams konar von í brjósti, von um að komast af. Ólíkt mörgum meðföngum sínum, sem hafa engar væntingar um betra líf og lifa aðeins fyrir einn dag í einu, tekst þessum tveimur mönnum að yfirstíga örlög sín innan veggja fangelsisins í krafti vonarinnar. Ég gef "The Shawshank Redemption" fjórar stjörnur, hún er stórkostleg kvikmynd að öllu leyti og mæli ég eindregið með henni við alla kvikmyndaunnendur!

Sennilega ein besta ef ekki bara besta kvikmynd sem gerð var árið 1994. Ef þú hefur ekki séð þessa kvikmynd þá skaltu sjá hana næst. Handritið er alveg einstaklega gott, góðir leikarar og vægast sagt vönduð í alla staði.