Þetta er nú fín mynd sem mér finnst mjög ofmetinn.
Tom Hanks (The Green Mile, Angels and Demons) er mjög hæfileikaríkur og sýnir það sem Forrest Gump, þó að mér finnst hann ekki jafn góður og allir segja. Robin Wright Penn (Nine Lives, Beowulf) leikur Jenny Curran sem mér finnst bara leiðinleg og pirrandi karakter. Gary Sinise ( Apollo 13, George Wallace) leikur Lt. Dan Taylor sem ég bara hata, hann er svo leiðinlegur.
Sögðuþráðurinn er fínn, gaman að sjá Forrset taka þátt í sögulegum hlutum. Þetta er bæði drama og grínmynd sem virkar mjög vel.
Robert Zemeckis (Back to the Future myndirnar, Who Framed Roger Rabbit) leikstýrir mjög vel þó hann hefur gert miklu betur.
Ágæt mynd sem ég get alveg mælt með.

Quote:
Forrest Gump: My momma always said, "Life was like a box of chocolates. You never know what you're gonna get."

Það kannast flestir við forrest gump myndina og hafa flestir séð hana, þeir sem hafa ekki séð hana ættu endilega að gera það.

Forrest Gump fjallar um líf manns sem að er andlega þroskaheftur en fer samt í gegnum lífið eins og hver önnur manneskja.
Hann kemst í háskóla, berst með bandaríska hernum, verður ástfangin og kynnist alls konar fólki.

Myndin sýnir fram á á fallegan hátt að lífið snýst ekki um greindavísitölu fólks, heldur hvernig það lifir. Myndin hlaut mörg óskarsverðlaun á sínum tíma og stendur en eftir þessi ár við þau. Þeir sem ekki hafa séð þessa mynd hafa misst af miklu og ættu endilega að gefa sér tíma fyrir hana.

Stupid is as stupid does. Ein fyndnasta mynd í heimi. Tom Hanks fékk Óskarinn fyrir leik sinn og myndin sjálf vann Óskar. Myndin er algjört grín en samt sér maður blákaldan og alvarlegan raunveruleikann skjótast fram.

Þessi mynd er alveg yndisleg. Handrit flott, tónlistin frábær og leikurinn er góður hjá Sally Field, Myketi Williamson. Robin Wright Penn er ansi góð í hlutverki Jenný en Tom Hanks er framúrkarnandi og heldur myndinni á lofti sem Forest. Hann hreinlega er yndislegur sem Forest.

Erfitt er að veita mynd fullt hús en Forrest Gump hefur þá eiginleika kvikmyndar í að fá skilið fullt hús stiga.


Við kynnumst Forrest nokkrum Gump sem býr í Alabama, hann situr einn góðan veðurdag á bekk og bíður eftir strætó, hann hittir fólk sem sest honum við hlið og segir fólkinu sem og áhorfandanum ævisögu sína. Raunarsögur Forrests eru magnþrungnar, allt frá vígvöllum Víetnam til borðtennismóts í Kína. Tom Hanks lífgar þessa persónu svo vel við að maður hættir í raun að sjá Tom Hanks sem hann sjálfan og fer að ímynda sér að hann sé í raun Forrest Gump.

Forrest Gump er án efa með 10 bestu myndum allra tíma og mun hún ávallt lifa sem hugljúf saga hlédrægs manns í samfélagi Ameríku. Ég fer ekki mikið að rýna í söguna sjálfa og læt kyrrt við sitja, en einning má segja að Gary Sinise sé hér í sínu besta og áhrifaríkasta hlutverki sem Lautinaut Dan, hann gerir persónuna ódauðlega í myndinni og gæðir hana meira lífi en flestir höfundar hefðu líklega ímyndað sér.


Topp mynd - Topp leikarar og frábær skemmtun fyrir ALLA unga sem aldna. Ég sá hana fyrst þegar ég var 8 ára og ég var svo snortinn að ég hef líklega séð hana um 30 sinnum síðan þá.

Alveg dýrleg mynd, ein sú besta sem ég hef séð. Frábær gamandrama sem er blanda af Big Fish og One Flew Over The Cuckoo's Nest. Hann Forrest litli Gump (Tom Hanks,Road To Perdition) er maður sem á sína reynslu af lífi og hefur lent í mörgu í lífinu. Hann er að bíða eftir strætó og er alltaf að segja fólki sem sitja við hliðina á honum sögu sína. Þegar hann var polli var hann ekki mjög bjartur og var bæklaður á fótum og þurfti að ganga í einhverju stáldrasli. Mamma hans var alltaf að segja að hann væri ekkert öðruvísi en hann var frekar mjög heimskur. En stelpa flytur í sveitina hans og þau verða vinir og það kemur í ljós að Forrest getur hlaupið ótrúlega hratt án þess að hafa eitthvað drasl við fótum sér. Þegar hann verður unglingur fer vinkona hans í burtu til stórborgarinnar og hann fer í Víetnam. Þar hittir hann gaur og þeir ætla að fara að vinna í rækjuveiðum eftir stríðið. Gaurinn er kominn úr fjölskyldu þar sem allir forfeður hans hafa verið í rækjubransanum og hann veit allt um rækjur. Hershöfðinginn (Gary Sinise, Impostor) er harður í horn að taka og allir forfeður HANS hafa dáið í orustu. En rækjukallinn deyr í orustu og hershöfðingjinn missir fótana. Forrest fer þá að starfa í borðtennis eftir stríðið og verður heimsmeistari í því. Þá fær hann nóg af peningum til að kaupa rækjubát og gerir það og hershöfðinginn verður stýrismaður. Á meðan að Forrest er í rækjubransanum er vinkona hennar er kominn út í eyturlyf. Ég nenni ekki að skrifa meira um söguþráðinn en ég segi bara eitt, Forrest hleypur í kringum Ameríku og bla bla bla. Það er eitt ótrúlegt við þessa mynd, hún fer í gegnum sögu Ameríku á 20 öldinni og myndin fer því einmitt þar í gegn á meðan myndin rennur. Ég segi eitt í viðbót,snilldarmynd.

Hugljúf uppvaxtarsaga ungs drengs. Fagmannlega unnin í alla staði. Tom Hanks vinnur leiksigur. Myndin er ágætlega skrifuð en það sem helst má finna henni til vansa er hversu fyrirsjáanleg hún er.

Ég verð nú að segja í einu orði þá er Forrest gump algjör snilld. Tom Hanks sem fékk óskarsverðlaunin fyrir leik sinn á Forrest gump á sínum tíma sem er eiginlega ekkert skrýtið því að hann nær að toppa Pulp Fiction og Shawhank Repototion. Robert Zemecisks leikstýrir þessari mynd og hann leikstýrði m.a. Back to future myndirnar,1941 og nýja snilldar myndinn sem hann og tom hansk eru saman sem heitir Cast away og er mjög góð mynd. Þessi mynd er um ævi hans Forrest Gump's. Hún byrjar þannig að hann forrest gump er að bíða eftir rútu sem leiðir hans til Jenny(sjá byrjun). Á meðan segir hann fólki um ævina sína sem er eiginlega bara mjög skemmtilegt. Hann ræður við sum fólk sem hlustar ekkert og heldur að hann sé alveg snar(sem er reyndar það) og sum eins og ein konan fór meira segja grenja yfir honum og sagði bara hún gæti bara hlustað á hann í klukkutíma saman. Hann byrjaði sem ungur maður og gatt ekki komið í skóla vegna þess að það munaði 5 skilningarvitstig(sem er lítið) til að komast í bekk. Mamma hans forrest's einfaldlega skemmtir fyrir honum til að komast í bekk(vonandi skemmdi ég ekki mikið frá) og hann kemst í bekk. Enginn tekur honum velkomin nema einn stelpa sem heitir einfaldlega Jenny. Jenny og forrest eru oft saman og það mætti halda það að þau eru saman. Hann Forrest er á svona hækjum eiginlega enn þegar vondir krakkar ætla berja hann þá nær hann allt í einu að hlaupa svo hratt að hann nær að stinga hjól af og þegar hann er eldri þá er hann ennþá hraðskreðari og nær að stinga bíl af. Hann fær að komast í ruðningliðið vegna þess hvað hann hleypur hratt. Hann stendur sig vel í ruðningsliðinu og er einn besti og hans lið fær að hitta forsetan. Þar kemur ein fyndnasta setining að mínu mati og það er: Mr. president,i gotta pee. Enn eftir það þá þarf hann Forrest að fara í herinn. Hann fer til Víetnams(þessi mynd á að gerast sextíu og eitthvað) og hittir þar einn mann að nafni Bubba sem er rækjurík og þeir verða svo vinir. Hann kynnist líka loutenet Dan(Gary Sinese) sem er mjög leiðinlegur við hann. Í Víetnam stríðinu þá verður forrest gump hetja og fær medalliju. Eftir það prófar hann smá ping pong og verður klikkaðslega góður og virðist ósigrandi og komst meira segja í landsliðið. Á meðan þá stofnar hann rækju fyrirtæki að nafni Bubba-Gump sem er mjög ríkt í dag. Hann hittir loutanet Dan aftur(segi ekki frá hvernig hann fór). Þeir skýra bátinn einfaldlega Jenny vegna þess að hann Forrest saknar hennar vegna þess að hún er hippi. Eftir það þá er hann ríkur og breytir öllu umhvefinu í Alabama og bjó til glæsilega kirkju. Hann er svo sorgmæddur að hann ákveður að hlaupa,hann hleypir svo lengi að ég ætla ekki að skemma töluna sem hann hleypir lengi. Ég get verið næstu nætur að segja allan söguþræðinn enn ég er ekki til í það. Þessi mynd er svoldið lengi eða 2klst og 25min. Hún mætti alveg vera styttri enn þessi tími er eiginlega passlegur. Sem í myndinni þá kenndi hann Forrest gump hann Elvis Presley að dansa fótadansinn, hann sagði shit happens og nú er hún ein frægasta setning allra tíma. Hann fékk bol lánaðan meðan hann hlaupti og gerði bros karla merkið sem er eitt frægasta bolu merkið og það er eiginlega frægasta,og líka hann Dan býður honum vinnu hjá fruit company sem er apple(tölvu fyrirtæki) eins og hann Forrest sagði. Allir leika vel og þar á meðal er hann Tom Hanks sem vann til verðlauna árið 1994. Gary sinese leikur Dan bara vel og hann er mjög skemmtilegur. og það er eitt fyndið sem mér finnst,að Sally Field skuli leika móður Forrest Gump's. Myndin er ein sorglegasta mynd sem ég hef séð og er ekki fyrirsjáanleg að mínu mati. Ég held að hann Tom hansk hafið hermt smá eftir honum Dennis quaid í myndinni þar sem hann Dennis leikur söngvaran Jerry lee lewis af því að þeir forrest og jerry eru báðir með tennesse hreim. Enn það skiptir engu máli því Forrest Gump er bara nátturulega bara hrein snilld. og svo leika allir svo mjög vel. Eins og ég sagði þá er þetta ein besta mynd allra tíma sem ég hef séð(fyrir utan LOTR pakkið). Og ef ég væri þú mundi ég nú bara drífa mig út í vídeoleigu eða útí búð því þessi mynd er ómissandi mynd. Það er algjör skilda að horfa á þessa mynd bara einu sinni. Og líka er þessi mynd án efaein sorglegasta mynd sem ég hef séð. Sem er smá gott því dramatíkari myndir verða frægari og það er örugglega þess vegna að Forrest Gump vann óskarsverðlaun í staðinnfyrir Pulp Fiction og Shawhank Repotion. Enn allavega þá ætla ég nú að kveðja að þessu sinni. Verið sæl. Takk fyrir mig og ég kem aftur fljótlega...mjög fljótlega.

Ein besta mynd sem ég hef nokkum tíman séð. Tom Hanks fer hér á kostum sem Forest Gump. Þeir sem ekki hafa séð hana takið hana á video strax í dag. Ég hefði viljað gefið henni 6 stjörnur en 4 verða að duga.

ÓMISSANDI MYND !!!!!!!!!!!!!

Ég man þegar ég sá þessa mynd í allra fyrsta skipti í bíó á sínum tíma. Þá fannst mér hún frábær en síðan hef ég horft á hana aftur nokkrum sinnum og hún hefur versnað örlítið. Hún er bara ekki sama upplifunin. Þó mun mér aldrei finnast myndin beinlínis léleg því að hér er á ferðinni stórkostleg saga og persónusköpunin hjá Tom Hanks er óaðfinnanleg. Forrest Gump er vönduð, vel gerð og góð mynd en stenst bara ekki tímans tönn. Frábærar myndir eiga að vera þannig að maður getur horft á þær aftur og aftur en það gildir bara ekki um þessa.

Forrest Gump var útnefnd sem besta mynd á óskarsverðlaunahátíðinni 1994 og fékk fimm önnur verðlaun og þar meðal fékk Tom Hanks óskarinn fyrir sinn snilldarleik sinn í myndinni.

Árið 1994 var gæða kvikmyndaár og þá komu fram snilldarmyndir eins og Shawshank Redemption og Pulp Fiction. Þótt það séu frábærar myndir verð að segja að Forrest Gump er besta mynd ársins 1994.

Myndin er leikstýrð af Robert Zemeckis sem hafði áður leikstýrt Back to Future myndnum og nýlega hefur hann leikstýrt Cast Away (sem er líka með Tom Hanks) og What Lies Beneath svo að eitthvað sé nefnt. Handritshöfundarnir eru Tim Roth og Winston Groom. Tim hefur samið misjöfn handrit, hann hefur samið handritið við ömurlegu myndina The Postman, handritið við ágætis myndinni The Horse Whisperer og handritið við frábæru myndinni The Insider. Winston hefur einungis samið handritið við Forrest Gump.

Söguþráðurinn er svoleiðis að Forrest situr á bekk og segir ýmsu fólki ævisögu sína.

Sagan byrjar þannig að Forrest þarf að fá spelkur því að hann er með bak eins og pólítíkus. Eftir það fer hann með móður sinni að heimsækja grunnskóla til að biðja skólastjórann um að hann fái að ganga í þann skóla. Í fyrstu vildi hann ekki leyfa Forrest að ganga í skólann því hann er með greindarvísitölu 75 en kröfur voru 80. En móðir Forrest breytti skoðun skólastjórans með að skemmta honum dálítið.

Í skólanum kynnist hann stelpu sem heitir Jenny og þau verða bestu vinir og hún kemur alltaf aftur upp á skjáinn seinna í myndinni. Hann eignast tvo aðra góða vini þegar fer í herinn. Einn þeirra heitir Bubba og er með rækjur á heilanum. Hinn heitir leutinant Dave og er foringi hans og Bubba í Víetnamstríðinu. Þeir gerbreyta lífi hans.

Þessi magnaða mynd er uppfyllt af góðum húmor og er upplýfgandi. Ég mæli með þessari frábæru mynd og þeir sem eru ekki búin að sjá hana ættu að flýta sér út á vídeóleigu og biðja um Forrest Gump.

Forrest Gump er hreint meistarastykki með Tom Hanks í forystuhlutverki. Það er eiginlega ekki hægt að setja neitt út á þessa mynd, hún er frábær!!!! Dálítið löng en mjög skemmtileg mynd sem maður getur hlegið mikið að. Forrest er ótrúlegur karakter sem allir geta fundið til með en líka haft gaman að.

Hreint út sagt mögnuð mynd.

Helvíti snilldarmynd er þetta sem lætur mann hlæja vera spenntan, leiddan og hjá sumum gráta. Forrest Gump er mynd fyrir alla sem vilja sjá eina bestu mynd mannkynssögunnar.

Frábærlega vel gerð mynd í alla staði. Tom Hanks hefur alltaf staðið sig með prýði í sínum myndum og hann er ekki verri hér. Klassa setning úr myndinni: „My mom always said, life is like a box of chocholate“. Meistaraverk úr smiðju Robert Zemeckis.

Frábær mynd með Tom Hanks í aðalhlutverki. Mynd þessi fjallar um mann sem segir frá árum sínum á skemmtilegum en samt á góðum grunni t. D. þegar hann var í víetnamstríðinu og vingaðist við mann þar sem hét BUBBA ( segi ekki meira um það). Eftir það kemur u.þ. B. 20 mínútur af því sem var að gerast hjá honum í samtímanum. Tom Hanks leikur Forrest Gump alveg frábærlega og efa stórlega að einhver gæti gert betur sem og aðrir meðleikarar. Mjög skemmtilegt sögusvið tengist þessari mynd enda gerir hún myndina enn skemmtilegri og þar með meiri ástæðu til að gefa henni fjórar stjörnur. Sagan (sögurnar reyndar) voru mjög svo skemmtilegar að þær héldu manni alveg 100% einbeitnum við myndina. Góð mynd fyrir unga sem aldna.

Afar vel gerð og vel leikin mynd sem sýnir ef til vill að maður þarf ekki alltaf að vera bestur eða gáfaðastur til að komast langt, heppnin kemur þér stundum langt. Tom Hanks er með snilldarleik sem Gump og aðrir eru engir slorar. Handritið er ekkert nema púra snilld og það kemur hver brandarinn á fætur öðrum sem kemur manni til hlæja í hvert einasta skipti. Þetta er ein af þessum gamanmyndum sem er fyrir flestalla aldurshópa og er um leið smá drama. Yfir allt er þetta vel gerð mynd og er virkilega góð skemmtun.

Tom Hanks sýnir sína bestu hlið sem Forrest Gump í þessari sprenghlægilegu gaman og ævintýramynd sem fer í flokk bestumynda sem gerðar hafa verið. Forrest Gump er með greindarvísitölu í kringum 70. Í myndinni situr hann á bekk og segir frá hlutum úr lífi sínu. Myndin er mjög vel gerð og leikurinn toppar allt.

Váááá. Ég get horft á þessa mynd aftur og aftur og aftur og .............. Þessi mynd heillaði mig alveg upp úr skónnum. Rosalega fyndin, hugljúf, rómatísk, spennandi og sorgleg. Þannig að allir ættu að fá eithvað fyrir sinn snúð. Tom Hanks er hreinasti snillingur í þessari mynd. Ef þið hafið ekki séð þessa mynd þegar þið lesið hana, farið þá núna upp í næstu videoleigu og takið hana. NÚNA!!!!!!!!!!!!!!! Ég gef þessari mynd fullt hús, 4 stjörnur.

Einstök og hugljúf mynd sem er ein af bestu kvikmyndum tíunda áratugarins. Hún hlaut sex óskarsverðlaun árið 1994, þ.á.m. sem besta kvikmynd ársins. Tom Hanks hlaut sinn annan óskar sem besti leikari í aðalhlutverki fyrir túlkun sína á söguhetjunni. Frammistaða Hanks í hlutverki Forrests er einstök í þessari rómuðu kvikmynd leikstjórans Roberts Zemeckis, en hún hlaut metaðsókn og orkaði dýpra á áhorfendur en nokkur önnur kvikmynd á fyrri hluta áratugarins. Forrest Gump lifir á miklum umbrotatímum sem umbreyta lífi hans; úr bækluðum drengstaula í ruðningsstjörnu, úr hetju í Víetnam í rækjujöfur, frá heiðrunarathöfn forseta Bandaríkjanna í Hvíta húsinu í faðm Jennyar, stúlkunnar sem hann elskar. Forrest er holdgervingur tiltekins tímabils tuttugustu aldarinnar; sakleysingi á reiki meðal þjóðar sem er að glata sakleysi sínu. Í hjarta sínu skynjar hann það sem er takmarkaðri greind hans um megn. Siðgæðisáttaviti hans bendir ætíð í rétta átt. Sigrar Forrests eru okkur öllum innblástur. Ég gef óskarsverðlaunamyndinni Forrest Gump fjórar stjörnur og mæli eindregið með henni við alla áhugamenn um lykilmyndir kvikmyndasögunnar. Forrest Gump er tvímælalaust í hópi þeirra. Sagan af Forrest Gump og ævi hans er einstök.