Næstu Frumsýningar
Minnisstæðar línur
Edna Turnblad: Would you keep that racket down? I'm trying to iron, here!
Mynd
Kvikmyndir.is > Mynd > The Day After Tomorrow
The Day After Tomorrow (2004)
The Day After Tomorrow

8.17/10
184 atkvæði
6.3/10 91,995 atkv.
Skrifa nýja umfjöllun um myndina
Breyta upplýsingum
Frumsýnd26. maí 2004
Frumsýnd (USA)28. maí 2004
Útgáfa á VHS11. október 2004
LeikstjórnRoland Emmerich
HandritRoland Emmerich
TegundSpennumynd, Drama, Vísindaskáldskapur
AðalhlutverkDennis Quaid
Ian Holm
Jay O. Sanders
Sela Ward
Tamlyn Tomita
Jake Gyllenhaal
Emmy Rossum
Austin Nichols
TungumálEnska
Aldurstakmark (USA)PG-13
Aldurstakmark (ÍSL)12 ára
Lengd 124 mínútur
Vefsíðawww.thedayaftertomorrow.com
Aðrar síðurIMDbRotten tomatoesMoviePosterDB

Engir trailerar eða aukaefni er til fyrir þessa kvikmynd

  • Sýnishorn

  • • Trailer

  • Aukaefni

Kvikmyndir.is

Hefnd gróðurhúsaráhrifa Tómas Valgeirsson
31. maí 2004
The Day After Tomorrow er meingölluð mynd sem bætir (næstum því) upp fyrir veiku hlekki sína með tæknibrellum, áhættuatriðum og ýktum uppákomum. Þetta er fyrsta stórslysamyndin sem ég hef séð í langan tíma sem er ekki svo mikið stórslys í sjálfu sér.

Roland Emmerich hefur aldrei verið í miklu áliti hjá mér, og það telst seint jákvætt að segja að The Patriot sé eflaust skásta myndin hans, þótt The Day After Tomorrow virðist ætla að hirða titilinn núna. Emmerich er samt ferlegur handritshöfundur og hefur aldrei náð því besta fram úr leikurum sínum. Það sem hann kann best er bara að eyðileggja hluti, og það hefur ekkert breyst með þessari mynd... Annað en skemmtanagildið. Ég naut þess að horfa á hana sem bara poppkornsmynd. Maður þarf að venja sig á að útiloka allt annað. Sumsé; slappt handrit, léleg samtöl, aum persónusköpun svo aðeins fátt sé nefnt. Myndin heldur prýðisgóðum dampi í góðar 90 mínútur og veldur síðan gífurlegum vonbrigðum seinasta hálftímann. Ég vissi ekki að Emmerich hafði það í sér að festa svona auman "anti-climactic" endi við mynd sem er merkt honum, og hvað þá mynd sem er þegar svona hávær.

TDAT er djöfulli flott og vel gerð mynd með mörgum eftirminnilegum skotum og spennandi atriðum. Myndin er auðvitað gölluð og á flestan hátt "amerísk" í persónusköpun sinni. Hún hikar heldur við það að sýna bandaríska flaggið við hvert tækifæri (sem er skondið þar sem að leikstjórinn er þýskur). En ef maður hefur gaman af svona "rugl" myndum er tilgangslaust að rakka hana niður fyrir slæm vinnubrögð í handritinu eða ótrúverðugleika. Bara verst að hún skuli hafa dalað svona rosalega í lokin. Annars mjög fínt.

6/10

0 af 0 fannst þessi umfjöllun gagnleg

Notendur (20)

Samúel Rademaker
5. desember 2005
Day after tomorrow er hlaðin frábærum tæknubrellum og flottum atriðum sérstaklega þegar New York er að flæða yfir en fyrir utan það og góða myndatöku þá eru samtölin væmin og asnaleg eins og næstum alltaf í svona myndum og Day after tomorrow er væmin og já ef ég var ekki búinn að nefna það K L I S J A og svo aftur K L I S J A.

Leikararnir voru heldur ekkert að sanna sig og voru flestir slæmir.

Stundum var hún beinlínis Leiðinleg.

War of the worlds sem ég gaf einnig tvær stjörnur fékk þá einkun vegna hversu rosalega mikil klisja hún var og væmin í endann.

En spennan var þvílík og tæknibrellur frábær(ég dæmi ekki myndir af

spennu,hryllingi,húmor og tæknibrellum) og var hún mikið betri en day after tomorrow.


0 af 0 fannst þessi umfjöllun gagnleg
The Day After Tomorrow er mynd í lagi. Dennis Quaid er algjör snillingur í bestu náttúrumynd í heminum. Ég mæli mikið með þessari, takið þessa mynd ef þið sjáið hana í vídeóleigunni. Ég skal lofa því að hún verður góð.

0 af 0 fannst þessi umfjöllun gagnleg
Benedikt Geir Jóhannesson
16. febrúar 2005
The Day After Tomorrow er fín mynd eftir Roland Emmerich þetta gerist meira og minna í New York en þetta er náttúruhamfaramynd sem er ólíkt öðrum myndum sem hafa komið í gegnum tíðina, tæknibrellur myndarinnar eru rosalegar, til dæmis þegar vatnið skellur á New York maður sér ekki að

þetta sé plat. En söguþráður myndarinnar er mjög góður. En söguþráður myndarinnar er á þann veg að gríðarlegt óveður skellur á um allann heim. Á innan við 6-8 vikna mun nærri því öll bandaríkin fara í kaf undir snjó og þá mun ný ísöld hefjast. Dennis Quaid, Jake Gyllenhaal, Sela Ward, Ian Holm, Emmy Rossum, Jay O. Sanders, Tamlyn Tomita og Austin Nichols gera þessa mynd rosalega góða og spennandi, en það er eitt að pirra mig og það er að úlfanir í skipinu eru dálítið

tölvugerðir eins og sést.

Þetta er dáldið sérstök mynd vegna þess að hálfpartinn er hún ástarsaga ,en það er ekki aðal málið, ég mæli með þessari mynd þess vegna gef ég henni þrjár stjörnur.


Skemmtið ykkur vel!


:-) :-) :-)


The Day After Tomorrow

0 af 0 fannst þessi umfjöllun gagnleg
Virkilega flott og vel gerð mynd í alla staði. Þegar að ég sá Independence Day varð ég agndofa yfir því hversu flott myndin leit út. Bara hvernig Ronald Emmerich lét eyða nánast öllum heiminum, ég hélt að hann gæti ekki toppað það. En ég hafði greinilega rangt fyrir mér. Maður hefur séð hann gera tvær myndir um heimsendi. Godzilla notaði hann í samnefndri mynd. Virkaði ágætlega á mig, en sumir voru ekki hrifnir af þeirri mynd. Svo notaði hann geimverur í Independence Day sem að var virkilega góð mynd. Í þetta sinn notar hann náttúruna í sinni verstu mynd. Ég veit nú ekki hvort að þetta muni verða svona í framtíðinni en hann er að gefa okkur skilaboð um að þetta getur gerst. Hvernig hann lætur New York borg fara aftur í ísöldina er mjög realistik. Hann notar tæknibrellurnar mjög vel til að sýna á eins raunverulegan hátt og hægt er þegar að hún breytist í einhvers konar snowplace. Það er nú ekki mikið að leiktilþrifum í þessari mynd, enda þarf þess ekki. Hún virkar samt sem áður. Kannski hefði verið hægt að gera betri sögu í þessari mynd. En það breytir engu. Ef þið fíluðuð Godzilla og Independence Day, þá munuð þið fíla þessa einnig. Gef henni stóran plús fyrir tæknibrellur.

0 af 0 fannst þessi umfjöllun gagnleg
Ívar Jóhann Arnarson
15. nóvember 2004
The Day after tomorrow er ágætis mynd en eins og margir halda fram þá væri hún án tæknibrellana hvorki fugl né fiskur. Svo er hún dálítið lík Independence day(eftir sama leikstjóra)á vissan hátt. Þessar tvær myndir fjalla ekki um það sama en það er samt margt líkt með þeim. Ég fór að sjá TDAT í bíó og fannst hún slefa upp í tvær stjörnur þrátt fyrir marga galla og svo leigði ég hana og sá hana í annað sinn og hafði álit mitt á henni ekkert breyst en ég dreg það stórlega í efa að hún eigi eftir að eldast neitt mjög vel. Semsagt ómerkileg stórslysamynd sem þó má hafa soldið gaman af og fær tvær stjörnur fyrir fínar tæknibrellur svo og afbragðsgóða frammistöðu hjá Jake Gyllenhaal en hann er einn af mínum uppáhaldsleikurum og stendur alltaf fyrir sínu.

0 af 0 fannst þessi umfjöllun gagnleg
Hulda Sesselja Sívertsen
30. október 2004
The day after tomorrow er svona týbísk kanadísk mynd. Þetta er svo sem ágætis mynd en samt ekkert stórkostleg. Það eru fínar tæknibrellur, kom manni frekar á óvart. Söguþráðurinn datt alveg niður á tímabili, ég mundi líkja þessari mynd við Perfect strom.

0 af 0 fannst þessi umfjöllun gagnleg
Guðmundur Ingi Gunnarsson
24. október 2004
VÁ!!!!! Þessi mynd er bara VÁ!!!!! Ég var með miklar áhyggjur af þessari mynd þegar ég frétti af því að Dennis Quaid ætti að fara með aðalhlutverk í þessari stórmynd. En hann kom mér svo skemmtilega á óvart sem Jack Hall faðir og veðurfræðingur. Ian Holm er góður sem samstarfsfélagi veðurfræðingsins. Jake Gyllenhall er bestur í þessari mynd sem sonurinn Sam Hall. Tæknibrellurnar eru frábærar og tónlistin... var tónlist? man það ekki. Roland Emmerich tókst að ná upp sömu spennu og í Godzilla. Frábær mynd sem er keyrð áfram af glæsilegum tæknibrellum, sterkum leikarahóp og líflegum og spennandi söguþráð.

0 af 0 fannst þessi umfjöllun gagnleg
Pétur Haukur Jóhannesson
23. október 2004
The Day after tomorrow er ekki beint mynd sem gerð var til að hreppa óskarinn. Ekki nema þá fyrir tæknibrellur eða hljóð, en Roland Emmerich er s.s. enginn gæðastimpill að mínu mati. Handritið er ein klisja. Ég var að vonast til að eitthvað kæmi mér á óvart sambandi við söguþráðinn en þetta handrit er bara svipað og flest Amerísk handrit sem eru gerð fyrir myndir, sem eru ætlaðar til að hala inn peninga og ekkert annað. Ekki er hægt að neita því að tæknibrellurnar séu frábærar enda halda þær orðspori myndarinnar í meðalagi nánast frá upphafi. Afþreyingin helst uppi með tæknibrellunum og einstaka spennandi atriðum sem virkuðu vel á mig. Enda er þessi mynd ekki ætluð til mikils annas en að skemmta fólki og í mínu tilviki tókst það vel á köflum. Fólk fær aðeins að fræðast um gróðurhúsaáhrifin þó fræðslan sé kannski ekki mjög grípandi. Þegar líða tekur á myndina fer hún að verða langdregin og var ég farinn að vonast til að þessu lyki bara að fyrst.

0 af 0 fannst þessi umfjöllun gagnleg
Jafet Sigfinnsson
21. október 2004
Ég sá þessa mynd fyrst fyrir um það bil 1 og hálfri viku, þegar hún kom út á DVD, þá keypti ég hana. Ég hef alltaf verið soldið veikur fyrir Disaster myndum, og er greinilega einn af fáum sem finnst myndir Rolands Emmerichs góðar. Ég hef lesið hræðilega dóma um Godzilla og Independence Day, en er harðlega á móti þeim! En, það eina sem mér finnst vera leiðinlegt við þessar hamfaramyndir er, að þær gerast alltaf í stærstu borgum USA.. Mér finnst nú að það mætti nú alveg sýna hvernig Ísland lenti í þessum hamförum, eða París og London. En mér finnst þessi mynd mjög góð, og hef mjög gaman af því að horfa á hana.

0 af 0 fannst þessi umfjöllun gagnleg
Helgi Helgason
13. október 2004
Ég verð að viðurkenna það að þegar að þessi mynd byrjaði þá var bara mjög góð mynd og líka ég beið spenntur eftir meira. En vo gerist það þegar myndin fer að enda þá hrapar hún niður og verður bara eiginlega hundleiðinleg og svo bara er hún að falla og falla og bara myndin verður slöpp eftir það og mæli ég með fólki að sleppa síðasta korteinu áður en tekstinn kemur. Dennis quaid gerði svona ágæta hluti en Jake sem lék bubble boy þurfti að leika einhvern wannabe tobey maguire og þar á meðal að breyta handritinu sem hann segir því að honum fannst tekstin vera léinlegur sem mundi segja. allavega byjraði þessi mynd sem einhver frábær mynd en eins og ég sagði áðan að þá fellur hún. ég gef henni 7,2 af 10 mögulegum. Takk fyrir

0 af 0 fannst þessi umfjöllun gagnleg
Þessi mynd er......ja hvað á ég að segja...ekkert spes mynd....það voru flottar tæknibrellur en nákvæmlega enginn söguþráður....Mig fanst þessi mynd vera svona Amerísk allt-fer-úr-böndonum-en-það-fer-allt-vel mynd....En þessi saga biggist á núverandi ástandi..sem er nokkuð cool og þessi mynd fær þá þrjár og hálf stjörnu frá mér.

0 af 0 fannst þessi umfjöllun gagnleg
Eggert Thorarensen
25. júlí 2004
Þessi mynd er frábær. Góðar tæknibrellur og mjög vel gerð. Þetta er mynd fyrir þá fíla spennu. Það sem gerist er að vatnið hækkar og það koma stórar öldur á New York og svo frýs vatnið og mesti kuldinn fer á New York. Og hún á skilið að fá fjórar stjörnur.

0 af 0 fannst þessi umfjöllun gagnleg
Hver myndu örlög mannkyns verða ef verstu spár rættust varðandi gróðurhúsaáhrif og hlýrri loftvinda um allan heim? Þetta er umfjöllunarefni nýjustu kvikmyndar leikstjórans Rolands Emmerich sem gerði tæknibrellumeistaraverkið The Independence Day árið 1996. Sú mynd fjallaði um árás geimvera að jarðarbúum er ætluðu sér heimsyfirráð. Rétt eins og hún er The Day After Tomorrow sannkallað tæknibrellumeistaraverk og er mjög líklegt að myndin fái óskarinn að ári fyrir tæknibrellurnar, svo gríðarlega vel eru þær gerðar og fléttaðar inn í söguna að ekkert annað orð en stórfenglegt á við. Hörmungum jarðarbúa samhliða náttúruhamförum vegna loftslagsbreytinga sem vísindamenn spáðu árið 2000 að gætu gerst seinnipart 21. aldarinnar, er lýst með meistaralegum hætti. Gallarnir við þessa mynd eru hinsvegar nokkrir og áþreifanlegir, handritið er veikt og ennfremur leikurinn að miklu leyti. Það hefði mátt standa betur að vali á sumum leikurunum, en uppúr leikarahópnum standa þó þeir Jake Gyllenhaal og Dennis Quaid auk Ian Holm sem stelur senunni í litlu hlutverki. Tónlistin er áhrifamikil og passar vel inn í myndina þegar spennan eykst. Fyrir þá sem vilja sjá áhrifamikið tæknibrellumeistaraverk er The Day After Tomorrow rétta myndin, enginn vafi á því.

0 af 0 fannst þessi umfjöllun gagnleg
Myndin byrjaði mjög brátt og seigir okkur hvernig við eigum að fara með jörðina. Ég er samt mjög vonsvikinn yfir tæknibrellunum, ég bjóst nú við að tæknibrellurnar væru mun betri í svona stórmynd.

Farið á þessa mynd í bíó og bíðið svo eftir að hún sé á leigju, því þetta er mynd sem maður vill gjarna sjá aftur :D

0 af 0 fannst þessi umfjöllun gagnleg
Valdimar Víðisson
11. júní 2004
Síðustu ár hefur tæknibrellum í kvikmyndum fleygt fram. Fyrir nokkrum árum treystu framleiðendur kvikmynda á tæknibrellurnar til að fela meingölluð handrit og annars flokks leikara. Í dag gengur þetta einfaldlega ekki upp. Tæknibrellur eru það sjálfsagðar að áhorfandinn kallar á gott handrit til að halda sér við efnið. The Day After Tomorrow byggir á meingölluðu handriti og því hefur verið ætlunin að fela það með tæknibrellum en það tekst bara ekki. Myndin verður vandræðanleg og langdregin þegar líður á. Sá ádeilubroddur sem markmiðið var að hafa í þessari mynd fýkur út í veður og vind í orðsins fyllstu merkingu og eftir stendur mynd sem er oft á tíðum hundleiðinleg og þreytandi. Klisjurnar ráða ferðinni frá upphafi til enda. Myndin fjallar einfaldlega um það þegar móðir náttúra er búin að fá nóg af mengun mannsins og því skella á hamfarir sem engin maður hefur orðið vitni af. Veðurfræðingurinn Jack Hall (Dennis Quaid) spáði fyrir um þessar hamfarir og því er hann miðjan í allri ákvarðanatöku fyrir hönd Bandaríkjastjórnar. Sonur hans, Sam Hall (Jake Gyllenhaal) er í New York þegar ósköpin dynja yfir. Jack leggur því í ferð til að bjarga syni sínum. Hamfaraleikstjórinn Roland Emmerich er við sama heygarðshornið í þessari mynd. Hann má samt eiga það að hin bandaríska þjóðerniskennd er á undanhaldi. Forðist þessa.

0 af 0 fannst þessi umfjöllun gagnleg
Þetta er mjög vel gerð mynd sérstaklega tæknibrellurnar sem eru mjög flottar. Ég mæli með þessari mynd fyrir þá sem finnst gaman af myndum sem fela í sér mikla eyðileggingu og spennu. Ég held að þessi mynd hafi verið gerð (samt ekki bara útaf því) til að fá fólk til þess að hugsa aðeins um hvað gæti gerst ef mengunin og allt þetta haldi áfram eins og hefur verið síðustu áratugina. En þetta er vísindaskáldskapur og það veit enginn með fullri vissu hvernig framtíðin verður. En ég gef þessari mynd þrjár og hálfa stjörnu vegna þess að hún er mjög vel gerð og flott en er líka í leiðinni mjög spennandi á köflum.

0 af 0 fannst þessi umfjöllun gagnleg
Helgi Páll Helgason
3. júní 2004
Ég ætla ekki að neita því að The Day After Tomorrow sé (að mestu leiti) nokkuð góð afþreying, en eftir að ég labbaði út af henni hvarflaði áhugaverð spurning að mér: Ef allar tæknibrellurnar væru teknar burtu, hvað sæti maður þá eftir með? Sögu af hópi persóna, sem eru flestar frekar flatar og manni er þar af leiðandi sama um, sem reyna að lifa af náttúruhamfarir. Rétt eins og Independance Day og Godzilla hefðu ekki verið neitt án tæknibrellna gildir það sama um þessa mynd. Það er ekki þar með sagt að þetta sé slæm mynd yfir heildina, en fólk þarf að gera sér grein fyrir því fyrirfram að góðu hlutirnir við þessa mynd eru nánast allir á sjónrænu og hljóðrænu plani - frekar en á vitsmunalegu. Myndin vinnur sér inn prik fyrir að varpa ljósi á mikilvægt málefni sem flestar þjóðir eru ekki að taka nærri því nógu alvarlega í dag: gróðurhúsaáhrif og mengun. Ég hef samt einhvern vegin á tilfinningunni að það muni ekki takast að prenta þann boðskap djúpt í huga áhorfenda með þessari mynd. Fyrir flesta eru tæknibrellurnar virði miðaverðsins, en ég hefði samt sem áður viljað hafa séð betri sögu og trúverðugri atburðarás.

0 af 0 fannst þessi umfjöllun gagnleg
Julius Arnarson
31. maí 2004
The day after tomorrow er vel gerð að öllu leiti, söguþráður myndarinnar er góður og heldur manni vel vakandi allan tíman. Dennis Quaid sem leikur eitt af aðalhlutverkum í myndinni er náttúrulega vel þekktur fyrir ýmsar góðar myndir í gegnum tíðina og hann stendur sig bara mjög vel. Aðrir leikarar skila flest allir nokkuð góðu hlutverki. Í heild sinni er myndinn ákveðin ádeila á okkur(við sem búum á þessari plánetu) um að hugsa aðeins betur um plánetuna okkar og minnka þá ótrulegu mengun sem við frammleiðum á degi hverjum. Hvað það varðar á myndin erindi til allra. Þeir sem höfðu gaman af Independence Day munu örugglega hafa gaman af þessari mynd, brellumeistarar The day after tomorrow hafa gert ótrúlega hluti í þessari mynd, að sjá New york þakið ísbreiðu er ótrúlega sérkennileg sín, vel gert. Þessi mynd er örugglega stærsta mynd ársins og vel þess virði að kíkja á hana.

0 af 0 fannst þessi umfjöllun gagnleg
Katrín Birgisdóttir
28. maí 2004
Jáms, ég skellti mér í bíó á nákvæmlega þessa mynd og fór frekar sátt út. Tæknibrellurnar voru ekkert smá TÖFF...allt í sambandi við þær var flott, þó að úlfarnir hefðu mátt vera aðeins betur gerðir í hreyfingum (ég veit, smámunasemi í manni. Það voru bara tímabil sem maður sá að þeir voru pottþétt tölvugerðir). Skýin, klakarnir, frostið, snjórinn og sjórinn var allt svo rosalega vel gert að maður fékk fyrir magan á tímabili. Tónlistin fékk hárin til að rísa á köflum, sérstaklega þó í byrjun (rosaleg byrjun!) sem ég hreyfst mikið af. Jake Gillenhall var snilldin ein og vinur hans og flestir meðleikendurnir. Það eina sem ég get sett út á hjá þeim er að brandararnir komu stundum á slæmum tíma og sumar setningarnar. En myndin hreyf mig ekki alveg því ég náði aldrei að komast fullkomlega í hana. Sorglegu augnablikin hrifu mig ekki neitt (sem gerist ekki í hvert skipti) og ég náði aldrei almennilega að komast inn í myndina, það var eins og ég væri að....tja horfa á bíómynd ef þið skiljið...þetta var ekki nógu raunverulegt til þess að ég fann fyrir því, það vantaði þennan neista sem engin af þessum magnþrungnu atriðum kveiktu. En þrátt fyrir það þá var eitt atriði sem var ákveðin tilbreyting í þessari mynd frá öllum þessum kanamyndum sem bjargaði mér frá því að sveija. Það var atvikið með forsetan eftir að hann yfirgaf hvítahúsið, sem ég ætla ekki að nefna hérna :D. En ég sé ekkert eftir þessum 800 kalli og segji því fólki að fara á hana, í bíó frekar en að leigja hana á spólu ;)

0 af 0 fannst þessi umfjöllun gagnleg
Sindri Gretarsson
26. maí 2004
Ég bjóst við að þetta væri einhver kana-save the world della eins og Independence Day þar sem Roland Emmerich er mesta Þýska kanasleikja í kvikmyndaheiminum í dag. Ég hafði engar væntingar, mér leist ekki nógu vel á þetta. Eitt það fyrsta sem kemur á skjáinn er Bandaríski fáninn, sem var tilgangslaust. En myndin var alls ekki mikil kanasleikja, hún var býsna góð. Tæknibrellurnar voru rosalegar, atriðin eins og þegar óveðrið skellir á Manhattan og risa-öldurnar eftir á eru ótrúlegar. Tæknilega séð er myndin listaverk. Sagan er líka góð, myndin er nokkuð óhugsanleg. Það sem ætti að gerast á 10 árum gerist á nokkrum vikum, þrátt fyrir það þá nær myndin að halda sér mest allann tímann við efnið. Persónurnar voru nógu sannfærandi, handritið var sæmilegt, sumstaðar samt lélegt. Dennis Quaid og Jake Gyllenhaal voru góðir í hlutverkum sínum, Ian Holm var samt sterkastur í sínu litla hlutverki. Ég mun muna eftir þessari mynd eftir klikkuðum atriðum hennar, það er ekki hægt að útskýra hve rosaleg þessi atriði voru. Fyrri helmingur myndarinnar var aðeins skárri en sá seinni. Day After Tomorrow er nú skásta mynd Roland Emmerichs jafnvel betri en Patriot. Kanaþvælan var í lágmarki sem er góð breyting.

0 af 0 fannst þessi umfjöllun gagnleg

Spjall um myndina

Disqus spjallkerfi

Skrifa nýja umfjöllun um myndina