Næstu Frumsýningar
Minnisstæðar línur
Leonard Shelby: We all need mirrors to remind ourselves who we are. I'm no different.
Mynd
Kvikmyndir.is > Mynd > Spider-Man 2
Spider-Man 2 (2004)
Spider-Man 2

8.47/10
304 atkvæði
7.7/10 141,595 atkv.
Skrifa nýja umfjöllun um myndina
Breyta upplýsingum
Frumsýnd9. júlí 2004
Frumsýnd (USA)30. júní 2004
Útgáfa á VHS17. nóvember 2004
Einnig þekkt semSpiderman 2, Spider Man 2
LeikstjórnSam Raimi
HandritMichael Chabon
Steve Ditko
TegundSpennumynd, Ævintýramynd
AðalhlutverkAlfred Molina
Kirsten Dunst
Tobey Maguire
Bruce Campbell
Ted Raimi
James Franco
J.K. Simmons
Rosemary Harris
Elizabeth Banks
Vanessa Ferlito
TungumálEnska
Aldurstakmark (USA)PG-13
Aldurstakmark (ÍSL)12 ára
Lengd 127 mínútur
Aðrar síðurIMDbRotten tomatoesMoviePosterDB

Engir trailerar eða aukaefni er til fyrir þessa kvikmynd

  • Sýnishorn

  • • Trailer

  • Aukaefni

Kvikmyndir.is

Flottari, skemmtilegri og betri að öllu leyti Tómas Valgeirsson
1. júlí 2004
Er það bara ég eða eru framhaldsmyndir af myndasögumyndum að verða sífellt betri?! Fyrri Spider-Man myndin var að mínu mati góð, en hún hrapaði nokkuð í seinni áhorfi. Engu að síður tókst Sam Raimi að skapa þétta, skemmtilega og vel keyrða ofurhetjumynd. Spider-Man 2 aftur á móti gerir nákvæmlega það sama, nema bara enn betur.

Ímyndið ykkur fyrri myndina og margfaldið hana með tveimur! ALLT er bætt: hasarinn er betri, söguþráðurinn betri, skúrkurinn betri, rómantíkin betri, handritið traustara, persónusköpunin dýpri, húmorinn fyndnari og miklu flottari tæknibrellur. Kóngulóarmaðurinn sjálfur er hættur að líta út eins og eitthvað beint tekið úr tölvuleik í þetta sinn og blandast eiginlega saumlaust inn í raunverulegt umhverfi. Leikurinn er líka orðinn áhrifaríkari. Einn veikasti punktur fyrri myndarinnar var hin yfirgnæfandi dramatík, þar sem samtölin fóru að verða heldur þreytuleg og áhrifalaus (en það er líka handriti Davids Koepp að kenna), en Spider-Man 2 hefur ekki þannig vandamál. Myndin er reyndar miklu meira 'karakter-drifin' en ég bjóst við, en það þarf aldrei að vera neitt slæmt. Og leikframmistöðurnar eru það góðar að atriðin haldast ógurlega vel saman.

Tobey Maguire tekur persónuna Peter Parker upp á allt annað stig, og sýnir að þetta er einstaklingur sem á erfitt með að lifa tvöföldu lífi og maður finnur fyrir hans kvöl að geta ekki tjáð draumastúlku sinni ást sína (afsakið væmnina í mér. Get ómögulega að því gert). Spider-Man var ekki mín allra uppáhalds ofurhetja í denn, en ég virkilega fann til með þessum karakter núna. Alfred Molina er líka allt annað en bara brjálæðingur í hallærislegum búning (eins frábær og Willem Dafoe var...) og gefur illmenninu góða dýpt. Þar að auki er hann bara svo skrambi svalur að hálfa væri nóg og tölvugerðu griparmarnir eru svo vel gerðir að þetta lítur ekki út fyrir að vera brella. Aðrir leikarar skila einnig sínu og helst ber að nefna J.K. Simmons, sem er aftur kominn og með enn fleiri one-linera sem að fá mann til að brosa út eitt. Sam Raimi fær jafnframt gott hrós fyrir meðhöndlun þessarar myndar, og ég vona að hann standi sig alveg jafn vel (ef ekki betur) með sú þriðju.

Það eina sem ég hef að setja almennilega út á er kannski ferskleikinn í söguþræðinum. Ég tók það fram að ofan að hann sé mun betri en í forveranum. Samt sem áður er formúlan nokkuð gömul og hefur oft verið notuð áður (þ.e.a.s. þegar meginpersónan yfirgefur skyldu sína sem ofurhetja - var m.a. notað í Superman II og Batman Forever). En reyndar er þetta element sem þarf að vera, sérstaklega í tilfelli kóngulóarmannsins, og þetta er í sjálfu sér enginn alvarlegur galli. Það er a.m.k. pottþétt að hér sé á ferðinni annar smellur, og ég persónulega er í vafa um að hægt verði að finna traustari spennumynd á sumrinu.

PS. Takið eftir snillingnum Bruce Campbell í litlu gestahlutverki - alveg magnaður þar - og sjálfum finnst mér að hann ætti að fá stærri og betri hlutverk í framtíðinni. En nóg um það. Frábær mynd.

8/10

0 af 0 fannst þessi umfjöllun gagnleg

Notendur (21)

Stefán Arnar Pétursson
8. febrúar 2006
Það sem er vandamál með þessa mynd... er að Alfred molina, skapar ekki nærum því jafn góðan karakter eins og William Dafoe Gerði með Green Goblin. Samt ekkert beint síðri mynd heldur en var í Spider-man 1 Mér fannst þessi mynd vera Betri í fyrstu en samt varð leiðinleg til lengdar það var hinn ekki. Mjög góð tónlist og allt sem danny elfman er nátúrulega snillingur í, Fyrir þá sem hafa ekki séð þessa mynd þá mæli ég samt með henni því ykkur á alveg eftir að finnast hún góð..., ef ykkur langar að sjá hana! gegt,

0 af 0 fannst þessi umfjöllun gagnleg
Samúel Rademaker
28. desember 2005
Vá,það er langt síðan að ég sá Spiderman 2 síðast,verð nú að fara að sjá hana aftur en hún er bara svo rosalega vel gerð og Tobey Maguire leikur þetta vel,hann er auðvitað ekki eins og persónan í myndasögunum,rosalega myndarlegur kennari sem er ofurhetja,heldur er Peter Parker hér skrítinn,utanvið og einmanna háskólastrákur sem veit ekki hvað hann á að gera við hæfileika sína.Dock Ock er eitthvað flottasta illmenni sem ég hef séð í ofurhetju mynd.Það er ekkert að gangnrýna nema kannski Kirsten Dunst sem leikur hina óáhugaverðu Mary Jane,þó fer hún ekki eins mikið í taugarnar á mér eins og áður.Peter Parker(Maguire)er ennþá í háskóla og býr nú einn í pínulítilli klósettlausri íbúð,hann er í tveimur störfum með skólanum,og hann er alveg blankur og var bitinn af stökkbreyttri könguló(í fyrstu myndinni)og getur klifrað upp veggi og spýtt köngulóar vefi og hann er sterkur og gengur undir nafninu Spider man/köngulóar maðurinn.Þessa krafta notar hann til að bjarga mannslífum og reyna að gera borginni að betri stað með því berjast við glæpamenn en með þessu starfifylgir mikil ábyrgð og það að lifa tvöföldu lífi er að drepa hann og ekki nóg með það,engir í bænum treysta honum og allir vilja meina að hann sé hættulegur glæpa maður og blöðin keppa við að gera lítið úr honum.Hann er sjálfur eins og ég sagði blankur og frænka hans May(Rosemary Harris)sem hann hefur búið hjá síðan að hann man eftir sér er að missa húsið og á einnig bágt,besti vinur hans Harry(James Franco)hatar Spider man því hann heldur að hann hafi drepið föður sinn(sem var Green Goblin) og vill ekkert meira en hefnd,draumadís Peters hin fallega Mary Jane(Kirsten Dunst) er orðin þekkt leikkona og vill ekki tala við hann og nýtt illmenni er komið í borgina Dr.Octopuss eða Dock Ock(Alfred Molina)sem er að reyna að tortíma borginni.Það er eins og að hlutir geti ekki verið erfiðari hjá honum.Og þetta er bara byrjunin ekki miklir spoilerar.Og ég er sammála Sigurði hún er miklu MIKLU betri en forverinn þó að sú mynd af líka verið góð.Frábær Sumar smellur sem að þeir sem kunna með meta popp og kók sumar stórmyndir mega alls ekki missa af Spider man 2.

0 af 0 fannst þessi umfjöllun gagnleg
Þetta er frábær mynd sem Marvel gaurarnir eru að gera. Þessi mynd er mjög góð með nokkrum bröndurum og góðan húmor. Tobbie Maguire er ógeðslega flottur sem Spider Man. Kirsten Dunst er líka mjög góð,en það er eitthvað við hana sem mér finnst ekki nógu gott. Alfred Molina er líka mjög ,,cool sem Octobus sem er vondi gaurinn. Ég mæli mikið með þessari mynd, kíkið bara á þessa og ég lofa að hún sé góð.

0 af 0 fannst þessi umfjöllun gagnleg
Daníel G. Hjálmtýsson
2. janúar 2005
Hin fínasta skemmtun, svolítið væla á köflum og svona dálítið hallærisleg fannst mér.


Sjálfum fannst mér eiginlega fyrri myndin betri, margir á öðru máli en þetta er mín skoðun. Tobey er fínn í sínu hlutverki og skilar sínu, restin af castinu er svosem ágætt að reyna sitt en gengur ekki alveg nógu vel.


Flottar brellur, ágætis söguþráður og mikill hasar gera þessa mynd að þeirri sem hún er, en að veita þessari mynd betri einkunn en þessa er að mínu mati ofmat. Spider-Man er auðvitað framhaldsmyndir eins og restin af ofurhetju myndunum eru, og er því auðvitað alltaf gert framhald af myndunum sem getur verið frábært en floppar stundum, sem þessi mynd gerir hins vegar ekki. Hún heldur manni alveg og þannig en missir mann oft útí að pæla í vælunni og hallærileikanum í henni í miðri mynd.


En ég er búinn að sjá hana og kvet eindregið alla sem hafa áhuga á spennu, hasar og brellum að kíkja á þessa.

0 af 0 fannst þessi umfjöllun gagnleg
Þetta er örugglega ein af bestu framhaldsmyndum sem hafa verið gerðar. Það er allt bætt í þessari mynd. Flottari tæknibrellur, farið betur í persónurnar, sagan er mun áhugaverðari, meiri spenna, miklu betri óvinur, leikstjórn. You name it. Allt gert betur. Þessi mynd er, without a doubt, besta myndin sem er gerð eftir comic books. Vona að sú þriðja verði álíka góð og þessi.

0 af 0 fannst þessi umfjöllun gagnleg
Guðmundur Ingi Gunnarsson
24. október 2004
Æ, það er ekki gaman að sjá svona myndir eyðilagðar með rómatík og væmni. Byrjunin minnir meira á gamanmynd frekar en spennumynd. Og er ekki fullmikið lagt á Peter ég meina getur hann ekki sagt M.J. hver hann er og hún ákveður hvort hún verði vinkona hans eður ei og frænka hans verður alltaf frænka hans ég meina hún færi ekki að segja öllum bænum að Peter sé Spiderman. Vælukjóaatriðin í myndinni eru of mörg. Alfred Molina og James Franco eru bestir í leikarahópnum og búningar Spidermans og Doc Oac eru flottir. Skurðstofuatriðið, þegar bílnum er kastað í glerið á kaffihúsinu og setningum ,,But he is just a kid, eru það langbesta við myndina. Bardagaatriðin eru flott sérstaklega þegar tónlistin er tekin af en þau meiga vera fleiri og lengri. En söguþráðurinn er ekki góður og margt er eins og í fyrri myndinni og sumt er alltof fyrirsjáanlegt og það vantar lokabardaga. Það mætti kalla hana. The hard life of Peter Parker, eða eitthvað.

0 af 0 fannst þessi umfjöllun gagnleg
Róbert Karl Lárusson
16. ágúst 2004
Könglulóin er mætt aftur betri en nokkurn tíman fyrr. Þessi mynd gerist tveimur árum eftir að hann bjargaði íbúum New York frá illmenninu Green Goblin. Þessi frábæra kvikmynd byrjar að mínu mati betur en nokkur önnur mynd sem ég hef séð undanfarna tíð. Í þetta skipti er skúrkurinn aðeins hættulegri og erfiðari en í fyrri myndinni, að þessu sinni þarf hann að berjast við brjálaða vísindamanninn Otto Octavius (Dr. Octopus) sem er með fjóra nautsterka járnarma sem hann festi á sig til þess að framkvæma tilraun sem misheppnaðist hræðilega og það varð slys út úr því sem leiddi til þess að konan hans sem var honum allt dó. Otto gerir allt til þess að framkvæma tilraunina aftur en Spider-Man þarf að hindra það því hún gæti kostað alla íbúa New York lífið. Þetta er stórgóð mynd með öllu uppfærðu, Frábærar tæknibrellur, frábær myndataka, frábær tónlist, frábær klipping, frábærir brandarar og frábær leikstjórn. Tobey Maguire passar vel í hlutverk köngulóamannsins og gerir þetta með stæl. Ég er ánægður með allt í þessari mynd nema leikonuna Kirsten Dunst, þessir endalausu stelpuskrækir og leiðinlegi væmni leikur hennar fer bara í taugarnar á mér. En samt sem áður tókst Sam Raimi þetta stórkostlega og mæli með þessari mynd!

0 af 0 fannst þessi umfjöllun gagnleg
Eva Oliversdóttir
7. ágúst 2004
Þessi mynd er mjög skemmtileg og hún er mjög vel gerð. Það eru góðar tæknibreur í henni. Hún er vel leikin. Þessi mynd var betri heldur en fyrri myndin. Ég mæli með þessari mynd.

0 af 0 fannst þessi umfjöllun gagnleg
Þröstur Thorarensen
7. ágúst 2004
Þessi mynd er mjög vel gerð og er hræðinlega skemmtileg. mjög góðar víra brellur og ágætir brandarar, en þessi mynd skortir húmor og þess vegna myssir hún hálfa stjörnu.

0 af 0 fannst þessi umfjöllun gagnleg
Eggert Thorarensen
6. ágúst 2004
Frábær mynd. Það er hægt að sjá hana aftur og aftur. Mjög góðar tæknibrellur og mjög vel gerð. Mynd sem allir geta séð. Hún fær fjórar frá mér.

0 af 0 fannst þessi umfjöllun gagnleg
Köngulóarmaðurinn er mættur aftur á hvíta tjaldið, í öllu sínu veldi. Tvö ár eru liðin frá því hann bjargaði New York frá grænum púka, nú þarf hann að takast á hendur það verkefni að glíma við illan vísindamann sem hefur breytt sér í vélrænt illmenni. Í dagsins önn er Köngulóarmaðurinn hinn ósköp venjulegi Peter Parker, sem er algjör andstæða hetjunnar, feiminn og óttalega klaufalegur. Meðan Köngulóarmaðurinn nær árangri í að takast á hendur hvern glæponinn á fætur öðrum á Peter í mesta brasi með einkalíf sitt, einkum ástamálin. Hann er ástfanginn uppfyrir haus í Mary Jane, sem hann hefur þekkt til fjölda ára. Hann reynir allt til að vinna hjarta hennar. Að því kemur að hann þurfi að gera upp við sig hvort hann vilji vera Köngulóarmaðurinn eða Peter Parker, er Mary Jane er í þann mund að giftast öðrum manni. Stórfengleg ævintýramynd sem ætti að heilla hvern áhugamann um glæsilegar sögur með mögnuðum tæknibrellum, upp úr skónum. Sam Raimi stendur sig gríðarlega vel í að tryggja að hver hluti heildarmyndarinnar glansi. Allar tæknibrellur eru meistaralega vel úr garði gerðar, handritið er gott og tónlistin klikkar svo sannarlega ekki. Tobey Maguire fer á kostum í hlutverki ferils síns, að mínu mati og Kirsten Dunst er heillandi í hlutverki Mary Jane. Ástarsaga Peters og Mary Jane nær miklum hæðum vegna sterks samleiks þeirra. Ég hafði alveg virkilega gaman af þessari mynd, skemmti mér konunglega og hvet alla kvikmyndaunnendur til að skella sér í bíó og sjá þessa glæsilegu ævintýramynd. Það er svo sannarlega þess virði.

0 af 0 fannst þessi umfjöllun gagnleg
Ragnar Bjarni J+onsson
19. júlí 2004
Ég fór á þessa mynd með sæmilegar væntingar þar sem ég hafði heyrt ágætis hluti um hana og henni hefur almennt verið hælt af gagnrýnendum. Þessi mynd er að mínu mati í mesta lagi ágæt. Endlaust væl út gegnum myndina og sálarflækjur spiderman ætluðu algerlega að fara með mig þar sem gamlar konur jafn sem smá börn þurftu að hvetja sívælandi tobey maguire til að drullast til að gera eitthvað. Einnig er þessi ástarvella kringum hann og rauðkunna orðin þreitt í gegnum tvær myndir þar sem maðurinn er stamandi fyrir framan hana stöðugt og getur aldrei ælt því út úr sér hver hann er. Hasar atriðin eru fín en alls ekki nóg til að draga myndina upp í það að hún sé skemmtileg. Ég ræð fólki frá því að sóga peningum sínum einsog undirritaður á þessa hrillilegu ræmu...

0 af 0 fannst þessi umfjöllun gagnleg
Frábær mynd fyrir alla!!!


kom mér allavega á óvart nokkur atriði í myndini sem ég ætla ekki að nefna fyrir þá sem eru ekki búnir að sjá myndina.


svo bara allir að skella sér í bíó á þessa stórskemmtilegu mynd og þeir sem eru búnir að sjá hana þá bara að fara aftur það er svona í það minsta að sjá hana bara tvisvar.


Kristinn Þráinn



0 af 0 fannst þessi umfjöllun gagnleg
Finnur Yngvi Kristinsson
13. júlí 2004
Þrátt fyrir að ná ekki að slá út forvera sinn hvað skemmtun varðar þá man ég í fljótu bragði ekki eftir neinu neikvæðu við þessa mynd, tölvuvinnslunni hefur farið mikið fram síðan sú fyrri kom út og er Spiderman 2 mikið flottari en forverinn að öllu leiti.

Ég bjóst nú einhvernveginn við meiri hasar í þessari en varð fyrir smá vonbrigðum með að það reyndist ekki rétt, þveröfugt á það þá var meiri væmni og ástarleikur í þessari en þeirri fyrri en ekki misskilja mig, það gerir myndina síður en svo verri en forverann.

Það er alger óþarfi að tala um tæknibrellurnar og tölvugrafíkina meira en bara að segja að hún sé SNILLD sem og Doc Oc sem er ekki síður flottari en Green Goblin var í þeirri fyrri og að vissu leiti mun grófari og flottari heldur en sá fyrri.

Myndin fær topp meðmæli að minni hálfu þrátt fyrir að hafa ekki staðið undir væntingum um meiri hasar og mæli ég eindregið með því að fólk drífi sig í bíó að bera þetta augnkonfekt augum.

0 af 0 fannst þessi umfjöllun gagnleg
Óli Dagur Valtýsson
12. júlí 2004
Spider-Man 2 er án efa betri en fyrri myndin ,að mínu mati, og þá er mikið sagt. Ég hélt fyrst að Alfred Molina myndi ekki passa í hlutvekið sem Dr.Ocktavius(Kolkabbinn)en hann gerði það með glæsibrag, sem betur fer. Það er mjög raunverulegt þegar Spider-Man er að fara á milli húsanna og allt það sem er mjög gott mál.Ég ætla ekki að segja neitt um söguþráðinn, því að ég vil ekki skemma fyrir lesndum en ég mæli eindregið með þessari stórskemmtilegu mynd fyrir alla fjölskylduna.

0 af 0 fannst þessi umfjöllun gagnleg
Ívar Jóhann Arnarson
11. júlí 2004
Spiderman er mættur aftur á hvíta tjaldið í afbragðsgóðri mynd þrátt fyrir að gallarnir séu til staðar. Til að mynda þá er húmorinn í myndinni oft á tíðum ódýr og ófyndinn og ástarjátningaratriðin...æ hefur maður ekki séð svona margoft áður? En sé það ignorað þá má skemmta sér ljómandi vel yfir þessari mynd. Alfred Molina er reyndar alveg hrikalega óþolandi þegar hann er ennþá Otto Octavius en þegar hann breytist í Dr. Octopus er hann orðinn alveg bráðskemmtilegur sem sýnir sterka leikhæfileika hjá þeim leikara. Tobey Maguire á engan stórleik en eins og í fyrri myndinni hentar hann mjög vel sem Spiderman og væri það óskandi að hann væri í þessu hlutverki helst bara í öllum Spiderman myndum í framtíðinni þó að það hljómi soldið langsótt.Spiderman 2 fær því dágóð meðmæli frá undirrituðum og þá er að bíða eftir þriðju myndinni.(vona að þessi umfjöllun sé ekki algjör steypa)

0 af 0 fannst þessi umfjöllun gagnleg
Frábær skemmtun frá upphafi til enda. Góður leikur, fullkomnar tæknibrellur, flott tónlist og passleg dramatík og heimspeki í bland við allan hasarinn og spennuna. Góður húmor og bara langflest gengur algjörlega upp. Svona á að gera framhaldsmyndir. Flestir sem þekkja Spiderman söguna ættu að vera sáttir við útkomuna. Hér á Peter Parker í mikilli innri baráttu og er villtur í frumskógi glæpa og ástar sinnar gagnvart Mary Jane. Nýja illmennið setur allt á annan endann og Spiderman á ekki sjö dagana sæla. Niðurstaðan og endirinn komu mjög vel út og ég varð ekki fyrir vonbrigðum. Ekki meira um Spiderman 2 að segja en: Megið ekki missa af þessari! Takk fyrir mig.

0 af 0 fannst þessi umfjöllun gagnleg
Árni Ragnarsson
11. júlí 2004
Ég fór á þessa mynd með þeim væntingum að þetta yrði þetta ágæta framhald af Spider-Man.

Þessi mynd endaði með því að verða versta mynd sem ég hef augum litið á þessu ári, Peter Parker var einfaldlega of leiðinlegur charakter þegar hann klæddist ekki Spider-Man búningum og allt of mikið af löngum samræðum og eins og fyrri ræðumaður sagði voru alltof fá hasaratriði í myndinni en þau voru mjög flott þegar þau komu.

Húmorinn var einnig hræðilegur og þessi mynd var svona þessi 'týpíska' ameríska mynd og allt fór american style.


Mæli ekki með fyrir neinn eldri en 10 ára að fara á þessa mynd,

Hreinlega sú versta sem ég hef séð á þessu ári í Bíó.

0 af 0 fannst þessi umfjöllun gagnleg
Egill Jónsson
11. júlí 2004
Ég skil ekki hvað mönnum þótti svona mikil snilld við þessa mynd. Fyrri hluti myndar fer í að ,,Búa til vonda kallinn sá seinni í að byggja upp Spiderman. Hasaratriðin voru reyndar geðveik en því miður allt of fá, þau fá tvær stjörnur. Þessi mynd var langdreginn og uppfull að wannabe óskarsver'launa ræðum og væl atriðum.Allt of mikið rembst við gera fyndinn atriði og söguþráð,hasarinn gleymist.Þriðja myndinn ætti vera góð enda fór mikill tíma í að byggja hana upp þessari mynd.

0 af 0 fannst þessi umfjöllun gagnleg
Hrannar Atli Hauksson
9. júlí 2004
Spider-man 2 er án efa besta myndasögumynd sem gerð hefur verið og hún er betri en forverinn á allan hátt og þá er mikið sagt. Atriðin þar sem að Spider-man sveiflast á milli háhýsa New York borgar eru miklu flottari en í fyrri myndinni og Alfred Molina er miklu betri sem Doc Ock en Willem Dafoe var sem Green Goblin. Í myndinni er Peter Parker orðinn alveg útkeyrður á að vera Spider-man og reyna að lifa venjulegu lífi í leiðinni. Þegar hann kemst að því að M.J.(Kirsten Dunst)er að fara að giftast öðrum manni og hann ákveður að hætta að vera Spider-man og reyna að ná henni aftur. Þegar að hræðilegt slys breytir hinum góðlátlega Dr. Otto Octavius í brjálæðing með fjóra málmarma fasta við líkama sinn verður Peter að taka aftur upp að vera Spider-man til að bjarga borginni.Myndin endar líka á mjög spennandi hátt sem gefur nokkrar daufar vísbendingar um næstu mynd sem verður frumsýnd 4.maí 2007.

Myndin er frábær og næsta mynd verður vonandi jafngóð eða betri.

0 af 0 fannst þessi umfjöllun gagnleg
Sindri Gretarsson
6. júlí 2004
Spider-Man 2 er nálægt því að vera fullkomnun Marvel kvikmynda. Í fyrra var það X-Men 2 sem var hæst en Spider-Man 2 toppar hana þó ekki mikið. Mér sýnist Marvel framhaldsmyndum ganga óvenju vel. Frá fyrstu Spider-Man myndinni hefur nánast allt verið bætt. Tæknibrellurnar, hasarinn, húmorinn og persónurnar. Í fyrsta lagi er Octavius leikinn af Alfred Molina áhrifaríkari persóna en Osborne sem ´vondi kall´ þó ég tel Octavius ekki sem vondann kall. Tobey Maguire er betri núna sem Peter Parker, Kristen Dunst er líka skárri. James Franco finnst mér skera sig úr og verða sterkari persóna. Jameson snillingurinn leikinn af J.K Simmons er alltaf bráðfyndinn. Tæknibrellurnar eru þannig séð ´raunverulegri´ það var ekki eitt atriði með tölvubrellum sem mér fannst gervilegt. Hasar-atriðin hafa betri umhverfi og aðstæður svo er bara Octavius svo rosa svalur í sögunni og sem eyðileggingarseggi að allt annað færist til hliðar. Eina sem ég kvarta um eru langdregnar ræður af frænku Parkers, hún hefur reyndar mjög lítið að segja en samt eyðir hún of miklum tíma. Ég er að hugsa hvort Spider-Man 2 sé betri en X-Men 2 og þá segji ég já en alls ekki miklu betri. Húmorinn í Spider-Man 2 er líka glæsilegur rétt eins og í X-Men 2. Ég er afskaplega sáttur við Spider-Man 2, hún er mun betri en forverinn og er hingað til besta Marvel kvikmyndin. Haldið endilega áfram með Spider-Man 3.

0 af 0 fannst þessi umfjöllun gagnleg

Spjall um myndina

Disqus spjallkerfi

Skrifa nýja umfjöllun um myndina