Persónulega finnst mér sú staðreynd að Hulk skuli vera óhefðbundin ofurhetjumynd að nærri öllu leyti vera hreint mögnuð. Það er alveg ótrúlegt hvernig hún nær að skara sig fram úr hefðbundum comic book-myndum, og þá á svona sérstæðan hátt. Í stað þess að treysta á hasar, læti og brellur þá fókusar hún á persónurnar, vandamál þeirra (ekki geispa strax!) og manneskjulegar krísur sem fylgja þeirri óheppni að breytast í tröllvaxið skrímsli.

Ang Lee hefur mér alltaf þótt verulega sérstakur kvikmyndagerðamaður. Hann hefur sýnt að hann kunni að gera bæði vandað drama (The Ice Storm) sem og verðug ævintýri (Crouching Tiger, Hidden Dragon) og notar þá hæfileika í sameiningu hér og útkoman er alveg asskoti góð. Reyndar hátt í frábær.

Sagan er voða hefðbundin, en hún er spennandi og í senn nokkuð átakanleg og áhrifamikil. Og þótt myndin sé afar ólík flestum öðrum myndasögukvikmyndum efnislega séð, þá nær hún samt sem áður að skapa ótrúlega nettan myndasögufílíng (miklu betur en nokkur önnur kvikmynd hefur gert) með fyrirtaks tæknivinnslu. Hér eru notaðir alls kyns effectar til að gera útlitið eins og það væri tekið úr blaðsíðu í myndasögu, og þar með notar hún alls konar split-screen skot, mikið litabrjálæði, fjölda af smáum römmum röðuðum saman og snilldar klippingarskiptingum. Þessi stíll er stórkostlega unninn og virkar mjög vel við myndina.

Leikurinn er líka verulega þéttur. Eric Bana smellpassar í hlutverk Bruce Banner, og tekst að gera hann að viðkunnanlegum náunga sem maður hefur mikla samúð fyrir. Jennifer Connelly er stórgóð að vanda (þótt mér hafi oft á tíðum fundist eins og hún hafi verið að endurtaka hlutverk sitt úr A Beautiful Mind) og tekst alltaf að snerta mann án þess að verða of væmin. Spes hvað hún grætur alltaf mikið. Nick Nolte kom líka gríðarlega sterkur inn í hlutverk föður Bruce, Josh Lucas stendur sig vel sem aðal skíthællinn (eins og honum hefur alltaf verið lagað) og Sam Elliot gerir gott úr sínu klisjukennda hlutverki sem hann fær og reynir að koma smá dýpt í það.

Síðan eru það tæknibrellurnar, og eins og allir vita, þá spila þær mjög stóran þátt í myndinni. Hulk karakterinn sjálfur er með öllum ólíkindum. Ég geng að vísu ekki svo langt með að kalla þetta flottustu tölvuteiknuðu persónuna sem sést hefur í kvikmynd (ætli Gollum sé ekki enn þar á toppnum...), en hann er engu að síður mjög raunverulegur og blandast mjög vel við allt raunverulega umhverfið. Það eina sem ég hef virkilega til að kvarta um hér hlýtur að vera loka korterið á myndinni, sem mér þóttu ganga heldur of langt, en það slapp fyrir horn einungis vegna þess að það var flottur, öðruvísi climax á myndina.

Fyrir þá sem sækjast eftir týpískri sumarhasarmynd, þeir ættu að sleppa Hulk (þeim er frekar bent á að kíkja á T3). Hún er alls ekki fyrir alla, og mun eflaust valda miklum vonbrigðum fyrir þá sem fara á hana vegna hasarsins. Ef þið viljið myndasögukvikmynd sem bíður upp á hasar, læti og töff hetjustæla... veljið þá X2. En þið sem viljið sjá eitthvað nýtt, áhugavert og jafnframt þrususkemmtilegt í þessum geira, þá ætti Hulk ekki að vera neinn vafi á því vali.

Mitt mat: Ein besta sumarmyndin í ár og ein besta Marvel-myndin hingað til.

8/10

Hulk var á RÚV í gær, býst við að flestir með einhvern áhuga séu búnir að sjá hana. Ég man þegar ég sá hana í bíó með systur minni og bróður, hún fór vel fram úr væntingum þá en hefur afstaða mín breyst þar sem það er komin önnur útgáfa af Hulk mynd? Í rauninni ekki. Ég er hættur að bera þessar myndir saman. Í mínum huga eru þær báðar góðar útgáfur af Hulk mynd sem geta báðar verið frábærar á sinn hátt. Í comic heiminum eru ótal útgáfur af hetjum og alltaf nýjir skrifara og teiknarar að spreyta sig á þeim. Það sama er að gerast með þessar myndir og það er bara hið besta mál.

Myndin var gagnrýnd talsvert fyrir ofnotkuna á skiptum skjá og römmum. Mér fannst þetta alltaf flott og finnst ennþá. Þetta er bókstaflega eins og lifandi comic og þar er pínu kúl fyrir gamlan comic nördara. Það er frábært samansafn leikara í þessari mynd eins og flestum Marvel myndum. Ég elska Nick Nolte og fannst hann frábær í hlutverki föður Bruce Banner (Hulk). Nolte er líka einn af fáum kvikmyndastjörnum sem ég hef séð í eigin persónu og það skemmir ekki. Eric Bana skilar sínu hlutverki vel frá sér, hann er kannski ekki eins puny og í blöðunum (Ed Norton var nærri lagi) en það skiptir ekki máli. Jennifer Connelly er alltaf janf sæt og hún er líka alvöru leikona. Sam Elliot er líka frábær sem Thunderbolt Ross. Mér finnst hann betri en William Hurt í nýju útgáfunni.

Myndin er nokkuð kaflaskipt. Það er reynt að grafa upp fortíð Banner og útskýra uppruna Hulk. Talandi um uppruna. Í blöðunum lenti hann í gamma sprengingu en í þessari gerði pabbi hans tilraunir á sjálfum sér og flutti gamma geisla yfir í son sinn (super sperm). Það eru nokkur góð hasar atriði, sérstaklega í eyðimörkinni. Mér fannst hulk hundarnir ekki alveg nógu góðir og endirinn með pabba hans hefði mátt vera aðeins öflugri. Annars fannst mér Hulk sjálfur vel gerður og myndin almennt eðal skemmtun.

"Stop your bawling, you weak little speck of human trash."

Fólk,Fólk slappiði af.Hulk er ekki svona slæm en hún er ekki frábær.Hulk er byggð á samnefndum og rosalega vinsælum myndasögum frá Marvel.Ang Lee leikstýrir vel og Eric Bana var góður í aðalhlutverkinu sem Bruce Banner sem breytist í Hulk.Jennfer Connelly sem er mín uppáhaldsleikkona og er að mínu mati eins besta og fallegasta leikkona allra tíma fer mjög vel með hlutverk sitt sem vinkona Bruce,Betty.Nick Nolte er líka fínn sem skrítinn vísindamaður sem er faðir Bruce.Tónlistin er góð og myndatakan líka og útlit myndarinnar er gott og mjög flott hvernig Lee gerir þessa eins og að láta hana vera eins og myndasögu.Ég mundi gefa Hulk 4 stjörnur en því miður er aðalgallinn of stór og það er að Hulk er rosalega langdregin og stundum leiðinleg en hér verið að ræða um góða kvikmynd en ekki frábæra skemmtun eins og Spider man 2 og nær allar Marvel myndrinar(nema DareDevil og Punisher,þær voru ekki góðar).Í dag bárust óskars tilnefningar og mér finnst Jennifer Connelly hafa verið rænd.Ég hef aldrei séð leikkonu leika eins vel og hún í vanmetna meistaraverkinu Dark Water(víst er hún meistaraverk).Tæknibrellurnar er góðar og myndin er bara flott.Það er verið að fókusera meira á persónurnar en hasarinn og gengur það bara mjög vel upp.Ég er bara svo rosalega sammála Tómasi en vill ekki stela öllu frá honum en ég þarf þó að nefna eins og hann að myndin skapar mjög flottan myndasögu fíling og þessi hefur andrúmsloft.Bruce Banner er vísindamaður og er vinafár og er ættleiddur.Þegar hann var lítill þá gerði faðir hans sem einnig er vísindamaður tilraunir á sjálfum sér en svo varð konan hans ólétt og Bruce erfði þessi DNA.Bruce lendir núna 25 til 35 árum seinna í kjarnorku slysi í vinnunni og hann fer að breytast og þegar hann verður reiður breytist hann alveg.Útaf blönduninni af þessu DNA og kjarnorkunni þá verður hann risastór og grænn(ekki hlæja þetta er góð mynd).Mæli með þessari en held að 14 ára og eldri eigi eftir að skilja þessa betur en þeir sem eru yngri(ég sá þessa fyrst þegar ég var 11 ára)en bara ekki búast við bara hasar og geðvekium tæknibrellum því þessi mynd er meira en það og ef þú vilt bara þetta sem ég nefndi þá er Hulk ekki mynd fyrir þig en mæli samt með henni.

Ég var í vafa hvort ég nennti að horfa á myndina en ákvað að kýla á það! en allavega þá er myndin betri en ég bjóst við Eric Bana er flottur í myndinni og ég mæli með myndinni þ.e.a.s þá sem eru mikið fyrir teiknimyndasögur. En þetta þessi fínasta mynd á ferðinni.

Svona eiga Marvel myndirnar að vera.Eric Bana er frábær sem Bruce Banner ég mæli með þessari.Ef þið eruð á leið á vídeóleigu takið þá þessa.

What the...? Þetta er ein versta mynd sem ég hef séð! (Freddy got fingered og House of 1000 corpses eru sterkir keppinautar)


Ég skal gefa ykkur dæmi hvað ég á við:

Risastór grænn gúmmíkarl hoppar 300 metra upp í loftið til að flýja undan skriðdrekum og þyrlum!

Ég meina, KRÆST, þetta er án efa versta ofurhetjumynd sem ég hef séð!

Ef þið viljið eina slíka sem er góð horfið á Hellboy og ekki líta á þetta KRAPP!

Þessi mynd fjallar um Bruce Banner og hvernig hann var búin að erfa gen sem eru radioactif (Gamma Radiation). Myndinn hefur góðan söguþráð og fínar tæknibrellur, ég vil ekki skrifa meyr því þá vitið þið of mikið. Ég mæli nokkuð vel með þessari fýnu mynd.

Ég sá þessa mynd þegar að hún kom í bíó og svo aftur þegar hún kom út á DVD og verð að segja að þetta er með bestu superhetjumyndum sem ég hef séð, með Batman og Spiderman. Fjallar myndin um Bruce Banner sem er snjall vísindamaður sem lendir í því atviki að verða fyrir gammageislun og breytist í hinn ógurlega Hulk þegar hann reiðist. Þessi mynd byrjar á því að kynna persónurnar fyrst til sögu svona fyrsta klukkutímann af myndinni og tekst Ang Lee að gera það mjög vel. Svo byrjar actionið á fullu þegar að Hulk sjálfur kemur á skjáinn og það var alveg ótrúlega gaman að sjá hann á hvíta tjaldinu í fyrsta sinn. Þessi mynd hefur engann galla. Sagan er mjög vel sögð, tæknibrellurnar eru alveg ótrúlegar og þá sérstaklega vinnan á Hulk sjálfum, spennan er góð og leikararnir standa sig með prýði. Það sem er kostur þessarar myndar miðað við aðrar superhetjumyndir er að leikstjórinn reynir meira á persónurnar og söguna heldur en actionið. Ég vonast til þess að það verði ekki gert framhald út af því að endirinn á myndinni gefur það til kynna að það eigi ekki að gera framhald. Þeir sem eiga eftir að sjá þessa mynd, mæli ég með að þeir sjái þessa strax. Hún fær 3 og hálfa hjá mér.

Þetta er með þeim skemmtilegustu comic book myndum sem ég hef séð með Spiderman og X-men. Myndin er um vísindamanninn Bruce Banner sem lendir í því óhappi að verða fyrir gammageislun og breytast í The Incredible Hulk. Þessi mynd er líka með þeim óvenjulegri comic book myndum sem ég hef séð því að flestar comic book myndir, þó þær séu með góðar sögur, reyna mikið á actionið. Í Hulk er reynt meira á tilfinningagildið og á persónurnar sérstaklega. Maður fær að kynnast persónunum mjög vel í myndinni, hvort sem það sé Bruce Banner, Betty eða hershöfðinginn sem Sam Elliott leikur mjög vel. Hulkinn sjálfur er örugglega flottasta CGI persóna sem ég hef séð, hann er svo þvílíkt raunverulegur. Svo er mjög gaman að fá að sjá Nick Nolte aftur á skjánum sem faðir Bruce. Það eiga ekki allir eftir að fíla þessa mynd. Þeir sem vilja sjá eitthvað nýtt og frumlegt, ættu að sjá hana en þeir sem eru að vonast eftir miklum action, ættu að forðast hana. En ég get ekki verið meira en mjög sáttur við hana. Fær 3 og hálfa stjörnu. P.S. Reynið að sjá Stan Lee og aðalleikarann í gömlu Hulk þáttunum í feluhlutverkum.

Marvel hefur gengið vel með að gera kvikmyndir eftir myndasögum þeirra en þetta er versta mynd þeirra og,í hreinskilni sagt lélegasta mynd sem ég hef séð. Það er sóun á öllu að horfa á þessa mynd. Ef þessi mynd kemur í sjónvarpið farið frekar að sortera sokkana ykkar því ég vara ykkur við,þessi mynd er hrein hörmung. Eric Bana (með lélegri leikurum sem ég hef séð) leikur Bruce Banner,vísindamann sem lendir í útgeislun og þá alltaf þegar hann verður reiður breytist hann í feita manninn sem þið sjáið á myndinni. Og hann þarf endilega að elska þessa Jennifer Connley (líka með lélegri leikkonum sem ég hef séð). Þetta er frekar skipun en aðvörun EKKI horfa á þessa mynd.

HULK. Ég sá þessa mynd um daginn, og mér fannst hún ekki góð.

Reyndar fannst mér hún frekar mikið ömurleg og ég er feginn að hafa ekki farið á hana í bíó. Ég hætti reyndar að horfa eftir atriðið með hundunum eða hvað þetta var, því ég var að drepast úr leiðindum og ógeði á þessari mynd. En þeim sem finnst hún skemmtileg, endilega horfið á hana þangað til þið fáið leið á henni. Ég gef öllum þeim sem komu að myndinni hálfa stjörnu fyrir að nenna að gera hana.

Sko, the hulk er án efa ömurlegasta mynd sem ég hef á ævi minni séð, handritið er bara sorglegt og leikaranir sömuleiðis það er ekkert að gerast. Fyrst þegar ég sá hana hélt ég að þetta væri geggjuð mynd og hlakkaði gegt til, það lá við að ég myndi bara labba út. Þetter um gaur og pabbans var held ég að gera einhverjar tilraunir á honum og svo þegar hann er reiður breytist hann í hulk, og svo er herinn og eikkað á eftir honum. Atriðin í myndinni þegar hann var ekki hulk voru bara eitthvað fólk að tala (váá gegt skemmtilegt eikkað!!) leikstjórinn ætti að skammast sín!!!!

Mig langaði að berja þá alla(leikarana)! Gaurinn sem leikur græna kallinn(hulk) og konan sem hann var skotin í, þau voru ömurleg, þau eru ekki að kunna að leika ur makin´ me angry common!? Þetter hrein hörmung!(gaurinn sagði eikkað svona í myndinni).

Ég vara ykkur við þessi mynd er ömurlegasta, leiðinlegasta, illa leiknasta mynd sem ég hef séð á öllum 10 árum sem ég hef lifað! Eric Bana og Jennifer Connely eru eitt af lélegustu leikurum sem ég hef séð. Eric Bana leikur einhvern vísindanörd sem er að vinna við einhver geislavirk efni. Einn vísindanördinn er að fikta í þessu og ræsir vélina og mundi verða fyrir geislavrikni útgeislun en þá stekkur Eric Bana fyrir geislana. Svo þegar hann reiðist breytist hann í offitusjúklinginn Hulk. Og hann þarf ENDILEGA að elska karakterinn sem Jennifer Connely leikur. Það er í mesta lagi fimm sinnum sem hann verður grænn og feitur og sturlaður og myndin er ekki hálft prósent spennandi og það eina sem er í þessari mynd er tala,tala, kyssa,kyssa o.s.frv. Það ætti að setja reglu um þessa mynd að engin mætti sjá hana því hún væri svo léleg. Ang Lee leikstýrir ömurlegum myndum og virðist hafa sparað kraftana til að gera enn ömurlegri mynd en Crouching Tiger,Hidden Dragon. Hörmung.

Ég bjóst við svaka hasar þegar ég var að fara að horfa þessa mynd. Því miður þá er það ekki þannig en þess í stað er mikil karakter þróun og maður fær að kynnast öllum þrem til fjórum aðalpersónunum mjög vel. En það tekur bara alltof langan tíma. Eftir ansi margar mínútur var ég farinn að geispa og síðan kemur spennandi kafli en aldrei það skemmtilegur. Í raun er allt gott við þessa mynd nema það að það vantaði allt afþreyingargildi í þessa mynd. Hulk er það flottasta í CGI(ásamt Gollum)sem ég hef nokkurn tíma séð og fær myndin þessar tvær stjörnur fyrir það sem er flott fyrir augað og fyrir fínan leik,en missir því miður marks þegar kemur að hasarnum.

Afbragðsmynd. Ein besta Marvel mynd sem einbeitir sér á söguna meira en tölvubrellum og hasar. Eric Bana er góður sem Hulk og Bruce Banner. Mun ekki segja neitt meira, þetta er mjög góð mynd vel þess virði að sjá.

Ég féll í þá feitu gryfju að halda að hér væri hasarmynd um að ræða.En allt kom fyrir ekki,myndin var ótrúlega hæg og mér persónulega fannst ekkert merkilegt í gangi með atburðarásina en það þýðir ekki þar með sagt að þetta sé vond mynd.Ang Lee er snillingur,á því er enginn vafi og er myndin í alla kanta mjög flott í tæknilegum atriðum o.s.fr.STÓr+ fyrir CGI Hulkinn sem var mjög flottur en það var ekki nóg því afþreyingargildið var í núlli.Ef ég hefði lesið gagnrýnirnar fyrir ofan hefði ég án efa horft á þessa mynd með öðrum væntingum.En tvær stjörnur fyrir listrænt gildi og auka hálf fyrir mjög svo trúanlegan Hulk er samt bara tussufín einkunn ;D

Ef ég ætti að lýsa myndinni með einu orði þá væri það... ADRENALÍN.. -jemm, hjartað var lengi að jafna slögin að lokinni sýningu. Ég hafði engan sérstakan áhuga á myndinni fyrirfram, mér leist hreint ekki á að fara í bíó til að horfa á þyngdarlausan grænan risa... en mikið er ég nú glöð að hafa gert það. Framúrskarandi leikur og ég held ég hafi bara hreint ekki séð svona mikið af flottum tæknibrellum sem gera mann agndofa, í einni mynd. Ég bjóst alls ekki við þessum adrenalínskammti ásamt mikilli mannúðarheimspeki ef hægt er að segja það. Á köflum minnir myndin mjög á hið þekkta ævintýri um Fríðu og dýrið, nema í þetta skiptið eru það vísindin, en ekki álfkonan sem leggja álög á prinsinn. Ég get bara kvartað yfir hinum stórtæku flugferðum Hulks vinar okkar, mér er sama hversu breyttur hann er, ég get ekki ímyndað mér að svo stór og mikil vera gæti tekist svona á loft (án vængja), þrátt fyrir alla sína vöðva og ofurstyrk. En ég mæli með þessari fyrir myndasöguaðdáendur og nánast alla -helst eldri en tólf ára, þó ekki sé nema til að dást að tæknibrellum og leik. Tónlistin var að auki alveg frábær hjá Danny Elfman (Batman, Spiderman, Men in Black, Chicago o.fl) eins og búast mátti við. Og ég verð að segja að endirinn var einstaklega hressandi og góður.

Besta hasarmynd sumarsins er poppkornsmynd af gömlu gerðinni og tekur viðfangsefni sitt nokkuð alvarlega, með góðum árangri. Skemmtilega óhefðbundin hasarmynd sem hittir beint í mark. The Hulk er nýjasta mynd taívanska leikstjórans Ang Lee (Crouching Tiger, Hidden Dragon) og fjallar um vísindamanninn Bruce Banner (Eric Bana) sem í bræðisköstum sínum breytist í hinn græna og tröllvaxna Hulk. Sagan er byggð á verkum Stan Lee sem bjó til teiknimyndapersónuna. Bruce er sonur vísindamanns Davids (Nick Nolte) sem gerir tilraunir á sjálfum sér. Þegar hann svo eignast son er nokkuð ljóst frá upphafi að hann er ekki alveg venjulegur. Hann elst upp hjá fósturforeldrum sínum og verður vísindamaður líkt og faðirinn. Einn dag verður Bruce fyrir geislun í vinnunni og lifir það þó af. Kemur brátt í ljós að margt breytist í kjölfar þessa og að Bruce breytist í hvert skipti sem hann reiðist í Hulk. Um er að ræða ofurhetju sem býr yfir kröftum sem eru ekki blessun heldur bölvun í raun, þegar kraftarnir koma til skjalanna þá er enginn óhultur. Spurningin er, hvernig getur hann lifað með þessu og er það mögulegt til lengdar? Vel leikin og skemmtileg mynd sem er virkilega gaman af. Eric Bana (Black Hawk Down) er virkilega góður í hlutverki Bruce og sama má segja um Nick Nolte (Affliction), óskarsverðlaunaleikkonuna Jennifer Connally (A Beautiful Mind), Sam Elliott (The Contender) og Josh Lucas (Sweet Home Alabama) sem standa sig vel í sínum hlutverkum. Handritið er vel úr garði gert, sagan er virkilega vel unnin. Leikstjórinn Ang Lee skilar af sér hér vandaðri og góðri kvikmynd. Hann hefur sýnt og sannað áður hvers hann er megnugur sem kvikmyndaleikstjóri. Hefur leikstýrt ólíkum myndum á borð við Crouching Tiger - Hidden Dragon, The Ice Storm og Sense and Sensibility. Hæfileikar hans sem leikstjóra eru miklir, í þessu verki sameinast í eitt höfuðkostir hans sem leikstjóra. Útkoman er sumarmynd ársins 2003, eftirminnilegasta mynd ársins það sem af er. Áferð myndarinnar er skemmtileg og græni liturinn notaður á mjög áhugaverðan hátt. Klippingar og öll framsetning The Hulk er í alla staði lík teiknimyndasögum. Tjaldinu er skipt í ramma og fær áhorfandinn samtímis nokkur sjónarhorn á sama atburðinn og sömu persónurnar, ekki ólíkt því sem sést hefur með góðum árangri í sjónvarpsþáttunum 24, þar sem hægt er að fylgjast með nokkrum atburðum í einu og atburðarás á nokkrum stöðum. Í heildina er ekki annað hægt en að mæla með The Hulk, stórfengleg hasarmynd sem öllum sönnum kvikmyndaunnendum ætti að líka. Að sumra mati (hasaráhugamanna) gæti myndin talist of hæg, mér fannst það þó ekki og hafði virkilega gaman af. Að mínu mati er þetta pottþétt blanda. Mynd sumarsins 2003, án nokkurs vafa.

Ég fór á þessa mynd með nákvæmlega engar væntingar og sem betur fer. Myndin er hræðileg og ég sé sárt eftir 800kr mínum.

Bíðið þangað til að hún kemur í sjónvarpinu og verið tilbúin með fjarstýringuna til að skipta um stöð.

Ang Lee (Crouching Tiger, hidden dragon, Icestorm) bætir enn einni rós í hnappagagið með kvikmyndinni The Hulk. Myndin er byggð á ofurhetju sem Stan Lee teiknaði á 7.áratungum fyrir Marvel útgáfuna. Hulk sló í gegn og þykir enn þann dag í dag ein áhugaverðasta ofurhetja sem fram hefur komið. Sjálfsagt út af því að það er erfitt að skilgreina hvort hann er góður eða vondur. Ang Lee fylgir sögunni mjög vel og persónusköpunin er það góð að Hulk sjálfur verður eiginlega aukaatriði. Myndin fjallar um vísindamanninn Bruce Banner (leikinn af Eric Bana)sem vinnur við rannsóknarstörf fyrir ríkisstjórnina. Bruce er bældur og á erfitt með að taka á atburðum úr æsku þar sem ofbeldisfullur og brenglaður faðir kemur mikið við sögu. Hann bælir þessar tilfinningar niður. Þegar slys ber að höndum í rannsóknarstofunni verður Bruce fyrir mikilli geislun og stuttu seinna brýst jötuninn fram. Bruce áttar sig í raun ekki á því hvort hann vilji breytast eða ekki. Faðir hans leitar hann uppi (leikinn af Nick Nolte) en sú eina sem hann treystir er Betty Ross (leikin af Jennifer Connelly) fyrrverandi kærastan hans. Bruce þarf að glíma við sjálfan sig, umhverfið og herinn. Þessi mynd er listalega framsett af Ang Lee. Leikararnir eru frábærir og tæknilbrellurnar það góðar að jötuninn verður raunverulegur þó svo að hann sé tölvuteiknaður. Myndin er einkar áhugaverð fyrir þær sakir hversu vel hún nær til manns. Auðvelt að finna til með persónunum og þá sérstaklega jötninum sjálfum. Klippingar og myndataka er veisla fyrir augu og eyru. Hulk er vönduð kvikmyd sem er sennilega best lýst sem ofurhetjumynd fyrir vandláta.

Satt að segja óttaðist ég að ég væri að fara aftur á Godzilla þegar ég steig inn í Laugarásbíó fór um mig deja-vu tilfinning.


Myndin byrjar hægt, en lofar þó góðu framanaf, eftir hlé kemst hreyfing á hlutina og maður fær að sjá einhverjar flottustu tæknibrellur seinni tíma. Maður kemur þó ekki í bíó til að skoða tæknibrellur (minnstakosti ekki ég) og í lok myndar þá finnst manni eins og manni hafi verið hent út úr flugvél með matarpakka í stað fallhlífar því fyrri hlutinn er útskýrður möjg vel en endirinn og atburðarrásin þar er einhver sú sýrðasta sem ég hef nokkurntíman orðið vitni af.


Ef þú safnar Hulk blöðunum, stundar Nexus sýningar og gengur um í Startrek galla þá er þetta pottþétt mynd fyrir þig. Ef ekki þá er þetta svona mynd sem þú tekur á video handa börnunum.

Þetta er nú einfaldlega lang, lang, langbesta yfirfærslan frá teiknimyndablöðunum yfir á hvíta tjaldið. Margar hafa myndirnar verið ágætar en þessi er hér um bil snilld. Flott tekin og klippt, frábær notkun á PIP (picture in picture) sem gefur einmitt myndinni smá COMIC yfirbragð, tölvuteikningarnar ekki fullkomnar en fábærar. Fullkomin teikning væri líklega sú sem skilaði einhverju sem maður gæti ekki greint frá raunveruleikanum en kannski það myndi bara skemma fyrir. Sjáið þessa og endilega í bíó. Mynd fyrir augað og eyrun. En þetta er ævintýri og þið verðið að fara með það í huga að sjá hana. Ef þið sjáið hana heima, kaupið ykkur þá fyrst heimabíó. :-)

Fyrirfram hefði maður ætlað að kvikmynd byggð á teiknimyndapersónu sem er grænn ofursterkur risi yrði vægast sagt ekki sérlega áhugaverð (eitthvað í líkingu við Godzilla kemur til hugar). Sjálfur hafði ég ekki snefil af áhuga fyrir þessari mynd fyrr en ég komst að því að Ang Lee væri leikstjórinn, en hann er þekktur fyrir virkilega vandaðar myndir sem eru af annari stærðargráðu af gæðum en nokkur ofurhetjumynd sem gerð hefur verið hingað til. Svona ólíkleg pörun er mikið hættuspil (sérstaklega þegar um er að ræða ca. 150 milljón dollara mynd) og í svona tilfellum verður útkoman oftast annað hvort algert klúður eða eitthvað virkilega sérstakt. Það er gaman að sjá að það eru enn einhverjir í Hollywood sem eru til í að taka svona áhættur, því að í þessu tilfelli hefur þetta virkilega borgað sig. The Hulk er ekki lík neinni ofurhetjumynd sem áður hefur verið gerð, hér eru persónurnar ekki steríótýpur heldur hafa töluverða dýpt og eru samkvæmar sjálfum sér. Samtölin eru vel skrifuð og ekki ein einasta setning hljómar eins og klisja. Handritið er jafnframt traust og umfram allt vitsmunalegt, hlutnirnir eru ekki ofútskýrðir og maður þarf að hugsa vel um nánast allt sem persónurnar segja til þess að skilja atburðarásina fyllilega. Hulk er settur fram á áhrifaríkan hátt sem eins konar myndlíking á þeim hluta af okkur sjálfum sem við þekkjum ekki og hjálpar þetta einnig til að gefa myndinni dýpt og merkingu. Myndin er líka sjónrænt konfekt, bæði vegna þess hve myndataka og klipping er oft frumleg og líka vegna þess að tæknibrellurnar (sem hafa reyndar verið dálítið gagnrýndar, mér óskiljanlega) eru fyrsta flokks og líta oftast ekki út eins og tæknibrellur. Í einu atriði misstígur myndin sig reyndar frekar illilega með teiknimyndasögu effekta (þegar ein persóna er gleypt af sprengingu, þeir sem hafa séð myndina munu vita hvað ég er að tala um), en restin er svo mikilfengleg að þetta er auðveldlega fyrirgefið. Atriðið þegar Bruce Banner breytist í Hulk í fyrsta skipti mun sennilega skipta áhorfendum dálítið upp í fylkingar, upp að þessum punkti er myndin búin að vera frekar jarðbundin og þegar tæknibrellurnar fara í fullan gír er það í fyrstu dálítið mikil breyting á yfirbragði myndarinnar. Flestir munu líklega jafna sig á þessu fljótt en viðbúið er að fyrir einhverja fari myndin versnandi eftir þetta. Burtséð frá því er mitt mat hins vegar að hér sé um að ræða afar trausta mynd sem er ekki bara afþreying heldur líka eitthvað meira. Þeir sem eiga von á dæmigerðri ofurhetjumynd eru að koma myndinni með röngu hugarfari og skaðar það sennilega upplifun þeirra af myndinni. Ég á aftur á móti von á því að þetta eigi eftir að verða mynd sem muni hafna frekar ofarlega á topp 10 listanum mínum yfir bestu myndir ársins 2003.

Hulk ég fór á hana um helgina með miklar væntingar því ég hafði heyrt að hún væri svo vinsæl í bandaríkjunum. Fyrri hluti myndarinnar fannst mér ömurlegur ég var bara heppinn að ég hefði keypt mér popp og kók áður en myndin byrjaði því ég er vanur að gera það í hléinu. Hún var mjög landregin og ég og vinir mínir vorum farnir að efst um að það væri hlé á myndinni ekki munaði miklu að ég hefði farið heim í hléinu en ég ákvað að horfa á seinni helminginn því ég var nú búinn að borga 800 kr og ekki var mikið annað hægt að gera á sunnudagskveldi. Seinni helmingurinn var nú ekki mikið skárri. Ég hef ekki farið á svona lélega mynd síðan ég fór á one hour photo sem ég hafði samt meira gaman af.


Ég mæli með þessari mynd ef þú ert geðveikt mikið hulk fan annars ekki. Með þeim lélegri myndum sem ég hef séð.

Ég hafði beðið lengi vel eftir þessari mynd um græna tröllið Hulk en varð svo fyrir töluverðum vonbrigðum. Myndin er til að mynda alveg grátlega hallærisleg og svo passar hann ekki í hlutverk Bruce Banner´s þessi Eric Bana(upphaflega átti annaðhvort Steve Buscemi eða Bill Paxton að fara með hlutverkið en einhverra hluta vegna var hætt við það og sér undirritaður mikið eftir því). Þessi mynd stóðst því hvorki kröfur né væntingar en fær þó eina og hálfa stjörnu fyrir það að hún er þegar öllu er á botninn hvolft vel gerð og Nick Nolte hefur ekki verið svona góður um árabil. Við skulum vona að næstu Hulk myndir verði betri.

Hulk er tvímælalaust mynd sem á ekki eftir að skemmta öllum hún fer mjög óhefðbundnar leiðir og gerir hasarinn nánast að aukaatriði. Hulk er, eins og allir vita, teiknimyndasaga um frekar vafasama hetju og ber myndin glögglega þess merki þar sem skjárinn verður stundum þrí og jafnvel fjórskiptur. Þessi uppsettning er án efa það sem á eftir að fara hvað einna mest fyrir brjóstið á þeim áhorfendum sem ekki líkar svoleiðis framsetning en það undirstrikar samt sem áður að Hulk er byggður á hasarmyndablaði.

Það sem er hinsvegar jákvætt við Hulk er langt um meira en það sem er neikvætt. Eitt af því jákvæðast, að mínu mati, er það ðað Hulk er byggður á mikilli dýpt þó svo að hasarinn verði mikill þá er alltaf pæling á bak við hann. Tæknibrellurnar eru vægast sagt frábærar og það sem maður sér í traylernum er bara brota brot af því sem fram kemur í myndinni. Græna hetjan er ein af hetjunum í sumarkapphlaupinu og óhætt er að segja að hún kemur sterk inn og hristir vel upp í þeim hefðbundnu en setur sig á stall með Spawn og fleirrum þeim líkum.

Ég efast ekki um að margir eiga eftir að ganga út af myndinni hálf svektir þar sem þeir bjuggust við aðeins heiladauðari hasar frá upphafi til enda. Því ætla ég að vara þá við því að myndin er lengi í gang en þegar hún hrekkur svo af stað þá er ekkert sem stöðvar hana. Þetta er mynd sem nýtur sín lang best í bíó þó svo að ég hafi ekki mikið orðið var við tónlist þá er hasarinn mikill og tæknibrellurnar það frábærar að þær eiga best heima á hvíta tjáldinu.

Svo leiðinleg ekki einu sinni þess virði á að horfa á í sjónvarpi.. Efir að hafa horft á þessa mynd fannst mér ég vera leiðinlegri persóna og þessi mynd hefur þannig áhorf á mann lætur mann líða illa,leiðast og íhuga sjálfsmorð í fyrsta skipti

Þessi mynd er nokkuð góð. Flottar tæknibrellur og mikill hasar. En á köflum er myndin dálítið bull. T.d. getur Hulk hoppað of hátt og of langt til að það sé satt að hann geti það. Hann líka deyr aldrei og það er fáránlegt. Hann hleypur líka of hratt til að það sé satt. Eric Bana leikur samt fannta vel í þessari mynd, en samt fær hann ekki óskarinn. Þetta er ekki besta mynd ársins, en þeir sem hafa gaman af miklum hasar og grænum köllum ættu bara að skella sér á myndina í þessari viku. Líklega á eftir að koma framhald því hún endar alveg eins og myndir sem hafa framhald enda. Semsagt þetta er ágæt mynd og segi ég nú ekki meira.

Að gefa þessari kvikmynd 3 stjörnur er mesta rugl aldarinnar. Myndin er alveg ótrúlega léleg og illa gerð. Tæknibrellurnar með því versta sem hefur sést í langan tíma. Leikararnir freðnir í hlutverkum sínum og Nick Nolte leikur eins og að hans sé ennþá í meðferðinni. Jennifer Connelly er í sínu versta hlutverki og Eric Bana veit sennilega ekki að hann sé að leika í þessari kvikmynd. Bill Bixby hefði getað komið með betra comeback. Ang Lee lofaði víst að koma með eitthvað nýtt í þessari kvikmynd og gera hana dýpri. Allt meira og minna mislukkað hjá honum. Hann lofaði líka að hvíla sig í eitt ár. Sem betur fer. Allt saman deja-vú hjá honum og vantar allan ferskleika. Sennilega ræður hann best við myndir eins og Skríðandi dreki, falinn tígur. Þessi kvikmynd er algjört flopp og greinilegt er sumir gagnrýnendur eru einungis að þjóna dreifingaraðilum.

Með Hulk hefur Ang Lee tekist að gera bestu ofurhetjumyndina til þessa. Þetta er miklu meira en bara poppkornsmynd, heldur er þetta alvöru kvikmynd, og ein sem ég trúi að eigi eftir að öðlast mikið fylgi eftir því sem tíminn líður. Henni hefur verið tekið misjafnlega hingað til, og ég trúi því að það sé vegna þess að fólk hafi átt von á einhverju öðru en það fékk. Það vildi fá eyðileggingu á stórum skala (og fær það svosem), það vildi fá grunna, auðgleymanlega, einfalda mynd sem það gæti hlegið yfir, farið heim og gleymt. Í staðinn hefur Ang Lee látið okkur í té djúpa, úthugsaða mynd með skírskotun í allt frá Frankenstein, sögunni um Jekyll og Hyde, til þeirra genabætinga sem við erum farin að dútla við í dag. Hann bendir á hættuna við það að vilja sífellt bæta það sem náttúran lét okkur í té, og varar við því hvert vísindin geta farið með okkur ef ekkert taumhald er haft á. Þess utan hefur hann búið til frábæra sögu með ljóslifandi persónum og bestu tölvubrellu (á stalli með Gollum) sem gerð hefur verið hingað til. Mesta lof sem ég get ausið á Hulk er það að Hulk er ekki versti leikarinn í myndinni. Lee nær að láta hann lifna við, og gera hann að alvöru persónu í myndinni. Til þeirra sem vilja meina að hann sé gervilegur, væri ég til í að fá að sjá hvar þetta hefur verið gert betur. Hann er alveg á ystu mörkum þess sem hægt er að framkvæma í dag, og ekki bara lítur hann vel út, heldur hefur Lee náð að kreista alvöru leikframmistöðu úr honum í samvinnu við ILM brellufyrirtækið. Hann er klaufalegur, hann er hissa, hann er REIÐUR, og hann nær að sýna alls kyns svipbrigði og vekja samúð hjá manni. Hann eyðileggur líka allt sem hann kemur nálægt, enda er persónan eins og stórt barn sem finnst bara gaman að skemma. Ég fann nánast aldrei fyrir því að hann væri ekki til. Þeir sem vilja fá eitthvað einfalt og vitlaust er bent á að fara á Charlies Angels 2. Þeir sem vilja fá alvöru ofurhetjumynd með alvöru söguþræði og alvöru pælingum er bent á að fara á Hulk.

Vá! Þetta var ekkert smá flott, Hulk féll svo vel inn í umhverfið og það sást varla að hann væri tölvugerður.

Myndin breytir sögunni sem upprunalega var í myndasögunni svolítið en hún heldur sér samt í grunnatriðum. Myndin í sjálfu sér lítur líka svo vel út að hún gefur hugtakinu myndasögumynd nýja merkingu. Söguþráðurinn er líka mjög góður og mjög óvæntur.Allir aðalleikararnir(Bana, Nolte, Connely,Elliot og auðvitað ,,Hulk sjálfur) standa sig ótrúlega vel og eiga lof skilið. Lokaniðurstaða:Hulk er afbragðsmynd sem enginn myndasögu aðdáandi á að láta fram hjá sér fara.

Vonbrigði og steik.... það eru orðin sem að koma fyrst upp í hugann hjá mér þegar að ég hugsa til þessarar myndar, en ég bjóst einhverjum svona herotype fíling eins og t.d í X men eða Spiderman, en maður hefði svo sem getað gefið sér það að það yrði ekki þannig því að hann er alltof stjórnlaus og crazy... en annað sem að fór soldið í taugarnar á mér varðandi þessa mynd var það hvernig tökurnar voru svona stílaðar alltof mikið inn á þessa teiknimyndasögulúða en það var alltaf svissað yfir í svona litla glugga lúkk eitthvað eins og að maður væri að skoða myndasögublað með bara hreyfimyndum... það pirraði mig að horfa á það til lengdar... og alveg rólegur á steikinni og öllum þessum sálarflækjum í þessari mynd, þetta fór bara hreinlega að verða soldið ruglingslegt þarna undir endann og meikaði bara nánast engan sense... semsagt, takið hana á vídjó nema að þið hafið þann valkost að sjá hana í bíó með fjarstýringu og að þið getið hraðspólað soldið mikið sem að er samt einhvernvegin hálfólíklegt hugsa ég... takk fyrir

Ef Sigmund Freud væri enn á lífi og fengi tækifæri til þess að leikstýra kvikmynd, þá væri The Hulk eflaust myndin sem hann myndi gera. Ég hef sjaldan séð jafnmargar sálarflækjur í einni kvikmynd, og jafnvel græni risinn hefur ekki kraftana til að standa undir þeim öllum án þess að misstíga sig talsvert oft. Flestir þekkja söguna af vísindamanninum Bruce Banner, sem varð óvart fyrir gammageislun og breyttist eftir það í risann Hulk í hvert sinn sem hann varð reiður. Flestir leikstjórar hefðu sagt þá sögu á einfaldan hátt og haft gaman að því sem Hulk getur gert þegar hann er í ham. En Universal ákvað að Ang Lee væri rétti maðurinn fyrir þessa mynd, og þá varð ljóst að Hulk yrði ekki venjuleg ofurhetjumynd. Ég er ekki alveg viss um hvort það var rétta ákvörðunin, því í höndum Lee er myndin allt of löng, oft óáhugaverð, stundum hlægileg þegar hún á að vera alvarleg, og yfirfull af sálfræðibulli sem verður fáránlegt í lokaatriðinu. Persónulega hefði ég frekar viljað fá mynd í anda X-Men eða Batman, því lífskrafturinn í þessari myndur lekur stöðugt út og ég var langt frá því að vera sáttur í lokin. Það er samt öruggt að Eric Bana á góða daga framundan, því hann kemst vel frá sínu sem Bruce Banner. Jennifer Connelly skiptir varla um svip alla myndina og tekst engan veginn að gera Betty Ross að brjóstumkennanlegum karakter. Josh Lucas og Sam Elliott leika vondu kallana, og þeir verða aldrei neitt annað en stereótýpur. Nick Nolte leikur föður Banners, og ég læt vera að segja mikið um hann. Það eina sem gladdi mig var að sjá Hulk sjálfan vakna til lífsins. Hann var alltaf áhugaverður myndasögukarakter, og ég gat ekki annað en brosað þegar ég sá hann staulast um á hvíta tjaldinu. En að mestu leyti olli The Hulk mér miklum vonbrigðum.