Jæja... Eftir að hafa beðið óþolinmóður nánast allt árið þá er maður loks búinn að fá að bera augum á 2/3 hluta LOTR-trílógíunnar, og einsog við mátti búast, þá er þetta ekkert annað en hreinasta snilld! Allt sem gert var með FOTR og gerði þá mynd stórfenglega fáum við að sjá aftur hér.

Búningar, förðun, sviðsmyndir, bókstaflega allt saman, alveg meiriháttar, og svo eru náttúrlega tæknibrellurnar, og í raun er varla hægt að lýsa þeim betur en FULLKOMNAR. Það er algjör unun að horfa á þær. Sérstaklega þegar það kemur að persónum einsog m.a. Gollum (sem er alveg einstaklega flott gerður) og Treebeard, og einnig atriðum eins og bardagann við Helm's Deep... Ég var bara nærri því farinn að missa neðri kjálkann af mér, það var svo glæsilegt. Eitthvað það magnaðasta atriði sem hefur blandað saman leikara, sviðsmyndir og tæknibrellur, og ég efast um að hægt sé að nota tölvutæknina betur með nútíma tækni.

Leikurinn er líka verulega sterkur, þó ekki mikið síðri en í FOTR. Það sést þó samt að leikararnir hafa þurft að leggja örlítið meira á sig hér, því satt að segja, þá er TTT töluvert tilfinningaríkari, mannlegri og semsagt kröfuharðari varðandi leik. Viggo Mortensen, Elijah Wood, Ian McKellen (sem fær kannski ekki eins mikinn skjátíma og hann á skilið), Sean Astin og flestir aðrir skila sínu, og ekki gera þeir nýju eitthvað verra. Brad Dourif er t.d. alveg brilliant sem Gríma Wormtongue, og þau Bernard Hill (Théoden) og Miranda Otto (Éowyn) smellpassa einnig. Karl Urban (Éomer) nýtir sér líka sitt örsmáa hlutverk eins vel og hann getur, og John Rhys-Davies (Gimli) stelur senunni gjörsamlega með alveg þrælskemmtilegum húmor.

Ég hef að vísu verið að reyna að forðast allan samanburð milli FOTR og TTT, því ég get hreinlega bara ekki gert uppá milli þeirra. FOTR bauð kannski ekki upp á eins flotta bardaga og var heldur ekki eins áhrifamikil og þessi, en TTT þjáist reyndar líka smávegis. Myndin á sér enga byrjun í raun og veru, og því er skellt manni strax inn í atburðarásina einsog maður hafi verið að halda viðhorfi áfram á einhverri mynd rétt eftir hlé. Þetta veldur því að það tekur mann dálítinn tíma í að komast almennilega inn í atburðarásina sjálfa. Og þar sem hún er miðhlutinn í þríleiknum þarf hún jafnvel að taka sú byrði að sér að kynna aftur allar grunnpersónurnar til leiks án þess að taka of langan tíma í það. Allaveganna, þá hindra ekki slík smáatriði fyrir því að myndin er bara glæsileg í alla staði. Peter Jackson má svo sannarlega fara að hlakka til næstu mánaða, því hann á eflaust eftir að sópa til sín enn fleiri verðlaunum, enda á hann það skilið meira en nokkur annar maður sem mér dettur núna í hug. Honum hefur tekist það sem fjölmargir aðrir kvikmyndagerðamenn hafa reynt gegnum tíðina, með að skapa verk sem á sér öruggan og eftirminnilegan stað í sögu kvikmynda alveg frá upphafi. Ein albesta mynd ársins og bókuð klassík án nokkurs vafa.

9/10

Já, það eru fáir sem ekki eru aðdáendur af Lord of the rings og ég er einn af þeim eða reyndar finnst mér þær svo sem ágætar er gætu orðið betri. Hér er myndin byrjuð Fróði er lagður af stað með hringinn í Mordor ásamt Sóma og Gollri. Þeir eru hræddir við aðalinnganginn þannig að þeir taka aðra leið inní Mordor sem Gollrir eða Smjagall leiðir þá. Meðan þeir eru að því er annað merkilegt í gangi því her Sarúmans er á leiðinni að eyða Hjálmsdýpi þar sem flestir menn og álfar eru saman komir til baráttu.

Enn og aftur gerir Peter Jackson stórkostlegt afrek í kvikmynda heiminum!!! Enn betri en fyrsta myndin sem fyrrum sló öll met!!! Lord of the rings the two towers er góð eða bara hrein snilld!!! Hrífandi sögu þráður með heillandi persónum, bæði góðum og vondum!! Leikara valið er eins og alltaf frábært og leikstjórinn er ekki síður verri!!! Góð tölvu tækni frábær atriði!!! Stórkostleg, heillandi, frábær, indisleg og bara besta mynd ársins!!!!

Þessi mynd er besta mynd í heimi fyrir utan númer LOTR númer þrjú.Hún var svo góð ég sá lokastríðið eitthvað hundrað sinnum.Viggo Mortensen er alltaf langbestur og Orlando Bloom líka.Ég mæli rosa mikið með henni. þið verðið að sjá þessa.

Þetta er ein besta mynd ever, hún er með eitt að bestu handritum allra tíma, þessi mynd er rosaleg t.d. trén það er mjög flott. Leikarinn Viggó (aragorn) er algjör snillingur hann er sá eini sem getur leikið þetta hlutverk hann er algjör snillingur, það sama er að segja um orlando bloom (legolas) en hann er álfur, í bardaganum í miðri myndinni er snild það er húmor í þessum bardaga og fyrir þá sem ekki hafa séð þessa mynd verða að sjá hana þetta er algjör snild. Þetta er mjög stutt en ég skrifa mikið meir næst. Kv Benedikt.

Mjög góð mynd og betri en fyrsti hlutinn og mjög gott landslag og Peter jackson heldur áfram að gera góða hluti. Og mér þóttir virkilega spennandi að sjá hvernig tæknibrellurnar voru vel gerðar.

Gott svefnmeðal eins og fyrsta myndin, þung drungaleg og leiðinleg !!

Jæja,eins og sumir vita er ég enginn aðdáandi LOTR og þessi er sú lélegasta í þríleiknum. Fróði og Sómi hitta Gollum (Andy Serkis,Deathwatch) og Gollum fylgir þeim í Mordor til að eyðileggja hringinn mikla sem getur tekið yfir heiminum. En Gollum gerir auðvitað hvað sem er til að fá hringinn (í bókinni drap hann frænda sinn) og er tilbúinn að drepa þá báða og fá djásnið sitt aftur. . Pípinn og Kátur eru teknir sem gísli hjá Orkunum en þeir sleppa í skóg og hitta Entana,hóp af talandi trjám sem eru í útrýmingahættu og trjén eru tilbúin að hjálpa með í stríðinu. Aragorn,Legolas og Gimli eru að leita að þeim og halda að þeir séu dauðir og fara í borg þar sem kóngur mannanna er. Kóngurinn er fárveikur og útsmogni þjónninn hans ætlar að taka yfir kónungsríkinu þegar kóngurinn deyr. En Gandalfur læknar kónginn og hann er tilbúinn í orrustu og þjónninn er hent út. Þá fer allt liðið í Hjálmsdýpi til að berjast við Orkana. En þegar von virðist öll koma Pípinn og Kátur með Entunum og hjálpa þeim og Tveir Turnarnir falla. En eins og Gandalfur segir í endann, stríðið er bara byrjað. Eins og í öllum LOTR myndunum eru auðvitað góðar tæknibrellur en þessi mynd er að mínu mati (og nokkrum aðra í heiminum) lélegasta myndin í seríunni.

Já, það eru fáir sem ekki eru aðdáendur af Lord of the rings og ég er einn af þeim eða reyndar finnst mér þær svo sem ágætar er gætu orðið betri. Hér er myndin byrjuð Fróði er lagður af stað með hringinn í Mordor ásamt Sóma og Gollri. Þeir eru hræddir við aðalinnganginn þannig að þeir taka aðra leið inní Mordor sem Gollrir eða Smjagall leiðir þá. Meðan þeir eru að því er annað merkilegt í gangi því her Sarúmans er á leiðinni að eyða Hjálmsdýpi þar sem flestir menn og álfar eru saman komir til baráttu.

Hér er komið framhald af hinni stókostlegu mynd Lord of the rings.Þessi mynd heitir Two Towers og er alveg helv... góð. Allir leikaranir nema nokkrir fara svo sannarlega á kostum og eiga skilið óskarsverðlaun fyrir leik sinn. En þessi mynd var bara tilnefnd til sex óskarsverðlauna og náði aðeins tveimum(held að það hafi verið make-up og tæknibrellan). Allavega, síðast þegar við skildum að mynd númer eitt þá hafði föruneytið brugðist og allir skilja sínar leiðir. Frodo(Elijah Wood) og Sam(Sean austin) eru á leiðinni í mordor og ætla að skemma hringinn á meðan Aragon(Viggo Mortensen),Legolas(Orlando Bloom),og Gimli(John Rhye-Davis) eru að bjarga Merry(Domenic monaghan) og Pippin(Billy Boyd) frá vondum orkum. Nú eru Frodo og Sam einhverstaðar í óbyggðini og sjá og hitta Gollum(Andy Serkins) eða my presurres eins og þið þekkið hann segja. Hann svór það að hann mundi fylgja Frodo til the Black gate í mordor. Merry og pippin ná að flýja og hitta tré,eða bara ent,eins og það er kallað sem kallar sig Trebeerd(John Rhye-Davis). Arogon og félagar eru nú að fara til Edóras Róhan þar sem kongur þeirra er undir álögum af Saruman. Gandalf er kominn aftur(sorry að ég skemmdi fyrir sumun enn það er mynd af gandalfi á hulstrinu) en nú heitir hann Gandalf the White,ekki Gray.Seinna í myndinni kemur bróðir hans Bóromír eða Farímir og er alveg grút leiðinlegur eins og bróðir sinn og tekur Frodo og sam til fanga því þeir þurfa hringinn fyrir vernd Gondor. Hjá aragon og þeim er allir í Róhan búnnir að flýja til Helm's Deep sem stríð mun verða gegn Isengard hernum.

Ég ætla ekki að kjafta frá öllu annars skemmi ég allt. Liv Tyler leikur Álfakonuna Arven(Sumir kannast við hana í FOTR) bara alveg prýðilega og sömuleiðis Grímur karlin(Man ekki hvað hann hét). Myndin er 2klst og 50min enn extended er 43 min lengra eða 3klst 13min. Ég skora á alla (Meira segja alla sem á Two Towers) að kaupa Lord of the rings The Two towers EXTENDED sem snilld og venjulega myndinn er bara Gigli miðað við extended(ekki alveg eins og Gigli). Númer þrjú verður með miklu stærra bardaga og númer tvö er bara smá slgur miðað við hann(það er sagt).Enn allavega,Þessi mynd er ekkert annað en snilld og allir,ég segi allir verða sjá.Takk fyrir mig

Oftast er það þannig að myndir númer 2 í seríuni séu verri en þær fyrri. En það er ekki hægt að segja það um þessa mynd, ég get ekki gert upp á milli þeirra. Þó svo að fyrri myndin hafi byrjað betur, þá fannst mér þessi alltaf betri og betri þegar líða tók á hana og endirinn bjargaði henni alveg. Besta atriði sem ég hef séð af öllum þeim myndum sem ég hef horft á, var endirinn á þessarri. Hann var frábær í alla staði! Tæknibrellurnar og myndatökurnar voru til fyrirmynda og mun ég aldrei gleyma því sem ég upplifði þegar ég sá þetta langa bardaga atriði í fyrsta skipti.

Þessar myndir eru bilting í sögu kvikmynda, upplifunin á að horfa á þessi meistaraverk er einstök. Núna bíð ég bara eftir síðasta hlutanum og reyni að sjá hann við fyrsta tækifæri! 4 stjörnur, pottþétt!

Ég fór á myndina í bíó fyrir ári síðan og ég hef ekki enn jafnað mig.

Spennan ætlaði að ganga frá mér á staðnum. Áhrifin voru þvílík sem myndin færði yfir mann.

Það eru sárafáar myndir sem hægt er að lifa sig inn í, finna að maður sé á staðnum, eins og maður sé að upplifa það sem gerist.

The Two Towers lætur mann vera part af því. Bardagarnir eru frammúrskarandi, hraðinn og nákvæmnin í öllu er þvílíkur. Sögurþráðurinn heldur sínu striki frá byrjun til enda og fleytir manni í gegnum söguna.

Bókin að sjálfu sér eru rúmar 350-400 bls útroðnar af mögnuðum viðburðum, og að koma því í lifandi þriggja 1/2 tíma mynd er ótrúlegt.

Ég veit ekki hvað meira á að segja, það eru ekki til nein lýsingarorð sem geta lýst þessari mynd.

Lord of the Rings FÆR óskarinn.

Það er svo langt síðan að ég sá þessa mynd (sá hana seinast þegar hún var að hætta í bíó og nenni ekki að taka hana á spólu/dvd þar sem að ég bíð spenntur eftir extendet cut)þannig að ekki bögga mig á því ef ég skrifa eitthvað rangt um hana. Mynd er í alla staði ótrúlega góð en er þó ekki jafn góð og fyrsta myndin (fellowship of the ring) í þessarri trílógíu. Það sem mér fannst vanta var meira ævintýri í söguþráðinn því mér fanns við bara vera í einu stóru stríði. Í þessum hluta meistarstykkis Lord of the rings fá þeir félagar Sam og Frodo eina aukaveru til að fylgja þeim til myrkravirkisins Mordor en er það enginn annar en Gollrir. Eftir að Merry og Pippin sleppa með naumindum frá orkum hitta þeir Treebeard og hann Gandalf aftur. Bilbó, Aragorn og Legolas lenda í miklum erfiðleikum með að halda för sinni áfram en lenda þeir í áras af Vörgum þar sem Aragorn verður viðskila við hópinn en kemur þó aftur á síðustu stundu í Helms Deep þar sem Orkar Sarúmans eru að fara að ráðast á þá. Eftir þetta er hið mikla stríð í Helms Deep en ná Aragorn og félagar að knýja fram sigur með hjálp Gandalfs. Myndin er vel leikin, handritið gott og alls ekki neitt hægt að kvarta undan leikstjórn en er hún í góðum höndum Peter Jackson.

Þessi mynd er snilld, sú besta, ekkert nema bara og. Hún er svo góð að ég fór á hana 4 sinnum í bíó og búin að horfa á hana 12 sinnum á DVD. Hún hefur sennilega hækkað standardið hjá mér þannig að ég horfi aldrei á aðrar bíómyndir sömu augum. Eitt finnst mér gallinn samt, það er að vita af þriðju myndinni tilbúna, liggjandi á hillu heima hjá Peter Jackson en ekki í bíóum. Svo hugsa ég líka til þess að það er engin 4. né 5. og sekk í djúpt þunglyndi.

Það er ekki hægt að segja meira um þessa mynd en að hún er HREIN SNILLD með stórum stöfum. Frábær leikstjórn Peter Jackson gerði líka myndina gjörsamlega fullkomna. Ég get því miður ekki valið á milli þessara tveggja Lord of the rings mynda því þær eru álíka góðar þótt ýmis atriði hafa skarað fram úr í mynd nr. 2. Ég er allavega geðveikt sátt með myndina og ég vona að lokamyndin Return of the king verði álíka góð eða jafnvel betri. En það verður bara allt að koma í ljós en annars takk fyrir mig:)

Ég ætla ekki að hafa þetta langt, enda er það ekki þess virði að eyða mörgum orðum í rusl eins og þetta. Ævintýrin sem þessar myndir byggja á eru hreint kjaftæði og stórlega ofmetin, þess vegna verða myndirnar jafnvel verri. Leikurinn er yfirborðskenndur og ósannfærandi. Eini ljósi punkturinn er sá að ef maður tekur hljóðið af og gleymir því hverslags rusl þetta er, er hægt að finna einn og einn flottan ramma. Það eru mikil vonbrigði fyrir mig sem aðdáanda Peter Jackson að sjá það að hann er líklega búinn að missa vitið.

Þessi mynd er hreinasta snild.Ég var búinn að bíða lengi eftir að hafa séð fyrstu myndina og lesið bækurnar enn þessi mynd skarar fram úr öllum myndum sem til hafa verið.Þetta er góð spennandi ævintýramynd sem enginn ætti að missa af.Leikurinn er í hæðsta gæðaflokki og leikstjórnin líka.Peter jackson leikstýrir hreint frábærlega en hrósið fær leikarinn (man ekki hvað hann heitir) sem leikur Gollrir. Allir sem hafa séð fyrri myndina og hafa haft gamann af henni ættu að sjá þessa.

Já, MJÖG góð og flott mynd sem ég skemmti mér afspyrnu vel á :) Myndin skiptist í þrjár sögur, sem er ruglandi fyrst en venst furðu vel! Fyrst er það saga Frodo og Sam (mín persónulega uppáhalds saga), Merry og pippinn (hefði mátt vera meira af þeim, en jæja,) og svo Aragorn, Gimli og Legolas (slef)sem er stórbrotnasta sagan og í rauninni alveg ótrúlega flott gerð.


En gagnrýnendurir á undan mér hafa gert þessu svo góð skil að ég verð bara að gefa mín meðmæli, tveir þumlar upp (bara að ég hefði fleiri) alveg stórkostleg mynd sem maður gleymir ALDREI. Ég er farin að telja daga fram að 26 desember.



Og já, Orlando Bloom er æðislega sætur, svo að ef það eru einhverjar stelpur þarna sem fíla ekki ævintýramyndir þá er vel hægt að slefa yfir honum í fáeina tíma ;)

Þetta er frábær mynd ein sú besta sem ég hef séð. Það eina sem ég hef út á hana að setja er að hún var ekki nógu löng bókin var mikið lengri, þeir eiga eftir að vera í vandræðum með þriðju myndina. Svo fannst mér Fróði (Elijah Wood) vera alltaf alvarlegur, ég meina þó að hann sé voða mikilvægur verður hann að geta skemmt sér pínu. Bardagaatriðin voru áberandi góð, og ekki of viðbjóðsleg. Það mér fannst einna best var sambandið á milli Legolas (Orlando Bloom) og Gimla (John Rych-Davis) þeir ná að sýna hvað Gimli og Legolas eru orðnir góðir vinir. Mér fannst allir leikararnir standa sig vel. Og allir tölvugerðu persónurnar vera frábærar. Ég held að það sé ekki spurnig að þessi mynd sé þess virði að eiga eða að taka á leigu.

Einstök kvikmynd sem tilnefnd var til 6 óskarsverðlauna 2002, en hlaut tvenn; fyrir besta hljóð og tæknibrellurnar. Tilnefnd sem besta kvikmynd ársins. Hringadróttinssaga eftir J.R.R. Tolkien er sennilega einhver rómaðasta skáldsaga allra tíma og hún er snilldarlega færð í glæsilegan kvikmyndabúning af Peter Jackson og útkoman jafnast á við það allra besta í kvikmyndagerð samtímans. Annar partur sögunnar hefst þar sem þeim fyrsta lauk, manni er skellt beint inn í söguþráðinn, því er ómögulegt að horfa á þennan annan hluta trílógíunnar nema hafa áður lesið bækurnar eða séð fyrstu myndina. Í byrjun er staðan á þá leið að föruneytið hefur klofnað. Frodo (Elijah Wood) og Sam (Sean Astin) hafa haldið einir síns liðs til Mordor. Legolas (Orlando Bloom), Gimli (John Rhys-Davies) og Aragorn (Viggo Mortensen) elta Uruk-hai hópinn sína leið. Framundan er skemmtileg atburðarás sem ómögulegt er að lýsa að öllu leyti hér, enda er sjón sögu ríkari. Einkum þegar í hlut á þessi einstaka kvikmynd. Þó er hægt að fullyrða að við taki margar hættur og sífelldar áskoranir fyrir föruneyti hringsins. LOTR:TTT stendur að mínu mati ekki langt að baki fyrstu myndinni. Vissulega er alltaf erfitt að koma með framhaldsmynd sem skákar fyrstu myndinni, það tekst ekki hér. Hér er þó um að ræða sannkallað kvikmyndastórvirki sem allir sannir kvikmyndaunnendur ættu að hafa mjög gaman af. Hápunktur myndarinnar er án nokkurs vafa hið stórfenglega lokaatriði þegar Orkaherinn gerir árásina á Hjálmsvirkið. Það er óhætt að segja að betri bardagasena hefur vart sést í sögu kvikmyndanna. Meistaraverk sem hiklaust má telja til bestu kvikmynda ársins 2002 og þótt víðar væri leitað. Leikstjórn og öll umgjörð er í hæsta gæðaflokki og leikurinn er magnaður. Sir Ian McKellen fer sem fyrr algjörlega á kostum í hlutverki Gandalfs. Elijah Wood er virkilega góður sem Frodo og sama má hiklaust segja um Christopher Lee, Viggo Mortensen, John Rhys-Davies, Orlando Bloom og Cate Blanchett. Lord of the Rings: The Two Towers er eins og flestir vita annar hluti af þrem í Hringadróttinssögu og athyglisvert verður að sjá seinustu myndina. Ef hún verður jafn kraftmikil og öflugt meistaraverk eins og tvær hinar fyrri er ljóst að einhver besta trílógía kvikmyndasögunnar mun líta dagsins ljós með þessu heildarverki Peter Jackson. Ég hvet alla til að sjá LOTR:TTT og njóta þessarar mögnuðu sögu og sannkallaðra meistaratakta í kvikmyndagerð. Þessi mynd er svo sannarlega í úrvalsflokki.

VÁÁÁÁ!! The Lord of the rings:The Two Towers er betri en fyrri myndin og er þessi mynd besta mynd sem ég hef séð. Peter Jackson er snili og er leikurin í myndinni frábær. Andy Serkis stendur þó upp úr fyrir túlkun sína á Gollri og er hann frábær sem þessi tölvugerða skeppna. Elijah Wood er líka frábær sem Fróði og er Viggo Mortensen líka ágætur sem maðurinn Aragorn. Miranda Otto er líka flott sem Jóvin og er Ian McKellen er líka frábær sem viktin Gandalf og er leikurin í þessari mynd bara óborganlegur. Myndin byrjar með voða flottu atriði þar sem Gandalfi fellur niður í myrkrið í námum Moría og svo er sögunni haldið áfram þar sem henni er skipt í þrjá kafla en það er ferð þeirra Fróða og Sóma, ferð Aragorns,Legolasar,Gimla og Gandalfs og er þessum sögum svo blandað saman á frábæran hátt. Myndin er mjög líkt saman við bókina og hefur Jackson tekist á ótrulegan hátt að færa bókinna á hvíta tjaldið. Tæknibrellurnar í þessari mynd fá 10 og sömuleiðis tónlistin sem er stókostleg. The Lord of the rings:The Two Towers er mynd sem einngin má missa af og er þetta einn af bestu myndum kvikmyndarsögunar.

Mér fannst Lord of the rings besta mynd ever. leikararnir eru frábærir, söguþráðurinn er mikið meira en spennandi og hvernig þetta er allt flétta saman fannst mér virkilega spennó. ég er mikil Lord of the rings aðdáandi en ég hef aldrei lesið bókina/ bækurnar. ég féll allgjörlega fyrir fyrstu myndini. the fellowship of the rings en síðan þá hef ég ekki getað slitið mig frá þessu. mér finnst líka peter eða hvað sem að hann heitir frábær leikstjóri. söguþráðurinn er eitthvað á þessa vegu. sam og frodo reyna að eyða hringnum. Aragon, legolas og gimli elta sam og pippin sem að voru hremmdir af orkunnum. ég fékk gæsahúð í bardagaatriðunum og sérstaklega í atriðinu sem að þeir berjast við vargana. þar var ég virkilega spennt. ég gat varla andað. ég dýrka ævintýra myndir og þessi er ógeðslega góð eða hreinlega besta mynd ever og ég stend við það. það þyrfti kraftaverk að gera betri mynd en þessa. ég vona að engin sé svo óheppin/n að missa af því að horfa á þessa mynd. ég get ekki beðið með að sjá seinustu myndina því að endirin á two towers er virkilega góður. ég elska þessa mynd og þeir sem að eru ekki búnir að sjá þessa mynd skulu bara drulla sér að fara að sjá hana.


P.s. stelpur: Aragon, frodo, legolas, sam, pippin, merry eru geggt sætir. :)

Lord Of The Rings: The Two Towers er ógeðslega góð mynd betri en sú fyrri. Hér er haldið áfram með Lord Of The Rings þríleikinn en þessi er með mun meiri spennu og gríni en sú fyrri. Hobbitarnir Frodo og Sam halda áfram ævintýrinu með að fara með hringinn að dómsdyngju en Gollom snýst í för með þeim. Aragorn,Legolas og Gimli eru langt í burtu frá Hobbitunum en þeir berjast við marga orka á leiðinni. Gollom er með Hobbitunum sem Smjagall þá er hann góður en Gollom vill samt en þá fá hringinn af Frodo........ Sjið þessa mynd þar sem spennan magnast frá upphafi til enda ég endurtek SJÁIÐ ÞESSA GEÐVEIKU MYND!!!!!!!!!!

Mesta snilld allra tíma, Peter Jackson sem er einn besti leikstjóri í heimi, setur hlutina í góða mynd enn og aftur í þessari mynd. Myndin er ekki alveg eins og bókin en samt er hún ekkert verri fyrir það, í myndinni er barátta Sarúmans og Gandálfs í hámarki þar sem Gandalfur verður hinn hvíti þar að segja hann fær þá krafta sem Sarúman var með. Í myndinn kynnist maður Entunum

sem eru tré sem geta gengið, talað og gert marga hluti sem menn geta, einnig sér maður Ollifant(sem var allt öðruvísi en ég hélt)

í her Saurons. Í myndinni er fylgst með Fróða og Sóma og leið þeirra til Mordor, för Káts og Pípins sem fangar Úrúkhæa á leið til Sarúmans og ferð Argorns, Legolasar og Gimla sem eru að leita að Káti og Pípni. Svo hefur hver persóna sinn hlut í stríðinu við Sauron og Sarúman. Ég er samt ekki sáttur við persónu Faramírs í myndinni en þar sér maður græðgi mannana í hinni fyllstu mynd, en J.R.R Tolkien lét Faramír vera göfugan mann en þessu hefur Peter Jackson breytt til að halda uppi spennuni í sögunni.

The two towers er mynd sem slær öllum myndum út, mynd sem er meira virði en 4 stjörnur, en ekki er hægt að gefa fleiri... 3 sögur í einni mynd, skiptst á að segja frá og þetta er algjört meistaraverk, the two towers er miklu betri en fyrsti hlutinn samt á maður ekki að hugsa um lord og the rings sem ólíkar myndir, fyrsti hlutinn var meiri inngangur inn í söguna og þessi hluti, þá lifir þú þér inn í myndina. Mér fannst FOTR alveg frábær og þessi er enn betri ((ótrúlegt en satt)) álfurinn, dvergurnn og aragon fara á kostum sérstaklega í bardaganum í Helm's deep og reyndar alla myndina, þeir eru alveg frábærir (: sá sem túlkar persónu Gollum eða Smeagall hann á skilið óskarinn því þetta er jú hrein snilld! og tææknin með gollum, þetta gerist ekki betra og flottara>(: sérstaklega lokaatriði myndarinnar þá verður maður skíthræddur .... byrjunar atriðið er eitt flottasta atriðið fyrir utan Helm´s deep, ég vill samt ekki segja meira frá því til að skemma ekki fyrir þá sem ekki hafa enn séð stæðsta meistaraverk í kvimyndasögunni...


Lord of the rings er stórfenglegasta mynd sem ég hef nokkru sinni séð og ef einhver er ekki búin a' sjá hana þá er hann virkilega að missa af miklu. Maður verður ekki svekktur yfir þessari mynd, fjarri því.

Lord of the rings er ein langbesta mynd sem ég hef séð á ævi minni og Peter Jackson er búinn að gera eina eftirminnilegustu mynd í aldaraðir. Mér fannst hún alveg mögnuð og mig langar að sjá hana aftur og aftur og aftur. Leikararnir stóðu sig rosalega vel og tæknibrellurnar voru frábærlega vel gerðar og ég býst við að númer þrjú verði enn betri. Mér finnst líka frábært að hún var eitthvað um þrjá og hálfan tíma, en mér finnst mjög leiðinlegt að Peter Jackson leikstýrir ekki Hobbitanum. Mér finnst Gollrir frábærlega vel gerður og líka röddin hans en það talar maður fyrir hann sem vita það ekki.

MEISTARAVERK!

Ekkert annað. Besta mynd allra tíma. Peter Jackson á skilið, ja ég veit ekki hvað hann á skilið en allavega óskar, golden globe, nóbels og allan pakkann.

Ef þú ert að leita að góðum leikurum, hasar, ást, trausti, vináttu, hatri og öllu saman þá finnurðu það í þessu meistaraverki. Myndin er betri en sú fyrri þó það hafi verið erfitt að toppa hana. Stærsta bardagasen allra tíma var sett upp í þessari mynd. Sjálft hjálmsdýpi sem tók 7 mánuði að smíða. Sú bardagasena tekur um það bil 30 mínútur og heldur athygli manns 100% á tjadinu.

Ég var ekki sáttur þegar ég sá að myndin fékk bara tvær Golden Globe tilnenfingar. Fyir bestu myndina og auðvitað besta leikstjórann. Það vantar ekki húmor í myndina, í bíóinu var mikið hlegið og var margoft klappað í salnum fyir bröndurum, áhættuatriðum og mörgu fleira.

Titillag myndarinnar, Gollum's song er nokkuð gott. Nokkuð sorglegt en flutt á frábæran hátt frá okkar gullfögru Emilíönu Torrinu sem er alveg hreint frábær. góð mynd og fer fer tvímælalaust aftur og svo aftur i bíó á þessa mynd. Svo kaupi ég hana á DVD. Get ekki beðið eftir næstu mynd. sem sögð er að gæti orðið 3 og 1/2 klst. Peter Jackson segir að myndin verði bara eins löng og hún þarf að vera því þetta er síðasta myndin og vona ég þeir taki sig til og búi til kvikmynd eftir The Hobbit sem er frábær saga.

DVD útgáfan sem mun koma út mun innihalda atriði sem þóttu of gróf fyrir bíóhúsin verða á DVD sem verður væntanlega bönnuð innan 16 ára á íslandi.

Þegar þið sjáið þessa mynd hafiði beltin SPENNT.

Þessi mynd er snilld, það er ekki hægt að segja meira. Í þessari ummfjöllun ætla ég ekki að fara í söguþráðinn (því miður), þar sem aðrir hafa séð um þá hlið. Það sem mérfannst best við myndina(eftir að hafa séð hana 3 sinnum)er hvað hún er vel gerð og hversu skemmtileg hún er, þrátt fyrir allar stóru senurnar sem hafa auðvitað áhrif á mann. Síðan að það er enginn laus þráður eða engar spurningar sem vakna upp(frá mínum sjónarhóli). Tæknibrellurnar eru vel gerðar, landlaginu er gert góð skil í myndinni og á sumum stöðum hélt ég að myndin hafi verið tekin upp á Íslandi. Búningarnir og sviðsmyndin koma mjög sterk inn, t.d. Róhan. Tónlistin er mögnuð og Howard Shore kemur því vel til skila og er söngur Emilíu Torrini frábær. Leikararnir voru allir mjög góðir, sérstaklega Viggo Mortensen, Orlando Bloom og Andy Serkis sem Gollum. John Rhys-Davies var skemmtilegur og líka Treebeard.

Að lokum vil ég segja, góða skemmtun og njótið vel.

Þá er ég loksins búinn að sjá annan hlutann í mestu kvikmyndatrilogíu allra tíma en ég ætla ólíkt öðrum ekki að kvarta undan óþægindum eða slíku, því það var ekki við neinu að kvarta. Ekki get ég sagt að þessi hluti, The Two Towers, sé síðri eða betri en fyrsti hlutinn, Fellowship of the Ring, því þær eru hálfólíkar á sinn hátt. Fyrsta myndin var meira um tilfinningar, persónusköpun og mikil drama í gangi. Two Towers er hins vegar meira sem stríðsmynd þótt það vanti ekkert alveg upp á hitt. Ef ég ætti samt að neyðast til að velja hvor myndin mér fannst betri þá held ég að ég verði að velja fyrstu, hún situr einhvern veginn betur í mér. En ekki misskilja mig, Two Towers er meistaraverk á alla kanta en þó sérstaklega varðandi tölvutækni. Two Towers skiptist í þrjá hluta eins og flestir vita. Einn hlutinn er um Aragorn, Legolas og Gimli. Annar hlutinn er um Hobbitana Merrin og Pippin og síðasti hlutinn er um Frodo, Sam og Gollum. Frodo og Sam halda áfram ferð sinni að Dómsdyngju til að eyða Hringnum en á leiðinni slæst í för með þeim Gollum. Merrin og Pippin eru fangar Orkanna sem við kynntumst í endann á fyrstu myndinni en seinna meir hitta þeir furðulegri verur, Enturnar, lifandi tré. Síðast en ekki síst eru það Aragorn, Legolas og Gimli sem eiga mestan þátt í myndinni og eru þeir m.a. í stærsta atriði myndarinnar, Helm's Deep. Svo að lokum, eins og allir vita, þá Gandalfur snýr aftur öflugri sem áður. Þessi mynd hefur hvorki byrjun né enda og þess vegna verður maður nauðsynlega að vera búinn að sjá hina áður, enda er Peter Jackson ekkert að gefa þeim sem ekki hefur gert það neinn séns. Það sem gerir þessa mynd kannski skemmtilegri er að það eru færri langir og rólegir hlutar í henni, eins og var nokkuð mikið af í fyrstu myndinni, en nauðsynlegir kaflar þó. Í Two Towers fáum við tvö góð orrustuatriði, hitt er reyndar mikið mikið stærra en hitt. Þannig að ég tel að þeir sem höfðu lítið gaman af fyrstu muni hafa meira gaman af Two Towers. Það er ótrúlegt hvað WETA, tölvutæknistúdíó Peter Jacksons, hefur tekist að gera í þessari mynd, þeim hefur tekist að búa til eina fullkomnustu tölvugerðu persónu sem sést hefur, þó með mikilli hjálp frá Andy Serkis, túlkanda Gollums. Hvert einasta smáatriði í þessari veru er raunverulegt, á köflum átti ég erfitt með að sjá hvort Gollum væri tölvugerður eða raunverulegur. Þannig eiga tæknibrellur að vera. Samt tel ég að Gollum hefði verið talsvert minna áhugaverðri ef Andy Serkis hefði ekki ljáð honum rödd sína. Ótrúlegt hvernig þessi maður talar fyrir hann og ekki aðeins talaði hann fyrir hann heldur eru allar hreyfingar Gollums byggðar á Andy. Það er talað um að veita Gollum/Andy Serkis Óskarsverðlaunatilnefningu, það yrði þá í fyrsta sinn í sögunni sem það gerðist. Ég hef ekki hugmynd hvort það muni gerast en það yrði fyndið ef það myndi gerast. Þá kemur að stærsta atriði myndarinnar. Þið sem hafið séð myndina vitið hvað ég er að meina, og þið hin líka. Ég er að tala um Helm&8217;s Deep. Allra stærsta orrustuatriði sem nokkurn tímann hefur verið fest á filmu. Ótrúlega vel gert í alla staði, kvikmyndatakan, atburðarásin og tæknibrellurnar, þetta er allt stórkostlega vel gert. Maður getur ekki annað en hrósað Jackson fyrir svona meistaraverk. Viggo Mortensen, Orlando Bloom og John Rhys-Davis ásamt öllum áhættuleikurunum þurftu að hanga á þessum blauta, kalda, ógeðslega stað í fjóra mánuði samfellt að taka upp þetta atriði. Stanslausar tökur. Kannski ekki nema von af hverju þetta atriði varð svona ótrúlegt. Reyndar ef ég hugsa um það þá held ég að það sé ekkert hægt að vera bera þessar myndir saman. Þessar þrjár eru allar ein kvikmynd. Þetta væri kannski svipað og að vera bera saman byrjun, miðju og endi á einni mynd, sem er fáránlegt. Myndin er ekki búin! Maður getur allavega sagt að Lord of the Rings &8216;myndin&8217; hafi byrjað mjög vel og þegar líður á myndina verður hún enþá meira spennandi og ætli hún muni ekki á ógleymanlegan hátt.

The Lord of the Rings: The Fellowship of the Ring er orðin að mínu mati besta ævintýramynd allra tíma. Að mínum dómi sló sú mynd út Star Wars myndirnar að ég tali nú ekki um Harry Potter. The Lord of the Rings: The Two Towers er ekki fullkomin eins og fyrsta myndin var en hún kemst sirka bát eins nálægt því og hægt er.

Þeir sem hafa ekki lesið bókina eða ekki séð myndina ættu kannski ekki að lesa lengra. Föruneytið hefur klofnað. Frodo (Elijah Wood) og Sam (Sean Astin) hafa haldið einir til Mordor. Aragorn (Viggo Mortensen), Legolas (Orlando Bloom) og Gimli (John Rhys-Davies) elta Uruk-hai hópinn sem tók Merry (Dominic Monaghan) og Pippin (Billy Boyd). Á meðan að Gollum (Andy Serkis rödd og hreyfingar) hefur stofnað heldur ótraust bandalag við Frodo þarfnast landið Róhan sem Aragorn, Legolas og Gimli fara um á mikilli aðstoð að halda. Konungurinn Théoden (Bernard Hill) hefur lent í álögum og er stjórnað af Saruman (Christopher Lee) og hinum illa ráðgjafa Ormstungu (Brad Dourif). Aragorn, Legolas og Gimli verða nú að leysa konunginn úr álögum áður en Sauron og Saruman ráðast á ríkið með tröllvöxnum her.

Allskonar hlutir tvinnast inn í svo sem samband Aragorn við bæði Arwen (Liv Tyler) og dóttur konungsins, Éowyn (Miranda Otto), örlög Gandalfs (Ian McKellen) og trjámennirnir (foringi þeirra með rödd John Rhys-Davies). En það tæki allt of langan tíma að fara út í það enda á gagnrýni fyrst og fremst að gagnrýna en ekki að segja frá söguþræði.

Það er alveg ljóst að Jackson og meðhöfundar hans, Frances Walsh og Philippa Boyens eru komin með aðra vægast sagt magnaða mynd. Stórkostlegur frásagnarmáti Tolkiens fær að njóta sín eftir sem áður og myndin lítur frábærlega út. Ægifagurt landslag Nýja-Sjálands spilar stóra rullu rétt eins og í fyrri myndinni.

Í stuttu máli, útlitið er fullkomið, tónlistin er fullkomin, leikararnir eru fullkomnir. Maður sér hvergi veikan blett þar. Nýju mennirnir, og þá sérstaklega hinn ábúðarmikli Bernard Hill koma snilldarlega vel út. Brad Dourif fer einnig á kostum sem ógeðsleg undirlægja, hlutverk sem hann ætti að kannast við frá öllum hliðum séð. Aðrir karakterar eru einnig mótaðir enn meir og vil ég þar sérstaklega hrósa Elijah Wood fyrir frábæra túlkun hans á því hvernig Frodo verður fyrir stöðugt meiri áhrifum af hringnum. Gollum er síðan einn af þeim fáu tölvukarakterum sem fara ekki í taugarnar á mér fegna flókins persónuleika síns og frábærrar vinnu Andy Serkis.

EN, einu gallarnir sem ég get komið auga á er að það tekur myndina smástund að hrökkva í gang, byrjunin er ekki alveg jafn stórbrotin eins og í Fellowship of the Ring. Auk þess finnst mér stundum vanta dálítið af þessum töfrum sem einkenndu svo fyrstu myndina. Kannski verður það einfaldlega alltaf þannig að því meira sem er af hasar því minni töfrar verða. Kannski er lítið hægt að gera við því.

En ég nánast fyrirgef Jackson fyrir hið stórkostlega lokaatriði þegar Orkaherinn gerir árás á Hjálmsvirki. Ég leyfi mér að fullyrða að stórkostlegri bardagasena hefur ekki sést á hvíta tjaldinu frá upphafi. Punktur, basta.

Ég bíð í ofvæni eftir að fá að sjá lokin á þessum stórkostlega kvikmyndabálki. Hér vantar örlítinn neista en myndin er samt sem áður stórkostleg upplifun fyrir augun og eyrun og já, hjartað. Þetta er einfaldlega skylduáhorf.

Ég sá þessa mynd á spes Nexus forsýningu og fór svo aftur á frumsýningu myndarinnar. Þessi mynd er meistaraverk eins og fyrsti hlutinn. Það er búið að bæta allt í þessum öðrum hluta: Tæknibrellurnar eru betri, spennan í myndinni er mun betri en í fyrsta hlutanum fannst mér, kvikmyndatakan er álíka flott og í fyrsta hlutanum og bardagaatriðin eru mun betri en í fyrsta hlutanum(þar á Helm's Deep bardaginn mestan þátt, mér finnst þetta besta bardagaatriði sem ég hef séð í nokkurri bíómynd). Svo koma fullt af nýjum og skemmtilegum persónum. Þar má nefna Faramír, Treebeard, Theoden, Wormtounge og síðast en ekki síst besta persóna myndarinnar að mínu mati Gollum/Smeagall. Gollum er alveg stórkostlegur í sínu hlutverki og ég vona að Andy Serkis, sá sem ljáir rödd sína og leikur Gollum verði tilnefndur til Óskars fyrir stórkostlega túlkun sína á persónunni. Af aðalpersónunum fannst mér John Rhys Davis bestur þótt að allir hinir hafi verið mjög góðir. Þessi mynd er skylduáhorf fyrir alla. Fullt hús hjá mér.

Ég ér nú búinn að sjá The Lord of the Rings: The Two Towers tvisvar sinnum. Hún var alveg jafn góð í seinna skiptið og í það fyrra. Ég var glaður að sjá hvernig tæknibrellurnar skiluðu sér ótrúlega vel. Ég var samt hissa en ánægður í senn að sjá atriði sem ekki voru í bókinni.

-----------SPOILER-----------

Mér þótti hálfleiðinlegt að sjá Haldir deyja en það var ekkert mynnst á það í bókinni. Ennfremur var ekkert mynnst á hjálp álfa í hjálmsdýpi.


Ég hafði verið spenntur að sjá Shelob, en hún kemur eflaust í 3ju myndinni. Þrátt fyrir þetta kom myndin gífurlega vel út.


frábær mynd sem allir ættu að sjá og mæla með.

Fjórar stjörnur gef ég þessari og ég myndi gefa meira ef ég gæti. The two towers er einfaldlega stórkostlegasta mynd sem ég hef nokkru sinni séð. Mér fannst FOTR alveg frábær en þessi slær hana alveg út. Persónurnar eru frábærlega vel leiknar og fannst mér Brad Dourif (Grima Wormtounge) sérstaklega góður. Einnig fannst mér mjög sniðugt hjá Peter Jackson að láta Gimla vera svona fyndinn. Hann fer hreinlega á kostum. Hann á eina góða setningu þegar bardaginn við Helm's deep er að byrja en ég segi ekki hver hún er. Svo er það náttúrulaega Gollum, eða Gollrir. Hann er eitt mesta tækniafrek sem gert hefur verið í allri kvikmyndasögunni! Og það hvernig Andy Serkis túlkar hann er alveg frábært. Hann á sannarlega skilinn Óskarinn fyrir þetta. Eitt fannst mér alveg frábært. Það er byrjunar atriðið. Hvað það er segi ég ekki, ég vil ekki eyðileggja það fyrir ykkur. Bardaginn við Helm's deep er líka alveg svakalegur. Það er besta atriðið sem ég hef séð í kvikmynd. Sem sagt, LOTR-TTT er stórfenglegasta mynd sem ég hef nokkru sinni séð.

VARÚÐ HUGSANLEGIR SPOILERAR! Ekki er hægt að lýsa Two Towers með mannlegum orðum. Lærðu Álfamál og kannski geturðu þá vottað virðingu í átt Two Towers. Hún er svo stórkostleg að Fellowship er hreinn punktur miðað við þessa. Í þessari mynd eru allir þættir bættir og nýjir komnir í fylgd. Tæknibrellurnar eru bættar alveg stórkostlega og sérstaklega Sméagol (Gollum). Leikurinn er hin hreinasta snilld. Gimli stelur öllum senum í myndinni og lætur mann kafna af hlátri meðan hundruði manna er slátrað. Legolas er að þróast í meiri brutal náunga. Í fyrri myndinni sá maður hann sem léttan álf en nú er hann öðruvísi, eins og hann hefur þroskast í stórkostlegann stríðsmann. Aragorn er nú miðpunkturinn og Gandálfur breytist líka. Frodo er miklu betur útfærður í Two Towers en fyrri myndinni. Allir sem leika eru betri í þessari. Bardaginn í Helm´s Deep er svo stórfenglegur að allt annað sem þið hafið séð má fara til hliðar. Mjög mikið er í myndinni sem er ekki mynnst á í treilerum. Það er bara of mikið og ekki ætla ég að eyðileggja það fyrir ykkur. Merry og Pippin er ekki ennþá littlu skemmtilegu Hobbitarnir enn. Þeir eru miklu serious í þessari og gera allt til að hjálpa vinum sínum. Allt í allt er The Two Towers um fjöldamorð og stórbardaga. Myndin hefur enga byrjun né endi og er aðeins byrjun á endi sögu Tolkiens. Þótt Two Towers er stórkostleg þá er hún ekkert miðað við The Return of The King sem ég get ekki beðið eftir að sjá.

Framhaldið gefur fyrri myndinni ekkert eftir. Myndin er vægast sagt hrein snilld og án efa glæsilegasta mynd síðan fyrri myndin kom út. Gæði milli mynda er í hámarki og það hefur klárlega skilað sér að taka allar þrjár myndirnar upp í sömu lotu. Ég ætla ekki að rekja söguþráðinn eða fara í einhver smáatriði, fæst orð bera minnsta ábyrgð. Ég mæli eindregið með myndinni og bíð spenntur eftir þriðju myndinni. The Lord of the Rings: The Fellowship of the Ring og The Two Towers eru flottustu og með betri myndum sem finnast í kvikmyndsögunni.

Sendiför Frodo og félaga heldur hér áfram í miðkafla sögu Tollkiens sem er engu síðri en sá fyrsti, Fellowship of the Ring. Þráðurinn er tekinn upp þar sem FOTR endar og maður skynjar mjög vel að þetta er beint framhald, enda myndirnar allar þrjár teknar upp í sömu lotu. Þar sem fyrsta myndin kynnti til sögunnar helstu persónurnar og heim Miðjarðar er hér hægt að vinda sér samstundis í atburðarásina. Hér er töluvert mikið meira um bardagaatriði en í FOTR og endar myndin í einum rosalegasta hópbardaga sem festur hefur verið á filmu. Útlit myndarinnar er allt stórkostlegt, allt frá stórfenglegu landslagi Nýja-Sjálands til búninga og tæknibrellna. Það er engin spurning að hér er á ferðinni ein best útlítandi kvikmynd sem ég hef nokkurn tíman séð. Tæknibrellunum verður að hrósa sérstaklega því gæði þeirra eru einstök. Veran Gollum er til dæmis stafræn persóna sem er í töluvert stóru hlutverki en blandast saumlaust við allt umhverfið. Þetta er ekki fyrstu tölvugerði leikarinn til að birtast á hvíta tjaldinu, en það að Gollum skilar raunverulegri leikframmistöðu í hlutverki sínu ásamt því hversu ótrúlega eðlilegt allt samspil hans við umhverfið er gerir þetta að stórafreki. Tónlist Howard Shore smellpassar myndinni líka og Emilíana Torrini á hér eitt lag fyrir þá sem ekki vissu, þó það komi reyndar bara yfir kreditlistanum. Hvort sem þetta er besta kvikmynd ársins eða ekki er eitt víst: hér er um að ræða meistaraverk. Það er að verða mér alveg ljóst að FOTR var ekki glópalán hjá Peter Jackson, við getum vænst sömu gæða út allar myndirnar þrjár. Nú er bara að bíða í ár til að sjá hvernig orystunni um Miðjörð lýkur...

Byrjun annars hluta Lord of the Rings er stórkostleg og virkilega flott. Ég ætla ekki að skemma fyrir neinum
hvernig hún er, en ég sé eftir því að hafa vitað af því áður en ég sá myndina. Það fór hrollur um hann alveg.
Uppbygging kvikmyndarinnar er frekar óhefðbundin, alla vega hvað varðar ævintýramyndir. Myndinni er í raun
skipt í þrjár sögur þar sem stöðugt er verið að flakka á milli. Annars vegar höfum við Frodo og Sam sem halda leið
sinni áfram að Mount Doom með því markmiði að eyða hringnum. Svo höfum við þá Merry og Pippin sem eru í haldi
Orkanna en eins og menn muna voru þeir teknir höndum í lok Fellowship of the Ring. Að lokum sjáum við söguna
með augum Aragorns, Legolasar og Gimla sem elta Orkana.
Í bókinni var þetta gert á annan hátt en þar voru sögurnar sagðar í heilu lagi á eftir hvor annarri. Fyrrgreinda
aðferð tel ég virka mun betur en þetta getur þó ábyggilega verið dálítið ruglingslegt á köflum fyrir þá sem ekki
þekkja sögurnar. Stundum fannst mér líka skiptingin hefði mátt koma á betri tíma.

Saga þeirra Frodo og Sam er mjög áhugaverð, og þar ber hæst kvikindið Gollum sem kemst inn í söguna á ný.
Kvikindi þetta hafði stöðugt verið að elta Föruneytið í fyrstu myndinni eins og menn muna en hér ákveður hann að
stíga fram. Gollum er frábær persóna í kvikmyndinni og ég held að hann steli eiginlega alveg senunni. Persóna þessi
er algerlega tölvugerð og er svo ótrúlega raunveruleg að ég veit ekki hvað. Þetta er án efa raunverulegasta
tölvugerða persóna sem sést hefur í kvikmyndum. Ég held að það sé alveg eins hægt að veita WETA
tæknibrellufyrirtækinu Óskars-verðlaun fyrir tæknibrellur strax. Maður hefur ekki séð neitt þessu líkt áður.
Hitt sem gerir persónuna svona áhugaverða er hvað hún er vel leikin. Þegar myndin var tekin upp lék Andy Serkis á
móti Elijah Wood og Sean Astin (Frodo & Sam) og tölvutækni notuð svo til þess að teikna yfir leikarann. Andy
Serkis sá svo algerlega um rödd Gollum og líkamshreyfingar. Andy Serkis túlkar þessa fígúru á svo undraverðan
hátt að maður á ekki orð. Ég hef lesið það á Netinu að það er jafnvel talið líklegt að leikarinn geti verið tilnefndur
til Óskarsverðlauna fyrir hlutverkið. Ég skil það vel að það sé talinn möguleiki og yrði það áreiðanlega skondið ef
tölvugerð persóna verði tilnefnd.
Þeir Frodo og Sam hitta svo Faramír á leiðinni en hann fer fyrir hópi Gondor-manna og tekur hann þá Frodo og Sam
höndum. Margir Tolkien aðdáendur urðu fyrir miklum vonbrigðum þegar þeir heyrðu hvernig persónu Faramírs
var breytt og því er ekki að neita að persónu hans var breytt mikið. Ég hef aldrei verið mikill aðdáandi þessarar
persónu en ég skil þó vonbrigðin hjá mörgum. Mér sýnist ástæðan fyrir þessari breytingu á persónu hans vera til
þess að gera ferð þeirra Frodo og Sam aðeins dramatískari og svo sýndist mér lík að senan sem einkennir persónu
hans í bókinni hefði einfaldlega ekki virkað á hvíta tjaldinu.

Saga Merry og Pippin er mun minni en ég átti von á en mér finnst það nú samt allt í lagi. Hobbitaleikararnir tveir
leika hins vegar mjög vel í þeim senum sem þeir fá og tekur maður eftir því hvernig þeir hafa þroskast talsvert
síðan í Fellowship of the Ring en þar voru þeir notaðir dálítið sem persónur til að hlæja að. Dominic Monaghan
kemur sterkur inn og stendur sig mjög vel og minnir meira á þann Merry sem ég man eftir úr bókunum. Inn í sögu
Merry og Pippin bætist við persónan Treebeard sem er einnig tölvugerð. Þeir sem lesið hafa bækurnar vita hvers
konar furðuvera þetta er og geta ábyggilega ímyndað sér að erfitt hljóti að vera að búa til trúverðuga persónu út úr
lýsingum Tolkiens á þessari fígúru. Ég var dálítið farinn að óttast það, sérstaklega eftir gagnrýni sem ég las um
daginn en þar fannst höfundi persónan óttalega fáránleg. Svo var sem betur fer ekki raunin og er ég mjög ánægður
með hvernig Treebeard gekk upp. Treebeard þessi er það sem Tolkien skírði “Ent” og fleiri Entur koma einnig
fyrir í sögunni. Sérstaklega er lokaatriðið með þessum Entum stórkostlega vel gert og spennandi.

Aragorn, Legolas og Gimli sjá um að koma þriðju sögunni til skila en þeir eru að elta Orkana uppi í byrjun
myndarinnar. Á leiðinni hitta þeir Róhansriddara og þá kemur fyrst fram persónan Eomer sem leikur svo seinna
stórt hlutverk í myndinni. Ég held að það sé orðið nokkuð ljóst að allir viti að Gandalfur snúi aftur í þessari mynd
þannig að ég ætla ekkert að fela það. Atriðið þegar þeir félagarnir hitta hann á ný er mjög vel gert og mjög gott. Í
framhaldinu kynnumst við svo Róhansríkinu með mörgum litríkum persónum eins og Théoden, Gríma Wormtongue
og Éowyn og stóðu allir leikararnir sig mjög vel og nákvæmlega eins og ég ímyndaði mér þá í bókinni. Sérstaklega
fannst mér Miranda Otto vinna mikinn leiksigur og fannst mér hún líka bara svo falleg. Það verður spennandi að sjá
Return of the King en þar leikur hún stærra hlutverk og tekur líka þátt í senu sem maður getur varla beðið eftir.
Aðalkafli myndarinnar var svo bardaginn við Helm’s Deep og má að vissu marki segja að fyrri hluti myndarinnar
hafi fyrst og fremst verið til að undirbúa þann bardaga. Bardagi þessi er sá allra flottasti sem ég hef séð. Hann stóð
frekar lengi en samt aldrei of lengi og endirinn á honum er svo glæsilegur að ég veit ekki hvað. Margt gerist í
þessum bardaga og spennan er stöðugt að magnast.

Samantekt:

Ljóst er að annar hluti Lord of the Rings bregst ekki. Ég er ekki alveg viss um hvort myndin er betri eða ekki. Ég
get ekki sagt það ennþá. Ég sat satt að segja á hroðalegum stað og upplifun mín á myndinni var ekki lík því sem ég
fann fyrir þegar ég sá fyrstu myndina. Ég sá að myndin er góð en ég var einhvern tímann alltaf fyrir utan hana , á
meðan ég sogaðist inn í myndina í fyrra og sogaðist ekki út fyrr en þremur tímum seinna. Þegar ég hugsa til baka,
langar mig rosalega til þess að fara að sjá myndina aftur, sum atriði eru það eftiriminnileg að það er mér þungt í
brjósti að ég þurfi að bíða fram á 26. des þar til ég fái að sjá hana aftur. Leikarar stóðu sig mjög vel. Eins og áður
sagði er Andy Serkis í miklu uppáhaldi og er bara langbestur. Miranda Otto var frábær og túlkar Éowyn á mjög
góðan hátt. Aðrir stóðu sig auðvitað mjög vel og enginn lék illa. Sá eini sem var ekki að virka fyrir mér var sá sem
lék Hama en mér rödd hans bara eitthvað svo undarleg. John Rhys-Davies var með tvö hlutverk í myndinni. Hann
hélt hlutverki sínu sem Gimli og fannst mér það sniðug hugdetta hjá leikstjóra og handritshöfundum að láta Gimli
vera fyndna karakterinn í myndinni en salurinn var stöðugt hlæjandi að hugdettum hans. John sá einnig um rödd
Treebeard og gerði það mjög vel.
Það sem einkenndi fyrri helming myndarinnar er hvað hún er ótrúlega trú bókinni. Maður tekur varla eftir
sögubreytingum en í seinni hlutanum fer maður að verða var við þær. Mér fannst viðbætur Peter Jackson yfirleitt
mjög góðar og ljóst er að hann ber virðingu fyrir sögunni þó hann láti hana ekki ráða ferðinni gjörsamlega.

Tónlist myndarinnar er einnig mjög góð, sum lög kannast maður við úr FOTR en mörg af þeim nýju eru alveg snilldarleg. Sérstaklega er tónlistin í Róhan virkilega falleg. Ég tel góðar líkur á að The Two Towers geti nælt sér í Óskarsverðlaun fyrir bestu kvikmyndatónlist.
Svo var mjög gaman að fá að heyra Emilíönu Torrini syngja Gollum's Song í lokin og gerði hún það vel.

Ef ég ætti að lýsa Lord Of The Rings - The Two Towers í einni setningu, þá yrði hún svona; LOTR:TTT ER HELBER SNILLD OG BESTA KVIKMYND ÁRSINS. Það kom mér reyndar ekkert á óvart, sannast sagna, þar sem LOTR: FOTR var algjör yfirburðamynd síðasta árs. Allt sem LOTR:FOTR gerði rétt á síðasta ári, gerir TTT líka, bara meira og betur. Hún nýtur þess þó óneitanlega að vera miðjumynd. Hún þarf því þarf ekki að taka allan hinn nauðsynlega tíma í það að kynna grunnpersónurnar, þó það bætist reyndar við heilmargar persónur í þessari mynd, og þarf heldur ekki að útskýra hvað það er sem er verið að reyna að koma í verk. Hún hefst ósköp einfaldlega þar sem FOTR endaði, og heldur áfram með látum. Nýjar persónur sem kynntar eru til sögunnar eru m.a. Gollum, stórkostlega gerðan tölvuteiknaðan karakter sem er svo vel gerður að eftir nokkar mínútur tekur maður ekki eftir því að hann sé tölvuteiknaður, Eomer sem kemur kannski ekki mikið við sögu en er vel leikinn af Karl Urban, Eowyn sem er reyndar frekar litlaus eins og hún er í meðförum Miranda Otto, Gríma Wormstongue sem er snilldarlega tekinn í gegn af Brad Dourif og Theoden sem Bernard Hill gerir bæði göfugan og veiklyndan á sama tíma. Leikarar fyrri myndarinnar standa sig allir aftur með prýði, og þrátt fyrir að Gandálfur/Ian McKellen sé mjög lítið í þessari mynd, þá kemur það ekki að sök því Aragorn/Viggo Mortensen fær hér mun meira að gera og tekur að sér það erfiða hlutverk að vera þungamiðjan og tekst það vel. Bæði Frodo/Elijah Wood og Sam/Sean Astin eru síðan frábærir, rétt eins og þeir voru í fyrri myndinni. Tónlist Howard Shore er hreint út sagt undursamleg að hlýða á, og á hann enn og aftur stóran þátt í því að skapa andrúmsloft og tilfinningasvið Mið-Jarðar. Allar brellur eru hreint út sagt fáránlega vel af hendi leystar, og eiga sinn þátt í því að maður lifir sig eins mikið inn í atburðarásina og maður gerir. Þá vil ég sérstaklega taka það fram að bardaginn við Helms Deep, sem er lokabardagi myndarinnar, er einhver ótrúlegasta sena sem nokkurntíma hefur verið kvikmynduð. Hvernig uppbyggingin að bardaganum er, hvernig hann spilast út, er allt hreint með ólíkindum. Peter Jackson hefur enn á ný tekist að gera hið ómögulega, hann hefur skilað af sér meistaraverki sem börnin okkar og barnabörnin munu alast upp við að horfa á. Tímalaus snilld.