Vanilla Sky er nokkurs konar nútíma ævintýramynd sem gengur mest út á það að rugla mann í ríminu í ca. tvo tíma. Ég gerði mér ansi miklar vonir að hér væri um að ræða frábæra mynd (Cameron Crowe er m.a. frábær leikstjóri/handritshöfundur), trailerinn var líka einn sá forvitnilegasti sem ég hef lengi séð, en niðurstaðan olli mér talsverðum vonbrigðum. Hún kemst heldur ekki með tærnar þar sem þær Say Anything, Jerry Maguire og Almost Famous hafa hælanna, og er að mínu mati mikið step-down fyrir Crowe.

Tom Cruise bregst ekki samt mikið hér frekar en áður, en sjálfum fannst mér Cameron Diaz (sem fær það skemmtilega tækifæri að sýna skuggalegu hlið sína) standa sig mikið betur, og kom mér nokkuð mikið á óvart með frammistöðu sem á skilið fjölmörg verðlaun. Penélope Cruz er og verður líklega alltaf nákvæmlega eins og hefur verið (krúttleg með sinn óþolandi hreim), en er samt svosem ágæt. Jason Lee bregður sér líka í stórt aukahlutverk sem besti vinur Cruise, og Kurt Russell á líka skilið hrós fyrir hlutverk sitt sem sálfræðingurinn sem hjálpar Cruise í gegnum mysteríuna.

Í stuttu máli segir myndin frá moldríka pabbastráknum David (Cruise), sem lifir sínum draumalífstíl og lítur á lífið sem nær fullkomið, svo kynnist hann Sofiu (Cruz), og þau verða ástfangin. En þegar bólfélagi hans, Julie (Diaz), verður afbrýðissöm, ákveður hún að fremja sjálfsmorð og keyrir svo fram af brú ásamt David. David lifir slysið af, en þessi reynsla á eftir að hafa mikil áhrif á líf hans eftirá.

Myndin byrjar sem ósköp venjuleg ástarsaga, en hálftíma síðar fer hún út í flækju... Þá viljandi. Ég man ekki eftir að hafa séð slíka hugsunarmynd um alvöru heim gegn fantasíu síðan ég fór á Matrix fyrir nokkrum árum. Allan tímann flæða alls kyns spurningar sem segja manni ekkert og ekkert kemur í ljós fyrr en í lokin, þó að inn á milli sena koma fram einhverjar vísbendingar. Ég bjóst við mjög góðum 'shock' endi, en það sem við fengum að sjá var bara hörmung (með Sigurrósar tónlist í bakgrunninum meira að segja!) sem dró myndina mjög mikið niður. Crowe hefur augljóslega ætlað sér að hafa hann eins listrænan og þýðingarmikinn og hann gat. En mér þótti hann vera bara of slappur, og þar að auki gaf hann ekki frá sér öll þau svör sem maður vill fá að vita.

Í Vanilla Sky má samt finna stórglæsilega myndatöku, fjölbreytta tónlist (Good Vibrations, baby!), og Crowe klikkar að sjálfsögðu ekki með að stýra leikurum. Myndin hefur sína galla og kosti, en alveg sama hvað þér finnst um útkomuna, þá er þetta mynd sem seint á eftir að gleymast.

6/10

Virkilega róleg og ansi erfið mynd til áhorfs. Hún byrjar eins og tveggja stjörnu mynd en þegar hún er hálfnuð skiptir hún um stefnu og verður alveg ágæt. Gallinn við Vanilla sky er bara sá að hún er alltof andskoti hæg, hún er dramatísk og það er aðallega endirinn sem eitthvað púður er í og einnig það sem hækkar einkunnina frá mér um hálfa stjörnu. Það er erfitt að melta Vanilla sky, hún treður í mann það mikið af upplýsingum að maður missir stundum þráðinn. Tom Cruise fer með aðalhlutverkið og fer nákvæmlega eftir handritinu sem reyndar býður upp á sitthvað og Cameron Diaz og Penélope Cruz gera persónur sínar þannig að þær smellpassa í þessa annars óvenjulegu mynd. Kurt Russell fer með hlutverk sálfræðings hér og þetta er ekki besta frammistaða hans en hann er samt góður í þessari mynd. Maðurinn er bara snillingur. Vanilla sky er ágætis mynd en það þarf að sjá hana kannski tvisvar til að skilja hana betur. Tvær og hálf stjarna segi ég.

Vanilla Sky er endurgerð spænsku myndarinnar OPEN YOUR EYES sem var alveg ágæt og ég bjóst við að hún væri betri en Vanilla Sky en hún er það greinilega ekki. Maður sem hefur gengið mjög vel í lífinu lendir allt í einu í miklu rugli. Hann missti kærustu sína í bílslysi en svo fer hann að sjá hana aftur og það kemur í ljós að undirmeðvitundin er farinn að rugla hann. Vanilla Sky er blanda af drömu,rómantík,sálfræðitrylli, og vísindaskáldsögu sem kemur óvenjulega vel út. Byrjunin er frekar leiðinleg en allt hitt er gott við hana,leikurinn,handritið ofl. Frábær mynd sem enginn má missa af.

Vanilla sky er ein skemmtilegasta mynd sem ég hef séð.Það eru toppleikarar í þessari mynd og mjög góð leikstjórn.Ég fíla líka hvað þetta er manneskjuleg mynd(if this is corny then corn me up).Tónlistin virkar líka mjög vel.Þetta er líka thinkermovie,maður þarf að pæla svolítið í plottinu.Tom og Penelope eru góð saman og Jason Lee kemur skemmtilega á óvart.Nú þarf bara að sjá upprunalegu myndina.

Þetta var fáránlegasta mynd sem ég hef séð. Þetta var svona bull mynd. Svo endaði hún líka fáránlega. Svo finnst mér hún ekki vera spennutryllir eins stendur þarna uppi. Semsagt fáránleg mynd. Sjáið hana bara þá sjáið þið að hún er mjög skrýtin.:-)

Hrein og klár steypa.Crusise leikur þó ágætlega og fésið á honum var sannfærandi.

Frábær mynd! Nauðsynlegar myndir sem hrista hreiðrin okkar!

Vönduð mynd enda snillingar að verki. Prófaðu!

Vanilla sky, Mulholland drive og Memento eru skyldar (og fleiri sem verða ekki taldar hér). Þær fjalla allar um upplifun á raunveruleikanum og hvernig margt getur farið úr böndunum þegar skynjun mannsins er ekki á hreinu. Einnig eiga þær það sameiginlegt að fara fram og aftur í frásögninni.

Vanilla sky er gerð fyrir fólk sem er til í að hugsa aðeins á meðan það horfir. Hún er áskorun vegna þess að hún krefst þess að maður sé til í að gleyma venjulegum frásagnarhætti í kvikmynum og tilbúin/n að prófa eitthvað nýtt. (David Lynch er mikið fyrir að skora svona á áhorfendur og ég er viss um að þetta á eftir að komast meira í tísku hjá leikstjórum.)

Þetta er flott mynd en maður verður að vera í rétta skapinu held ég til að taka hana almenninlega inn. Upprunalega útgáfan, sem var kölluð Opnaðu augun á íslensku, er mjög góð líka en það er ekki hægt að segja að hún sé betri. Þær eru bara nokkuð jafnar.

Rosalega er þetta ruglingsleg mynd en þegar það kemur að endanum kemur þetta allt heim og saman. Ég spyr stundum sjálfan mig hvort Vanilla Sky sé ein versta mynd sem ég hef séð með sú besta. Fyrir mig er þetta sú besta. Myndin er algjört kvikmyndaundur og á eftir að minnast í kringum öldina. Ekki missa af Vanilla Sky.

Djöfull var þetta leiðinleg drama!!!!!!! Tom Cruise, er að verða aumari og aumari sem leikari. Cameron diaz og Penelope Cruiz voru svo sem ágætar en alls ekki nógu góðar til að eiga skilið virðingu. Hún fær hálfa stjörnu fyrir hlægilega endirinn.

Vanilla sky er mynd sem krefst fullrar athygli og jafnvel tveggja áhorfa fyrir flesta.

Eins og fram kemur í sumu sem aðrir hér hafa skrifað þá er þetta ekki mynd fyrir alla því hún krefst hæfileika og athyglisgáfu af áhorfandanum svo að hann upplifi myndina til fulls.


Stórleikur Tom Cruise sem endurtekur leikinn og stórbætir hann, frá því í Magnolia, hættur að vera bara sæti strákurinn og sýnir okkur hvað hann er góður sem ljóti strákurinn.

Aðrir leikarar standa sig með prýði og myndin sem er vel heppnað sambland af 6th sense,Memento og Matrix er dularfull fjögurra stjörnu skemmtireið sem ætti að koma flestum á óvart.

Ég var mjög hrifinn af stílbragði myndarinnar, litum, myndatöku og tónlist. En Tom Cruise og hans steinrunna glott áttu ekkert erindi inn í Vanilla Sky. Sömuleiðis með Penélope Cruz, sem var ekki meira en sami þreytti kjútípæ karakterinn sem hún er föst í að leika.

Burtséð frá horror parinu Cruise&Cruz var umgjörð myndarinnar nokkuð góð, og aðrir leikarar að standa sig vel. Cameron Diaz sýndi að hún er með betri leikkonum í Hollywood um þessar mundir, og Jason Lee var jafn góður og alltaf, þótt hann sé því miður svolítið að staðna. Kurt Russel átti líka skemmtilegt hlutverk.

Plottið fannst mér hefði mátt hafa vandaðra og lengra wrap-up. Mér fannst það ekki standa nægilega vel undir þeim væntingum sem sagan var búin að byggja upp frá upphafi myndarinnar.

Boðskapurinn var augljós, en mér fannst hann ekki koma nægilega sterkt fram. Hin bráðsnjalla mynd Groundhog Day kom svipuðum boðskap til skila mun betur en Vanilla Sky, þó dálítill munur hafi verið á.

Ég ætla mér að horfa á þessa mynd amk. tvisvar í viðbót, til þess að geta myndað mér staðfasta skoðun, og til þess að skoða dýpt hennar aðeins betur.

Mér finnst þessi mynd hafa farið framhjá mörgum mönnum og ekkert annað en ágætir dómar komnir á þessa mynd. En þessi mynd á skilið miklu meira en það. Vanilla Sky er endurgerð af myndinni hans Alejandro Amenábar, Abre Los Ojos, og er sú mynd örugglega frábær. Cameron Crowe (Jerry Maguire og Almost Famous) er nú sestur í leikstjórastólinn og tekst líka svona frábærlega til. Vanilla Sky fjallar í stuttu máli um David Aames (Tom Cruise), en hann lifir hinu góða lífi í New York og er svona við og við með henni Julie Gianni (Cameron Diaz). Hann er hins vegar nýbúinn að kynnast hinni fögru Sofia Serrano (Penélope Cruz) þegar allt fer að ganga á afturfótunum. Þið verðið bara að sjá þetta sjálf. Ég hef aðeins eitt að segja í lokin og það er: Open your Eyes og ef að það gerist þá á þessi mynd eftir að lifa með ykkur um ókomna framtíð.

Ein af þessum fáu myndum sem dregur mann eftir allri flóru tilfinninganna og skilur mann eftir ruglaðann og ofhugsi. Besta mynd sem ég hef séð í mörg ár. Ég ætla mér að leigja spænska frumritið á morgun.

Mér finnst vel skiljanlegt hve gagnrýni sem maður hefur lesið um Vanilla Sky er mjög svo misjöfn. Myndin er alls ekki fyrir alla, en ég hef mjög gaman að sjá svona pælingamyndir og ferskar og djarfar hugmyndasmíðar settar á filmu þar sem topp fólk kemur að vinnslu myndarinnar. Topp leikarar og leikstjórar eru sífellt að reyna að fara nýjar leiðir og reyna að koma áhorfandanum á óvart, líkt og með nýlegum myndum eins og Memento, Moulin Rouge!, Fight Club, A.I. o.fl. (Eina myndin af þessum sem virkaði ekki var A.I.) Mér finnst virkilega gaman að sjá Tom Cruise taka svona djörf hlutverk að sér, líkt og hann gerði í Eyes Wide Shut og Magnolia. Hann er samur við sig hér og skilar hlutverki sínu mjög vel, Cameron Diaz, Kurt Russel, Jason Lee voru líka nokkuð góð í sínum hlutverkum. Myndatökurnar voru frábærar og 'weird' tónlistin smellpassar við myndina. Mér finnst virkilega gaman af því hvað söguþráðurinn opnar margar dyr fyrir manni og maður þarf virkilega að pæla í ferlinu, en eftir því sem maður pælir meira þá fer maður bara í hringi og það er flott! Myndin fékk mann til að pæla vel lengi á eftir, og þegar ég vaknaði morguninn eftir þá var ég enn að pæla í plottinu. Það sem lyfti myndinni virkilega upp er léttleikinn sem er fljótandi í gegnum myndina og maður skellti nokkrum sinnum upp úr þrátt fyrir hversu myndin var 'weird'.

Eins og lesa má, þá var myndin mér vel að skapi og ég fagna því hvað topp leikstjórar og leikarar eru sífellt að taka að sér djarfari verkefni. Ef þú ert að leita eftir týpsískri 'rennslumynd', þar sem plottið reynir ekkert á áhorfandann, þá er þetta ekki mynd fyrir þig, en ef þú vilt sjá eitthvað ferskt og virkilega flott kvikmyndaundur, þá er Vanilla Sky algjört möst!

Ég vil byrja á því að segja að ég vil engum svo slæmt að fara á þessa mynd, ÞVÍLÍK HÖRMUNG! Ég sé mikið eftir því að hafa ekki farið í hlénu eins og ég var mikið að pæla í en ég ákvað að klára myndina af því að ég hélt að það væri ekki nema svona c.a. 45min. eftir en nei það var þá 1 og hálfur tími eftir þegar hléið var búið. Þessi mynd er tvíælalaust leiðinlegasta mynd sem ég hef séð. Ég mæli eindregið með því að kvikmyndahúsin sem sýna þessa hörmun verði með prest fyrir utan salinn þegar myndin er búin til að veita áfallahjálp fyrir þá sem fara á myndina.

Ég mæli eindregið með því að fólk fari ekki á þessa mynd nema að það vilji fara í bíó til að láta sér leiðast.

Ég skal viðurkenna að ég hef ekki séð Abre Los Ojos sem þessi mynd er gerð eftir. Hins vegar veit ég að þrátt fyrir að vera mjög nákvæm endurgerð, þá er hún 40 mínútum lengri. Hvers vegna veit ég ekki, enda ekki dauðan punkt að finna í myndinni. Henni er alveg sérlega vel leikstýrt (enda Cameron Crowe við stjórnvölinn, sá gæðadrengur) og flæðir afskaplega vel. Illa gekk að markaðssetja þessa mynd, enda afar erfitt að setja hana í einhvern einn flokk, því hún inniheldur ákveðin element úr mörgum kvikmyndageirum. Undir það síðasta verður hún þó vísindaskáldskapur, og þrátt fyrir að ég vilji meina að það geri henni ekki illt þannig séð, þá er það sá kafli sem kemur verst út. Mér persónulega finnst sú óljósa og draumkennda áferð sem komin var á myndina vera alltof töfrandi til þess að láta of miklar útskýringar spilla henni. Þannig er nefnilega endirinn, hann útskýrir allt en útskýrir þó ekkert. Þrátt fyrir að lokakafli myndarinnar hefði getað verið betur unninn, þá er hér um gæðamynd að ræða. Cameron Diaz sýnir hér og sannar að hún er meira en hasarkroppur, heldur getur hún virkilega leikið og gerir það vel. Cruise er metnaðargjarn og velur sér orðið hlutverk af kostgæfni og ber að virða hann fyrir það, og hann gerir sitt allra besta við að gera hlutverki sínu skil og tekst það skammlaust. Það er hins vegar Penelope Cruz sem kemur verst út úr myndinni, og furðulegt hvers vegna Tommi gamli dömpaði Nicole Kidman fyrir þessa spænsku pissudúkku. Ég trúði aldrei á það að einhver gæti sparkað Cameron Diaz út úr rúminu fyrir fröken Cruz, og það skemmir fyrir manni tálsýnina. Tónlist myndarinnar er vert að minnast, enda er hér um samansafn af frábærum tónum að ræða (þ.á.m 3 lög með Sigur Rós). Allt í allt má segja að hér sé um athyglisverða tilraun að ræða sem heppnast á flestan hátt, en ekki allan.

Svona til þess að byrja þá ætla ég að velja þessa mynd leikstjórans Cameroon Crowe sem mynd seinasta árs þó svo að hún sé gefin út hér á landi á þessu ári. Þið getið talað eins og þið viljið um Lord of the Rings, Harry Potter..... whatever... Vanilla Sky er ein djarfasta mynd ársins og verðskuldar þennan titil. Eins og margir vita þá er hún endurgerð af spænsku myndinni Open Your Eyes og þess má geta að Penelope Cruz leikur sama hlutverk í báðum myndum. Ég vil ekki tala um söguþráð myndarinnar þar sem það er í öðrum umfjöllunum hér inni. Hinsvegar bendi ég á að þeir sem eru að fara í bíó til þess eins að leita sér að afþreyingu að fara ekki á þessa mynd. Hún er bara ekki svoleiðis mynd. Vanilla Sky krefst þess af áhorfendanum að hann sýni henni virðingu og sýni henni fulla athygli, annars fellur hún um sjálft sig og áhorfandinn labbar út með súran svip yfir því að hafa eytt 800kr. í bíó. Myndin er stórkostlega kvikmynduð, tónlist er ekkert nema fullkomin, leikararnir standa sig allir með prýði. Það er mjög lítið sem ég get sett út á þessa mynd. Gaman að því að LOKSINS hafi komið mynd í bíó sem heldur manni stöðugt hugsandi (eins og t.d. Memento) frekar en að leiða mann í gegnum atburðarásina misspennandi (Lord of the Rings, Harry Potter osfrv.) Vonandi fáum við að sjá fleiri svipaðar myndir á þessu herrans ári.


kveðja,

Bragi D.

Undir venjulegum kringumstæðum myndi maður ekki búast við mynd eins og Vanilla Sky frá leikstjóranum Cameron Crowe, en hann er þekktastur fyrir Jerry Maguire og Almost Famous. Vanilla Sky er aftur á móti allt öðruvísi en fyrri myndir kappans þar sem söguþráðurinn er ekki eins einfaldur og jafnframt má finna góðan skammt af vísíndaskáldskap og súrrealisma, en slíku hefur Crowe ekki komið nálægt áður að mér vitandi. Það er alger tímasóun að reyna að lýsa hvað myndin fjallar um hér, enda má sjá það á trailernum (sem var einstaklega slæmur) að allar tilraunir til þess að lýsa þessari mynd í stuttu máli (eða myndum) geta endað með ósköpum. Það er samt þess virði að minnast á það að þó að myndin verði súrrealísk á köflum og minni jafnvel á eitthvað eftir David Lynch á einstaka stöðum þá hefur hún vissulega söguþráð og öll skringilegheitin eru útskýrð áður en yfir lýkur. Ég lít yfirleitt svo á að mynd sem er skemmtileg og nær að halda áhuga manns nær allan tímann sé þriggja stjörnu mynd og að ef söguþráðurinn býr þar að auki yfir einhverri dýpt eða vekur mann til umhugsunar þá sé um að ræða þriggja og hálfs stjörnu mynd. Það er lítill vafi á því að Vanilla Sky fellur í seinni flokkinn.

David Aames (Tom Cruise) leikur farsælan bókaútgefanda í New York. Hann hefur allt til alls og hefur lítið fyrir lífinu enda á hann mikilli velgengni að fagna í öllu því sem hann tekur sér fyrir hendur. Hann á glæsilega vinkonu, Julie Gianni (Cameron Diaz) sem í raun er meira en bara vinkona hans.

Kvöld eitt er honum boðið í partí og þar hittir hann fyrir draumakonuna Sofia Serrano (Penelope Cruz). Hann fellur kylliflatur fyrir henni. En ekki er allt sem sýnist. Líf hans tekur miklum stakkaskiptum því hann gleymir vinkonu sinni alveg, Julie Gianni og það eru hans verstu mistök. Líf David breytist í hreina martröð.

“Vanilla Sky” er byggð á spænskri mynd hins frábæra leikstjóra, Alejandro Amenabar (“The Others”) sem hét á frummálinu, “Abre Los Ojos” (“Open Your Eyes” á ensku).

Ég er afskaplega ósáttur við þessa kvikmynd. Ég ber mikla virðingu fyrir Cameron Crowe sem kvikmyndagerðarmanni (þrátt fyrir Jerry Maguire) og hafði enga ástæðu til að óttast það að þessi mynd væri ekki a.m.k. miðlungsgóð. Svo var ekki. Vanilla Sky er lítið annað en póstmódernísk, existensíalísk þvæla um hégómagirnd, kynlíf, frægð, yfirborðskennda ást, og tækni sem fer úr böndunum. Ég hef ekki séð upprunalegu myndina, hina spænsku Abre los ojos, en mér skilst að hún sé litlu áhorfanlegri. Það er á hreinu að Crowe og Cruise eru að reyna að koma einhverju mjög djúpu á framfæri en það tekst engan veginn. Útkoman er allt of langur ruglingur sem ég gat ekki beðið eftir að losna út af. Ég gef lítið fyrir leikhæfileika Tom Cruise og hann fékk mig ekki til að skipta um skoðun í hlutverki David Aames, samviskulítils glaumgosa sem afmyndast í bílslysi. Penelope Cruz er hér eins og í öllum öðrum myndum - lítil, spænsk, hálfmælandi á enska tungu og ekki mikið meira en fallegar varirnar. Cameron Diaz er ljósi punkturinn hér. Hún er firnasterk í hlutverki konu sem býr yfir mikilli heift og hefndargirni, og ekki kæmi mér á óvart að sjá hana fá Óskarstilnefningu fyrir vikið. Myndin er líka óvenju Íslandsvæn. Minnst er á Björk tvisvar og Sigur Rós á þrjú lög í myndinni, eins og frægt er orðið. Crowe getur gert miklu betur og vonandi heldur hann sig við sínar eigin hugmyndir hér eftir. Diaz og tónlistin eru það eina góða við þessa mynd, en það er ekki nóg til að bjarga henni fyrir horn.

Mat á þessari mynd fer algjörlega eftir því með hvaða viðhorfi farið er á hana. Ef þú ferð á hana til að sjá kúl mynd um kúl fólk með kúl tökum og kúl fléttu sem kemur þér á óvart, þá ættirðu svosem ekki að sjá eftir peningunum. En ef þú vilt sjá mynd um alvörufólk, og persónum sem þú getur fundið til með, þá skaltu ef til vill hugsa þig tvisvar um. Ég fór reyndar á hana með hinu fyrrnefnda hugarfari, en eftirá leyfði ég mér engu að síður að spá í hana út frá því síðara.

David Aames, persónan sem Tom Cruise leikur, er forríkur pabbastrákur sem hefur ekki gert neitt um ævina annað en að leika sér og vera 'kúl' og sænga með stórglæsilegu kvenfólki sem samt snertir hann aldrei - á meðan besti vinur hans, leikinn af Jason Lee, er svona líka miklu flottari (bæði karakter og útlitslega), en fær enga konu. Svo birtist Sophia, hin fullkomna, ferska, skemmtilega Sophia (mjög sjarmerandi leikin af Penelope Cruz), og núverandi bólfélaginn (Julia - leikin vel af Cameron Diaz) breytist úr honey í my stalker. Hún nefnilega er ekki alveg sátt greyið við að hann láti sig standa á sama um hana, og í ofurdramatísku stundarbrjálæði keyrir hún með þau bæði fram af brú. Hún deyr, hann verður ljótur. Þá er það spurningin: er David nógu mikill karakter til að vinna Sophiu þó hann sé afmyndaður í framan, eða var hann bara sætur?

Við höldum að við höfum fengið svarið, en þá fara afskaplega undarlegir hlutir að gerast, og á tímabili er maður alveg bit yfir hvað í ósköpunum sé í gangi, spennan og dramað magnast. Það er mjög vel gert, en því miður er endirinn ekki alveg nógu góður. ég veit satt að segja ekki alveg hvernig ég á að lýsa því, en það vantar eitthvað í hann. eitthvað ákaflega mikilvægt. líklega bragðið, bara.


Annað: karater Davids á kannski að vera kúl, en mér finnst hann bara megnasta karlremba, þið fyrirgefið. Ef maður ber saman Juliu og Sophiu, og framkomu Davids við þær, þá finnur maður töluverðan Svona konum sefur maður hjá og svona konum giftist maður keim þar af.

Sophia er líka einum of fullkomin - alltaf í góðu skapi, og sæt og sjarmerandi og orkumikil og æðisleg (ok það er reyndar réttlætt í lokin) - ég vona bara að engum detti í hug að halda að svona konur séu til. Oj, ég er farin að hljóma eins og bitur rauðsokka! OK - Sophia er yndisleg - ég hef bara áhyggjur af öllum fullkomnunaráráttu-anorexíu stelpunum sem halda að þær geti orðið eins og hún...


en útlitið á myndinni er glæsilegt, leikurinn þannig séð góður, og ráðgátan mögnuð, og upphafsatriðið er MJÖG kúl. sumsé, tvær og hálf.

Vanilla Sky er endurgerð á spænskri spennumynd Abre Los Ojos eða Open your eyes, eftir Alejandro Amenábar (The Others). Leikstjórinn Cameron Crow og Tom Cruise flippa saman aftur eftir þeir gerður Jerry Maguire við góðar undirtektir hérna um árið.

Núna hef ég ekki séð frummyndina af þessari þannig að ég get ekki borið þær saman, en hún er reyndar að koma á video bráðum ef ekki nú þegar, þannig að ég get loksins séð hana.

Cruise leikur David Aames, lífsglaðan glaumgosa sem nýtur lífsins við að gera sem minnst, lifir af því sem látinn faðir hans byggði, peningar og fyrirtækið sem hann rekur.

Eftir að snarbilað viðhald tekur hann í smá bíltúr sem endar á vegg fyrir neðan brú og skilur hann eftir afmyndaðan í framan byrjar líf hans að brotna niður. Hann byrjar að missa raunvöruleika skinið smátt og smátt og hann veit ekki hverjum hann á að treysta. Það eina sem heldur honum á jörðinni er Soffia (Penélope Cruz) stúlka sem hann kynntist fyrir slysið en smátt og smátt byrjar það traust líka að molna og á endanum er maður að spyrja sjálfan sig Hvað í fjandanum er í gangi


Vanilla Sky reynir sem mest að vera mind fuck mynd og tekst það bara nokkuð vel, manni er alltaf komið á óvart og maður veit ekki alltaf hvað er hvað. Endirinn fannst mér soldið ódýr eftir hvað sem kom á undan var ágætt en ég hef heyrt að myndinn sé mjög lík frumgerðinni þannig að ég get ekki kennt Hollywood um það. Byrjunar atriði myndarinnar er líka ansi áhrifamikið, ef maður hefur ekki séð það á tíu mínútna fresti í sjónvarpi eins og ég gerðí áður en ég sá hana.

Maður getur svo ekki annað sagt en að maður hafi verið annsi stoltur við að heyra í Sigur Rós í myndinni, en hún á þrjú lög í henni.

Margir eiga eftir að segja að Tom Cruise sé með snildar takta í þessari mynd og að hann sé óhræddur að vera fox ljótur mest alla myndina. Hann hefur aldrei virkað sem merkilegur leikari á mig og það breyttist ekki með þessu. Penélope Cruz, sem endurtekur hlutverk sitt úr frummyndinni, er bara Penélope Cruz, stendur þarna með stanslausan undrunar svip og sætan hreim. Æ ég veit það ekki, hún er öruglega betri leikona á spænsku. Sú leikkona sem kom mér mest á óvart og á bestu settningu myndarinnar (settning sem margan manninn langar að heyra frá henni), er Cameron Diaz sem leikur hina snarbiluðu Julie, fuckbuddy'ið hans Cruise. Það er ótrúlegt hvað hún getur verið sexí og scary á sama tíma. Jason Lee leikur svo vin hans Cruise. Það er alltaf gaman að sjá hann í bíó en hann plumar sig betur í gaman hlutverkum.

Þetta er ágætis kvikmynd sem lætur mann tala um hana eftir á og það er alltaf gott.