Zoolander er án efa besta grínmynd Owen Wilsons, Will Ferrell og Ben Stiller. Hún lætur mann hlæja aftur og aftur af vitleysunni í þeim.

Hún fjallar um Derek Zoolander (Ben Stiller) sem að er ein vitlausasta og yfirborðkenndasta karl-módel sem fyrirfinnst. En þegar hann tapar male model of the year verðlaununum á móti hippanum Hansel (Owen Wilson) ætlar hann að hætta módel störfunum og gera eitthvað merkilegra.
En þá fær hann tilboð til að taka þátt í tískusýningu frá heitasta tískuhönnuði heims, Mugatu (Will Ferrel). Hann fattar þó ekki að það er búið að heilaþvo hann til að myrða forsætisráðherra Malasíu (sem að er að berjast gegn barnaþrælkun í tískuheiminum) á tískusýningunni. Með hjálp Matildu, blaðamanns, fyrrum handamódeli og Hansel reynir hann að koma í veg fyrir þetta á ótrúlega fyndin, frumlegan og vitlausan hátt.

Zoolander er ein besta grínmynd allra tíma, hún er algjör hápunktur í ferli Ben Stillers, Will Ferrells og Owen Wilsons. Hún er alveg fáranlega vitlaus og er hver einasta setning sem Zoolander segir fyndin. Hún er must see fyrir alla sem hafa gott af því að hlæja aðeins meira.

Ég sá Zoolander fyrst í flugvél í sumar og sá hana svo núna aftur um helgina.í annað skipti var hún verri en mig minnti en þó voru nokkur atriði sem ég hafði ekki tekið eftir eins og t.d. dagatal Zoolander,þar sem hann er búinn að gera dagatal til að sýna öllum hversu fjölhæfur hann er og svo er hann alveg nákvæmlega eins á öllum tólf síðunum.Geðveikur brandari. Ben Stiller leikstýrir gamanmyndinni Zoolander og leikur einnig titilhlutverkið. Faðir Bens,Jerry Stiller sem flestir þekkja sem hinn frábæra Arthur úr King of Queens þáttunum leikur umboðsmann Zoolanders og eiginkona Bens Christine Taylor leikur blaðakonuna Mathildu. Luke Wilson og Will Farrell leika fyrirsætinu Hansel og tískurisann Mugatu og Milla Jovovich er leigumorðingi Mugatus.

Derek Zoolander er frægasta karlmanns módel heims og er nautheimskur. Hann hefur unnið titilinn model of the year þrisvar sinnum og býst við að vinna í fjórða sinn en tapar fyrir Hansel sem verður enn vinsælari en Zoolander. Blaðakonan Matilda vinnur fyrir Times og var að skrifa um hversu heimskur Zoolander er. Bestu vinir hans og herbergisfélagar sem eru jafn heimskir og hann og líka módel deyja í slysi og Zoolander ákveður að hætta sem módel og fer að vinna í námu með bræðrum sínum og föður(Vince Vaughn og Jon Voight). Nýkjörinn forsetisráðherra Malasíu er að berjast á móti þrælavinnu barna og fullorðinna fyrir tískuiðnaðinn og heimsfrægi tískuhönnuðurinn Mugatu er auðvitað bálreiður eins og aðrir tískuhönnuðir í heiminum og sannfærir Zoolander að koma og vinna fyrir sig en heilaþvær hann og vill að hann drepur forsetisráðherrann í tískusýningu Mugatus sem er róna og hóru tíska. Hin fína leikkona Milla Jovovich er hræðileg í hlutverki sínu og sömuleiðis Christine Taylor. Luke Wilson er einn vinsælasti grínleikarinn núna en er þó ekki mjög fyndinn í Zoolander og heldur ekki góður. Ben Stiller leikur ekki mjög vel en er viðbjóðslega fyndinn og Will Farrell er það einning. Annars hefur myndin ekki neina rosalega galla. Zoolander er alls ekki góð kvikmynd en hún er bráðfyndin og skemmtileg og fyrir þá sem eru mikið fyrir gamanmyndir(ég er ekki einn af þeim) þá mega þeir alveg kíkja á Zoolander.

Hér er á ferðinni ágæta grínmynd þar sem hann ben Stiller(Meet the parents, something about mary) leikur aðalhlutverkið. Myndinn er ekki svona pælingar mynd en það sem maður á að gera þegar maður sér hana, það er einfaldlega að hlæja. Myndinn

Zoolander fjallar eiginlega um fyrirsætu(það eiga eiginlegir allir sem hafa séð eitthvað brot úr myndinni að vita) sem hættir í bransanum vegna þess að það blaðið Time voru að skrifa ljótt um hann í blaðinu sínu. Og líka það að hann missti vini sína sem voru með eld hjá bensínstöð. vinur hans Zoolander(Jerry Stiller,the king of queens gamli gaurinn) vill að hann haldi áfram sem fyrirsæta. Eftir það kemur maður að nafni Mugatu(will ferrel) sem segir að hann sé aðalmódelið hans. Svo verður Zoolander tískumódelið hans og Mugatu er ekki eins góður og maður heldur. Hann vill drepa kínaforsetan og ætlar að dáleiða hann zoolander. Hvernig endar þetta? Þetta er svona góð skemmtun þegar maður er í grín stuði. Nánast alltaf er hann Ben Stiller fyndinn í þessari mynd og líka hitt hallarislega brosið sem hann Zoolander er líklega langfrægastur fyrir. Ég ætla að ákveða það að þessi mynd fær tvær og hálfa. Hún var fyndinn en það var eitthvað sem ég ekki alveg líkaði við og nokkuð ófyndnir hlutir þarna á ferð. Ég enda á því að segja að þetta er bara fyrir fólk sem vilja hlæja og er í hláturs skapi. Takk fyrir

Drepfyndin mynd sem sýnir hvað fyrirsætur eru leiðinlegar (ekki móðgast ef þú ert fyrirsæta). Derek Zoolander (Ben Stiller,There's Something about Mary,Cable Guy) er fyrirsæta sem er á niðurleið því að hann niðurlægði sig fyrir framan alla á Vh1 fyrirsætu verðlaununum. En tískumeistarinn Mugatu (Will Ferrel,Old School) býður honum tískusamning gegn sýningu sem heitir Derelique eða eitthvað svoleiðis. En Mugatu heilaþvær hann til að drepa forsetisráðherra Malasíu og hann og vinkona hans og óvinur hans (Owen Wilson,The Royal Tenenbaums) sem hann sættist við.

Fremur slöpp mynd að flestu leyti. Það er þó eitt atriði sem dregur myndina upp úr skítnum og það er bensínslagurinn, snemma í myndinni. Snilldaratriði. Meira að segja fyndnara en gubb-atriðið í Problem child 2

Alls ekki besta mynd Ben Stillers. Lélegur söguþráður maður geispar bara þegar maður horfir á þessa mynd maður getur flissað af og til. Ben Stiller leikur þarna algjöran FÁVITA!

Lélega leikin mynd bæði hjá Ben Stiller og Owen Wilson þessi mynd er ekki peningana virði frekar myndi maður horfa á RÚV heldur en þennan vitleisisgang

Zoolander er fjölskyldu myndin hans Ben Stillers. Ekki fjölskyldu mynd í sömu merkingu og Disney myndir heldur eru allir nánustu ættingjar hans í myndinni. Ben sjálfur er í aðalhlutverkinu sem Zoolander. Hann er ekki bara fyrir framan myndavélina í næstum hverju einasta atriði heldur leikstýrir hann líka, framleiðir og skrifar handritið með Stuart Cornfeld og Scott Rudin. Faðir hans, Jerry Stiller leikur óheiðarlega umboðsmann Zoolanders, Maury Ballstein. Mamma hans Bens, Anne Meara leikur lítið hlutverk sem mótmælandi, hún hendir tómat í hundinn hans Mugatus og svo er eiginkonan hans Bens, Christine Taylor(Marcia úr The Brady Bunch myndunum) leikur fréttakonuna, Matildu sem hjálpar Zoolander.


Ég verð að viðurkenna það að ég hló oft og mörgu sinnum þegar ég horði á Zoolander. Ég hef alltaf haft gaman af Ben Stiller síðan ég sá hann í Heavyweights árið1995, síðan hefur hann leikið í mörgum grínmyndum sem ég hef haft gaman af ; The Royal Tenenbaums (2001), Meet the Parents (2000), Keeping the Faith (2000), The Cable Guy (1996), Flirting with Disaster (1996), Happy Gilmore (1996) og auðvitað There's Something About Mary (1998) svo náttúrulega hinni óhemjufyndni stuttmynd Mission Improbable (2000) þar sem Ben lék Tom Crooze.


Myndin fjallar um Derek Zoolander sem frægasta karlmannsmódel í heiminum. Hann hefur unnið þrisvar í röð ‘Model of the Year’ verðlaunin og býst við að vinna þau í fjórða sinn en tapar fyrir nýjasta módelinu, Hansel (Owen Wilson). Hansel er ferskur og fjölhæfur og nær þannig að yfirbuga vörumerka svip Zoolanders “Blue Steel”. Í sömu viku og hann tapar fyrir Hansel birtist grein um Derek í blaðinu Times, í henni er talað um hve heimskur hann er. Greinin var skrifuð af Matildu (Christian Taylor) sem að hann hafði leift að fylgja sér eftir, óaðvitandi um hvað greinin yrði. Ekki nóg með það heldur deyja þrír bestu vinir hans í sérkennilegu bensín bað + sígarettu slysi. Zoolander ákveður að hætta sem módel og helga lífi sínu líknarmálum. En umboðsmaður Dereks, Maury (Jerry Stiller) og tísku risinn Mugatu (Will Ferrell) fá hann til að hætta við. Mugatu segist vilja að Zoolander sé aðalmódelið fyrir nýju línuna hans “Derelicte”(flækingur) en það sem honum vantar í raun er einfeldningur sem hann getur heilaþvegið og látið drepa nýja forsetisráðherrann í Maleysíu. Nýi forsetisráðherrann ætlar nefnilega að setja ný barnavermdalög og þá getur Mugatu ekki látið börn vinna ódýrt fyrir hann.


Persónan Zoolander er nokkur ára gömul. Hún kom fyrst fram(að mér skilst) í stuttmynd sem var sýnd á tísku sýningu árið 1996. Ben Stiller er mjög góður sem ofurfyrirsætan og ég hló í hvert skipti sem hann setti upp “blue steel” svipinn eða hina tvo svipi sem hann notaði, þeir voru reyndar allir eins en enginn tók eftir því og þegar Mugatu hélt því fram voru allir voða hissa. Myndin er í raun ekki svo mikil satíra á módelbransann. Það er bara gert grín af augljósustu hlutunum, það er ekkert reynt að grafa neitt djúpt.


Sagan sjálf er í raun ekki nógu mikil til að fylla þessar 85 mínútur sem myndin er og stundum koma frekar þunn atriði en það eru mörg frábær sem koma líka. Walk-off einvígið á milli Zoolander og Hansel kepptu í, þar sem David Bowie var dómarinn var ótrúlega fyndið og svo auðvitað breakdans slagsmálin. Myndin er líka svo skemmtilega tekin. Full af litadýrð og poplögum frá níundaáratugnum. Það er líka mikið af þekktum leikurum sem koma fram. Jon Voight leikur pabba Zolanders, Vince Vaughn bróðir hans; Cuba Gooding Jr., Gary Shandling, Natalie Portman, Winona Ryder, David Bowie, Billy Zane og Fabio leika sjálfa sig og svo leikur David Duchovny gamalt handamódel!

- www.sbs.is

Ótrúlega fyndin mynd. Ben Stiller og Owen Wilson fara á kostum sem fyrirsæturnar. Þetta er ein af fyndnustu myndum ársins. Ef þið eruð ekki búin að sjá þessa snilldar rugl ræmu, drífið ykkur þá út á vídeóleigu og leigið þessa strax.

Þetta var nú meira ruglið. Það er nú samt hægt að hlæja yfir henni. Svona típísk ruglmynd, mjög skemmtileg. Mæli með henni. Ekki beint mynd sem á óskarinn skilið eða eitthvað svoleiðis en ágætis afþreying samt sem áður.

Úff...var að kippa þessari mynd útúr dvd spilaranum eftir að hafa pínt mig í að klára hana. Þessi mynd er mjög vond og á sér eiginlega aldrei uppreisnar von sökum einfalds húmors og lélégs hadrits. Líklega er Ben Stiller ein ástæðan fyri því hvers vegna svona mikið er gert úr þessari mynd en jafnvel hann stendur sig illa. Mæli með því að fólk láti þessa sitja kyrra á hillum myndbandaleiganna.

Ben Stiller hefur sóað hæfileikum sínum í þessari rosalegri kvikmynd fulla af lélegum toilet húmor þar sem hann notar margar stjörnur. The Cable Guy var miklu betri en Stiller veit að ef hann bætir ekki stöðu sína sem leikstjóri lendir hann á botninu og ég verð að segja að leikur hans í þessari mynd var hræðilegur!

Hún er ekkert sérlega góð, en hún er svosem ekkert sérlega slæm heldur. Það er synd að slíkur hæfileikamaður sem Ben Stiller er, sé að sóa þeim hæfileikum í svona aulahúmor. Þegar honum tekst vel upp, fær maður hárbeittan svartan húmor eins og sást í The Cable Guy. Þessi mynd, þrátt fyrir að eiga sína spretti, er alls ekki í þeim flokki, og virðist helst vera gerð með það fyrir höndum að geta fengið sem flesta fræga leikara í cameo hlutverk og láta ljós sitt skína. Hún þjáist einnig áberandi mikið af því að vera svona one-joke hugtak. Mér skilst að þessi Zoolander karakter hafi verið skapaður fyrir VH-1 verðlaunahátíð og einhverja stuttmynd af því tilefni. Þar hefði gamninu átt að ljúka því þetta ber alls ekki upp heila mynd og hún endurtekur sig óneitanlega mikið á köflum. Þó er einn og einn brandari sem hittir í mark (helst sá með finnsku dvergana og furðudýrin úr Afríku) en þeir eru of fáir og langt á milli. Því er varla hægt að mæla með þessari mynd nema fyrir harða Stiller aðdáendur (eða harða Billy Zane aðdáendur ef þeir eru til).

Fín kolruggluð gamanmynd með aulahúmor af bestu gerð. Stiller er í essinu sínu og sumir( með ekki alveg eins húmor og ég) grétu af hlátri. En ég hló ekki alveg jafn mikið en fannst hún fín samt.3 stjörnur fyrir húmorinn, en samt eiginlega ekkert annað.

Zoolander er kolrugluð gamanmynd sem fjallar um karlfyrirsætuna vitgrönnu, Derek Zoolander, og hvernig hann flækist inn í ráðagerð hjá öflugustu mönnum í tískubransanum til þess að ráða forsætisráðherra Malasíu af dögum. Það er grínsnillingurinn Ben Stiller sem fer með titilhlutverkið og leikstýrir, en hann er líklega þekktastur fyrir hlutverk sitt í There's Something About Mary. Með einhverjum öðrum leikara í aðalhlutverki hefði Zoolander orðið að annarri Corky Romano, en Stiller er rétti maðurinn í hlutverkið og gerir vitleysuna fyndna. Það er ekki þar með sagt að Zoolander sé frábær mynd, það er oft töluvert langt milli góðra brandara en þegar þeir koma eru þeir líka góðir. Heil hersing af frægum leikurum og stjörnum fara einnig með smáhlutverk í myndinni, til dæmis David Duchovny, Cuba Gooding Jr., David Bowie, Natalie Portman o.fl. Zoolander á eflaust eftir að skemmta öllum þeim sem líkur við húmorinn hjá Stiller en ekki er eins víst að öðrum verði skemmt.

Sæmilegasta grínmynd og hin ágætasta afþreying. Fór á hana með engar væntingar og kom sáttur út, þó svo að það hafi líklega ekki verið nein nauðsyn að sjá þessa mynd í bíó þar sem hún hefði örugglega virkað alveg jafnvel á vídjó.

Léllgeggjuð grínmynd með Ben Stiller, Owen Wilson og Christine Taylor sem fjallar um karlofurfyrirsætu sem er heimskari en allt, ég mæli eindregið með þessari mynd fyrir fólk sem er að fara í bíó til að hlæja eða bara til sjá einhverja skemmtilega mynd!

Ben Stiller er misskilinn snillingur. Hann þjáðist meirihluta síðasta áratugar út af þessum misskilningi, þar sem fólk náði eiginlega ekki húmornum í The Ben Stiller Show (snilld sem hann gerði fyrir MTV 1992, held ég), Reality Bites, The Cable Guy og Mystery Men. En svo gerðist það að bíógestir urðu aðeins gáfaðri og fólk fór að skilja Stiller-húmorinn. Af þeim ástæðum fékk Stiller að gera þessa mynd, sem er eiginlega litla barnið hans. Stiller fann upp Derek Zoolander fyrir VH1 Fashion Awards árið 1996 og hann hefur komið fram í stuttmyndum þar á hverju ári síðan. Zoolander hefur nú fengið sína eigin mynd, og Stiller notar tækifærið til að fara á kostum. Derek er frægasta karlkyns fyrirsæta heim. Því miður er hann er líka mesti hálfviti sem fæðst hefur á þessari jörð. Hann er elskaður, dáður og dýrkaður en svo fer að stjarna hans fer að síga. Nýliðinn Hansel (Owen Wilson) fer að skyggja á hann og Derek lendir í tilvistarkreppu. Einmitt þá rænir tískuhönnuðurinn Jacobin Mugatu (Will Ferrell... alltaf helvíti fyndinn) honum og heilaþvær til að myrða forsætisráðherra Malasíu, sem vill hækka lágmarkslaun barna og þar með setja tískuiðnaðinn á hausinn. Þessi beinagrind er allt plottið en það þarf ekki meira, því Stiller fyllir inn í með frábærri frammistöðu. Hann var fæddur til að leika Derek Zoolander. Röddin, svipirnir, og heimskupörin eru alveg hreint óborganleg. Hann ræður ríkjum hér sem sést á því að eiginkonan Christine Taylor og pabbi gamli, Jerry Stiller, eru í öðrum aðalhlutverkum. Stiller á greinilega nógu marga vini í bransanum til að þeir skjóti upp kollinum í gríni. Þar á meðal eru Winona Ryder, David Duchovny, David Bowie, Milla Jovovich, Billy Zane, Natalie Portman, Cuba Gooding Jr, Christian Slater, Jon Voight, Vince Vaughn og svo mætti lengi telja. Zoolander er 100% vitleysa út í gegn, og þessa dagana er mjög gott að sjá eitthvað sem fær mann til að hlæja. Þrátt fyrir að hafa séð myndina í minnsta og versta bíósal allra tíma gekk ég sáttur út. Stiller og Wilson eru frábærir sem Derek og Hansel - tískukeppnin ein er miðans virði. Ekki búast við neinu gáfulegu hér, farið bara og hlæjið.