ALDREI bjóst ég við því þegar ég horfði á splatter-ruglmyndirnar Bad Taste og Dead Alive að sami leikstjóri myndi einn daginn tækla eitt stærsta og virtasta ævintýri sem tilheyrir bókmenntum. Frekar hefði ég trúað því að John Waters myndi gera Shakesphere. Nýsjálendingurinn Peter Jackson kemur engu að síður sífellt á óvart. Ég hef aldrei séð lélega mynd eftir hann og þrátt fyrir að vera frægur fyrir subbuskap (þ.á.m. Meet the Feebles) hefur hann sannað sig í öðrum geirum. Til dæmis hafði ég rosalega gaman að grínhrollinum The Frighteners og áhrifin sem hin frábæra Heavenly Creatures skildi eftir sig voru rosaleg. Núna er Jackson kominn í heim Hobbita, álfa og galdrakalla, og það er áberandi að gríðarleg vinna hefur farið í það að gera þessa mynd, eða væntanlegu trílógíu. Niðurstaðan skilur mann eftir með galopinn kjaftinn...

Útlitslega séð er þessi mynd einhver sú svakalegasta sem ég hef á ævi minni séð. Hver einasti búningur, hvert einasta brelluskot og landslagið er fullkomið og rúmlega það. Tölvuvinnan er klárlega sú flottasta sem ég hef séð hingað til og toppar þar af leiðandi The Matrix í "vá-inu." Meira að segja leikararnir smellpassa allir. Elijah Wood er fremstur meðal jafningja og kemur virkilega vel út í aðalhlutverkinu sem Frodo. Ian McKellen, Cate Blanchett, Christopher Lee (með sína GUÐDÓMLEGU rödd), Sean Bean og John Rhys-Davies eru einnig traustir svo einhverjir séu nefndir. Tónlistin eftir Howard Shore gefur manni sömuleiðis gæsahúð og pakkar þessum notalega pakka, sem öll myndin er, glæsilega inn.

En þrátt fyrir allt fagfólkið þá er það Jackson sem á öll góð orð skilið. Hann skapar ekki aðeins þennan undurfagra ævintýraheim alveg gallalaust. Þú ert ekki að horfa á Miðgarð, þú ERT þarna. Þetta er ekki eins og að horfa á Dungeons & Dragons-bíómyndina þar sem þú horfir á fólk með förðun á sér sveiflandi sverðum og allan tímann sést í gegnum það. Ónei, þér líður allan tímann eins og þú sért hluti af ferðalaginu. Þú sem áhorfandi ert partur af þessu svokallaða "Föruneyti Hringsins," og upplifunin er engri lík.

Það eina sem dregur myndina frá fullt hús-einkunninni er keyrslan nálægt endanum. Eftir að hafa haldið brjálæðislega góðu flæði þá dalar myndin eftir ákveðinn tímapunkt (sennilega einhvern tímann eftir senurnar í Moría-námunum, en myndin nær aldrei að toppa sig eftir það). Ekkert alvarlegt, en bara örlítið. Ég fékk aldrei tilfinningalega höggið sem ég vildi, en kannski er ósanngjarnt að biðja um það þar sem þetta er aðeins byrjunin. Við eigum enn eftir að sjá 2/3 hluta af sögunni, sem vonandi verða eins öflugir og þessi. Ég hef fulla trú á Jackson, og bíð spenntur eftir rest.

9/10 - Bókað mál að þetta sé ein af bestu myndum ársins 2001.

Þessi mynd er sko bara eintóm snilld, góð tölvu tækni, fínir leikarar, flott baradaga atriði, góður söguþráður, já, það mikil vægasta er að ef maður ætlar að gera bíómund um bók verður maður að hafa sama söguþráð, til að halda áhorfanadanum við myndina! Peter Jackson gerði stórkostlega mynd um hinar stór brotnu bækur : Lord of the rings!!! Besta mynd ársíns vegna heillandi innihalds, friður og spilling blandast saman og gera þar með þjóðsöguna lifandi í einni frábærri kvikmynd!!!

Það sem ég beið með að sjá ALLAR myndirnar í Lord of the Rings trilogy og horfði ekki á þær fyrr en í enda ársins 2004 þá langar mig aðeins að fjalla um þær.

Fyrsti hlutinn kemur á óvart og ég bjóst ekki við neinu en horfði samt. Fannst fyrsti hlutinn bara kynning á persónunum og hvernig söguþráðurinn myndir vefjast síðan upp á sig á næstu tveimur hlutum. Myndatakan og landslagið í myndinni var frábært og Peter Jackson hefur gert góða hluti með að leikstýra. Fin skemmtun og ég var mjög spennt að horfa á mynd númer 2.

Drepleiðinleg, þung og drungaleg. Frábært svefnmeðal sem sekkur manni í djúpan svefn, hvað þá að vera að eyða peningum í að kaupa lengri úgáfuna, cry me a river, þetta er steikt. Star Wars þrennan er 100sinnum betri.

Stutt og hnitmiðað:


Lord Of The Rings syrpan er snilldarverk Tolkiens og Peter Jackson bjó til mynd eftir henni, sem áðar var talið að það væri ekki hægt! En Peter Jackson sannaði að allt er hægt ef að viljinn er fyrir hendi! Mér finnst að allir ættu að eiga bæði bækurnar og myndirnar heima hjá sér, ekki bara fara einu sinni í bíó og síðan kemur auglýsing að hún sé til sölu þá segir þú „Já þessi... ég er búinn að sjá hana!“ Ég er búinn að kaupa mér þær sem komnar eru út, og mun kaupa allar [Extended DVD Edition] myndirnar. Lord Of The Rings eru bara myndir sem allir eiga skilið að sjá!

Ég get ekki sagt að ég sé aðdáandi Lord Of The Rings myndana en þessi er samt besta af hinum. Smiður gerir hringa fyrir Álfana,Dvergana,Mennina og hringinn sem ræður yfir öllum hinum til myrkrahöfðingjans Sauron. En í stríði við Orkana og Sauron sker Ísíldúr puttan af honum og fær hringinn. En hann týnist og svo finnur Gollum hann eða réttara sagt frændi hans sem hann drap svo. En svo fann Bilbó Baggan hringinn sem er frændi Fróða. En Bilbó ætlar að eyða síðustu dögum sínum í ævintýri um Miðgarðinn og gefur Fróða hringinn. En Gandalfur segir honum að hann þarf að eyða honum. Þá býr hann til hóp manna og álfa og dverga og hobbita til að eyða hringnum. Þeir í hópnum eru Aragorn (Viggo Mortensen,Psycho endurgerðin) Ísíldúr, Legolas (Orlando Bloom,Pirates Of The Caribbean) Gimli (John Rhys-Davis) Gandalfur (Sir Ian MacKellen,X-men eitt og tvö) Pípinn og Kát og Sóma.

Ég get verið allt kvöld að þessu en ég ætla hafa hana stutta.

LOTR er mynd um hring sem illi Sauron myrkrahöfðingi bjó til.Og þegar ísildur tekur hringinn af Sauron(stendurörugglega hvernig það gerðist ofar hjá hinum)og hann deyr.Bilbo baggins hobbiti finnur hringinn af skrímsli og heur hann í 60ár.Hann ákveður að fara í ferðalag og koma aldrei aftur.hringurinn hefur vaknað og Fróðo þarf að kasta hringinn í eld í Mordor.

Þessi mynd er ekkert annað brilliant snilld og þetta pakk verður örugglega frægasta myndirnar allra tíma.

Þegar ég sá þessa mynd, var maður að sjálfsögðu búinn að heyra mjög mikið um hana og sjá pínu lítið úr henni.

Þrátt fyrir allar væntingarnar, stóðst hún þær kröfurnar sem ég gerði til hennar. Sagan er hér rétt að byrja, persónur kynntar og upphaf ferðarinnar til Mordor hefst. Mikil vinna var lögð í þessa mynd og ekki er hægt að fara fram á flottari myndatökur, betri leikara, betri leiksjóra, flottari búninga og flottari tæknibrellur. Svo síðast sé nefnt þá er það tónlistin sem skaraði einnig framúr, hún mun sitja í minninguni hjá mér um þessa mynd, lengi.

Umhverfið í myndini er fullkomið, passar akkúrat við atburðarrásina. Ég er ekki frá því að þetta sé besta mynd sem ég hef séð hingaðtil (með LOTR: The two towers).

Ég skil ekki hvað Lord of the rings er svona mikið til að hrópa húrra yfir! Að vísu er það góðar myndir en samt ekkert meistaraverk! Fróði er Hobbiti sem á heima í friðsælum bæ með frænda sínum Bilbó. Bilbó er orðin 111 ára eða eitthvað svoleiðis og ætlar að eyða dauðadögum sínum á ferli sínu um þennan heim (ég man ekki hvað hann heitir) og gefur Fróða hringinn. (Allir þekkja sögunna hvernig hringurinn varð til einhver smiður skapaði hringa og gaf álfunum, dvergunum, mönnunum og öðrum og myrkrahöfðinginn Sauron fékk hringinn sem réð yfir öllum hinum en Bilbó fann hann frá Gollum og bla bla bla). En hann Fróði fer með Gandalfi (Sir.Ian MacKellen) og Sóma og fer til heim álfana og skapar fellowship eða eitthvað. Það er hann Aragorn (Viggo Mortensen,Psycho 98'), Gimli (John-Rhys Davis) Legolas (Orlando Bloom, Pirates of the Caribbean) Boromír, Gandalf, Pípinn og Kát og þeir þurfa að fara til Mordor og skemma hringinn en þurfa að berjast við Orkana, Úrúk-Hai, Goblina og aðra ljóta gaura. Alveg ágæt mynd en samt ekkert meistaraverk.

Fá er orð eru til á þessu fallega tungumáli sem lýsa þvílíkri snilld. Ég hef horft á þessa himnesku mynd örugglega yfir 30 sinnum og hún er allaf jafn góð og þar eiga stórleikur og snilldarleg leikstjórn stóran þátt. Það er hægt að horfa á atriðin með Fróða án þess að hafa hljóð og lesa allar tilfinningar úr augunum. Eina myndin sem kemmst nálægt þessari er LOTR:TT og get ég ekki gert upp á milli hvor þeirra er betri.

Einhver mesta snilldarmynd allra tíma. Þessi mynd er byggð á bók eftir snillinginn og einn besta rithöfund allra tíma J.R.R. Tolkien. Það er Peter Jackson sem færir þessa snilldarbók yfir á hvíta tjaldið og tekst það nú bara frábærlega. Þetta er hans útgáfa á Hringadróttinssögu og er hún bara góð en nóg um það.


Þessi mynd fjallar um hobbitann Frodo Baggins (Elijah Wood) sem er frændi Bilbó Baggins (Ian Holm). Bilbó á hring sem er í raun og veru Máttarbaugurinn sem Sauron (Sala Baker) bjó til en Sauron týnir hringnum í bardaga á milli ríki hans og bandalagi Manna og Álfa þegar Ísildur(Harry Sinclair) heggur puttann af Sauroni og eyðist þá Sauron en andi hans lifir hann. Ísildur fékk eitt tækifæri á að eyða hringnum en gerði það ekki og varð það hans bani þegar hópur Orka ræðst á hann. Týnist hringurinn og finnur hann Gollum (Andy Serkis) og heltekur hringurinn hann í 500 ár. En þegar Gollum týnir hringnum finnur Bilbó hringinn og er með hann í mörg ár. Sagan byrjar þegar Bilbó er að halda upp á 111 ára afmæli sitt og segir hann þá í ræðu sinni að hann ætli að fara frá Héraði til að ljúka við sögu sína og lætur hann Fróða hringinn eftir sig. Gandalfur(Ian McKellen) fattar síðan þegar Bilbó er farinn hvaða hringur þetta er og lætur Fróða fara í ferð með hringinn ásamt Sóma (Sean Astin), Pípni (Billy Boyd) og Káti (Dominic Monaghan).


Þeir hitta Aragorn(Viggo Mortensen) á fáknum fjöruga og slæst hann í för með þeim til Rofadals þar sem Föruneytið er myndað. Í föruneytinu eru ásamt Gandalfi, Aragorn, Fróða, Sóma, Pípni og Kátni þeir Gimli(John Rhys-Davies), Legolas(Orlando Bloom) og Boromír(Sean Bean) þeirra för er að eyða hringnum í Dómsdyngju sem er í hinu myrka landi Mordor þar sem hringurinn var smíðaður. Á eftir þeim eru Svöru riddararnir eða Nasgúlarnir. Þeir fara í gegnum Moría vegna þess þeir geta ekki farið yfir fjallið vegna þess að Sarúman hinn hvíti(Cristopher Lee) býr til storm svo þeir verða að snúa við og fara í gegnum Moría. Á leið sinni í Moría hitta þeir helliströll og drísla og vekja upp Balrogginn. Þegar þeir eru að flýja yfir brúna í Kasað-dúm lendir Gandalf í hremmingum við Balrogginn og dettur þar niður með Balroggnum. Þeir halda leið sinni áfram og í kjölfarið deyr Boromír þegar hann var að reyna að vernda Pípinn og Kát. Sómi og Fróði verða viðskila við föruneytið og Pípinn og Kátur teknir af Úrúk-Hai og þeir Aragorn, Legolas og Gimli ferð sinni áfram til að reyna að bjarga Pípni og Kát og finna Fróða og Sóma aftur.


Þessi mynd var algjör gullmoli og fannst mér Peter Jackson leikstýra þessari mynd alveg frábærlega. Elijah Wood lék frábærlega og einnig léku Viggo Morentensen, Ian McKellen og Christopher Lee frábærlega.

OK byrjum nú á því að þakka Peter jackson fyrir að gera þetta snilldarverk eða fyrsu mynd í tryllogíunni úr the lord of the rings. Myndin fjallar í stuttu máli um hobbita (Frodo Baggins) sem fær hring að gjöf frá frænda sínum (Bilbo Baggins)sem er að fara í ferð til álfanna í frí tilað klára bók sem hann er að skrifa. En ekki kom það ´sér svo ve þegar hann Frodo fattar að í þessum hring er ekki allt með felldu . Þar sem í hringnum er máttur sem getur stjórnað því hvort að heimurinn verði á valdi góðs eða ills. En það eru fleirri sem vilja finna þennan hring og fá hann og gera heiminn vondann. Þeir sem eru sendir á eftir hringnum eru þeir einu sönnu Dark riders sem eru fornir riddarar sem félllu í orustu. Og eru nú komnir til að klófesta hringinn. En Frodo er ekki einnn á ferð heldur hefur hann fullt af mönnum með sér og þeir eru Aragorn,Legolas,Gimli,Gandalf,Boromir og svo hobbitana Marry- Pippinn og Sam svo að hann er ekki einn á ferð. Þeir leggja svo í ferð til að eyða hringnum og verður margt á vegi þeirra einsog t.d fullt af orcum og öðrum verum. En ég hvet alla sem hafa ekki´enn séð þessa mynd til að drífa sig að sjá hana því hún er hrein snilld og á ekkiað fara framhjá neinum. Peter Jackson sem sjá um að gera þetta meistaraverk er hreinn snillingur og gerði þessa fyrstu mynd trillogíunnar með sæmd og á heiður skilinn. Þetta er hreint meistaraverk og að mínu mati er bara GEÐVEIK. Davíð

Fellowship of the ring er fyrsta mynd þríleiksins af Lord of the rings.Þessi mynd fjallar um Fróða Bagga (Elijah Wood)sem eignast hring sem vill svo til að er máttarbaugur eð aðal Hringurinn sem var smíðaður af Sauron Myrkradróttni. Í hringnum var afl til þess að eyða Miðgarði( það er staðurinn þar sem sagan gerist). Vinur hans Gandalfur hinn grái, sem er vitki, (Ian McKellen) segir honum frá þessu en yfirgefur hann síðan til þess að leita ráða hjá öðrum vtka Sarúman hinum hvíta. Fróði leggur af stað ásamt tryggum þjóni sínum Sóma (Sean Astin) til Rofadals þar situr Elrond konungur álfanna þar. Með þeim slást í för Kátur (Dominic Monaghan) og Pípinn (Billy Boyd) og svo kemur seinna, Aragorn niðji Ísildurs (Viggo Mortens). Þeir hald áfram til rofadals eltir af hinum dularfullu og jafnframt skelfilegu Svörtu riddurum. Á endanum komast þeir til Rofadals við illan leik.Þá er ferðin nú bara rétt að byrja. Þeir fara frá Rofadal í níu manna föruneyti. Við hafa nú bæst Álfurinn Legolas Grænalauf prins Myrkviðar(Orlando Bloom), Dvergurinn Gimli Glóinsson (John-Rychs Davis) og Boromír sonur Dynþórs frá Gondor (Sean Bean). Þeir ferðast um í myrkrum Kazad Dum (Moría) koma við í Álfaríkinu Lot Lóríon. Í endan sundrast föruneytið í þrjá flokka. Hóparnir halda hver í sína áttina.

Þetta er góð mynd bardaga atriðin eru góð og dýptin í myndinni er yndisleg. Tónlistin er samt einna best.

Fellowship of the ring er fyrsta myndin af þremur af lord of the rings trílógíunni sem er til þessa búin að vera frábær en er þriðja og seinasta myndin að koma í bíó núna í desember. Þetta er uppáhaldsmyndin mín enda mjög góð mynd hér á ferðinni.


Myndin fjallar í stuttu máli um Hring sem Frodo Baggins fékk að gjöf frá frænda sínum Bilbó en gaf hann honum hann vegna þess að hann var að fara í frí til álfanna og ætlaði sér þar að klára bók sem hann var að skrifa. Kemst Gandalf að því að þetta er enginn venjulegur hringur heldur hringur myrkradróttins Sauron. Ekki er hægt að sitja á rassinum heldur þurfa þeir félagar Sam og Frodo að fara með hringinn í Rofadal þar sem ákveðið var um örlög hringsins.

Í Rofadal var svo haldið þing sem Elrond stjórnaði, urðu allir sammála um að fara og eyða hrignum en þurfa þeir að labba inn í Mordor og kasta hringnum þangað sem hann var uppruninn í Mount Doom. Föruneytarnir verða alls níu: Frodo, Sam, Gandalf, Aragorn, Gimli, Boromír, Legolas, Pippin og Merry.


Leikstjórinn Peter Jackson er einn af mínum uppáhaldsleikstjórum en gerði hann margar splatter myndir eins og the frighteners, Meet the Feebles, Bad Taste, Braindead og miklu fleiri spennandi og skemmtilegar myndir. Þessi frábæra mynd er allt öðruvísi heldur en þessar myndir sem ég nefndi en er þetta spennu/dramamynd ef þar má að orði komast, ekki jafn mikið og rugl og hans fyrri myndir. Allir leikararnir stóðu sig frábærlega en ætla ég ekkert að vera að nefna einn og einn.

Peter Jackson er að gera hreyna snilld með því að leikstýra myndum úr bókinni lord of the rings sem allir segja að séu mergjaðar bækur, veit ekkert sjálfur..get ekki lesið bók sem er meira en 300bls. Þessi mynd er besta, flottasta og skemmtilegasta mynd sem ég hef augum litið. Ef að Tolkien væri en á lífi yrði hann glaður að sjá sýna frábæru sögu í þremur hlutum fara fram svona ógurlega vel. Allur heimurinn heillaðist af þessari mynd, þar á meðal ég. Middle-earth átti að hafa verið til fyrir mörg þúsund árum í þessari sögu. Þar lifðu hobbitar, álfar, dvergar, galdramenn, orkar, uruk-hai, og alskynd verur. Í þessa mynd er lagt meiri vinnu en margir halda. Hvert einasta eitt smáatriði er vandað og flott, til dæmis hobbitún er bær hobbita sem er gerður á lítilli eyju við nýja-sjáland og er allur teiknaður á staðnum, smíðaður og loks myndaður. Þetta er æðisleg mynd fyrir alla aldurhópa og allir fýla þessa mynd í botn(sem eg þekki). Ég fór á þessa mynd einu sinni og síðan endaði það með 4 skiftum. Bíð mjög spenntur eftir þriðju myndini. Önnur myndin er nátturulega komin út núna..er að skrifa solldið seint um myndina.. Cr4cKeD

Þessi mynd er sankallað stórvirki í kvikmyndarsögunni. Ég hef lesið bókina og myndin nær henni fullkomlega. Söguþráðurinn er vel útskýrður í byrjun myndarinar og hefur Nýsjálendingurinn Peter Jackson gert það sem margir héldu að væri ómugulegt, að kvikmynda The Lord of the rings. Leikararnir eru snillingar og er Elijah Wood þar fremstur í flokki sem Fróði. Hann leikur hann af þvílíkri snild að það hálfa værin nóg. En eins og Peter Jackson sagðiu eitt sinn þá er helsti kostur Elijah að hann getur tjáð allar tilfiningar með augunum. Ian McKellen fer á kostum sem Gandalfur enda fékk hann óskarsverðlauna- tilnefnigu fyrir leik sinn í myndinni. Viggo Mortensen er líka fín sem maðurinn Aragorn en að mínu mati er Christopher Lee einn besti leikarin í þessari mynd þó hlutverk hans sé ekki stórt. En Sean Bean á lokin á myndini og fer hann þá á kostum sem Boromír. Tæknibrellurnar í þessari mynd eru stórkostlega og einig er tónlistin í myndini stórkostleg. The Lord of the rings: The Fellowship of the ring er mynd sem allir ættu að sjá enda er á ferðini þarna einn af bestu myndum kvikmyndsögunar.

Váááááá!!!!! The Fellowship of the Ring er tvímælalaust besta mynd ársins 2001. Það er mjög mikið rétt í þessu tagline-i, Hugarheimur Tolkiens var bók 20. aldarinnar nú er hann kvikmynd 21. aldarinnar. Þetta er ein besta mynd sem ég hef séð ef ekki sú besta. Peter Jackson tókst sko aldeilis vel upp. Í byrjun var sýnt hverjir höfðu fengið hringinn en mér fannst fúllt að gátukeppninni var sleppt en vá gæði myndarinnar bættu það sko upp. Sagan byrjar á 111. afmælisdegi Bilbo Baggins, handhafa hringsins. Nú er komið að því að hringurinn fari annað og er hann látinn í vörslu Frodo Baggins (frænda Bilbo´s). Seinna í myndinni er föruneyti hringsins skipað af: Bilbo, Sam, Pippin, Merry, Legolas, Gandalf, Gimli, Boromir og Aragorn sent til að eyða hringnum þar sem hann var búinn til. Ég ætla nú ekki að segja nánar frá söguþræði myndarinnar en ég get alltaf sagt að hún sé algjör snilld! Þegar ég fór á Master card forsýninguna (12.des) var spennan rosaleg. Þegar myndin var búinn sveif ég út úr bíósalnum. Ég var búinn að sjá eitt af snilldarverkum kvikmyndasögunnar!

Það er voðalega fátt hægt að segja um hana annað en meistaraverk.

Myndatakan, leikurinn, leikstjórnin, og allt er frábært

hvert sem þú lítur þú sérð engan galla.

Sagan er óaðfinnanlegt, því að J.R.R. Tolkien var snillingur.

Maður sem semur tungumál, landakort og svona frábæra sögu var bara hreint og beint SNILLINGUR.

ég lifði mig svo rosalega inn í þessa mynd að ég blikkaði ekki auga. Nú verð ég bara að bíða eftir Two Towers.

Mæli eindregið með þessari mynd.

HÚN ER SNILLD!!!!!

Hann Tolkien skrifaði meistaraverk sem tók hann 14 ár að gera og nú er komin bíómynd sem er hið mesta snilldarverk í heimi og enginn saga á eftir að slá þessa út.Viggo Mortensen, Rhys Davis og Orlando bloom leika hlutverk sín snilldarlega í þessari frábæru mynd.Mér fannst hún svolítið óhugnaleg og mjög spennandi það er alltaf eitthvað að gerast og uppáhalds atriði mitt er þegar þeir eru í Moría og í Héraði og ég hef séð mjög margar heimildar myndir um þessa mynd og ég hef séð margt hrikalega flott í þeim og ég hef líka séð úr því að það komi annar DVD diskur eða heldur fremur fjórir og á einum er hálftími af aukaefni sem var sleppt úr myndinni.Mér finnst hún alveg gallalaus og frábær.

Einstök kvikmynd sem tilnefnd var til 13 óskarsverðlauna 2001, en hlaut fern; fyrir besta hljóð, bestu tæknibrellurnar, bestu kvikmyndatökuna og bestu förðunina. Tilnefnd sem besta kvikmynd ársins, fyrir leikstjórn, leikara í aukahlutverki (Sir Ian McKellen), kvikmyndalag, listræna leikstjórn, hljóð, kvikmyndahandrit, klippingu og búningahönnun. Hringadróttinssaga eftir J.R.R. Tolkien er sennilega einhver rómaðasta skáldsaga allra tíma og hún er snilldarlega færð í glæsilegan kvikmyndabúning af Peter Jackson og útkoman jafnast á við það allra besta í kvikmyndagerð samtímans. Hringadróttinssaga gerist í Miðgarði þar sem allt úir og grúir af skrítnum verum sem margar hverjar búa yfir sínum eigin sérstæðu hæfileikum. Frodo Baggins (Elijah Wood) er ungur hobbiti sem fær það verk að granda galdrahring, en það er einungis hægt með því að kasta honum í eldgíg þann sem hann kom upprunalega úr. Frodo neyðist því til að halda ásamt föruneyti sínu yfir fjöll, dali og óvinasvæði, stöðugt eltur af illum verum sem eru útsendarar myrkrahöfðingjans Sauron, en hann vill ná hringnum og með því efla mátt sinn og megin. Ferðalag Frodo og félaga hans verður viðburðaríkt og framundan eru margar hættur og sífelldar áskoranir. Kvikmyndastórvirki sem hiklaust má telja til allra bestu kvikmynda ársins 2001 og þótt víðar væri leitað. Leikstjórn og öll umgjörð er í hæsta gæðaflokki og leikurinn er magnaður. Sir Ian McKellen fer algjörlega á kostum í hlutverki Gandalfs og hefði átt að hljóta óskarinn fyrir stórleik sinn, engin spurning. Elijah Wood er virkilega góður sem Frodo og sama má hiklaust segja um Christopher Lee, Viggo Mortensen, Hugo Weaving, Ian Holm og Sean Bean. Lord of the Rings: The Fellowship of the Ring, er eins og flestir vita einungis fyrsti hluti Hringadróttinssögu og athyglisvert verður að sjá framhaldsmyndirnar tvær. Ef þær verða jafn kraftmiklar og öflug meistaraverk er ljóst að einhver besta trílógía kvikmyndasögunnar mun líta dagsins ljós með þessu heildarverki Peter Jackson. Ég hvet alla til að sjá Hringadróttinssögu og njóta þessarar mögnuðu sögu og sannkallaðra meistaratakta í kvikmyndagerð. Þessi mynd er svo sannarlega í úrvalsflokki.

ÞVÍLÍK ARGANDI SNILLD. Aldrei á ævinni hef ég séð jafn snilldarlega vel skrifaða og ótrúlega vel leikna mynd. Og tæknibrellurnar eru með ólíkundum. Sagan er sem sagt um Fróða Þriðason sem er hobbiti og býst ekki við miklum ævintýrum þangað til að hann fær töfrahring nokkurn í hendurnar. Sá hringur gæti eytt öllu lífi á jörðinni ef rangar persónur meðhöndla hann. Illmenni að nafni Sauron reynir að ná hringnum og þá er Fróði sendur af stað til Mordor að eyða hringnum í eldfjalli nokkru. Þessi mynd er tvímælalaust sú besta sem ég hef nokkru sinni séð. Tæknibrellurnar eru þvílíkt flottar en samt tekst Peter Jacksson að láta þær ekki ná yfirhöndinni í þessari mynd sem má alls ekki gerast. Og bara handritið er einstaklega vel skrifað og leikararnir að standa sig vel. Ég get bara ekki beðið eftir að sjá The Two towers.

Thessi mynd er ekki eins gód og ég vonadi ad hún yrdi. thad er alltof miklu sleppt úr sogunni. eg er búinn ad lesa hana nokkrum sinnum og veit thess vegna nokkud mikid um hana. einnig finnst mér hormung ad adal augnablikk Froda thar sem hann hafneytar hinu ílla, hefdi verid tekid af honum til thess ad saetta einhver kynferdis sjónarmid. Hringadrottins saga er einn af mikilfenglegustu sogum jardar og thad ad breytta henni a einhvern hátt (ég tel ekki minniháttar atridi med svo sem eins og ad sagan er sogd í theym stil ad thér er sagt frá henni) er vanvirding vid hofundinn. ég vona samt ad thad verdi lengri útgáfa sem komi út á myndbandi og meiru auka efni verdi baett inn á DVD diskana. ég gef myndinni 3 stjornur og thad fyrir taekni brellur sem voru mjog gódar. og than hluta af sogunni sem var haldid óbreytt ad mestu leiti.

LOTR FOTR er tvímælalaust albesta mynd sem ég hef nokkurn tímann séð, enda er ég ekki vanur að gefa myndum fjórar stjörnur.Ég skrifa það bara að ef þú sem lest þetta ert ekki búinn að sjá myndina (sem ég tel ólýklegt)þá leigðu hana því að ég held ekki að neinn verði fyrir vonbrigðum að borga 500 fyrir að sjá hana þótt að það sé auðvitað miklu betra að fara á svona stórmyndir í bíó,en þá skaltu bara bíða eftir næstu myndunum sem að koma um jólin 2002 og svo 2003.Þá ætla ég á powersýningu og ég ráðlegg þér að gera það sama.Hvellur sem fékk 4 óskarsverðlaun takk fyrir.

Vá talandi um meistarastikki.

Sagan eftir Tolkien er virkilega vel túlkuð í þessari mynd, hvernig veit ég það? jú ég hef lesið bækurnar og megnið af myndinni er eins og maður sér fyrir sér þegar maður les bókina.

Það vantar að vísu stærðarinnar kafla í myndina úr bókinni, en þá hefði myndin heldur ekki geta verið í þremur pörtum, þeir yrðu mikið fleirri.

Tæknibrellurnar í myndinni eru til fyrirmyndar þær eru allsvakalega magnaðar enda fékk hún ekki óskarinn að ástæðulausu.

Leikararnir standa sig líka með príði.

Það er bara ekkei hægt að fara orðum um þessa mynd hún er bara meiriháttar í alla staði, en eitt er þó hægt að segja um hana þetta er BÍÓ mynd svo ef að þú ert ekki búinn að sjá hana, drífðu þig þá áður en hún fer úr bíó.

Persónulega sá ég hana í Lúxus og ég hefði ekki viljað missa af því.

Ég varð fyrir miklum vonbrigðum með þessa mynd, en ég er mikill aðdáendi bókarinnar. Til að byrja með þá er myndin alltof löng og verður gríðarlega langdreginn á köflum og eru margir algerlega óþarfir kaflar sem vel mætti sleppa. Í öðru lagi eru leikararnir ekki að standa sig og mér finnst alger skylda að valdir séu þekktir leikarar sem eru starfi sínu vaxnir. Ég hefði t.d. viljað sjá Sean Connery sem Gandalf, Hulk Hogan sem Aragorn og Paul Roeske (3 ninjas) sem hringberann. Í þriðja lagi er myndin ófaglega unnin í alla staði. Klipping og brellur eru annars flokks og myndin afskaplega óspennandi. Hrein móðgun fyrir Tolkien og hans aðdáendur.

Hér er mynd aldarinnar: Lord of the Rings: The Fellowship of the Ring. Hér er meistaraverk J.R.R. Tolkiens lifnað við á stóra tjaldinu og tekst leikstjóranum Peter Jackson meistaralega að skapa Middle Earth á alveg snilldar hátt.

Frodo er venjulegur hobbiti sem fær það erfiða verkefni að eyðileggja The One Ring og lenda í öllum þeim þvílíku ævintýrum og bardögum sem hann lendir í með föruneyti sínu: Gandalf, Aragorn, Legolas, Gimli, Merry, Pippin, Sam og Boromir. Það er nú ekki hægt að kvarta út af neinu hérna. Kvikmyndatakan, tæknibrellurnar, tónlistin, spennan, leikurinn hjá leikurunum, og sérstaklega hjá Ian Mckellen sem Gandalf, allar persónurnar í myndinni, eins og The Black Riders, Orkarnir, Gollum og endirinn, allt þetta er alveg magnað. Svo er líka, þótt hann komi lítið fram í myndinni, þá er Ian Holm alveg frábær sem Bilbó Baggins.Maður er búinn að sjá þessa mynd svona þrisvar sinnum og ég á örugglega eftir að fara aftur á hana. Og ég er alveg viss að það er fólk sem á örugglega líka eftir að fara og horfa á þetta meistaraverk aftur. Ég las bókina áður en ég fór á myndina og það er alveg ótrúlegt hvað Peter Jackson fer eftir bókinni. Nú bíður maður bara með mikilli eftirvæntingu eftir næsta hluta sem að ég held að verði betri út af því að ég las söguna og fannst mér hún mum betri heldur en fyrsti hlutinn. Ef þið dýrkuðuð fyrsta hlutann eins og ég gerði, þá skal ég lofa ykkur því að þið eigið eftir að dýrka næsta hluta miklu meir. Og nú þarf maður bara að bíða eftir næsta hluta:Two Towers.

Svo er Lord of the Rings tilnefnd til 13 Óskarsverðlaun.Það ætti nú að vera nóg til þess að segja um gæðin á þessu snilldarverki. Long Live Lord of the Rings.

Mér finnst þetta góð mynd.

Hún er um hobbita að nafni Frodo (Fróði) sem fær að gjöf hring sem er í raun mjög illur.

Núna er það hlutverk Fróða að fara þangað sem hringurinn var gerður og eyðileggja hann.

Föruneyti hringsins leggur nú af stað til fjallsins Mordor og lendir í miklum háska á leiðinni.

Þetta er fyrsta myndin af þremur og ég get ábyrgst að ef að þið sjaið þessa þá langar ykkur að sjá hinar.

Ég hvet alla til að sjá þessa mynd og henni getur aðeins verið lýst í tveimur orðum...


MÖGNUÐ MYND!!!!!!!!

Ég ætla mér ekki að fara með alla söguna hérna eins og margir hér fyrir ofan mig en segi þó þetta. Ef þið eruð ekki búin að fara á þessa hreint ótrúlega góðu mynd þá farið á hana STRAX!!! Jafnvel þótt að þetta sé svolítið öðruvísi en bókin þá er þetta samt alveg ótrúlega góð mynd. Í stuttu máli þá snýst myndin um stuttfót og félaga hans sem verða að fara með illan galdrahring í eldfjall þar sem hann var búinn til og eyða honum. Því annars mun hinn illi Sauron koma og taka hringinn og ná heimsyfirráðum.

Frábær ævintýramynd sem er ekkert verri en bókin/bækurnar. Snildarleikarar, snilldar-make-up, og geðveik action-atriði. Fjórar stjörnur umsvifalaust.

Ók, ég veit að það er kannski dálítið asnalegt að segja frá söguþræði fyrsta hluta Hringadróttinssögu í mjög stuttu máli en ég ætla nú samt sem áður að gera einmitt það!!!!

Aðalsöguhetjan er Frodo Baggins (Elijah Wood), ungur Hobbiti sem lifir sínu áhyggjulausa lífi í The Shire eða Héraðinu. Það sem hann veit ekki er það að hann á eftir að verða örlagavaldur alls Miðgarðs eða Middle-earth. Frændi hans Bilbo (Ian Holm) fer til álfanna á 111 ára afmælinu sínu og að skilnaðargjöf erfir hann Baggaenda og einnig hring sem Bilbo hafði fundið á ferðalögum sínum. Galdramaðurinn Gandalf (Ian McKellen) lofaði Bilbo að sjá um Frodo og áður en langt um líður fattar hann að hringurinn er sá hringur sem hinn illi Sauron lét smíða í djúpum eldfjallsins Mount Doom. Sauron glataði hringnum fyrir mörg þúsund árum en illska hans lifði áfram í hringnum og nú þegar hringurinn er kominn aftur upp á yfirborðið hefur hið illa vaknað aftur til lífsins í hinu myrka landi Mordor. Ef að Sauron kemur höndum aftur yfir hringinn þá mun hann fá vald til þess að ráða öllum Miðgarði aftur. Aðeins eitt er til ráða. Frodo verður að fara með hringinn til Mordor og eyða honum í eldfjallinu sem hann var skapaður í. Til að aðstoða Frodo er föruneyti hans, samsett af mönnum, dvergum, álfum og hobbitum. Upp leggja Frodo, besti vinur hans Sam (Sean Astin), hobbitarnir Pippin (Billy Boyd) og Merry (Dominic Monaghan), Gandalf, mennirnir Aragorn (Viggo Mortensen) og Boromir (Sean Bean), dvergurinn Gimli (John Rhys-Davies) og álfurinn Legolas (Orlando Bloom). Og ferðin er hafin.

Allt frá því ég heyrði að kvikmyndun Hringadróttinssögu ætti eftir að verða að veruleika gerði ég gríðarlega miklar kröfur til þeirrar myndar þar sem bók J.R.R. Tolkien tilheyrir heimsbókmenntunum. Ég var ekki viss um Peter Jackson sem leikstjóra og ég gerði stór spurningamerki við suma leikara myndarinnar eins og Elijah Wood sem Frodo. Þetta er í eina skiptið sem ég hef farið á mynd sem stóðst allar mínar kröfur og væntingar og gott betur. Það sem Peter Jackson hefur gert hérna er ekkert minna heldur en kvikmyndalegt kraftaverk. Þvílík bíóferð! Það var lífsreynsla að fara á þessa mynd. Þetta var örugglega svipað eins og fyrir þá sem voru á svipuðum aldri og ég er núna að fara á Star Wars árið 1977. Fyrir utan það að The Lord of the Rings er með pottþéttara handrit. Jackson ber greinilega djúpa virðingu fyrir verkinu en lætur það samt sem áður ekki stjórna sér. Myndin er þrír tímar en er svo góð að maður hefði alveg verið til í að sitja í tvo tíma eða meira í viðbót. Hugarheimur Tolkiens birtist manni ljóslifandi á hvíta tjaldinu. Allt í umhverfinu er fullkomið. Héraðið, Rivendell, námur Moriu, Lóríen eða Mordor. Þetta er veröld Tolkiens. Svona lítur hún út. Myndin spannar mörg tilfinningasvið. Hörkuspennandi, fyndin, hlý, ógnvekjandi (sérlega vel heppnað hvernig maður finnur einhvern veginn illsku hringsins) og það kemur á óvart hvað hún er átakanleg á köflum.

Ólíkt Harry Potter myndinni er Jackson ekkert að tefja við hlutina. Það tekur hann einungis um 5 mínútur að segja forsögu hringsins en þvílíkar 5 mínútur. Neðri kjálkinn á mér datt í gólfið. Eftir þessar 5 mínútur ákvað ég að henda poppinu mínu í ruslið af því ég vildi ekki missa af einni einustu sekúndu. Og öll myndin er ein samfelld dásamleg rússíbanareið frá upphafi til enda. Og allt er einhvern veginn svo ótrúlega vel heppnað, allt frá orkunum (yndislega ógeðslegir) til álfanna (fullkomnir í guðlegheitum sínum). Og þvílíkt leikaraval! Jackson hefur fundið einhverja töfralausn varðandi þá. Þeir eru bæði fullkomnir í leik sínum og útliti. Sean Astin er góður sem hinn trausti Samwise, Billy Boyd og Dominic Monaghan skemmtilegir sem Pippin og Merry, Viggo Mortensen hefur virkilega sterka nærveru sem aðalhetja mannanna (ef þessi mynd gerir hann ekki að stórstjörnu gerir engin mynd það), Orlando Bloom og John Rhys-Davies báðir traustir sem Legolas og Gimli, Christopher Lee ábúðarmikill að vanda sem hinn illi Saruman (frábært comeback fyrir Lee) og Ian Holm vekur samúð manns sem Bilbo Baggins. Það eru kannski bara tveir leikarar sem maður veit ekki alveg með. Liv Tyler gerir ekki mikið fyrir utan að tala fallega álfnesku og líta vel út en þar sem að þetta er lítil rulla og eiginlega tilbúin fyrir myndina er manni alveg sama. Og Hugo Weaving tekst stundum ekki alveg að losa sig við Agent Smith sem Elrond en það er svo smávægilegt að manni er eiginlega alveg sama líka. En þeir leikarar sem standa upp úr eru Cate Blanchett sem hin dularfulla Galadriel (virkilega fágaður og flottur leikur), Sean Bean sem Boromir (ein af þeim persónum myndarinnar og bókarinnar sem fær einna dýpstu samúð manns. Bean gerir henni listavel skil). Ian McKellen er fullkomnunin sjálf sem Gandalf (stígur hárnákvæmt jafnvægi á milli fyndni, visku og mikils krafts). Og loks Elijah Wood sem Frodo. Wood nær algjörlega þeim breytingum sem verða á Frodo frá því að verða sæll og áhyggjulaus Hobbit yfir í það að verða hugrökk en þrúguð sál. Álit mitt á Wood sem leikara hefur snarlega vaxið.

Ég veit ekki hvað meira ég get sagt um þessa mynd nema það að hvað ævintýramyndir varðar þá verður varla náð betri árangri en með þessari mynd. Maður brennur í skinninu eftir að sjá þá næstu í seríunni. Þetta eru einu myndirnar hingað til sem gætu sláð út gömlu Star Wars myndirnar sem bestu ævintýramyndir allra tíma. Sjáið þessa mynd á stórum skjá og fáið lífsreynslu. Algjört meistaraverk!!!!!!

Ég hef lesið allar bækurnar sem eru frábærar. Myndin er ekki mikið verri, þó að ég hefði viljað hafa hana miklu stittri. Allir leikararnir eru góðir og brellurnar eru geðveikar. Ekki hef ég mikið meira að segja. Hún er samt ekki snilld og ég kenni lengdinni um það.

Algjör snilld, ég vissi ekkert við hverju ég átti að búast þegar ég sá trailerinn. Þetta er besta mynd sem é hef séð og tæknibrellur eru þær bestu sem ég gæti hugsað mér. Þarna eru myrkraverur sem ég hef ekki áður séð. Þetta er klassísk mynd um baráttu góðs og ills. Fróði, saklaus og friðsæll hobbiti, veit ekki hverju hann á von á þegar góðan vin ber að garði og innan tíðar er hann á flótta undan skrímslum, púkum og öðrum myrkraverum. Bara klassi!

Aldrei bjóst ég við að finnast þessi mynd eitthvað góð. Ég hef ekki lesið bækurnar og gerði stólpagrín að Hannesi félaga mínum fyrir það að hlakka til að sjá myndina um síðustu jól. Ég ákvað að fara á The fellowship of the ring til að sýna sjálfum mér hversu asnalegt þetta Lord of the rings dæmi væri. EN VÁ, aldrei á ævinni hefur mér skjátlast jafn mikið. Myndin er svakaleg. Hún er stórkostleg. Það eru fá orð sem geta lýst þessum heimi sem Tolkien bjó til. Elijah Wood er mjög góður í myndinni sem Frodo og vinur hans Sam er einnig mjög flottur. Svo má náttúrulega ekki gleyma Gandalf. Hversu töff er sú persóna! Þessi mynd lítur alveg ótrúlega vel út. Allt umhverfið, náttúran, klettarnir, hellarnir, þetta er allt stórkostlegt. Þó að myndin sé frekar löng þá tekur maður lítið sem ekkert eftir því vegna allrar spennunnar sem myndast við að horfa á myndina. Þegar ég fór á myndina þá fór ég með því hugarfari að myndin yrði í besta falli ágæt en nú get ég ekki beðið eftir framhaldi myndarinnar og er mjög leiðinlegt að þurfa að bíða í ár eftir framhaldi og síðan annað ár eftir að sjá endinn. En ég mun svo sannarlega bíða spenntur eftir báðum myndunum!!!!!!!

Þetta er til allra sem eru að spá í að fara á LOTR (og nenna ekki að lesa km langa textan fyrir neðan), það fyrst er að þessa mynd verða, ég endurtek VERÐA allir að sjá. Ég var með þeim fyrstu á landinu til á sjá þessa mynd og í stuttu máli PURE SNILLD. Þeir sem ekki fara á þessa mynd er klikkaðir, spyrjið bara vin minn hann hefur farið á myndina 3-5 sinnum ef ekki oftar og núna erum við báðir að bíða í spenningi eftri næstu mynd. Ef þig langar á undra leiðangur til hobbitana eða hitta vondu kallana í hasar og skemmtilegu fylltu blandi er þetta myndin til þess........

Ég er ekki að fatta hvað er skemmtilegt við þessa mynd???? En hún fær eina og hálfa BARA ÚTAF ATRIÐINU SEM AÐ ELTINGALEIKURINN VIÐ ÁLFASTELPUNA VAR það var klikkað flott atriði....Og líka hvað Fróði var vel leikinn.

(ÞESSI UMFJÖLLUN INNIGHELDUR EFNI UM BÓK 1 OG 2, OG ÞEIR SEM EKKI VILJA VITA NEITT UM ÞAÐ SKULU EKKI LESA ÞETTA). Ég byrja á því að segja ða þetta hafi verið bara rosalega góð ævintæyramynd sem var betri en ég hélt fyrst og fremst. Allir leikararnir stóðu sig reglulega vel, en samt hafði vantað nokkrar skondnar persónur sem voru úr bókinni, Föruneyti Hringsins (Tom Bombadail og Glorfiundil). Eljah Woods var FRÁBÆR sem Fróði, en mér fannst hann alltaf svo glataður. Hobbitarnir þrír voru bráðskemmtilegir allir saman(enginn þeirra leikara var þekktur). Brellurnar eru geggjaðar og Orkarnir(og líka hringvomarnir) voru voðalega vel gerðir, í förðun. mörg atriðin í myndini voru cool, eins og þegar Ferðarneytið var í Moría.

Það er eitt sem mér fannst skrítið, og það var þegar(spoiler) Gandalfur datt ofan í gjána, og vinir mínir (sem höfðu lesið bók nr.2) sögðu mér að hann lifði það fall af. Þetta er bara smá pæling, en ætli ástæðan verði ekki bara sögð í næstu mynd. Þeir sem eftir eiga að sjá hana skulu drífa sig...STRAX.

Ég hef ekki lesið Hingadrottinssögu en ég hef lesið Hobbitann, og mér fannst það frekar þægilegt því þá vissi ég svona helstu persónur.Ég viðurkenni að ég var skíthrædd alla myndina og gat ekki slakað á nema í 10sekundur án gríns. Kannski er þetta bara aumingjaskapur í mér en samt, það voru allar vinkonur mínar að kúka í sig og sömuleiðis vinir mínir sem eru flestir mjög harðir af sér!!!!!!




Svo brá mér alveg hræðilega mikið a meðan myndinni stóð. Svo var hvert atriðið á fætur öðru stórkoslegra og stórkoslegra. Ein og þegar orkarnir eða okrarnir, man aldrei hvað þetta heitir og dríslarnir voru alveg ofboðslega vel gerðir og líka þá þegar þeir komu var álfurinn,Legolas hann miðaði varla bara skaut á þá, GEÐVEIKT!!!! Síðan varég grenjandi allann tímann meðan hinn karlinn,ekki Gandalfur heldur hinn dó,það var allt of hetjulegur dauðdagi.Reyndar fór ég líka að skæla þegar Ganddalfur dó því að hann var uppáhalds persónan mín, á eftir honum er Legolas álfurinn. En ég hef ekki meira að segja en þetta er stórkosleg mynd og ég vona að allar hinar verði jafn æðislegar. Þetta er án efa besta mynd sem ég hef séð og já líklegast allra tíma!!!!!!!!!!!!!!!

Hringadróttinssaga



Myrkrahöfðinginn er að sigra. Hinn illi andi Sauron smíðaði galdrahringa handa helstu foringjum álfa, dverga og manna og gaf þeim. Síðan smíðaði hann með leynd Hringinn Eina sem stjórnar öllum hinum og fól í honum sitt sterkasta afl. Hringurinn Eini er búinn að vera týndur í 3000 ár, en nú er hann fundinn og Sauron veit það, ekkert mun fá stöðvað hann, nema eyða hringnum í þeim sama eldgíg og hann var smíðaður í.


Þetta er uppistaðan í ævintýri Tolkiens um hobbitan Frodo og félaga hans. Minnið er hin sígilda barátta góðs og illa í anda Grimmsbræðra og H. C. Andersen. En sagan er annað og meira. Hinir góðu hrasa oftar en ekki, græðgin og stærilætið eru skuggar hinna góðu og göfugu, í hinu illa búa svikin og fláræðið. En hverjum má treysta til að fara hina miklu för með hringinn inn í gíg Dómsdagsfjalls og kasta honum í eldiðuna ? Hver hefur úthald til ferðarinnar og staðfestu til að láta ekki undan töfrum hringsins ? Hér dugar ekki andinn hreini (Gandalf), ekki gæfan og göfuglyndið (Legolas álfur), ekki kjarkurinn og áræðið (Gimli dvergur), ekki hetjan konungborna (Aragon), ekki hermaðurinn hrausti (Boromir) aðeins einfeldni og tryggð hins veika getur tekist á við ofurvaldið og haft sigur. Hobbitinn Frodo og félaga hans eru þeir einu sem geta borið hringinn og staðið af sér seið hans og löngunina til að nota hann sjálfir. Og þó, þegar Frodo bregst á örlagastundu er það hið útskúfaða úrhrak Gollum sem óvart drýgir dáðina.


Snilld Tolkiens er þessi mikla dýpt sögunnar. Hún hefur gert Hringadróttinssögu að því sem hún er, fyrirmynd nútíma ævintýrasagna, sem hafa sprottið upp eins og gorkúlur í kjölfar hennar. Í flestum eru hetjurnar á endalausu ferðalagi rétt eins og hjá Tolkien, en þær skortir hina sterku lifandi heimsmynd Tolkiens þar sem allar verur eiga sér sína sögu, sitt tungumál, ritmál og bókmenntir. En hreinust er snilld Tolkiens í goðafræði Miðjarðar, bókinni Silmarillion sem segir frá sköpun heimsins, falli engilsins Melkor og harmsögu niðja alföður, álfa og manna, í baráttunni við hin illu öfl. Þetta er mikil saga þar sem hinar hreinlyndu álfapíur af og til láta fallerast með ungum og myndarlegum mönnum og verða þá að yfirgefa hið eilífa álfalíf og gerast dauðlegar. Í fyrstu botnar maður ekkert í þessari rómantík í hinum annars þurra texta Tolkiens, uns ljósið rennur upp fyrir lesandanum, þarna er verið að leggja grunninn að Arwen og Aragon sem birtast í Hringadróttinssögu og fullkomna ætlun alföður, að hinir frumbornu niðjar hans álfarnir, skulu í fyllingu tímans láta hinum síðbornu niðjum alföður, mönnunum, eftir jörðina. Frjósemin og dauðin skulu í sameiningu sigra eilífðina. Ef Hringadróttinsaga Peter Jackson leikstjóra tekst vel þá tekur hann áreiðanlega Silmarillion næst, rétt eins og Georg Lucas gerði fyrst þrjár stjörnustríðsmyndir og byrjaði þá á byrjuninni að því verki loknu ! . Og þá fá menn að sjá alvöru hasarmynd. Engin hetja í Hringadróttinsögu gerir svo mikið sem slaga upp í hetjurnar í Silmarillion og engin skrímsli hálfdrættingar á við skrímslin þar.


Fyrsta myndin í Hringadróttinsögu fylgir fyrstu sögu Tolkiens, Föruneyti hringsins af mikilli trúsemi. Leikstjórinn Peter Jackson hefur þó ekki getað stillt sig að flétta heilmiklum Hollywoodhasar inn í myndina, sem því miður yfirgnæfir margslunginn boðskap Tolkiens. Þetta er væntanlega gjört svo þeir sem ekki skilja Tolkien hvort eð er fái þá líka dálítið fyrir sinn snúð, en sofni ekki í sæti sínu yfir hreinum dyggðum og háleitri göfgi. Hið langa ferðalag verður röð af bardögum þar sem dulúð Gandalfs og gagnkvæm samskipti félaganna í föruneytinu verður að víkja fyrir sverðaglamri og hetjudáðum. Þó er dálítið reynt að fá fram hinn sanna Tolkienanda í lýsingunni á búgarði Elronds í Rivendell og álfaskjóli Galadriel drottningar í Lothlorien. Í sögunni er hún hin spakasta meðal álfa, svo gömul að hún man sköpun heimsins og eldri en Elrond sjálfur, sem er góðlátlegur miðaldra álfur í myndinni. Galadriel myndarinnar er hinsvegar sexy Hollywoodpía, en það er sjálfsagt eina ráðið til að láta alla bíógesti skilja þá töfra sem umlykja persónu hennar. Því miður missir sú persóna marks í myndinni, í sögunni er Galadriel fulltrúi tryggðarinnar, það er sem hún fær félagana til að skilja þýðingu samstöðunnar og vináttunnar. Myndin sýnir t.d. ekki hvernig dvergurinn Gimli heillast af henni, hennar vegna leggur hann til hliðar fyrirlitningu dvergaþjóðarinnar á álfum og bindst eilífum vináttuböndum við álfinn Legolas. Nauðsyn vináttu og virðingar milli þjóða og kynþátta fer ekki framhjá Tolkien, en passar kannski ekki eins vel inn í hasarmynd í Hollywoodstíl.


Eigi að síður er myndin meistarastykki og allra þriggja tímanna virði sem hún tekur í sýningu. Heimsmynd Tolkiens er tími riddarasagna í Evrópu og þannig er myndin sviðsett. Tolkien fléttar flestum þekktum menningar- og goðsagnaminnum úr klassískum fræðum inn í sína sögu og skapar þjóðunum eiginleika úr þeim. Þannig fá dvergarnir töluverðann skammt af hetjuskap úr norrænnni goðafræði, meðan álfarnir stunda bókmenntir í anda Grikkja og Rómverja á milli þess þeir berja á hinu illa rétt eins og rómverski herinn gerði til að varðveita pax romana. Mennirnir fá í sinn hlut lénsveldistímann í Evrópu, Artúr konung, Karlamagnús og alla þá kappa plús alla þá blöndu af göfgi, hetjuskap og sviksemi sem þeim tíma tilheyrir. Öllu þessu steypir Peter Jackson í einn pott og tekst að sjóða það saman í fjölbreytta og skemmtilega heild. Vonandi fær myndin fólk til að leggjast í alvöru yfir bókin, rýna í táknmálið og skilja hver með sínum hætti þá stókostlegu sýn á okkar veröld sem í henni felst.


Jónas Elíasson

Sannköllud stórmynd, en samt er fullmikill Hollywood bragur á henni. Bókinni verdur líklega hægt ad lysa á hvíta tjaldinu.

Ég verð bara að taka það fram að þetta er besta mynd sem ég hef séð á ævi mynni. Ég var búinn að bíða eftir þessari mynd heillengi og loksins kom hún í bíó. Við ætluðum í Lúxussalinn í Smárabíó en það var uppselt. Lord of the Rings var sýnd í þremur sölum í Smárabíói en það voru bara nokkrir miðar eftir þegar við keyptum miða. Ég fór með pabba mínum. Ég var búinn að kaupa nammi og ég kom mér vel fyrir. Það var svona tíu mínutur þangað til að myndin byrjaði. Salurinn fylltist af fólki á einni mínutu. Síðan byrjaði myndin. Rosaleg góð byrjun ég horði á myndina án þess að líta af henni hún var svo vel gerð. Verst að J.R.R. Tokien sé dáinn annars hefði hann geta séð þessa snilld með sínum eigin augum. Hann hefði eflaust verið rosa ánægður með þessa túlkun á bókinni sinni (þeir eru reyndar fjórar eins og allir vita). Hún var rosalega vel leikin og góðir og vel valdnir leikarar. Elijah Wood var rosalega sannfærandi sem Hobbitinn Frodo Baggings, Ian Mckellen sem Gandalf og Christopher Lee sem Saruman. Allt frábærir leikarar. Þessi mynd er frábærlega leikstýrð af Peter Jackson. Margir héldu að það væri ómögulegt að kvikmynd þessar sögur en það tókst(það er búið að gera allar myndirnar) en bókin The Hobbit er ótrúlega vel skýrð í fyrstu myndinni. Það tók tvö ár að gera allar myndirnar og mikið ævintýri fyrir leikaranna að leika í þessum myndum. Þessi mynd á örugglega eftir að sópa inn öllum Óskurunum. Lord of the Rings: Fellowship of the Ring var rosalega góð og ég býð spenntur eftir seinni hlutanum The lord of the rings:The two Towers. Þessi mynd skartar góðum leikurum og vel leikstýrð, góðar tæknibrellur og semmtilegt ævintýri. Þannig að ég bið alla að skella sér á þessa mynd og hafa það gott.

Ég sá myndina fyrst 17. des en þurfti eiginlega að sjá hana aftur áður en ég treysti mér til að skrifa dóm um hana. Ég er Tolkienaðdáandi, ekki einn af þeim sem hefur lesið allt sem hann skrifaði heldur bara LotR og Hobbit. Í fyrsta lagi verð ég að segja að þetta er flottasta mynd sem gerð hefur verið en hver veit hvað það mun standa lengi. Hins vegar rifjast upp fyrir manni Jurassic Park sem var á sínum tíma það flottasta sem maður hafði séð, sú mynd treysti á brellurnar til þess að skyggja á veika sögu, Fellowship of the Ring er ekki af því taginu. Sagan er að sjálfsögðu góð enda grunnurinn frábær, það hefði að sjálfsögðu verið auðvelt að klúðra þessu en svo fór ekki. Breytingarnar á sögunni eru nokkrar og maður saknar nú sumra atriða og persóna en í allt var þetta vel heppnað. Stærsti gallinn er líklega hve lítið maður fær að vita um þær persónur sem skipa Föruneytið en líklega hefði það verið ómögulegt án töluverðrar lengingar á myndinni. Þetta er ein besta mynd allra tíma, farið nú og lesið bækurnar.

Ég fór á LOTR:FOTR 1. janúar 2002 með mjög mikilli eftirvæntingu vegna þess sem að bókin er snilld og allar

umfjallanir sem ég hafði lesið um hana hljómuðu upp á fjórar

stjörnur. Ég held ég hafi aldrei séð eins flotta leikmynd og landslag og tæknibrellur í mynd að það á alveg skilið fjórar stjörnur. Þetta er alveg frábært efni sem er farið illa með!

Leikurinn hjá flest öllum er góður en myndin heldur ekki alveg

nógu vel upp spennu allan tímann og inn á milli koma gloppur sem standa í svona korter og ekkert gerist nema væmið kjaftæði.

Ég ætla rétt að vona að næstu tvær verði ekki eins slæmar.

Og í stórum dráttum er þessi mynd góð en langdregin, vel leikin, góðar brellur og aðeins of mikið af þessu væmna.

En hvet samt sem flesta til að sjá þessa mynd.

Takk fyrir.

Frábær mynd í alla staði! Ævintýri af allrabestu gerð. Þessi mynd er óóóóóóótrúleg veisla fyrir augað og þvílíkt spennandi! Leikararnir standa sig allir geysivel, myndatakan og brellurnar eru æðislegar, og vá hvað staðurinn er fallegur, Nýja-Sjáland!! Allir geta haft gaman að þessari, hvort sem þeir eru kunnugir sögunni eða ekki. Ég reyndar nagaði mig í handarbökin fyrir að vera ekki búin að lesa söguna eins og hún leggur sig og hef ákveðið að skipta öllum jólabókunum í Hringadróttinssögu, ég hef jú ár til að lesa næsta hluta :)

Þetta er besta myndin sem ég hef séð á ævi minni, ég var á nálum alla myndina. Ég var aldrei búinn að lesa bækurnar en ég ætlaði mér að gera það. Verst er að J.R.R.Tolkien sé dáinn annars hefði hann geta séð þessa snild með sínum eigin augum. Það hlýtur að vera mikil upplifun hjá leikurunum að leika í þessum myndum.Það tók þá tvö ár að leika í öllum myndunum. Ég tek það fram að það er búið að gera allar myndirnar . Þessi mynd á örugglega eftir að sópa inn öllum Óskurunum. Hljóðið var gott,klippingin var góð,myndatakan var frábær,hún var vel leikin,vel leikstýrð og allt.Fyndin og góð mynd sem allir ættu að sjá. Ég gef þessari mynd fjórar stjörnur af því að ég aldrei séð svona góða mynd og nú býð ég spenntur eftir framhaldinu.Þetta er bylting í kvikmyndaheiminum.Og ég legg öllum það að taka sér tak og fara á þessa snilld. Nefnið eitthvað sem er leiðinlegt við þessa mynd.

Það er ótrúlegt að sjá hvernig Peter Jackson er búin að setja The Lord of the rings á hvíta tjaldið sem telja mátti ómögulegt! Þegar ég fór að sjá myndina trúði ég ekki mínum eigin augum! Um helstu persónur myndarinnar: Elijah Wood leikur Fróða Þriðason sem er sjálfur hringberinn og fær hringinn frá frænda sínum Bilbó! Sean Astin er einn besti vinur Fróða að nafni Sómi Gamban hann fer með honum og lendir í Föruneitinu! Billy Boyd leikur Förung að öðru nafni Pípinn lendir eiginlega óvart í þessa ferð! Kárdúkur eða Kátur er leikinn af Dominic Monaghan sem er í sömu stöðu og hann Pípinn!

Hann Gandalfur Grái er leikinn af Ian McKellen sem er vitkinn sem er góðvinur Fróða og Bilbó! Viggo Mortensen er Aragorn Araþornsson þekktur líka undir nafninu Stígur og Ellessar (Álfasteinn) hann er rekkur og ættingji Íshildurs og er mjög mögnuð persóna í bæði bókum og mynd ( það finnst mér allavega )!

Legolas er leikinn af Orlando Bloom sem er álfur í Föruneitinu!

John Rhys Davies er Gimli Glóinsson sem er dvergur sem er skipaður í föruneitinu! Sean Bean er Boromír maðurinn frá Gondor sem er einnig í Föruneitinu! Cristopher Lee er Sarúman förseti Vitkaráðsins! Og Ian Holm leikur frænda Fróða Bilbó Bagga sem náði hringnum frá Grolli! Hubo Weving er Álfakonungurinn í Rofadal hann Elrond! Liv Tyler er Arwen dóttir Elronds! Cate Blanchett er hin magnaða Álfadrottning Lotlóríen og Marton Csoakas er Celeborn Álfakonungur Lotlóríen!

Þessi mynd er alveg ótrúleg skemtilegur húmorinn hjá Káti og Pípni og Moría var mjög óhugnalegt! Þegar á myndina er horft er ekki um að villast hvort þetta sé maður, hobbiti, dvergur eða álfur! Ég saknaði samt sumra atriða sem mér finnst mjög skemmtileg eins og þegar Legolas ætlaði að sækja sólina á fjallinu en sagði að hún vildi ekki koma með sér! En mest sakna ég Tuma hvað sem hann nú var ( hann bjó nálægt kumlhólum )! En einnig fanst mér vanta vináttu Gimla og Legolasar og vona að vináttan komi fram næst! En sama hvort maður var búin að lesa bókina eða ekki var maður mjög spenntur á köflum! Og Hringavomarnir voru mjög óhugnalegir og skrækir þeirra nístu inn í merg og bein!

En þangað til næsta mynd kemur verð ég eftir að glápa á þessa mörgum sinnum á spólu!

Það eru til sögur sem eru svo stórkostlegar að manni finnst kvikmynd eftir þeim gæti aldrei orðið nema til þess að eyðileggja sögurnar. Til allrar hamingju vissi Peter Jackson nákvæmlega hvað hann var að gera og hann ber fullkomna virðingu fyrir sögunni og þessvegna heppnast þetta metnaðarfulla verk. Ég botnaði ekkert í þessu leikaravali fyrr en ég sá myndina. Fáir stórleikarar á ferð en þó margir traustir. Mest reynir vitaskuld á Elijah Wood í hlutverki Fróða og kemst hann virkilega vel frá því. Maður fékk það strax á tilfinninguna að leikararnir hefðu gefið sig alla í þetta verk líkt og allir sem komu að þessari mynd virðast hafa gert. Tæknilega séð nálgast myndin fullkomnun. Hún er feikilega góð í heildina og þó einhverntíman hafi sést betri leikur á tjaldinu, þá einfaldlega skiptir það ekki máli hér. Áhorfandinn þjáist og gleðst með föruneyti hringsins yfir sorgum og sigrum, þessi mynd heldur manni við efnið allan tímann og rúmlega það. Allt útlit, leikmyndir, búningar og tæknibrellur slær nánast öllu við sem ég hef áður séð. Þá er kvikmyndatökuvélinn beit mjög lipurlega og dýpkar myndina mikið. Ekki er músikin heldur til að skemma fyrir. Það er þegar ljóst að þetta er upphafskafli í seríu mynda sem verður ódauðleg líkt og Star Wars, Indiana Jones og Alien. Miðað við fyrstu myndina þá slær þessi þeim öllum við. Hér er um þriggja tíma snilld að ræða og ef þessi mynd á ekki eftir að hirða marga óskara þegar þar að kemur, þá er eitthvað að. Ég segi ekki að þetta sé besta mynd sem ég hef séð en hún kemst allavega á topp 5 hjá mér og hef ég séð ansi margar myndir í gegnum tíðina. Svona í lokin: nú á víst að fara að kvikmynda Njálu sem er annað ódauðlegt bókmenntaafrek og þó Baltasar sé góður leikstjóri þá liði mér betur ef hann fengi Peter Jackson til þess að aðstoða sig!

Það verður að viðurkennast, og gerir það ljúflega, að LOTR1 er mjög góð mynd, skemmtileg og vel gerð. Þó er myndin ekki án galla.

Ég er búinn að sjá myndina tvisvar.

Strax í fyrra skiptið tók ég eftir því að tæknibrellurnar, sem hér hafa verið lofaðar í hástert, voru almennt mjög góðar en þó var á um það bil 4-5 stöðum í myndinni sem ekki hafði verið gáð nægilega vel að því að gæta samræmis milli forgrunnar og bakgrunnar, einnig var í einu samtali Frodo og Gandalf á Bag End galli á samsetningu þegar báðar persónurnar voru í mynd í einu (þar sem það er tekið upp í tvennu lagi vegna stærðarmunar persónanna). Að öðru leiti voru brellurnar til fyrirmyndar og hefðu sómað sér með stakri prýði í mynd sem hefði eigi verið jafn grandskoðuð og þessi.

Ég hef ekki lesið bækurnar og var því ekki fullkomlega kunnugur sögunni þegar ég sá myndina í fyrra skiptið en tók eftir því að sagan sjálf hentar ekki vel til frásagnar í A-mynd, þar sem ferðalagið skiptir bara OF miklu máli, þó komast handritshöfundarnir mjög vel frá því og eigi hrós skilið.

Í seinni umferð sá ég hvurnig sett eru af stað mörg plott (um það bil tíu eða fleiri) sem eru ekki kláruð (gott dæmi er ástarsamband Aragorns og Álfaprinsessunnar) þótt þessi plott verði kláruð í síðari myndum og ekki verði hjá þessu komist er þetta eitt af einkennum B-myndar.

Hér dró ég fram hina slæmu þætti myndarinnar sem er smávægilegir þegar litið er á heildarmyndina af myndinni. Myndinni til sérstaks hróss vil ég nefna leik Elijah Wood sjaldan hefi ég séð annan eins snildar leik, að maður tali nú ekki um hjá jafn lítilreyndum leikara, aðrir leikarar standa sig einnig vel, tónlistin sómar sér vel og allir aðstandendur eiga hrós skilið.

Að lokum vil ég segja að mér fannast myndin stórkostleg og fjærri því að vera B-mynd, hún er ein af fjórtán beztu myndum sem ég hefi séð. ég vildi bara aðeins hrista upp í mönnum og vekja til umhugsunar.

Ég hafði forðast að horfa alla þá trailera, auglýsingar og heimasíður sem tengdust þessari mynd, áður en ég fór á hana.

Eiginlega vegna þess að ég vildi fara á hana og sjá allt í fyrsta skipti. Ég verð eiginlega að segja að þessi mynd sló mig útaf laginu, því að í fyrsta lagi, fylgir hún bókinni rosalega vel eftir, í öðru lagi, leikararnir smellpössuðu í hlutverkin og í þriðja lagi var útlit og heimurinn alveg frábær eftirlíking úr bókunum. Þessi mynd er fyrir alla, bæði hörðustu Tolkien aðdáendur og almennan kvikmyndaunnenda.

Peter Jackson á mikin heiður skilin fyrir þetta stórvirki. þetta er mynd sem ég á eftir að sjá nokkrum sinnum í bíó ;)

Besta mynd sem gerð hefir verið eftir bestu bókum sem gerðar hafa verið . Fullkominn Mögnuð , ég gæti haldið endalaust áfram með lofsyrðin því myndin á þau svo sannarlega skilið . Hún á skilið mikið meira enn hæstu einkunn . Ian McKellen er magnaður sem Gandalfur grái , Christopher Lee er brill sem Sarúman hvíti , Elijah Wood , Ian Holm , Sean Astin , Liv Tyler , Cate Blancett , Sean Bean,Andy Serkis , og allir aðrir leikarar standa sig fullkomlega í þessari fullkomnu mynd snillingsins Peter Jackson , eftir bókum snillingsins J.R.R. Tolkien . Að vísu er myndin alls ekki fyrir ung börn , því hún er mjög dimm og of ógeðsleg fyrir ungt auga . Samt allir sem eru nógu gamlir ættu að sjá . Bækurnar(og myndin þar af leiðandi) fjalla í stuttu máli um ferð hobbita , manna , álfa , og dverga ásamt vitkanum Gandalfi að eyða hringnum eina , sem myrkradróttinn skapaði til að stjórna öllum hinum galdrahringjunum í þeim heim . Ég segi ekki meira um söguþráðinn , en ég held að Peter Jackson hafi gert það rétt með því að sleppa Fornaskógarhlutanum(og Kumlhóli og því), af því það þurfti náttúrulega að sleppa einhverju . Vonandi bara að hinar myndirnar verði eins góðar(sem ég er sannfærður um ) og ég bíð með mikilli eftirvæntingu eftir næstu mynd .

Það er líklega rétt að byrja þessa umfjöllun á að taka fram að ég hef ekki komið því í verk að lesa Hringadrottinssögu Tolkiens, enda er ég lítið fyrir ''fantasy'' bókmenntir. Lengst af get ég ekki sagt að ég hafi beðið þessarar myndar með mikilli eftirvæntingu, en það fór að breytast eftir að mikið af gífurlega jákvæðu umtali um myndina fór að berast til mín. Óhjákvæmilegt var að væntingar væru miklar, enda myndin búin að fá fjórar stjörnur frá öllum helstu gagnrýnendum út í heimi (nema Roger Ebert, sem gaf henni þrjár stjörnur eftir að hafa gefið Harry Potter fjórar). Þegar öllu er á botninn hvolft er það besta sem hægt er að segja um FOTR líklega það að hún stóð vel undir væntingum. Þetta er afskaplega vel gerð ævintýramynd með heilum helling af spennandi bardagaatriðum, ævintýralegum persónum og framandi umhverfi. Tæknibrellur eru notaðar í miklum mæli og eru þær allar fyrsta flokks. Ekki er hljóðrásin heldur síðri. Myndin er gífurlega löng (um þrjá tíma) en notar þann tíma vel og lætur áhorfendum aldrei leiðast. Ég vissi alltaf að þetta væri fyrsta myndin í trílógíu, en það kom mér dálítið á óvart að hún hefur engan raunverulegan endi - það vantar bara að það standi ''To be continued..'' þegar myndin endar - og svipar að því leyti dálítið til The Empire Strikes Back. Þetta dregur myndina samt ekki langt niður og gerir mann auðvitað spenntann fyrir framhaldinu sem verður vonandi af sama gæðaflokki. Ég efast stórlega um að ég myndi nokkurntíman gefa ævintýramynd fjórar stjörnur en FOTR er engu að síður eins góð og nokkur ævintýramynd getur vonast til að verða. Jákvæða umtalið sem fylgir myndinni á að mestu leyti fullkomlega rétt á sér og það er sannarlega rétt að hér ein best mynd ársins komin fram.

Þessi mynd er ótrúleg, hún hefur allt frá spennu og gríni til drama og gleði. Sjálfur fór ég á þessa mynd með þvílíkar væntingar, og ég verð að segja að þessi mynd stenst þessar væntingar fullkomlega. Það ótrúlega við þessa mynd er hvað hún er fullkominn það einhvern veginn vantar ekki neitt. Hún heldur manni alveg við efnið og þó hún sé ekki alveg við bókina þá er maður samt já þetta og annað slíkt.Hún fær að sjálfsögðu fjórar stjörnur. Og til að undirstrika hve miklar væntingar mínar voru þá fór ég á tvær forsýningar áður en hún var frumsýnd til að geta séð hana fyrr.Þó að öll myndin sé frábær þá er perlan þegar föruneytið ferðast um Námur Moría. Í tveimur orðum sagt Stórbrotið Meistaraverk sem verður minnst sem ein besta mynd allra tíma. Frábær mynd fyrir bara alla!

Það sem ég var búinn að bíða lengi eftir henni þessari. Ég er einn af þessum smámunasömu sem hef lesið bókina mörgum sinnum og bjó mig því undir hið versta. Áhyggjurnar reyndust hins vegar að mestu óþarfar og myndin hin besta svo ekki sé meira sagt. Útlit myndarinnar er vægast sagt skuggalega líkt þeim Miðgarði (Middle Earth) sem ég hafði ímyndað mér og átti það einnig við um persónurnar, en leikarar voru með eindæmum vel valdir og hlutverki sínu vaxnir. Verð ég að nefna sérstaklega frammistöðu McKellen, Lee sem og (þótt undarlegt megi virðast)Wood sem kom mér einna mest á óvart með góðum leik. Ég er ekki alveg búinn að gera það upp við mig hvort Liv Tyler hafi átt erindi sem erfiði í hlutverki Arwen, en þar sem myndin var svo vel heppnuð að öðru leiti þá leyfi ég henni að njóta vafans.

Fyrir mig var spennan ekki fólgin í söguþræðinum þar sem ég kann bókina svo að segja utan af, mikið frekar í því hverju Jackson myndi sleppa og hverju ekki og svo að sjálfsögðu því hvernig hann myndi koma efninu til skila. Uppáhaldskafli minn í bókinni er ferð föruneytisins í gegnum námur Moría og sú var einnig raunin í myndinni. Þessi kafli myndarinnar er með eindæmum vel heppnaður sem og allt sem viðkemur svörtu riddurunum (Ringwraiths). Ég fór nánast með tárin í augunum út úr salnum að mynd lokinni, í senn þakklátur fyrir það að myndin hefði verið svona góð og ekki síður vegna þess að hvorki heyrðist í gsm-síma né nokkrum einasta gesti alla myndina. Og mikið er ég feginn að Steven Spielberg gerði ekki þessa mynd, honum hefði örugglega tekist að skella skuldinni á nazistana eins og venjulega. Sem sagt, frábært bíó sem á eflaust eftir að auka hróður Tolkiens enn frekar...

Stórmynd eins og þær gerast bestar. ef ekki bara besta stórmyndin! það er alveg á tæru að hér var brotið blað í kvikmyndasögunni, og hér með bæti ég fimmtu stjörnunni við þær fjórar sem ég gaf að ofan. fáir hefðu getað aðlagað söguna eins vel að hvíta tjaldinu og gert var þarna. tvímælalaust besta mynd sem ég hef séð. þangað til um næstu jól, þegar Two Towers kemur.


p.s. það er bara kvikindisskapur að láta okkur bíða í heilt ár eftir mynd nr. 2!!!

Fyrir 4 vikum dreif ég mig niður í Smáralind til að kaupa miða á myndina þegar hún yrði frumsýnd þann 19. Ég hef ekki lesið bækurnar en haft mikinn áhuga í langan tíma en hef aldrei getað nálgast bækurnar t.d. þá var langur listi á bókasöfnum o.fl. Alla vega, mikil tilhlökkun hafði setið í mér í langan tíma og þegar loksins kom að deginum þá gat ég ekki beðið eftir kvöldinu. Myndin var ótrúleg. Ég keypti mér popp og kók en borðaði ekkert af því fyrr en eftir hlé því ég gat ekki horft af tjaldinu. Mynd var ótrúlega geðveikslega vel gerð og hlutirnir voru bara svo flottir og raunverulegir. Þetta var besta mynd sem ég hef séð og þetta þurfa allir að sjá í bíó, ekki á spólu eða þegar hún verður sýnd eftir 1 og 1/2 ár á Stöð 2. Stóra tjaldið og THX hljóðið gerir þetta svo raunverulegt að maður vill varla fara úr bíósalnum þegar myndin endar!

Jæja...þá er maður búinn að sjá Lord of the rings...og VÁ GUÐ MINN GÓUR HVAÐ MYNDIN ER FLOTT! Lord of the rings er bara æðislega frábær út í gegn, einstaklega fullkomin mynd. Myndin sem ég hef beðið hvað spenntastur eftir og gert mér hvað mestar væntingar til stóð algerlega undir væntingum og vel það. Þetta er mynd sem ég mun sjá aftur, og aftur og aftur og það fljótlega! Hún er svo góð og frábær að orð ná ekki yfir það, bara hrein og tær schnilllld! Það duga engar afsakanir, það verða ALLIR að sjá þessa mynd, þó þeir séu lamaðir og rúmmfastir þá skulu þeir SAMMT koma sér í næsta kvikmyndahús er almennar sýningar hefjast og þeir SKULU sjá þessa mynd, því annað verður að teljast lögbrot og sifjaspell, svo frábær er myndin.

Þessi mynd er sú allra bestasta mynd sem ég hef nokkrum sinnum séð! Að sjá Harry Potter er eins og að horfa á leiðarljós í sólarhring í samanburði við þessa!

Ég var það heppinn að vinna á sérstaka heimsforfrumsýningu og satt að segja var ég dolfallinn. Þessi mynd er svo vel gerð í alla staði, sagan hreint út sagt frábær og toppleikarar vinna sitt hlutverk vel.

Váááááá!!!!! The Fellowship of the Ring er tvímælalaust besta mynd ársins 2001. Það er mjög mikið rétt í þessu tagline-i, Hugarheimur Tolkiens var bók 20. aldarinnar nú er hann kvikmynd 21. aldarinnar. Þetta er ein besta mynd sem ég hef séð ef ekki sú besta. Peter Jackson tókst sko aldeilis vel upp. Í byrjun var sýnt hverjir höfðu fengið hringinn en mér fannst fúllt að gátukeppninni var sleppt en vá gæði myndarinnar bættu það sko upp. Sagan byrjar á 111. afmælisdegi Bilbo Baggins, handhafa hringsins. Nú er komið að því að hringurinn fari annað og er hann látinn í vörslu Frodo Baggins (frænda Bilbo´s). Seinna í myndinni er föruneyti hringsins skipað af: Bilbo, Sam, Pippin, Merry, Legolas, Gandalf, Gimli, Boromir og Aragorn sent til að eyða hringnum þar sem hann var búinn til. Ég ætla nú ekki að segja nánar frá söguþræði myndarinnar en ég get alltaf sagt að hún sé algjör snilld! Þegar ég fór á Master card forsýninguna (12.des) var spennan rosaleg. Þegar myndin var búinn sveif ég út úr bíósalnum. Ég var búinn að sjá eitt af snilldarverkum kvikmyndasögunnar!

Hversu mikið verk er það að kvikmynda þá bók sem útnefnd hefur verið sem Besta Skáldverk Allra Tíma? Greinilega ótrúlega harður róður, en Peter Jackson sigldi myndinni algjörlega óskaddaðri í höfn. Ég á erfitt með að hemja orð mín til að lýsa ánægju minni yfir hversu vel þessi magnaða saga kemst til skila á tjaldinu. Leikaraval Jacksons er frábært. Að undanskilinni Liv Tyler sem ég get ekki ennþá játað sem leikkonu. Leikararnir skila allir sínu skínandi vel, og þá verð ég sérstaklega að nefna Sean Bean fyrir túlkun hans á Boromir. Það er eitt skemmtilegasta hlutverkið þar sem Bean keyrir Boromir frá virtum aðalsmanni til vitfirrings og brjálæðings og snýr svo við og endar aksturinn í ótrúlegu atriði hetjuskaps, sorgar og stolts. Eitt sem gladdi mig hvað mest við myndina að hún var laus við Hollywood tjóðrin. Atriði sem gerast utandyra gerðust utandyra og náttúrulega lýsingin gerði myndina raunverulegri og færði mig nær þeim heimi sem mig hefur dreymt um að sjá. Myndatakan er draumkennd á köflum, þar sem rammin svífur að því virðist í lausu lofti í sumum atriðum og færir það bragð ævintýrakeim yfir verkið. Herra Jackson hefur tekist að færa draumaheim miljónir manna á tjaldið án vankvæða. Ást, sorg, gleði, spenna, vinátta, heiður og stolt eru aðeins nokkrar tilfinningar sem þetta meistaraverk framkallar í áhorfendanum. Ég held að í fyrsta skiptið í sögunni er komin mynd sem enginn á eftir að fara út frá ósnortinn. Ég gef myndinni fullt hús.

Ég hef líklega aldrei beðið með jafn mikilli væntingu og þessari mynd. Ég fór á Nexus forsýninguna í Laugarrásbíói í gærkveldi. Þegar ég kom inn í bíóið var inngangurinn alveg troðfullur af fólki, mjög mikil þrengsli þarna. En það skrýtnasta var það að ég hefði alveg eins getað gleymt miðanum heima, þvi ég var ekkert beðinn um miða eða neitt. Ég ætlaði nú ekki að láta allt nammið og það fara framhjá mér en það gerðist, ég kom svona tíu mínútum fyrir sýningu og hvergi fékk ég afgreiðslu, svo var myndin að byrja og ég fór bara í sætið mitt.


[ ATH. Ef þú ert ekki búinn að sjá myndina, ekki lesa lengra! ]


Svo loksins byrjaði myndin við mikinn fögnuð. Prolougeið var mjög flott. Fyrstu tveir tímarnir liðu á hálftíma hjá mér, þegar ég leit á klukkuna og ég bara vá!. Það var þegar þeir komu inn á Fákinn. Það sem mér fannst vera mest áberandi í myndinni var án efa umhverfið, ég vissi ekki að það væri til svona fallegt umhverfi. Líklega var eitthvað af þessu gert í tölvu, en þó ekki eins og Star Wars myndirnar, þar var umhverfið bara grænn bakgrunnur. Myndin er frábærlega vel gerð í alla staði. Svörtu riddararnir voru mjög flottir og voru öskrin í þeim mjög óhugnaleg. Þó fannst mér frekar að myndin hefði frekar átt að vera bönnuð innan 14 ára, hún var nokkuð óhugnaleg á köflum. En ekki að það skipti neinu máli fyrir mig. Myndin er ein af þessum myndum sem er allt í einu, nema þessi er með allt í miklum skammti. Hún er mjög fyndin, ótrúlega flott, spennandi og falleg. Sú persóna sem hreif mig mest var Aragorn. Hann var ótrúlega flottur og svalur karakter. Bardagarnir með honum voru alveg frábærir, sérstaklega þegar Fróði var uppi á fjöllum, sverðið hans Fróða var orðið blátt (sem gerist þegar Orkar eru nálægt) og Aragorn fór að berjast við þá. Þá byrjuðu sko hárin á mér að rísa.. og fóru ekki niður fyrr en í endann á myndinni. Hobbitarnir, Pípi og Merrin (man ekki íslenska nafnið) voru snillingar. Eitt atriði sem stóð uppúr var þegar Fróði bauðst til þess að fara með Hringinn og eyðileggja hann, svo þegar Sam, Pippin og Merry komu, og einn þeirra sagði Jæja, hvert erum við svo að fara?. Allur salurinn lá í hláturskasti og klappaði. Ég er ekki hrifinn af því þegar það er gert, klappað í miðri mynd. Myndatakan var líka mjög flott, sérstaklega þegar þeir fóru ofanúr turninum og ofan í jörðina. Ég yrði sko ekki hissa ef hún yrði tilnefnd til margra Óskara, og ef hún fær ekki einhverja, þá verð ég mjög reiður. Hún á skilið að fá óskarinn fyrir bestu myndina, bestu búningana, tæknibrellurnar, leikstjórnina en veit ekki um leikinn, kannski þó einhverjar tilnefningar. Mér fannst reyndar allir standa sig vel í hlutverki sínu, en þó sérstaklega Borromir og Aragorn. Frodo var alveg ágætur. Gandalfur var líka góður í sínu hlutverki. Bardagaatriðin voru yndisleg, sérstaklega í Moría námunum, þegar Orkarnir voru teknir fyrir og Tröllið, sem var svakalega vel gert. Eitt flottasta atriði í sögunni. Flottasta atriðið var þegar Lurtz var að skjóta niður Borromir, með boga. En eftir hverja ör stóð hann alltaf. Rosalega flott atriði og það lá við að buxurnar og peysan lyftist upp, útaf gæsahúðinni. Svo kom Aragorn og skar af þvi hendina og hausinn. Geðveikt svalt atriði. Peter Jackson er greinilega maður ársins að mínu mati, hann hefur lagt líf sitt og sálu í þessa mynd og útkoman hreint út sagt mögnuð. Ef hinar tvær myndirnar verða eins frábærar og þessi, þá held ég að Jackson geti verið mjög ánægður með sig. DVD útgáfan, Director's Cut, verður sko algjör skyldueign. Ég mun örugglega kaupa heimabíó sérstaklega til þess að njóta myndarinnar í botn. Því miður mun biðið verða löng eftir disknum, í ágúst, eftir því sem ég hef heyrt.

Ég þarf svo að fara enda þessa grein með því að þakka Nexus mönnum kærlega fyrir þessa frábæru sýningu. Og ég vona að þeir muni endurtaka leikinn að næsta ári með næstu mynd. Fellowship of the Ring fær vafalaust 10/10 mögulegum hjá mér.

Ég fór á þessa mynd í Laugarásbíói 10 desember það var fullur salur og allir biðu örvæntingafullir eftir myndinni. Myndin er greinilega meistaraverk, byrjunin er svo góð og spennandi að maður fær hroll um sig þar sem notaðar eru gæðis tæknibrellum, spennu og leikurinn er mjög góður hjá öllum. Handritið er gott en þrátt fyrir að sumir hafa ekki lesið bækurnar er myndin svolítið fyrirsjáanleg. Allar persónurnar eru frumlegar og sviðstjórn og förðunin er frábær. John Rhys-Davies breytir sér í dverg og gerir það með stíl og fagmannsleika. Hobbitarnir eru líka í sínum stíl og fyndið er hvernig þeir eru litlir meðal við alla hina. Aragorn er með hetjuskap í myndinni meira en ég hef nokkurn tíman séð. Legolas er algjör bjargari með boganum sínum. Gandalf galdrakallinn gerir sitt. Til samans er þessi mynd mjög góð í öllum þættum þrátt fyrir smá galla en ég bíð spenntur eftir næstu mynd sem ég vona að hún myndi vera jafngóð eða betri en þessi. Næt þegar þú ferð í bíó þá ferðu á þessa.

Þvílík yfirnáttúruleg, fáránleg og epísk snilld sem hér er á ferð. Þvílík ferð, rússibani inn í aðra veröld. Peter Jackson hefur hér með tryggt sér stórt og mikið sæti í kvikmyndasögunni með því að taka bækurnar sem átti ekki að vera hægt að filma, og filma þær með þvílíkri innsýn, snilli og metnaði að George nokkur Lucas má fara heim og skammast sín. Ég á hreinlega engin orð, engin nógu sterk lýsingarorð, sem koma til skila þeirri tilfinningu sem ég finn fyrir núna (nýkominn af myndinni), vitandi það að hér hafi ég orðið vitni að einhverju sögulegu og stórkostlegu sem muni standast tímans tönn. Allur leikur er í hæsta gæðaflokki, og valinn maður í hverju rúmi, brellurnar í einhverjum gæðaflokki sem maður hefur hreinlega aldrei séð áður og tónlist Howard Shore hljómar undir bæði falleg og ógnvekjandi eftir því sem við á. Undir öllu liggur síðan leikstjórn Peter Jackson og ódauðlegt meistaraverk Tolkiens sem Hringadróttinssaga óneitanlega er. Nötrandi þriggja tíma snilld, og Guð minn góður, þetta er aðeins fyrsti hlutinn. Ef þú ætlar þér einhverntímann að sjá einhverja mynd í bíó, þá er þetta myndin sem ég myndi segja að væri algjör skylda að sjá. Besta mynd ársins, engin spurning og enginn vafi.

Engin orð geta lýst þessari mynd, þetta er langbesta mynd ársins. Þegar ég gekk út vildi maður sjá hana aftur og ég man ekki eftir mynd sem hefur gert mig svo hugfanginn í fjölda ára. Allt er fullkomið varðandi þessa mynd og ég get ekki beðið með að sjá hana aftur. Peter Jackson tókst það að koma stórvirki Tolkiens á tjaldið án þess að slá feilnótu. BRAVÓ!!!

Fyrsti hluti Lord of the Rings trílógíunnar veldur ekki vonbrigðum. Þvert á móti. Þetta er ein allra besta mynd sem ég hef séð. Myndin hefst á ótrúlega góðu prologue þar sem er aðeins farið yfir söguna á bakvið Hringinn. Það er hér sem maður gerir sér grein fyrir að þetta er alls engin fantasía á léttu nótunum (eins og Harry Potter og D & D). Tolkien vildi heldur ekki kalla sögu sína fantasíu. Nei, hér er grafalvarlegt sögulegt verk á ferðinni. Cate Blanchett talar yfir prologue-inu og gerir það á skemmtilegan hátt með athyglisverðri rödd sinni. Þetta var einn af uppáhaldsköflum mínum í myndinni. Svo hefst sagan sjálf og ég á ekki orð. Þetta er bara nákvæmlega eins og maður ímyndaði sér land Hobbita. Sjónrænt útlit myndarinnar stendur sérstaklega uppúr. Peter Jackson hefur tekist að koma Miðgarði á hvíta tjaldið - meira þarf ekki að segja. Stórkostlegt landslag, flott hús og kastalar og ýmis konar furðuverur hér og þar. Brellan til þess að láta Hobbita-leikarana líta minni út, tekst mjög vel og aldrei er maður aldrei í vafa um hver sé Hobbiti, Dvergur, Álfur eða Maður. Tæknibrellur takast mjög vel og tröll eitt sem Föruneytið rekst á í Moría er sérlega vel heppnað. En þó mynd líti vel út, þá þarf það ekki að þýða að hún sé endilega góð. Margar myndir hafa orðið þeim mistökum að bráð að láta tæknibrellurnar ráða ferðinni. Það gerist ekki í þessari mynd. Leikurinn stendur mjög uppúr og trúi ég því að einhver leikaranna hljóti að fá tilnefningu fyrir leik sinn. Þeir sem gerðu best að mínu mati er Ian McKellen (Gandalfur), Sean Bean (Boromir), Cate Blanchett (Galadriel) og Liv Tyler (Arwen). Það á örugglega eftir að koma mörgum á óvart hvað Liv Tyler stendur sig ótrúlega vel. Hlutverk hennar er ekki mikið (mun minna en orðrómar hafa haldið fram) en það litla sem hún leikur, gerir hún mjög vel; hún leikur á allt annan hátt en í fyrri myndum sínum. Maður þekkti hana varla. Ég var sennilega hrifnastur samt af Cate Blanchett og maður gapti alveg yfir senu hennar og Elijah Wood (Fróði). Ef við berum saman bókina og myndina þá verður maður auðvitað var við ýmsa hluta bókarinnar sem vantar í myndina. En ég verð nú bara að segja eins og er, að handritshöfundum hefur tekist vel upp í að sía það út sem ekki skiptir eins miklu máli. Að sjálfsögðu þá munu einhver sakna nokkurra persóna, setninga og kafla sem þeir hefðu virkilega viljað sjá í myndinni. En saga Tolkiens er svo stór og mikil að það er ekki hægt að koma öllu fyrir. Og ef reynt hefði verið að koma sumum atriðum fyrir þá hefði það bara þýtt að að staldrað hefði verið stuttar við á öðrum mikilvægari stöðum. Mikið hefur verið rætt um þær breytingar sem gerðar hafa verið á sögunni. Flestir þekkja það að Álfinum Glorfindli, sem hitti Hobbitana og Aragorn rétt fyrir utan Rivendell, hefur verið skipt út fyrir Álfameynni Arwen sem lítið sem ekkert kom við sögu í fyrstu bók. Margir hafa reiðst þessari ákvörðun en ég held svei mér þá að þetta hafið verið hið rétta. Senan er mjög góð. Aðalmunur bókarinnar og myndarinnar er sá að bókin segir alla söguna en myndin sleppir atriðum sem skipta ekki eins miklu máli. Bardagasenurnar takast mjög vel og gaman er að sjá mismunandi bardagatækni Álfs, Manns eða Dvergs. Senurnar eru hæfilega langar og aldrei illa gerðar eða leiðinlegar. Ég segi ekki að þetta séu með bestu bardagasenum sem ég hef séð en þær komast þó mjög nálægt því og verður maður nokkuð spenntur á köflum. Gaman fannst mér að húmornum og kaldhæðninni í myndinni og hló salurinn þó nokkuð oft upphátt. Sérstaklega var gaman að Billy Boyd (Pípinn Tóki). Eitt sem einkenndi myndina frá og með fyrsta hálftímanum var hversu dimm hún er. Ég veit ekki hvað aldurstakmarkið verður á henni og er nokkuð erfitt myndi ég halda að ákveða það. Ofbeldið er ekki of gróft en það sem gæti helst hrætt börn er sennilega hversu myrk hún er, svo ekki sé minnst á hina vægast sagt ófrýnilegu Orka. Að lokum þá tel ég þessa mynd ótrúlega vel gerða túlkun á fyrri hluta Hringadróttinssögu. Myndin er mjög spennandi, vel leikin, sorgleg og glaðleg í senn og nær stemmningunni sem var í bókinni. Kannski það eina sem ég hef út á hana að setja er að ég hefði viljað sjá aðeins meira af Rivendell og Lotlóríen og svo saknaði ég nokkurra uppáhalds setninga minna. Hún á ekki skilið minna en 4 stjörnur. Peter Jackson gerði hið ómögulega. Og ég bíð verulega spenntur fyrir næstu mynd, sérstaklega þar sem að Jackson veit hvað hann er að gera. En þangað er nú langt að bíða og þangað til, mun maður sjá þessa mynd nokkrum sinnum aftur og svo kemur myndin út á DVD í sumar.

Lord of the Rings er mynd ársins, stórkostlegt kvikmyndaafrek sem á eftir að hafa gríðarleg áhrif á kvikmyndasöguna. Ég var svo heppinn að geta laumað mér inn á pre-screening á þessari mynd þann 3. desember og ég get hiklaust sagt að hér er á ferðinni algjört meistaraverk sem á eftir að heilla alla sem unna kvikmyndum. Allt í sambandi við myndina er gert af skilyrðislausum metnaði og innsæi, sviðssetningin óviðjafnanleg og tæknibrellurnar algjörlega ólýsanlegar, þær bestu sem ég hef nokkurn tíma upplifað. Einnig heillaði mig algjörlega innsýn leikstjórans Peters Jacksons á ævintýraveröld Tolkiens, og ég gæti best trúað að þetta væri nákvæmlega svona sem Tolkien sjálfur hefði viljað hafa það. Fyrir þá sem lesið hafa sögurnar hlýtur það í raun að mæla sterkast með myndinni. Lord of the Rings er sannkallað meistaraverk og ég hlakka mikið til að sjá framhalsmyndirnar.