Næstu Frumsýningar
Minnisstæðar línur
Forrest Gump: Hello. I'm Forrest, Forrest Gump.
Recruit Officer: Nobody gives a hunky shit who you are, pus ball. You're not even a low-life, scum-sucking maggot. Get your ass on the bus, you're in the army now!
Mynd
Kvikmyndir.is > Mynd > One Night at McCool's
One Night at McCool's (2001)
One Night at McCool's

6.23/10
125 atkvæði
6.1/10 16,082 atkv.
Skrifa nýja umfjöllun um myndina
Breyta upplýsingum
Frumsýnd15. júní 2001
Frumsýnd (USA)27. apríl 2001
Útgáfa á VHS31. október 2001
LeikstjórnHarald Zwart
HandritStan Seidel
TegundGamanmynd, Glæpamynd
Söguþráður
Frábær gamanmynd sem kemur á óvart!! Þetta byrjaði allt saman eitt kvöld á McCool´s barnum...þrír grunlausir menn og ein ákveðin kona hittast og í gegnum losta og læti!! Brjálað að gera á McCool´s og Randy (Matt Dillon; There´s Something About Mary, Wild Things) að vinna á barnum. Lögfræðingurinn Carl (Paul Reiser; Mad About You) er ennþá inni á staðnum eftir lokun og rannsóknarlögreglumaðurinn Dehling (John Goodman; Oh Brother Where Art Thou, Big Lebowski) mætti eftir að staðurinn varð að glæpavettvangi. Var það líkið sem tengdi alla aðilana...eða var það hin sjóðheita og súpersexý Jewel (Liv Tyler; Armageddon)? Áður en kvöldið er á enda, er hún orðin það eina sem þessir þrír geta hugsað um. Hún flytur inn á einn, lætur annan gleyma lifandi eiginkonunni og sá þriðji gleymir dauðu eiginkonunni! Eins og einn þeirra bendir á, Allt þetta kynlíf og ofbeldi á einni nóttu...þetta er of mikið! Jewel er meira en þeir ráða við...og hún ræður við meira en þá þrjá!! Ótrúlegur leikarahópur fer á kostum og enginn annar en Michael Douglas (Traffic, Wall Street) verður líka á vegi Jewel!
AðalhlutverkJohn Goodman
Liv Tyler
Matt Dillon
Michael Douglas
Paul Reiser
Richard Jenkins
Andrew Dice Clay
Reba McEntire
Helen Moore
TungumálEnska
Aldurstakmark (USA)R
Aldurstakmark (ÍSL)16 ára
Lengd 93 mínútur
Vefsíðawww.onenightatmccools.com
Aðrar síðurIMDbRotten tomatoesMoviePosterDB

Engir trailerar eða aukaefni er til fyrir þessa kvikmynd

Notendur (9)

Ívar Jóhann Arnarson
15. september 2003
Afar hressileg gamanmynd þó að langt sé í snilldina. Fjörug atburðarás og ferskt útlit eru helstu kostirnir en myndin líður örlítið fyrir klisjukennt handrit og ósannfærandi persónusköpun. Reyndar er John Goodman hér þokkalegur í hlutverki sínu þó að það sé kannski ekkert dýpra en hlutverkin hjá hinum leikurunum í þessari mynd en ég nefndi hann samt sérstaklega vegna þess hversu skemmtilegur hann yfirleitt er. Ojæja þokkalegasta mynd en á sennilega fljótt eftir að gleymast(allavega í mínum huga).

0 af 0 fannst þessi umfjöllun gagnleg
Ingvar Valgeirsson
8. júlí 2002
Ein af þessum sem koma á óvart. Leigði hana kvöld eitt, þegar ég hafði ekkert annað að gera og hef síðan nagað mig í handarbökin yfir að hafa ekki séð hana fyrr.

Leikarahersingin stendur sig ljómandi vel, enda vart annað hægt með svona ljómandi vel skrifaða sögu, og standa Paul Reiser og Michael Douglas uppúr, að öðrum ólöstuðum.

Fjallar í stuttu máli um vonda konu, sem vefur körlum um fingur sér í leit að góðu lífi, og hikar ekki við að draga menn til bælis - eða skjóta þá, ef í það fer.

Menn verða margir óhressir með þetta, sem eðlilegt er, og ekki orð um það meir.

0 af 0 fannst þessi umfjöllun gagnleg
Sindri Gretarsson
4. janúar 2002
Ágætis svört grínmynd um þrjá gaura sem falla fyrir sömu stelpunni. Myndin hefur sýnar góðu og vondu hliðar, en ekki er handritið sem best en leikurinn er frábær. Góð mynd og ég mæli með henni.

0 af 0 fannst þessi umfjöllun gagnleg
Hilmar Emilsson
12. nóvember 2001
Þessi mynd er góð skemmtun fyrir alla fjölskulduna. Eitt atriði er sérstaklega minnisstætt það er þegar hún er að þvo bílinn og sprautar mjög þokkafullt á sjálfa sig. Þessi mynd er í svipuðum gæðaflokki og Miss Congeniality og The Mexican. Stórskemmtileg mynd sem verðugt er að kíkja á sérstaklega útaf bílaatriðinu

0 af 0 fannst þessi umfjöllun gagnleg
Yndislega furðuleg dökkleit komedía. Leikararnir eru hver öðrum betri, sérstaklega fannst mér Reiser koma á óvart. Liv Tyler er ein og sér ástæða til að horfa á myndina. Söguþráður myndarinnar er ákaflega undarlegur en gengur þó upp. Andrew Dice Clay kemur skemmtilega í heimsókn.

0 af 0 fannst þessi umfjöllun gagnleg
Valdimar Víðisson
31. október 2001
Sumarið var frekar slappt kvikmyndalega séð en þó var einn gullmoli sem stendur uppúr. Mynd sem fór ekki mikið fyrir og eins og þið hafið væntanlega áttað ykkur á þá er ég að tala um One Night At McCool´s. Þessi mynd er kolsvört og sexy kómedía. Myndin fjallar í stuttua máli um mjög kynþokkafulla konu sem leikin er af Liv Tyler. Hún vefur karlmönnum um fingur sér og í myndinni sjáum við sjónarhorn 3 karlmanna sem allir vilja vera með henni á sínum forsendum. Frábært handrit og frábærir leikarar gera þessa mynd að stórgóðri skemmtun. Tvímælalaust ein besta mynd þessa árs.

0 af 0 fannst þessi umfjöllun gagnleg
Þráinn Stefánsson
19. júlí 2001
Þegar ég fór á þessa mynd vissi ég ekkert hvað ég var að fara horfa á. Óhætt er að segja að þessi mynd hafi komið mér þægilega á óvart. Hún er bæði fyndin svolítið spennandi og vel leikn. Liv Tyler sem ég hef aldrei haft miklar mætur á sýnir finan leik sem tálkvendi mikið. Og einn þynngsti leikari samtímans að Bjössa bollu undanskildum Jón góðmaður er frábær í þessari mynd. Einnig er Doglasinn sá gamli sjarmur glettilega góður. Mæli með þessari..

0 af 0 fannst þessi umfjöllun gagnleg
Helgi Páll Helgason
25. júní 2001
Hér er á ferðinni mjög skemmtileg og sniðug gamanmynd um nokkra karlmenn sem verða allir girnast sömu stúlkunni. Tálkvendið er leikið af Liv Tyler en af öðrum leikurum ber helst að nefna Matt Dillon, John Goodman og Paul Reiser, en hann sýnir á sér mjög fyndna hlið sem fær ekki að njóta sín í Mad About You þáttunum. Michael Douglas fer jafnframt með nokkuð stórt hlutverk og er gert létt grín að aldri hans. Andrew Dice Clay sem sumir muna ef til vill eftir úr költmyndinni Ford Fairlane leikur aukahlutverk og er bráðfyndinn að vanda, vonandi að við fáum að sjá hann í fleiri myndum í framtíðinni. Það eru ákveðnar hliðstæður milli þessarar myndar og Wild Things þar sem í báðum myndunum eru tálkvendi, ofbeldi, kynlíf, svik og prettir í brennidepli en þessi verður að teljast töluvert betri. Seint átti ég von á því að þessi mynd ætti eftir að fara eins langt fram úr væntingum mínum og raun ber vitni en góður stigmagnandi húmor, ferskt og sniðugt handrit ásamt góðum leikframmistöðum gera One Night at McCool's að þriggja og hálfs stjörnu skemmtun.

0 af 0 fannst þessi umfjöllun gagnleg
Mjög góð mynd, hún gengur mjög hægt fyrir sig þrátt fyrir að vera aðeins 90 mín. Michael Douglas er frábær sem leigumorðingi og einnig er Paul Reiser góður sem sjálfselskur lögfræðingur. Ekki fara of fljótt úr salnum er myndin klárast, það er atriði eftir credit-listanum..........

0 af 0 fannst þessi umfjöllun gagnleg

Spjall um myndina

Disqus spjallkerfi

Skrifa nýja umfjöllun um myndina