Einhver mestu vonbrigði sem ég hef orðið fyrir með eina bíomynd. Eftir að hafa séð forverann átti ég vona á góðri spennumynd þar sem maður þyrfti jafnvel að hugsa. Í stað þess mætti mér Tom Cruise á ego flippi í hrútleiðinlegri og tilgerðarlegri myndi.

Algjör eftirbátur fyrri myndarinnar hvað varðar spennu og einfaldleika í söguþræði. Virkar samt mun nútímalegri og hátæknivæddari en þó svo sé þurftu menn að stæla hina og nefni ég þar á meðal ofnot á grímum og atriðið þar sem að Anderton brýst inn til að stela veirunni. Þó að það sé ekki bannað að ræna úr mynd og setja það í framhaldsmynd, þá er það ekki falleg iðn, nema þó að það tengi þær saman á söguþræðinum. Þessi er ekki illa gerð og alls ekki leiðinlegt að horfa á hana en þá þarf maður að hafa sig allan við.

Ég á bara ekki til orð.

Eftir að hafa trassað að horfa á þessa mynd í þónokkurn tíma þá lét ég loks verða af því og horfði á hana.

Ég settist niður með popp og kók og ætlaði að eiga gott video kvöld, en nei.

Bara byrjunaratriðið sagði mér að þetta yrði ekki gott video kvöld. Tom Cruise farinn að klífa kletta eins og það væri ekkert auðveldara í heiminum og gerði það nánast með annari hendi. Ég ætla ekki að vera að fara mikið meira út í söguþráðinn því hann er enginn. Ömurlegur leikur hjá nánast öllum leikurum, og var ekki hægt að fá einhvern annan en John Woo til að leikstýra myndini.

Myndin hefði verið skárri þó að Cheech & Chong hefðu leikstýrt henni.

Þetta er ekta mynd fyrir 10 ára stráka sem gefa myndum 4 stjörnur af því að það eru svo flottir bílar í henni.

Það er aðeins eitt gott við þessa mynd og það er að Anthony Hopkins leikur smá hlutverk í henni og því fær myndin 1 stjörnu.

Gott dæmi um misheppnaðar framhaldsmyndir er þessi ræma hér.Ég man þegar hún var að koma út var maður með titring af eftirvæntingu en kom síðan einsog uppvakningur útúr bíóinu.Hef reynt að horfa á hana aftur og jafnvel aftur í von um að hún virki betur en það er ekkert á leiðinni að gerast.Öll dulúðin og óvissan í fyrstu myndinni var því miður ekki til staðar hér og sorglegt fannst mér að allt í einu var Ethan Hunt orðinn einhver leðurtöffari og áreynslulaus súperhetja.Rosalega tilgangslaust að hafa Hopkins þarna því hans hlutverk hefði alveg eins verið flottara sem bara rödd í síma eða eitthvað.

Allavega leiðinleg mynd þegar allt kemur til alls.

Þegar ég sá myndina bjóst ég við mynd sem var með plotti og spenni en það er ekkert gott plott í myndinni hún er fáránlega óraunsæ, að mínu mati langt því frá eins góð og fyrri myndin.

En ef maður hefur ekki séð fyrri myndina eru meiri líkur að manni finnist þessi mynd góð ef maður hefur ekki séð fyrri myndina.

Ef þú hefur séð fyrri myndina og ef þér fannst hún góð skaltu ekki sjá þessa hún veldur þér bara vonbrigðum.

Verulega þreytt leyniþjónusturæma með litlu sem engu innihaldi. Tom Cruise er eiginlega alltaf sama týpan og er Mission Impossible 2 engin undantekning. Reyndar á myndin sér einhverja góða punkta til að mynda eru samtölin vel skrifuð og útlitið er flott en annars er myndin varla að meika nokkuð. Hreint út sagt gleymanleg.

Æ æ, þegar ég frétti að það ætti að gera framhald af Mission Impossible bjóst ég við algjöru rusli því að sú fyrri er hundleiðinleg og alltof ofmetin, en það sama verð ég að segja um þessa. Handritið og hugmyndin er mjög slæm að og Tom Cruise sýnir mjög slæman leik og svo gera meðleikarar hans líka en hann Tommi reynir allavega að halda myndinni uppi mrð leik sínum en eins og ég nefndi áðan þá tekst honum það ekki vel.John Woo tekst vel upp með leikstjórnina og þess vegna bætti ég stjörnu við einkunnina. Ein og hálf stjarna frá mér.

Ágætis mynd. Hún kemst samt ekki í hálfkvisti við fyrri myndina. Tom Cruise er ágætur, en það er verst hvað þeir nota Anthony Hopkins lítið. Myndin fjallar í stuttumáli um að maður innan leyniþjónustunar svíkur , og rænir veiru sem hann hótar að sleppa ef hann fær ekki lausnargjald. Hver er þá kallaður til, auðvitað Ethan Hunt(Crusie) sem á að bjarga málunum. Fínasta afþreying.

Ég varð því miður fyrir vonbrigðum með þessa mynd. Hún getur ekki fylgt fyrri myndinni eftir og ég man ekki eftir að hafa séð Tom Cruise leika svona illa. Myndin er samt spennandi á köflum en það hefði mátt vanda hana meira.

Ég varð fyrir miklum vonbrigðum með þessa mynd! Það er alltof mikill hasar í henni,það vantaði allan njósna stílinn sem einkenndi hina myndina, kannski ekki furða þegar maður eins og John Woo er við leikstjórn.

Ég var búinn að bíða mjög spenntur eftir að þessi kæmi í bíó. En svo er þetta bara ekki eins góð mynd eins og ég bjóst við. Hún er ekkert miðað við fyrstu Mission:Impossible myndina. Hún er samt svona stundum góð á köflum en samt ekki nógu góð.

Ógeðslega fyndin mynd. Sérstaklega þegar hann er að slást. Það er eins og hann hafi verið að spila Tekken 3 alla ævi. Svo er gott að vera í goðum skóm þegar maður fer á mótorhjól. Ég ráðlegg fólki að fara á þessa mynd ef það er í stemmningu fyrir grín og hasar í senn. Frábær skemmtun.

Mér fannst þetta mjög góð mynd en það hefðu mátt vera meiri skot og bardaga atriði í myndinni. Áhættuatriðin voru meiri háttar og Tom Cruise lék mjög vel í myndinni.

Hvað er svo sem hægt að segja...? Jú, "Mannskemmandi" er svo sem eitt orð, ekki verra en hver önnur. Hreint út sagt hræðilega léleg mynd; ég nenni varla að eyða orðum í að fara út í af hverju. Við skulum bara segja að John Woo ætti að halda sig við Bruce-Lee wannabee myndirnar fyrir austan, og Tom Cruise ætti að vera heima með konunni. Eina skiptið sem ég hef séð bíósalinn tæmast áður en endatextarnir voru komnir upp. Rugl og vitleysa, lélegur leikur, fáránleg áhættuatriði, óspennandi mynd með öllu. Sumar senurnar hreint út sagt hlægilegar, en á öðrum forsendum en ætlað var. Útþynnt, ofleikin drama inn á milli, og vanpæld atriði. Nóg sagt. Fyrir löngu.

Þvílík steypa þessi söguþráður sem boðið er uppá hér.Þetta er allt svo fjarri raunveruleikanum að það hálfa væri nóg.Eins og bardagaatriðin að menn skuli ennþá standa á löppunum eftir fleiri fleiri högg í andlit.Og þetta grímukjaftæði er alveg útúr kú bara hreinlega barnalegt.Og hvað var Hopkins gamli að gera í þessari mynd það er mér hulin ráðgáta,hann er alveg út af kortinu hér og gerir akkúrat ekkert fyrir mynd þessa.Myndin fær eina stjörnu fyrir leikkonuna íðilfögru í aðalhlutverkinu.Mynd sem gleymist fljótt...

Áður en ég fór á Mission Impossible hafði ég heyrt að hún væri gjörsamlega ónýt mynd, þannig að þegar ég fór á hana bjóst ég ekki við neinu. Mér fannst M:I-2 vera ágætis mynd, hún er svolítið ýkt af vísu en hvaða sumarmyndir eru það ekki. John Woo kemur hér með aðra fína mynd en þessi nær aldrei að toppa FaceOff sem er snilld. Hvað er þetta með John Woo og dúfur í myndunum hans, í Hard Target og FaceOff er hann með dúfur í og svo aftur núna og auðvitað eru flottu atriðin öll sýnd hægt ( það er bara hans stíll ). Tom Cruise er kannski aðeins of flottur í myndinni en það er allt í lagi enda er hann töffari. Thandie Newton er geðveik í myndinni og af sjálfsögðu leikur Anthony Hopkins mjög vel í allar þessar 5 mínutur sem hann er að leika í myndinni. Já svo er það eitt enn vinir mínir voru einhvað að kvarta yfir því hvað andlitin voru rifin oft af í myndinni en ég er ósammála því, nema kannski þegar vondi maðurinn þykist vera Tom Cruise, ég fattaði það ekki alveg hvernig hann vissi það að hann væri að láta svertingjakonuna hjálpa sér.

Hér er loksins komin framhaldsmynd kvikmyndarinnar "Mission: Impossible" sem gerði það gott í kvikmyndahúsum um allan heim árið 1996 og skartaði Tom Cruise í hlutverki hátækninjósnarans Ethan Hunt, og einnig þeim Jon Voight, Emmanuelle Béart, Kristin Scott Thomas og Vanessu Redgrave. Í þetta skipti fær Ethan Hunt það verðuga og erfiða verkefni að hafa upp á meinlegum vírus sem stolið hefur verið úr tilraunastofu og hann berst með kjafti, klóm og alls konar fantabrögðum gegn illum yfirráðum. Hann á við ramman reip að draga því andstæðingurinn er fyrrum samstarfsmaður hans í IMF samtökunum sem er harðsvíraður og svífst einskís til að ná markmiði sínu. Leikurinn berst víða um heim og þarf Ethan að taka á öllu sínu til að leysa málið og bjarga heiminum frá þeirri ógnvænlegu vá sem að honum steðjar! Leikstjórinn John Woo á að baki farsælan feril í kvikmyndum. Hann gerði flestar sinna fyrstu mynda í Hong Kong og var lengi vel þekktur fyrir gamanmyndir. Um miðjan níunda áratuginn breyttist stíll hans mikið og hann fór að gera spennumyndir sem hlutu metaðsókn í Hong Kong. "A Better Tomorrow" var fyrsta spennumyndin sem hann gerði og skartaði hún Chow Yun-Fat í aðalhlutverkinu. Kvikmyndirnar "Hard Boiled" og "The Killer" opnuðu augu Hollywood fyrir hæfileikum John Woo og árið 1993 gerði hann sína fyrstu mynd vestanhafs. Það var "Hard Target" með hasarhetjunni Jean Claude Van Damme í aðalhlutverkinu. Í kjölfarið fylgdu svo úrvalsmyndirnar "Broken Arrow" og "FaceOff" en hún er að mínu mati ein af allra bestu hasarmyndum tíunda áratugarins. Kvikmyndin "Mission Impossible 2" er hans nýjasta afrek og það er óhætt að segja að þessi kvikmynd sé úrvals skemmtun og það er einnig óhætt að segja að Tom Cruise fari á kostum sem fyrr í hlutverki leyniþjónustumannsins Ethan Hunt og fylgi einkar vel eftir leiksigri sínum í "Magnolia" sem hann hlaut óskarsverðlaunatilnefningu fyrir fyrr á þessu ári. Leikhópurinn allur á hrós skilið; sérstaklega breski óskarsverðlaunaleikarinn Anthony Hopkins (The Silence of the Lambs) sem birtist í smástund í hlutverki yfirboðara Ethans, Swanbeck (nokkurskonar "M" í Bondmyndunum) og fer eins og ávallt á kostum, einnig er Thandie Newton fersk og skemmtileg í hlutverki Nyah Nordolf-Hall, einnig er Dougray Scott ágætur í hlutverki illingjans Sean Ambrose. Ekki má gleyma Ving Rhames sem er hér í sama hlutverkinu og í M:I-1; hlutverki Luther Stickell. Semsagt; hér er á ferðinni hin besta og óviðjafanlegasta hasarskemmtun sem allir ættu að hafa sannkallað gaman af, enda er þetta pottþétt sumarsmellur ársins 2000. Hún verður væntanlega enn vinsælli en sú fyrri frá 1996 (sem var nokkuð góð). Hún er allt í senn hraðari, flottari, skemmtilegri en hin, en hefur ótakmarkað skemmtanagildi fyrir alla sannkallaða hasarmyndafíkla. ALLS EKKI missa af þessari þrusugóðu mynd!! Hún er margfalt betri en "Gone in 60 Seconds" og er án nokkurs vafa miklu mun skemmtilegri en sú útþynnta þvæla. Semsagt; hér er á ferðinni pottþétt afþreying, hreint frábær kvikmyndaveisla og skemmtun fyrir alla frá upphafi til enda. ALLS EKKI MISSA AF M:I-2!!

Þetta hefði getað verið góð mynd ef þeir hefðu sleppt öllum þessum slow-motion atriðunum og ekki gleyma dúfunum sem voru hreint út sagt fáranlegar. Ég meina hvað voru dúfurnar að gera inni í húsinu (bíða eftir Tom Cruise eða hvað). Svo var hasarinn í myndinni allt of ýktur, Ethan gat allt hann var allt í einu miklu harðari en í fyrstu myndinni. Svo eru eru nokkur tilgangslaus atriði eins og í byrjun er hann var í sumarfríi að klífa eitthvern rosa klett einhvers staðar í Ástralíu. Ég get ekki mælt með þessari mynd. Hún fær þessa hálfa stjörnu fyrir það að það voru góð sæti í bíoinu.

Þessi mynd er frábær. Hún stendur undir öllum væntingum og er þessi virði að bíða eftir (það eru ca. 6 mánuðir síðan að maður sá fyrsta trailerinn). Spennan er náttúrulega í John Woo stíl og hann gerir þetta frábærlega. Tónlistin passar ótrúlega vel við hvert atriði og grípur mann þannig að maður gleymir öllu öðru. Áhættuatriðin eru einstök og John Woo hefur ansi mörg slow-motion atriði (mynd væri líklega aðeins einn og hálfur tími ef það væru engin slow-motion atriði). Þetta er mynd sem mun ekki valda ykkur vonbrigðum.

Að fá John Woo til að taka við af Brian De Palma var góð hugmynd þó að betra hefði verið að fá snillinginn De Palma á ný. Að fá Hans Zimmer til að taka við af Danny Elfman voru verstu mistök sem gerð hafa verið síðan Tim Burton var neyddur til að hætta sem leikstjóri Batman myndanna. Zimmer er ófær um að semja góða tónlist fyrir spennumyndir og er "tónlist" hans aðeins einn af göllum M:I 2. Þó að marg sé gott við hana er því miður einnig margt vont. Það versta var hversu mikill anti-climax endirinn var; það vantaði alveg stóru lokasprenginguna o.s.frv. og var allt leyst með ótrúlega löngum, og frekar leiðinlegum, bardaga milli Tom Cruise og Dougray Scott. Annar galli var sá að, ólíkt forveranum, var handritið fullt af ódýrum lausnum og laust við alla njósnatakta og spennuna sem þeim fylgja. Í fyrri myndinni var það gaman að hlusta á hversu ómöguleg verkefnin, sem IMF hópurinn tók að sér, voru. Í þessari mynd erum við aldrei í vafa um að Ethan Hunt (Cruise) takist ætlunarverk sitt vegna þess að við vitum aldrei almennilega hvað hann þarf að gera og hverjar hætturnar eru. Einnig fannst mér það lélegt hjá Robert Towne að misnota dulbúningshæfileika Hunts og co. en þegar búið er að nota latex grímurnar fimm eða sex sinnum fer það að vera þreytt. Fyrri myndin notaði grímurnar hæfilega mikið og með hæfilega miklum tíma á milli. Svo verð ég bara að minnast á það að mér fannst Cruise ekki standa sig mjög vel og leika hlutverk sitt frekar leiðinlega. En, sem betur fer, var einnig margt gott í myndinni: Scott og Thandie Newton eru mjög góð, Anthony Hopkins birtist í fimm mínútur og fær mann til að hlæja (óviljandi, þó) en Ving Rhames verður að sætta sig við hið óþakkláta hlutverk félagans sem segir brandara - persóna sem var ekki til staðar í fyrri myndinni. Hasaratriðin eru mörg hver ótrúlega flott og vel gerð og myndatakan er alveg yndisleg (ég dýrka þessi skemmtilegu fast-closeup-zoom sem Woo notar hér óspart). Þegar allt kemur til alls má kenna handriti Robert Towne um flesta galla myndarinnar, en það er frekar ófrumlegt og oft á tíð óspennandi (er ekki búið að nota "lífshættulegu veiruna" nógu oft?). Vissulega á M:I 2 hálfa stjörnu í viðbót skilið en ég ætla ekki að gefa henni hana. En á þessum tímum þar sem fólk er komið með leið á heimskum hasarmyndum og vill fá fleiri myndir með góðu handriti, eins og The Matrix, stenst Mission: Impossible 2 ekki undir væntingum en er þó hin ánægjulegasta skemmtun og mæli ég með henni fyrir þá sem ekki búast við neinu öðru en sprengingum, slow motion og hnyttnum tilsvörum.

Þessari mynd er nóg að lýsa í einu orði, mögnuð. Og þá meina ég mögnuð í alla staði. Eitthvað hef ég séð að gagnrýnendur gefa henni frekar slappa dóma en ég gef skít í það.

Þarna er á ferðinni ein besta spennumynd sem ég hef séð! Tom Cruise hefur aldrei verið svalari. Hljóðið, atriðin og hraðinn.... Það liggur við að þú finnir lyktina af byssupúðrinu!!!! Mæli allþokkalega með henni, farðu strax!!!!!!!!

Eftir að hafa þolað miskunarlausa auglýsingaherferð í nokkra mánuði má segja að háar væntingar hafi verið búnar að byggjast upp hjá mér fyrir þessa og ég get vissulega sagt að ég hafi ekki orðið fyrir vonbrigðum. Fyrsta myndin í seríunni var leikstýrt af Brian DePalma en í þetta skipti var skynsamlega ákveðið að fá John Woo í leikstjórasætið. Fólk hefur skiptar skoðanir á þessum ágæta leikstjóra, slow-motion og frekar ýkt hasaratriði eru meðal aðalsmerkja hans og eru þau mjög áberandi hér. Persónulega finnst mér þetta vera besti hasarmyndaleikstjóri sem er starfandi í dag, til að mynda hefur að mínu mati ekki verið gerð betri hasarmynd en Face Off síðan Die Hard. Þó að oft sé það kostur að kvikmyndir séu raunverulegar er það sjaldnast satt þegar um hasarmyndir er að ræða og því er maður tilbúinn að fyrirgefa hluti sem færu annars fyrir brjóstið á manni. Ég sé enga ástæðu til þess að fara neitt út í söguþráðinn, hann þjónar sínum tilgangi líkt og í James Bond myndunum en engu að síður fannst mér handritið vera mjög vel skrifað því hasarinn er ekki bara innantómur og samtölin eru oft í tíðum góð. Tom Cruise fer með aðalhlutverkið og stendur sig eins vel og honum er gefið færi á. Stór plús við myndina er leikkonan Thandie Newton sem er eitt það heitasta sem ég hef nokkurn tíman séð á hvíta tjaldinu. Hljóðrásin ásamt annarri tæknilegri vinnslu er einnig fyrsta flokks. Í stuttu máli frábær hasarmynd og eitt af sjaldgæfum dæmum um framhaldsmynd sem er betri en sú upprunalega.

Geðveik mynd. Plottið í myndinni er solid. Myndataka geðveik. Frábærir leikarar. John Woo rokkar í þessari mynd.

Ég sá þessa mynd í New York. Mission Impossible 2 er hreint út sagt rosaleg mynd. John Woo kann sko aldeilis að búa til hasarmyndir og áhættuatriðin eru frábær. MI2 er mjög flott, myndatakan er flott, það er mikið um "slow motion" atriði og dúfur(sem eru örugglega í öllum myndum John Woo, gott dæmi um það er Faceoff) sem gera myndina mjög flotta. Eins og nafnið gefur til kynna er myndin ótrúleg og er ýmislegt í myndinni sem er aðeins mögulegt að gera bíómyndum. Farið að sjá þessa mynd og þið verðið ekki fyrir vonbrigðum. Annars kunnið þið ekki að meta góðann hasar.

Það er best að byrja á því neikvæða: Mission: Impossible 2 er ekki jafn góð og ég hafði vonast eftir. John Woo hefur gert slík meistarastykki að ég bjóst við meiru. En það þýðir ekki ad myndin sé ekki ágætasta skemmtun þrátt fyrir það. Eftir hálfslakt byrjunaratriði birtist Ethan Hunt (Cruise) aftur á sviðið. Í þetta sinn þarf hann að bjarga heiminum frá ofurvírusnum Chimera, sem fyrrum samstarfsmadur hans, Sean Ambrose (Dougray Scott), vill endilega smita sem flesta af. Hunt fær gamla góða Luther Strickell (Ving Rhames - vannýttur í formúluhlutverki) í lið með sér og bætir við meistaraþjófnum Nayu (Thandie Newton) og einhverjum áströlskum dela. Ástarsagan umtalaða finnst mér hálf flöt og óspennandi; það væri eins og sambandið væri skrifað upp úr uppskriftabók. Það sem bjargar myndinni eru nokkur góð áhættuatriði, sérstaklega vélhjólin í lokin. Og svo er tónlistin helvíti flott. Woo hefði mátt gera minna úr sínum endalausu slow motion-atridum (dúfurnar voru fáranlegar..), en má samt vera frekar sáttur við sitt. Fínasta sumarskemmtun, bara ekki búast við meistarastykki á við Face/Off.

Tom Cruise leikur hér njósnaspæjara sem er að eltast við bandaríska hásettumenn. Frábær mynd í alla staði, John Woo (Faceoff og Broken Arrow) kemur hér með langbestu spennumynd aldarinnar. Áhættu atriðin eru engu lík og Ving Rhames er yndisleg frábær, bíði eftir þessari og farið á hana eins oft og þið getið. Spennið sætisólarnar!!!!