Frábær mynd, og án efa sú besta af þríleiknum sjálfum.



Þessi mynd hættir bara ekki að vera töff og mun hún gleymast frekar seint, ef hún mun gleymast yfir höfuð.

Alger klassík með flottum pælingum á bakvið.



Frábær hasaratriði sem eru til fyrirmyndar í bland við skemmtilega tónlist gerir þessa mynd að einni bestu hasarmynd sem hefur komið út.

Flottar tæknibrellur og söguþráðurinn er skemmtilegur, ásamt pælingunum á bakvið hana.





Alger skyldueign í DVD safnið.

Hvort velur þú bláu, eða rauðu pilluna?

Keanu Reeves leikur Thomas Anderson sem vinnur hjá stóru tölvu fyrirtæki og er einning þekktur sem tölvuhakkarinn Neo.Hann kynnist hóp sem kemur úr framtíðinni og halda því fram að hann sé the one sem getur bjargað framtíðinni.Neo kemst af því að við lifum ekki í raunveruleikanum heldur í tölvugerði eftirlíkingu raunveruleikans eins og Helgi Páll sagði.

Matrix er ein frægasta mynd nútímans og hefur hvarvetna fengið frábæra dóma og á þá alla sannarlega skilið.Þetta er virkilega góð mynd og inniheldur myrka framtíðarsýn og mikla heimspeki.Útlit myndarinnar er geðveikt, myrkt,hrátt og svalt.

Tæknibrellurnar eru með þeim bestu sem sést hefur í kvikmynd og fékk líka óskar fyrir þær.Myndin er með því svalsta sem gengur og gerist og myndin er bara frábærlega vel gerð.Leikstjórn Wachowski bræðranna mjög góð.Handritið er meistaralega skrifað.Keanu Reeves,Laurence Fishburne,Carrie Ann Moss og Hugo Weaving eru fín í aðalhlutverkunum en ekki meira en það.Aukaleikararnir eru þó verri.Weaving fer á kostum sem agent Smith.Helsti gallinn er sá að myndin er mjög langdreginFramhöld Matrix heita Matrix Reloaded og Matrix Revolutions eru ekta svona Hollywood stórmyndir,innihalda aðeins frábærar tæknibrellur og hasar og eru bara gerðar til að græða en þessi er öðruvísi hún er ekki bara sumar hasarmynd,hún hefur magnað handrit og góða leikstjórn og er bara virkilega góð kvikmynd.

Þegar er litið á heildina er Matrix mögnuð vísindaskáldsögu meistaraverk sem ég get mælt með fyrir þá sem hafa ennþá ekki séð hana.

Tímamótamynd hvað varðar tæknibrellur en það fannst mér ekki standa uppúr heldur var það sögusviðið og hugmyndin eða staðreyndin bakvið það að heilinn segir okkur bara hvað við skynjum. Og hægt að tengja heilan á manneskju við tölvur og halda manneskju í gerviumhverfi er ekki svo fjarstæðukennt. En handritið er mikil snilli og persónurnar ganga vel upp þó svo að Keanu Reeves sé ekki mikill leikari er hann fínn í hlutverki Neo. Mjög frumleg mynd og flott í alla staði veltir upp skemmtilegum pælingum. T.d. má geta þess til gamans að einn eða tveir heimspekingar(heilir á geði) telja að við búum í svokölluðum gerviheimi svipað og í Matrix, en nóg um það. Myndin heldur manni föstum allan tímann og gefur ekkert eftir. Hvað er annað hægt að segja, þessi mynd hefur allt.

Mynd sem hægt er að horfa á aftur og aftur og aftur.

Snilld. Bardagaatriðin, samtölin og leikararnir. Verst hvað framhöldin héldu illa við þessa mynd. Boðskapurinn er snilldarlegur.

Mr. Andersson = Hr.Mannsonur

Þarna eru bræðurnir búnir að finna leið til að féfletta sauðsvartan almúgann og Það svo að um munar. Þessar myndir (öll triologian) er náttúrulega snilld í sjálfu sér og allt saman grasalega vel gert, en það er gert til að græða pening og eiginlega ekkert annað. Þetta er í rauninni alveg stefnulaus mynd ef að maður hugsar um það. Þá er ég ekki að tala um baráttuna fyrir frelsinu í sjálfri myndinni: Heldur AF HVERJU?? Hvers vegna var verið að framleiða þessar myndir á annað borð?

Þarna eru búningar og framkoma persónanna í myndinni afar nýtískileg, á meðan umhverfið í tölvuheiminum er ansi ''gamaldags'' og hálf ruglinslegt. Þrátt fyrir að umjöllunin sé svona dökk hjá mér, gef ég henni fullan sparibauk.

ALGJÖR SNILLDAR MYND.


ATH EFTIRFARANDI ER SPOILER !!!


Myndi fjallar um tölfuguru að nafni Neo og einn daginn verður tölfuskjárinn hans allur svartur, svo byrtist einhver texti og í honum er sagt The matrix has you follow the white rabbit Svo kemur maður og ættlar að ná í einhvern tölfudisk og spyr hann í leiðinni hvort að hann vilji koma út hann afþakkar í fyrstu en sér svo að stelpan sem er með kallinum er með tattú af hvítri kanínu. Svo hann fer með kallinum. svo hittir hann konu að nafni Trinity sem fylgir honum til manns að nafni Morfeus. Og Morfeus biður hann að velja bláu eða rauðu pilluna. Ef hann velur bláu pilluna þá vaknar hann í rúminu sínu og má trúa hverju sem hann vill trúa. Ef hann velur rauðu pilluna þá heldur hann áframm og fær að vita hvað The matrix er...

The Matrix, guðdómleg, heimspekileg, hugfræðin bakvið hana er stórkostleg blanda af mörgum hlutum og fræðum. Heimspekin á sér rætur í öðrum kvikmyndum, anime þáttum og heimspekingum sem efa raunveruleikann sem við skilgreinum. Myndin sjálf er ein sú albesta í flokki vísindaskáldsaga og heimspekikvikmynda í sögunni. Andy og Larry Wachowski skrifa handrit sem er nær fullkomnun og leikstýra þessari mynd eins og dýrlingar. Það þarf ekki að blanda sig í söguþráð myndarinnar núna fyrir utan það að myndin gengur út á brenglun raunveruleikans og hvað Fylkið (Matrix) er. Sjónbrellur myndarinnar voru framúrskarandi árið 1999 og voru hreint rosalegar, en það sem góðar kvikmyndir gera er að sagan gengur yfir brellurnar. Það er mjög auðvelt fyrir sjónbrellur að yfirtaka söguna og gera atriðin leiðinleg en sjónbrellurnar í Matrix hjálpa sögunni helmikið og gera hana spennandi og magnaðslega drungalega á pörtum. Leikurinn er þvílíkt góður hjá sumum, eins og Laurence Fishburne, Hugo Weaving og Joe Pantoliano. En ekki alveg eins góður hjá Keanu Reeves og Carrie-Anne Moss samt alveg ásættanlegur. Bardaga-atrðin eru snilld. Og líka þvílíkt fyndnir stundum. Húmor er bætt inn í bardagana sem var frábær blanda. Tónlistin var líka mjög góð, teknó og kvikmyndatónlistin. Það er óhætt að segja að Matrix sé þvílíkt góð í alla staði. Myndin komst nú í mín top sæti yfir bestu myndir allra tíma. Svo voru nú framhöldin Matrix Reloaded og Revolutions sem voru góðar en ekki nærru því eins góðar og þessi. Svo má benda til þess að myndin bendir til ýmissa bóka eins og Through the Looking Glass og Ghost in the shell sem er anime teiknimynd. Matrix er ekki 100% frumgerð en blandan af bardögum, sjónbrellna og góðra peróna gerir hana einstaka. Hugo Weaving er náttúrulega snillingur sem Agent Smith.

Snilldarmynd og ein besta mynd tíunda áratugsins. Tölvuséninn Neo (Keanu Reeves,Hardball,Matrix Reloaded,Matrix Revolution)uppgvötvar að heimurinn er einn allsherjar sýndarveruleiki og gengur í lið við hóp fólks sem berjast gegn þessu í tölvukerfi sem heitir 'The Matrix'. Tölvuforrit sem heitir Smith lifir í Matrix kerfinu og það þarf að eiða forritinu en Smith er bara sterkur bardagalista gaur í jakkafötum. Ég nenni ekki að útskýra söguþráðinn því hann er allt of langur og flókinn og ég skil þá ekki einu sinni hvað ég er að skrifa en annars snilldarmynd fyrir alla kvikmyndaáhugamenn.

Matrix er mesta rugl sem ég hef á ævinni séð.

Hún er ekki slöpp heldur er hún frábær.

Wachowski bræðurnir(Assasins)leikstýra þessari mynd.

Thomas Anderson er tölvukarl og flokkast undir öðru nafni sem tövluhakkari að nafni Neo.

Þegar the one dó þá var Neo the one.The One er sá sem getur bjargað ekta heiminum.

Vondukarlarnir er vírusar,eða bara sólglerugnar karlarnir sem þið mundið sjá í myndinni.

Morpheus er Maður sem hefur leitað að hinn eina sanna alla sína ævi.

Loks finnur hann sanna og ætlar að vinna með honum.

Keeanu Reeves er frábær Neo og sömuleiðis Joe Pantilinio,Hugo Weawing og Larence Fishburne.

Og ég gleymi ekki Carrie-An ne Moss er leikur Trinity alveg ágætlega.

Þessi mynd er góð og Tæknibrellurnar eru það lang besta við myndinna.

Dæmið sjálf og endilega takið þessa mynd á leigu.

Eftir að ég varð þeirrar ánægju aðnjótandi að sjá þessa stórmynd á sínum tíma, var ég orðlaus, gáttuð, hrædd, spennt og himinlifandi yfir að sjá bestu mynd sem ég hafði á ævinni séð. Engin mynd hefur toppað hana og ég á erfitt með að trúa að svo verði. Ég skil ekki þá sem fíla hana ekki, hef ekki hitt neinn slíkan ennþá en það eru alltaf einhverjir. Ég lifði mig svakalega inn í hana. Auk þess var mikið rætt um hana í sálfræðitímum á fjölbraut og það voru mjög skemmtilegar og áhugaverðar, heimspekilegar umræður! Hvað ef... ?! Ég sé ekki ástæðu til að rekja söguþráðinn, en deili því hér með lesendum að The Matrix er besta mynd sem ég hef séð. Seinni myndin gaf henni nokkuð eftir, en ef til vill var það einungis vegna þess hve öðruvísi og áhrifamikil þessi var. Ég get ekki beðið eftir þeirri þriðju.

Braut blað í kvikmyndasögunni, Keanu sannar sig loksins sem alvöru leikari, ég hef alltaf haldið því fram að Keanu sé góður leikari sérstaklega eftir Point Break sem er algjör snilld

Þetta er án efa langbesta mynd sem nokkurntíman hefur verið gerð, sérstaklega með tilliti til handritsins. Margir hafa sagt að handritið sé kjaftæði, en það er KJAFTÆÐI. Ég reyndar komst ekki að því að handritið væri EKKI kjaftæði fyrr en ég var búinn að horfa á myndina tvisvar. En eftir að hafa uppgötvað svo seinna meir að sagan bak við þetta allt kemur frá þekktustu heimspekingum sem uppi hafa verið, þá er ég að meina Plato sem setti fram frummyndakenninguna sem mun vera ein sú virtasta meðal heimspekinga. Söguþráðurinn í þessari mynd stenst gersamlega miðað við þá kenningu. Og ég vill bara segja áður en ég held áfram að Wachowski bræður eru bara snillingar. Nokkrir hafa gefið þessari mynd nokkuð slæma dóma, þám að setja út á leikinn sem er hreint stórkostlegur að mínu mati. En það er svo skrítið að akkúrat þeir sömu og gagnrýna leikinn finnst sagan vera fáránleg. Til að geta dæmt um leikinn hjá leikurunum þarf maður að skilja þessa mynd, og það getur verið erftitt....ég tala af reynslu. jú ég get alveg sagt það að eftir að hafa horft á hana í fyrsta skipti fannst mér þessi mynd ekkert hafa skilið eftir og jú mér fannst leikurinn lélegur og handritið og sagan fannst mér ALGJÖRT kjaftæði. En eins skrítið og það er að þá horfði ég á þessa mynd fyrir vin minn, vegna aðdáunar hans á myndinni. Eftir það fór ég að skilja aðeins meira en 4 stjörnur voru nú samt ekki í húfi eftir 2.sýninguna. Eftir 3. skiptið sem ég horfði á myndina þá fannst mér þetta með betri myndum sem ég hef séð. Núna, eftir að hafa horftá hana ca 7 sinnum þá myndi ég gefa henni 10 stjörnur ef það væri mögulegt.

Get ekki beðið eftir næstu mynd.

The Matrix er ljómandi fín hasarmynd með dæmigerðum science fiction keim. Keanu Reeves er í einu af sínum betri hlutverkum og Laurence Fishburne túlkar einstaklega vel dimman og drungalegan karakter. Myndin er ekkert meistaraverk en flott útlit og ýmsar skemmtilegar pælingar láta myndina verðskulda tvær og hálfa stjörnu. Og mjög nálægt þremur.

The Matrix er tvímælalaust með allra bestu myndum sem ég hef séð. Hún er náttúrulega fyrir það fyrsta ofurflott. Hún inniheldur líka stórleikara á borð við Laurence Fishburne og Keanu Reeves og með þessari mynd stökk hin ofursvala Carrie-Anne Moss upp á stjörnuhimininn. Myndin kemur með ferska strauma með sér inn í kvikmyndaheiminn, gríðarspennandi og margslunginn söguþráð sem kemst ekki hjá því að vekja mann til smá umhugsunar um framtíðina og heiminn sem við lifum í. Mynd sem ég get óhikað mælt með fyrir alla.

Þetta er ein uppáhalds myndin mín. Það er allt flott í henni tæknibrellurnar,slagsmála og byssuatriðin,hljóðið og bara myndin öll. Snilld.

Ég sá þesa mynd í bíó og eina sem ég hef að segja um hana er VÁ! tæknibrellurnar eru hreint með ólíkindum og bara hugmyndin bak við þessa mynd fær mann til að hugsa sig tvisar um! Keanu Reaves er frábær sem Neo og Laurence Fishburne er geðveikur sem Morpheus, það er allt gott við þessa mynd, það er nóg af hasar í henni og ég mæli tvímænalaust með þessari mynd!Fjórar stjörnur!!!

Þetta er ógeðslega flott mynd, Keanu Reeves og Laurence Fishburne eru frábærir, ótrúlegar flottar tæknibrellur skemmtilegur hasar. Þetta er lang besta mynd með Keanu Reeves. Hún er skemmtileg og er ein af bestu myndunum sem ég hef séð og ef að það kemur framhald af þessari mynd bíð ég spenntur og ætla pottþétt að fara á hana í bíó. Þessi mynd á að fá óskarinn fyrir handritið og leikarann. Það er frábær söguþráður og ótrúlega vel leikið hjá öllum sem leika stórt hlutverk í þessari mynd. Ef eitthver er ekki búin að sjá myndina þá er hún ómissandi fyrir fólk sem vilja sjá flottar tæknibrellur og góða spennumynd.

Hrein snilld! Það er langt síðan ég hef farið í bíó og verið þannig að ég hef ekki getað litið af skjánum. Þessi mynd var byltingarkennt í sögunni og einkennast nánast allar bardaga myndir af henni í dag. Allt í þessari mynd er frábært, sama hvað þú skoðar, leikurinn er mjög góður, já, jafnvel hjá honum Reeves, saga, brellur ... allt saman! Snilld út í gegn... Ein besta mynd sem ég hef séð.

Þessari mynd var ég búinn að bíða eftir að sjá í langan tíma en svo er þetta ekki eins geðveik mynd og ég bjóst við. Hún fjallar um Neo sem er tölvuhakkari og lifir tvem lífum. Hann þarf að bjarga heiminum. Laurence Fishburne er alveg þokkalega góður í myndinni og sömuleiðis Joe Pantoliano (sem þið getið séð næst í Memento). En tæknibrellurnar eru flottar í myndinni.

Þessi mynd er alveg stórkostleg. Hún byrjar í nútímanum en eftir því sem myndinni leiðir þá er hún í framtíðinni. Keanu Revees leikur alveg frábærlega ásamt öllum hinum leikurunum. Gott sögusvið, flott músík og krafturinn mikill. Þessi mynd er mjög skemmtileg enda sjálf dálítið öðruvísi en þegar maður horfir á hana skiptir það engu máli. Þessa mynd fatta sumir ekki í fyrsta sinn en það er bara betra því þá er hægt að horfa á hana aftur. Stórkostleg mynd!!!

Þetta er ein frábærasta mynd sem ég hef séð! Góðar tæknibrellur, klippingar og bardagar! Maður fer mikið að pæla eftir að hafa séð þessa mynd! Sjálf á ég hana!

FRÁBÆR mynd, geðveikar tæknibrellur og vel leikin. Ég mæli með Matrix og ef ég gæti gefið hærri einkun myndi ég gera það. Þið verðið að sjá hana ef þið hafið ekki séð hana.

Matrix er tvímælanlaust ein besta mynd sem ég hef nokkurn tíman séð. Eitt besta handrit sem ég veit um, geðveikar tæknibrellur og í alla staði mjög góð mynd.

Þessi mynd á skilið Óskar fyrir handrit og klippingu því hún er mjög frumleg og klippingin er frábær. Ein lang besta mynd sem ég hef séð og ég bíð spenntur eftir framhaldinu.

Ég hef ekkert að sega um þessa mynd nema að hún er þokkalega góð!!!

Hreint sprengjumögnuð mynd sem er tvímælalaust ein af bestu kvikmyndum ársins 1999. "The MATRIX" er eftir þá bræður Andy og Larry Wachowski og sannar það sem allir sem séð hafa fyrri mynd þeirra, Bound, vissu fyrir: Að þeir eru án nokkurs vafa kvikmyndagerðarmenn framtíðarinnar. "The Matrix" skartar sérlega óvenjulegum söguþræði sem gerir það m.a. að verkum að flestir verða að sjá hana oftar en einu sinni. Hún inniheldur auk þess hreint óviðjafnanlegar kvikmyndabrellur sem margar hverjar eru að öllu leyti uppfinning þeirra bræðra. "The Matrix" gerist einhvern tíma í framtíðinni og við kynnumst fyrst tölvuséníinu Neo "Keanu Reeves" sem lifir að því er virðist "og hann virðist halda" ósköp venjulegu og einkar viðburðasnauðu lífi. Það á hins vegar eftir að breytast hressilega á næstu klukkustundum þegar hann fer skyndilega að heyra rödd innan úr höfðinu á sér sem gefur honum fyrirmæli um að flýja frá dularfullum svartklæddum mönnum sem koma á vinnustað hans. Neo veit ekkert "frekar en áhorfendur?" hvað er að gerast, hvort hann eigi að láta mennina hafa af sér tal, hlýða röddinni í höfði sínu, eða hvort hann sé einfaldlega að tapa vitglórunni. Hann ákveður að lokum að hlýða því sem röddin segir honum að gera, enda heldur hún því fram að falli hann í hendur svartklæddu mannanna sé honum dauðinn vís. Á því vill Neo ekki taka séns! En hvað er að gerast? Hver á þessa rödd sem skipar honum fyrir verkum? Og hverjir eru hinir svartklæddu? Til að skemma ekki fyrir þeim sem ekki hafa séð myndina verður frekari framvinda myndarinnar ekki tíunduð. En sjón er hinsvegar sögu ríkari - í þessu tilfelli ríkari en orð fá lýst! Ómætstæðilegt tæknibrellumeistaraverk sem er hiklaust fjögurra stjarna virði, hiklaust

Frábær mynd með geðveikum tæknibrellum og góðum söguþræði, plottið er einstaklega flott og bara góð mynd í alla staði.

Þetta tel ég að sé einhver sú besta mynd með Keanu Reeves sem ég hef séð. Reyndar var Speed líka góð á sínum tíma. En þessi mynd kom mér sjálfum virkilega á óvart, þvílík snilld. Sem dæmi um tæknibrelllur; allt þyrluatriðið, byssuatriðið við verðina og margt, margt fleira. Ég hvet alla sem hafa smekk fyrir góðum leik og ekki síst, yfirgengilega flottum tæknibrellum að sjá þessa mynd.

Ein skuggalegasta þvæla sem ég hef horft á. Söguþráðurinn er hvorki fugl né fiskur, heldur þvílíkt bull. Fólk svífur í lausu lofti og stöðvar byssukúlur með berum höndum. Þessi mynd á að gerast í framtíðinni en ég tel ansi hæpið að framtíðin verði svona einkennileg. Myndin fær eina stjörnu fyrir tæknibrellur og þokkalegan leik þó ekki fái neinn Óskarinn hér.

Þetta er besta spennu- og vísindaskáldskaparmynd sem nokkurn tíman hefur verið gerð.Laurence Fishburn er frábær sem Morfeus, The Matrix ætti að fá óskar fyrir kvikmyndatöku. FRÁBÆR MYND!

Það sem kemur kannski mest á óvart við The Matrix er það að aldrei þessu vant er Keanu Reeves ekki óþolandi. Myndin er hins vegar ekki hafin að neinu marki yfir aðrar Hollywood formúlumyndir, nema síður sé, en hins vegar eru gerðar heiðarlegar tilraunir til að hylja þá staðreynd. Kannski er ekki verra að innleiða smá heimspekilega hugsun í fólk í gegnum vinsælasta afþreyingarmiðilinn, en aftur á móti eru þetta alls ekki nýjar hugmyndir þó mörgum kunni að virðast það. Það sem ber myndina helst uppi eru fáein mögnuð atriði sem eru snilldarlega útfærð, en þau nægja því miður ekki til að hífa myndina upp fyrir 2 stjörnur. Myndin fær sem sagt Hollywood stimpilinn "Fín afþreying". Meira en það er hún nú ekki.

Ég vil byrja á að biðja væntanlega lesendur, ef einhverjir verða, um að hætta að vera lesendur ef þeir hafa ekki séð umrædda ræmu. Að mínu mati ofmetnasta myndin í ár. Ágætis afþreying en eiginlega ekkert meira. Tæknibrellur og myndataka eins og lang best verður á kosið og Joe Pantoliano frábær eins og alltaf. En svo er hin sígilda spurning "En Fróði, til hvers?". Mönnum haldið sofandi í tölvustýrðum draumaheimi sem er eiginlega eftir 200 ár og allt er tölvuforrit - af hverju? Söguþráðurinn er almesta della sem ég hef séð og slær meira að segja Armageddon út hvað varðar skort á handriti. En tökur og brellur og byssubrjálæðið er samt svo ljómandi flott að ég splæsi tveim og hálfri stjörnu.

Þetta er einfaldlega besta mynd sem ég hef séð í langan tíma (jafnvel betri en Star Wars) og svo sannarlega langbesta mynd ársins. Hún er svo yndislega laus við allt klisjukjaftæði og fer lengra en bara þetta venjulega "góðar tæknibrellur en léleg saga" því handritið er náttúrulega mikilvægasti parturinn í myndinni, jafnvel þótt að tæknibrellurnar séu alveg ótrúlegar,og hasarinn alveg ótrúlega flottur,og spennan sé alveg ótrúlega mikil, þá er bara svo mikið af góðum setningum í þessari mynd sem gerir hana svo miklu minnistæðari en flestar myndir.

Ég þurfti ekki annað en að sjá auglýsinguna fyrir þessa mynd til að fatta að þetta hlýtur að vera mögnuð mynd. Og auðvitað er hún það. Góð persónusköpun, frábær söguþráður, mjög áhugavert viðfangsefni (nokkuð sem aldrei hefur áður sést) og flottustu brellur sem ég hef nokkurn tímann séð. Farið og sjáið The Matrix, helst tvisvar í bíó því hún er það góð, samt er tólf sinnum einum of mikið af því góða.

Þessi mynd er án efa sú svakalegasta sem gerð hefur verið. Ekki bara er hún flott á að líta, heldur einnig skemmtileg fyrir heilann; ein af fáum nútíma hasarmyndum sem lætur mann hugsa eitthvað. En það skiptir engu því þessi mynd er svo FLOTT! Keanu Reeves fær uppreisn æru í frábærri rullu og Laurence Fishburne er skemmtilega dularfullur sem Morpheus, en það eru súpermódelið Carrie-Ann Moss sem Trinity og ástralski leikarinn Hugo Weaving sem Agent Smith sem stela þessari mynd frá aðalleikurunum. Klapp til Wachowski bræðranna og farið núna að sjá flottustu mynd kvikmyndasögunnar!

Ég hef bara aldrei séð neitt þessu líkt. Frá upphafi til enda var ég stífur í sætinu úr spennu. Til þess að hafa gaman af þessari mynd þarf maður að fylgjast með frá upphafi og skilja það sem er að gerast. Ekki sakar að hafa einhverntíman farið á IRCið -) Myndin er ótrúlega vel leikin, söguþráðurinn kemur virkilega á óvart og tæknibrellurnar eru alveg svakalegar. Ég á hreint út sagt ekki til orð yfir þessu. Ef þú hefur ekki farið á hana skaltu skella þér á hana á meðan hún er í bíó.

Neo (Keanu Reeves) er tölvuforritari hjá stóru fyrirtæki en lifir einnig lífi eitursnjalls tölvuþrjóts. Honum hefur alltaf fundist að ekki sé allt með felldu í lífi hans og að eitthvað sé að veröldinni sem hann lifi í. Allt í einu fær hann boð frá hinni dularfullu skuggaveru Morpheus (Laurence Fishburne) sem segir honum að koma að hitta sig. Neo gerir það og veit að það eru einnig aðrir dularfullir aðilar á eftir honum sem líta út fyrir að vera frá leyniþjónustunni eða einhverri álíka ríkisstofnun. Morpheus segir honum að hann geti haldið áfram að vera í The Matrix sem sé sú veröld sem hann hefur alltaf lifað í eða að hann geti orðið frjáls maður eins og hann sjálfur er. Hann velur leið Morpheusar og þá byrja óútskýranlegir atburðir að gerast. Ég ætla ekki að segja neitt meira um söguþráðinn til þess að spilla ekki fjörinu fyrir þeim sem eiga eftir að fara á myndina. En handrit þessarar myndar er eitt það skotheldasta og útpældasta sem hefur komið í langan tíma. Það er þess vegna sem þessi mynd gengur upp. Hún hefði getað orðið enn eitt innantómt tæknibrelluundrið en hún er svo mikið meira en það. Wachowski-bræðurnir sem hafa áður gert myndina Bound eru fagmenn fram í fingurgóma og þeir sýna það hér með styrkri og hugmyndaríkri leikstjórn. Leikararnir fara vel með sitt. Keanu Reeves er ekki mikill leikari en hann þarf ekki að tala svo mikið svo hann kemst vel frá sínu. Laurence Fishburne er hins vegar frábær leikari og stelur hann hverri einustu senu sem hann er í. Brellurnar eru sennilega þær mögnuðustu sem hafa birst á hvíta tjaldinu og hasaratriðin eru hreint og beint stórfengleg. The Matrix er sennilega ein af bestu sumarmyndum ársins og er frábær og mjög útpæld spennumynd. Og það er engin gervispenna í henni. Gerið þið sjálfum ykkur greiða-farið á hana.

Meiriháttar vel heppnuð blanda af vísindaskáldskap, spennu og hasar. Myndin byggir á þeirri grunnhugmynd að við lifum ekki í raunveruleikanum heldur tölvugerðri eftirlíkingu af raunveruleikanum. Þessi hugmynd er síðan útfærð og útvíkkuð meistaralega vel og útkoman er einn sá traustasti söguþráður sem hefur sést á hvíta tjaldinu um nokkurt skeið. Aðalpersóna myndarinnar er Neo (Keanu Reeves), tölvuforritari nokkur sem hefur alltaf haft sterklega á tilfinningunni að það sé eitthvað ekki með felldu í heiminum sem hann býr í. Dag einn hefur hinn dularfulli Morpheus (Laurence Fishburn) samband við hann og býðst til þess að leiða hann í allan sannleikan um hvað Matrix (eða Fylkið.. hljómar ekki eins ógnvekjandi á íslensku hmmm?) sé - en varar hann við að það muni breyta lífi hans að eilífu. Þetta setur af stað hraða og spennandi atburðarás sem heldur manni í spennu út alla myndina. Söguþráðurinn er margbrotinn og er kryddaður með nóg af áhugaverðum aukapersónum og smáatriðum varðandi heiminn sem myndin gerist til að halda athygli áhorfenda alveg út í gegn. Að mínu mati er þetta skólabókardæmi um góða, trausta kvikmyndagerð. Wachowski bræðurnir, sem leikstýra myndinni og skrifuðu handritið, gerðu áður hina vanmetnu mynd Bound og mátti þar strax sjá að hér væri á ferð mikið hæfileikafólk. Tvímælanlaust besta sumarmyndin og hugsanlega besta myndin í ár.